Cibiyar Wallafa Ayyukan Shaikh Zakzaky

Cibiyar Wallafa Ayyukan Shaikh Zakzaky Shafin Cibiyar Wallafa Da Yada Ayyukan Shaikh Ibraheem Zakzaky (H)

“Whenever we are saying Islam, we are saying it because we believed that it's only Islam that can unify the people, and ...
15/10/2025

“Whenever we are saying Islam, we are saying it because we believed that it's only Islam that can unify the people, and it's only Islam that can provide justice”.

— Leader Shaikh Ibraheem Zakzaky (H) during an interview with PRESS TV on October 14th, 2025, at his residence in Abuja.

— Cibiyar Wallafa Ayyukan Shaikh Zakzaky


“Da yake akwai masu Tunani daban daban a Hauzozi, a yi karatun kawai. Luga ne, ya iya Luga, ya koya maka Luga. Fiqihu ne...
15/10/2025

“Da yake akwai masu Tunani daban daban a Hauzozi, a yi karatun kawai. Luga ne, ya iya Luga, ya koya maka Luga. Fiqihu ne ya iya, ya koyar. Usul ne ya iya, ya koyar. Amma ra’ayinka daban nasa daban, ya rike ra’ayinsa ka rike naka. Allahumma sai dai in ra’ayin naku iri daya ne, amma ba ka je ne a canza maka tunani ba. Yana da muhimmanci ka san diban karatun za ka yi don ka amfana, wani ya amfana da kai.”

— Jagora Sayyid Ibraheem Zakzaky (H) a yayin ganawa da Daliban Hauzah Ilmiyyah a ranar 20/Rabi'u Thani/1447 (14/10/2025) a gidansa da ke Abuja.

— Cibiyar Wallafa Ayyukan Shaikh Zakzaky


DALIBAN HAUZAH ILMIYYA SUN ZIYARCI JAGORA (H)Daga Ofishin Sayyid Ibraheem Zakzaky (H)‘Yan uwa daliban Hauzah Ilmiyyah, d...
15/10/2025

DALIBAN HAUZAH ILMIYYA SUN ZIYARCI JAGORA (H)

Daga Ofishin Sayyid Ibraheem Zakzaky (H)

‘Yan uwa daliban Hauzah Ilmiyyah, daga kasashen Iran, Iraq, Lebanon, Nijar da Mali sun gana da Jagora Shaikh Ibraheem Zakzaky (H) a gidansa da ke Abuja, a yammacin Litini, 20 ga Rabi’ul Thani, 1447 (14/10/2025).

Da yake jawabi ga maziyartan, Jagoran ya bayyana manufar ganawar, inda ya ce, don a tunatar da juna ne akan muhimmancin abinda s**a saka a gaba, ta yadda su kansu za su daura damara su dauki karatun da muhimmanci. “Ku san cewa kuna yin wannan (karatun) ne a matsayin sadaukarwa a madadin dukkanin al’umma.”

Jagora ya tunatar da su muhimmancin tsayuwa da karantar da mutane ilimi, ba kawai wa’azi irin yadda yanzu ake yayin masu wa’azi daban-daban a kasar nan suna yi a sigar hayaniya ba. Yace: “A zauna a yi karatu, a dauko littafi daga bango zuwa bango a karanta kowace kalma sanka-sanka a bi ta da bayani a wuce a sauke, sannan a dauko wani a sake sawa daga bango zuwa bango.”

Shaikh Zakzaky ya bayyana musu cewa, yana da kyau yin ma mutanen gari wa’azi. “Wa’azin da zai iya hada kan al’umma da fahimtar al’umma Musulmi a matsayin abu guda, wannan yana da kyau, ba wanda zai rarraba su ba.” Ya jaddada cewa: “ Amma karantarwa shi ne ‘ahammus shay’i.”

Jagoya ya ce, mutum ba zai karantar da ilimi ba, har sai in ya yi karatu, shi kuma karatun ana sadaukarwa ne a dauki lokaci a yi shi. Inda ya bukaci da su zama misalin kendir, wanda yake kona kansa don ya haska waje. “Abinda ya kamata ma’abota karatu su kasance kenan, su kona kansu don wasu su samu hasken ilimi.”

Ya kuma jaddada musu hadafin karatun a matsayin karatu don a karantar, inda ya ba da misali da yadda Malaman Zaure a kasar Hausa kan sadaukar su yi karatu mai zurfi don su karantar da sauran al’umma.

Jagora ya gargadi daliban ilimin akan tsayawa kyam akan tafarkin addini, ba tare da karkata ga azzalumai ba. Ya ce: “Abinda (wasu) suke ta kokarin su nuna mana shi ne, a zauna lafiya da hukuma. Mu ba mu ce ba za mu zauna lafiya da hukuma ba, amma a wane unwanin? A unwanin muna yaransu? Haihata! Haihata minnaz zilla! Haihata!”

Ya bayyana cewa, amma idan zama lafiya da su din a muna matsayin daidai da su ne, suna ganin mu ma ‘entity’ ne, suna bukatarmu, har suna neman abu a wajenmu, to Masha Allah, ka ga cigaba ne wannan. “Amma ka je a wulakance, kamar masu zuwa rarakan nan, har da cewa wai su ba a san da su ba, ba a yi da su, alhali suna da yawa suna da kaza, amma ba a wakiltansu…. To kaskanci ne wannan.”

Shaikh Zakzaky ya ce, abinda yanzu ake ta kitsa ma mutane kenan, su zauna lafiya da azzalumai. “Ban ki ba, idan mutum ya ga shi yanzu ba zai iya tsayawa kyam ya yi gwagwarmaya ba, ya koma waje daya ya ce koyarwa zan yi. Ba zan zarge shi ba.”

Ya ce: “Amma ya koyar din ne kawai, kada ya bude bakinsa ya ce masu gwagwarmaya laifi suke yi. Tunda shi ba zai iya ba, ya ja bakinsa ya tsuke, ya shiga lungu ya koyar. Ba zai iya wannan ba? To ya yi wannan din, amma kar ya zo ya ce, wadannan da suke wannan abin su bari.”

Ya kara da cewa: “Kowa ya yi nasa. Sadaukarwa ne, in ba za ka sadaukar ba, wani zai yi. An fahimta ai.”

Jagora ya ce, masu ganin cewa zama da mahukunta lafiya shi ne ‘aula’. Sai in ce, da haka nan ne, da Imam Husaini (AS) ya zauna lafiya da Yazidu, da ba a cire masa kai ba. Kuma na san ba za ka fi shi ganin maslahar al’ummar nan ba. Yace: “Yanzu irin wannan da’awar, su suna ganin kamar mu ne muke jefa kanmu a cikin wahala, mu muka ja ma kanmu.”

Don haka ya jaddada kira ga daliban ilimin akan lallai su san hadafin da ya kai su karatun. Wanda yace, hakan muhimmin abu ne. Ya yi musu nasiha akan su tsayu da karban karatu ne daga Malaman da suke karatu a wajajensu, amma su bar musu Fikirorinsu matukar ba ya dace da Fikirar da suke kai ne ba. “Da yake akwai masu Tunani daban daban a Hauzozi, a yi karatun kawai. Luga ne, ya iya Luga, ya koya maka Luga. Fiqihu ne ya iya, ya koyar. Usul ne ya iya, ya koyar. Amma ra’ayinka daban nasa daban, ya rike ra’ayinsa ka rike naka. Allahumma sai dai in ra’ayin naku iri daya ne, amma ba ka je ne a canza maka tunani ba. Yana da muhimmanci ka san diban karatun za ka yi don ka amfana, wani ya amfana da kai.” Ya jaddada.





14/10/2025

Saƙon Juma'a🌹Nasiha:“To, akwai kuma yanzu wadanda s**a dauka ma kansu zagi na fitan arziki. To, ina kira ga ‘yan uwa da ...
10/10/2025

Saƙon Juma'a🌹

Nasiha:

“To, akwai kuma yanzu wadanda s**a dauka ma kansu zagi na fitan arziki. To, ina kira ga ‘yan uwa da kar a mai da zagi da zagi, in mutum ya zage ka ka kyale shi. Yanzu da yake zamanin 'social media' ana ta zage-zage a 'social media', to ina kira ga ‘yan uwa a daina zagi a 'social media', har sai ya zama in mun ga wani ya yi zagi mun san cewa ba a cikinmu yake ba. Ya zama mu ba dabi’armu ce mu yi zagi ba. Ba a zagi, an fahimta ai. Ba a zagi.

“Akwai (Umayyawa), sun sabbaba, sun mai she da zagin Amirulmuminin (AS) Sunnah, tun yana da rai. Yana daga sharuddan da Imam Hasan (AS) ya shardantawa Mu’awiyya cewa, a daina zagin Imam Ali (AS), kuma ya yarda. Amma kuma daga baya aka dawo aka cigaba da zagin. Aka mai da zagin kamar addini. Amma duk da haka (Shi’ar Ahlulbait) ba mai da martani s**a yi da zagin ba.

“An ce ma, Amirulmuminin (AS) da kansa lokacin da ya shiga birnin Basra, wata mata ta zazzage shi a gabansa. Sai aka ji karan takobi ya fito cikin takobi, Malikul Ashtar ya zaro takobi shar. Sai Amirulmuminin ya ce masa, me za ka yi? Sai ya ce, Ya Amirulmuminina baka ji abin da take fada bane? Sai ya ce, ai zagina ta yi, shi kuma zagi ana ramawa da zagi ne ko a yafe, to na yafe mata. Sai dole Ashtar ya mai da takobin a kube.

“Kuma Imam Zainul Abidin (AS) ya taba cewa wani daga cikin mabiyansa, in ka ga mai zagin Imam Ali (AS) me za ka yi? Ya ce, in zan iya zan kwakwule masa idanu ne. Sai Imam ya ce masa, kar ka yi haka. Ni nakan ga mai zagin Imam Ali (AS) in yi masa sallama, in mika masa hannu mu gaisa. Haka s**a koyar da mu.

“Kuma Amirulumininin (AS) ya ji wasu daga cikin mabiyansa suna zagin Mu’awiyya da mutanensa, yace, A’a, ba zaginsu za ku yi ba, ku bayyana abubuwan da s**a yi ne wanda suke ba daidai ba, sai a fahimce su, amma ba zagi ba.

“Zagi ba dabi’ar mumini ba ne. An fahimta ai. Saboda haka muna so ya zama in mun ga mutum ya yi zagi, to mu san cewa ba a cikinmu yake ba.”

— Nasihar Jagora Shaikh Ibraheem Zakzaky (H) ga 'yan uwa a ranar Yaumu Shuhada na shekarar 1443/2022.






10/10/2025

NASIHA DAGA JAGORA (H) “To, sannan kuma, bayan da nace a je a yi aiki tare, kusan ko ina sai aka je Alhamdulillahi aka h...
10/10/2025

NASIHA DAGA JAGORA (H)

“To, sannan kuma, bayan da nace a je a yi aiki tare, kusan ko ina sai aka je Alhamdulillahi aka haɗu akai aiki tare. Amma a Kano sai muka ji sun kasu kashi biyu; wannan ya yi nasa daban, wannan ya yi nasa daban. Nan ne kawai muka samu wannan.

“Sai na ce, wannan al’amari da ban-mamakin gaske! Har idan ka ɗauki wani mutum, ka ɗauka shi Jagoranka ne, to kana ‘iltizami’ ne da abin da ya ce, hatta ko ba ka san hikimar abin da yace ɗin ba. In kuma ka fara ‘tawili’ (cewa), ai ba a san maganar da aka faɗa masa ba ya ce kaza. Haka wasu su ke cewa.

“Su ba su san cewa, shi fa Kurkuku, (wanda) na san wasunmu nan sun je Kurkuku, sun je sun ga yadda yake ko? Rijiya ce ake wurga mutum a rufe? (A'a). Shi wanda yake tsare, ya fi ka sanin abin da ya ke (faruwa a) waje, don shi kunnuwarsa a wajen suke, amma kai kana hidimarka ne kawai. Hatta ma’aikatansu sai sun shigo sai mu ba su labarin abin da ya faru. Saboda mu kunnuwarmu kullum a waje yake, muna bibiyan abin da ya ke faruwa. Saboda mu a tsare muke, mun ma fi ku sukuni na mu bibiyi abubuwan.

“Ba yana nufin cewa yanzu wai sai ya zama shi wannan mutumin da kuke ce masa Malam, kuke ce masa wai Jagora, kamar shi ma bai san abin da yake yi ba. Wa’iyazu Billahi. Wasu sai suna waɗansu maganganu, abin ya bani takaici. Amma dai shikenan, fitina dai wani lokaci ta kan riƙa ruruwa ne irin haka nan. Wani lokaci tana iya bajewa, wani lokaci kuma ta iya ruruwa, ba ma fatan ta ruru.

“Wasu fitintinu sun sha ƙoƙarin kunno kai, sai ya zama ba mu ma yi magana a kansu ba, amma sai su mutu ba tare da an yi magana ba. To ya fi dadi (hakan). Wani lokaci kuma s**an dinga ruruwa, su riƙa ruruwa, har su juya zuwa fitina babba, wanda ba mu son haka nan. Don fitinar ‘yan Tawayiyya haka ya riƙa ruruwa, daga ‘yan tsegunguma irin wannan ne, s**a riƙa yi, su dinga yi, da ya riƙa ruruwa, ya riƙa ruruwa, ko ta mutu, ko ta mutu ina, haba sai da ya yo waje ya ɓara, ya zama sanadiyyar tafiyar wasu. To ba mu fatan haka nan. Abin da muke fata shi ne, wannan maganar da aka yi aka ce a je a yi aiki a yafewa juna. Haka ya kamata a yi. A yi kuma saboda Allah.

“Ba ka yin addini don wane, ballantana ka ce wane ya munana min, sai ya bani haƙuri! In don shi kake yi to haka nan zai auku, in kuwa don Allah kake yi to ba ruwanka da wannan. Ka yi abinka don Allah, ladarka na wajen Allah. A ba makiya kunya. Su dama yanzu sun kunyata, amma kun san har yanzu suna da ‘hope’ (fata) ko? Da sun dan ji wata ‘yar fitina, yauwa, za su yi ƙoƙarin izata....

“Wani abin da nake so shi ne, mutane kar su yarda su tsunduma kansu a cikin abin da su ba taimakonsu zai yi ba, ko su dawo ƙarshe su yi nadama, ko kuma wa’iyazu billahi ya kwashe su ya yi gaba da su, kamar yadda waɗansu fitintinun da s**a auku baya s**a kwashe wasu (daga Harkar).

“Shi yasa musamman ku ‘yan Kano na ce, ya kamata ku zo ku in yi muku nasiha na musamman, da fatan Allah Ya sa a amfana. Don wani lokaci nakan ce, ita magana akan yi ta ne don a fita haƙƙi, amma da ana yi ta ceci mutane da ta ceci ‘yan Tawayiyya. Na yi musu maganar da tun da nake ban taɓa yi ba, sai da na yi awa bakwai ina magana a jere. Awa bakwai. Kuma rannan ina azumi, ko ruwa ban sha ba. Lokacin sai s**a yi likimo kamar komai ya yi daidai, sai s**a ce a yafe musu. Daga baya sai s**a dawo fitinar ta sake ruruwa, wai ba dole ne su yi addini da Malam ba. (Suna cewa) ai ba dole a yi addini da Malam ba. To shikenan, kun ga dai inda s**a koma ko? To, bamu fatan irin wannan. Don ita fitina in ta faru tana iya zama irin haka. Kuma tana iya yiwuwa ta mutu.”

– Ɓangaren Nasihar Jagora (H) yayin da yake ganawa da sashin wakilan 'yan uwa daga Kano a shekarar 2021 (1443H) a gidansa da ke Abuja.

Cibiyar Wallafa Ayyukan Shaikh Zakzaky


NUFIN MAƘIYA NA RABA MUSULMI DA ADDININSUDaga Jagora Shaikh Ibraheem Zakzaky (H)“To yanzu muna cikin wani yanayi da aini...
07/10/2025

NUFIN MAƘIYA NA RABA MUSULMI DA ADDININSU

Daga Jagora Shaikh Ibraheem Zakzaky (H)

“To yanzu muna cikin wani yanayi da ainihin maƙiya s**a ɗauka sun riga sun samu saiɗara a duniya, sun ɗauka kuma duniyar nan za su riƙa juya ta ne yadda ransu ya ga dama, su taka wanda suke so su murje, suna ganin kuma yanzu ba abin da za su iya illa su yi duk abin da yake barazana ne garesu a nan gaba, su tabbatar da cewa sun kawar da shi, don kar ya zama ya ɗago ya fi ƙarfinsu.

“In ku ka lura duk abin da suke ta faman yi kenan, duk abin da s**a ɗauka barazana ne garesu, to faɗa suke da shi sai sun kawar da shi. To kuma sun yi nazari ba abin da suke ganinsa a matsayin barazana in banda addinin Musulunci, kuma s**a ga su addinin Musulunci ɗin nan yana da waɗansu abubuwan da shi ba yadda za ka yi ka iya kawar da su don su zaunannun abubuwa ne. Kamar Alƙur'anin nan, saƙon Allah ɗin nan, wanda duk juyi ba yadda za a yi ka musanya shi, ko ka ƙara shi, ko ka rage shi, ba zai yiwu ba kawai.

“Saboda haka me za su yi wajen faɗa da Alƙur'ani sun san cewa ba ƙona Alƙur'ani ne faɗa da shi ba, ba taka shi ne ba, kodayake s**an yi, s**an yi ma bikin ƙonawa don su nuna, amma sun san ba shi ne zai kawar da shi ba. Ainhinin abin da zai iya cikarsu ga nasara in har ma za su iya yi dangane da Alƙur'ani shi ne; su sa mutane sun yarda da Alƙur'anin amma ba sa aiki da shi.

“Kamar yadda wani tsohon labari Na karanta, nakan bada wannan misalin na wani mai kira ya zuwa ga irin nasu addinin a Misra, da ya ce ainihin; duk yunƙurin da s**a yi don su maida Musulmi su shiga addininsu ya faskara, sai wani tsoho ya ce ai ba manufarsu shi ne su fidda Musulmi Musulunci su koma addininsu ba, manufarsu kawai su shiga tsakanin Musulmi da addinin ne, ya zama addinin yana nan amma baya yi, abin da ke gabansu kenan.

“To kuma haka ma an ce wani ɗan majalisa ma a Ingila ya taɓa ɗauka ya riƙe Alƙur'ani ya ce “ai gaskiyar magana shi ne ba za mu iya mallakar waɗannan mutane ba matuƙar suna riƙe da wannan littafin”, sai ya ɗaga Alƙur'ani, “matuƙar suna riƙe da wannan littafin”, to sai wani ɗan majalisar da ya ji haushi sai ya ɗauki wannan littafin ya buga da ƙasa ya taka, sai wannan ya ce masa “me ka yi?” Sai ya ce masa ai ya fara faɗa da wannan littafin ne, sai ya ce masa “ai wannan ba shi ne faɗa da wannan littafin ba, suna da su iri-iri gasu nan a hannuwansu, har ma suna hadda ce shi, don ka taka ba ka yi komai ba, babban abin da za a yi shi ne; suna da littafin amma ba su bi, a yi ƙoƙari a zama suna da littafin amma ba su bin littafin, shi ne abin da ke gabanmu”, wannan shi ne abin da ke gaban maƙiya, in ku ka lura kuma da su ka ga cewa kawar da mu a doron ƙasa da kisa fa ba zai yiwu ba, duk da suna kisan, kisan ba-ji-ba-gani, amma kuma dai suna ganin wata hanya guda ita ce su kurɗo ciki su shiga tsakaninmu da addinin”.

— Inji Jagora Shaikh Ibraheem Zakzaky (H) a yayin jawabin Maulidin Manzon Allah (S), ranar Juma'a 17 ga Rabi'ul Auwal 1446 a Abuja.

— Cibiyar Wallafa Ayyukan Shaikh Zakzaky




AL'UMMAR YANKIN UDAWA DA BIRNIN GWARI SUN ZIYARCI JAGORA (H)Daga Ofishin Sayyid Ibraheem Zakzaky (H) Da yammacin Lahadi ...
05/10/2025

AL'UMMAR YANKIN UDAWA DA BIRNIN GWARI SUN ZIYARCI JAGORA (H)

Daga Ofishin Sayyid Ibraheem Zakzaky (H)

Da yammacin Lahadi 12 ga Rabi'ul Thani, 1447 (5/10/2025) Jagora Shaikh Ibraheem Zakzaky (H) ya karbi baƙuncin al'umma daga garuruwan Udawa, Birnin Gwari, Shado da sauran garuruwan da ke yankin, a gidansa da ke Abuja.

Ziyarar, wadda ta haɗa da masu sarautan gargajiya daga yankin, Fastoci, da kuma ba'adin 'yan uwa Musulmi daga Da'irorin da ke kewayen, ta samu tarba daga Jagora (H), inda aka shafe kimanin awanni uku tana gudana.

Maziyartan sun baiwa Jagora (H) labarin halin da s**a tsinci kawukansu a yankin, na yadda aka tarwatsa su da sunan mahara, da irin bala'o'i da takura da s**a fuskanta a tsawon shekaru, wanda sai a tsakanin nan ne abubuwan s**a fara lafawa.

Da yake jawabi, Jagora Shaikh Ibraheem Zakzaky (H) ya bayyana musu makircin da ake nufi da wannan ta'addancin da ake gudanarwa a yankunan Arewan, da yadda aka fara kitsa abin tun farko har aka kai ga halin da ake ciki a yanzu. Inda ya tabbatar da cewa, ba komai yasa ake share garuruwan, tare da firgita al'ummar yankunan ba, face dukiyar da ke ƙarƙashin ƙafafun al'ummar yankunan.

Ya bayyana takaicinsa akan yadda maƙiyanmu s**a raba mu da sana'o'in da aka sanmu da su tun farko, irin su saƙa, ƙira da sauransu, sannan a yanzu kuma suke kokarin hana mu noma, da kiwo a kauyuka, da ma dakushe kasuwanci da sana'o'i a birane.

Shaikh Zakzaky ya bayyana yunkurin haɗa faɗa a tsakanin Hausawa da Fulani da ake a wannan lokacin, a matsayin shirin maƙiyanmu na ganin mun yaƙi junanmu da sunan ƙabilanci. Inda ya yi kira ga al'umma akan su guji yarda a haɗa su rigima da junansu da sunan ƙabila, yanki, addini, ko ma bambancin fahimtar addini. Yace: “Duk sadda ka ga rigima, to wanda ya haddasa ta shi ne kadai ke cin gajiyarta, banda masu yin rigimar.”

Jagora ya bayyana halin da ake ciki a matsayin yanayi mare daɗi, inda yace ba mu da wata mafita illa addu'a da komawa ga Allah Ta'ala. Yace, tabbas aminci zai zo watarana, zalunci bai taba dauwama ba, kamar yadda Allah Ta'ala Ya ce: "Inna ma'al usrin yusra." Haƙiƙa a tare da tsanani akwai sauƙi. Azzalumai za su ga jaza'i, kuma Allah Ta'ala zai saka ma waɗanda aka zalunta.

Jagora ya jaddada kira a gare su, akan yin riko da addu'oi Ma'athurai. Tare da addu'ar Allah Ya kawo mana sauƙi.




12/RabiuThani/1447
05/10/2025

JAGORA YA GANA DA WAKILAN 'MEDIA FORUM'Daga Ofishin Sayyid Ibraheem Zakzaky (H) Da yammacin Asabar 11 ga Rabi'ul Thani, ...
04/10/2025

JAGORA YA GANA DA WAKILAN 'MEDIA FORUM'

Daga Ofishin Sayyid Ibraheem Zakzaky (H)

Da yammacin Asabar 11 ga Rabi'ul Thani, 1447 (4/10/2025) Jagora, Shaikh Ibraheem Zakzaky (H) ya gana da wakilan bangaren 'Media Forum' na Harkar Musulunci a gidansa da ke Abuja.

A yayin ganawar, Jagora ya fara da bayani akan Media, da yadda ta riƙa bunƙasa, inda ya bayyana samuwar Social Media a matsayin cigaba a daidai wannan lokacin. Sai dai ya koka da yadda mutane ke amfani da shi ba bisa yadda ya dace ba, ta yadda ake ƙirƙira musu abin cecekuce su yi ta fama, maimakon su mai da hankali akan abin da ya fi amfani.

Shaikh Zakzaky ya ƙarfafi muhimmancin dawo da jaridar Turanci da ake da ita mai suna Pointer Express, wanda ya bayar da tarihin kafuwarta daga farko har zuwa lokacin da ta durkushe a karo na biyu. Ya kuma nuna muhimmancin karfafa isar da sako a shafukan sadarwa kamar Website, da shafukan sada zumunta, kamar Facebook, X (Twitter), Instagram da sauransu, musamman da yarukan Ingilishi, French da kuma in dama ya bayar har da Larabci da Farsi.

Jagora ya jaddada jan hankali akan yadda ya dace a rika yin raddi. Ya ce, in aka samu mutum ɗaya ya yi magana akan abu ya gamsar, to ya wadatar, ba sai kowa ya sa baki har a shagaltar da mu da wannan abin ba. Ya bayyana yadda wasu ke bude shafuka da sunan 'yan uwa su yi ta abinda bai kamata ba. Ya ce, ya kamata Media Forum su fahimci yadda za su magance shirin maƙiya.

Harwayau, ya bayyana dacewar Media Forum ta kwakkwafe 'yan uwa ta hanyar yin tsari, da irshadi zuwa ga abinda shi ne daidai. A nan ne ya yaba wa Tiktok Team, kan yadda suke isar da saƙo ta hanyar yayyanka jawabai suna ɗorawa a shafukan Tiktok, inda ya ja hankali akan a riƙa sanin daidai gaɓan magana, inda ya dace a fara, da inda za a datse magana a yayin yankowa.

Jagora (H) ya bayyana manufar Media Forum a matsayin samar da tsari mai kyau na isar da sako a cikin 'yan uwa na Harka Islamiyya, kuma saƙo ya isa zuwa ga al'umma. Inda ya lissafa wasu ayyuka daban-daban da ya dace Media Forum din su tsayu da shi.

A karshe, Jagora (H) ya ja hankali akan yin aiki saboda Allah. Ya ce, aiki tare ya gaji matsaloli, da kushe, da guna-guni. Yace: "Amma in kana yi saboda mutane ne sai ka fasa in ka ji s**a, in kuwa don Allah ka ke yi, sai ka cigaba da abinka.”

Bayan jawabin Jagora (H), an assasa kwamiti mai dauke da mutane takwas, a matsayin masu kula da lamarin Media Forum a matakin baiɗaya (Centrallly), inda s**a ayyana Ammar Muhammad Rajab a matsayin shugaban Kwamitin na Media Forum. An baiwa kwamitin dama, su tsara ayyuka, da ayyana masu gudanar da Lajanar ta Media Forum a bangarori daban-daban na sassan Harka gabaɗaya.






11/RabiuThani/1447
04/10/2025

Tunatarwa:“Al-muhim shi ne; mutum ya san inda ya sa gaba. Kamar mutum ne ya fito zai tafi wani wuri, in aka ce masa ina ...
02/10/2025

Tunatarwa:

“Al-muhim shi ne; mutum ya san inda ya sa gaba. Kamar mutum ne ya fito zai tafi wani wuri, in aka ce masa ina ka fito? Zai ce na fito gida ne. Ina zaka? Zai ce zani makaranta ne. Ka ga wannan ya san inda ya fito, ya san inda za shi. To kuma in ya fito makaranta za shi gida, ina ka fito? Na fito makaranta ne, ina zaka? Zani gida ne. To ka ga shi ya san abinda yake, in ya fito gida zai sayo wani abu a kasuwa, ina zaka? Zani kasuwa, me zaka yi? Zan sayo abu kaza ne.

“To haka rayuwa take: ka san ka fito daga Allah ne, Allah ne Ya yi ka, ya ɗora ka a doron kasa, kuma ka san za ka koma gare Shi ne, meye komawa gare Shi? Wata rana zaka mutu, in an mutun nan ba karshen rayuwa ba kenan, za a taso ka ka yi wata rayuwa ta daban, wannan rayuwar akwai Aljanna akwai wuta.

“To ina ka fito? Daga Allah ka fito. Ina zaka? Za ka koma gare Shi ne. To wane irin komawa gare Shi? Komawa yana nufin kyakkyawan komawa, ta inda za ka je a karbe ka ace ka yi abinda Allah Ya ce ka yi, yauwa. Ka zo duniya kenan, ka san abinda ya kawo ka, ka yi abinda ya kawo ka ɗin, kuma yanzu ka koma an ce maka Barka da zuwa.

“Amma da yawan mutane ba su san ma meye ya kawo su duniyar ba, gasu nan ne dai kawai a raye. Ina za su je bayan sun mutu? Ba su ma sani ba. Sai dai idan an d**o daga matattu mutum ya ce Na watin now? (Haka wasu za su ce) Kun san yadda suke an maida mutane basu tunanin komai sai gari, yace where gari now? Ace ai nan ba wajen gari bane, yanzu ka zo daukan sakamako ne, sai ka ga shi bai ma san ya zo duniya ne domin a gwada shi ba.

“To wanda ya san ya zo ne don a gwada shi, ya yi abinda ake bukata ya yi, to shi ne ya fita. To abinda ake so mutum ya sani kenan, a fidda mutumin da ya san abinda ya kawo shi duniya, ya yi abinda ya kawo duniyar, don ya koma kyakkyawar makoma. Wannan shi ne muhimmi.

“To idan mutum ya ginu akan wannan, har kuma ya rayu akai, ya yi kyakkyawar rayuwa, ya yi kyakkyawan karshe, to Falillahil Hamd, shi tsaf, ka ga duniyarsa tsaf, lahirarsa tsaf kenan Insha Allahu. Abinda ake so kenan mutum ya zama ya san abinda ya zo domin sa, kuma yana kai.”

— Bangaren jawabin Jagora Shaikh Ibraheem Zakzaky (H) a yayin jawabin rufe IVC na shekarar 2025 a gidansa da ke Abuja.

— Cibiyar Wallafa Ayyukan Shaikh Zakzaky




2/October/2025

YADDA AKA HANA MU YIN TUNANIDaga Jagora Shaikh Ibraheem Zakzaky (H)“To yanzu za ku ga waɗansu kasashe hatta yara yadda a...
01/10/2025

YADDA AKA HANA MU YIN TUNANI

Daga Jagora Shaikh Ibraheem Zakzaky (H)

“To yanzu za ku ga waɗansu kasashe hatta yara yadda ake ta kokarin a koyar da yaro dan karami ya riƙa kirkiran abu ne, yan kananan yara su rika kirkiran abu, sai ka ga sun girma da fasahar ƙere-ƙere.

“To abinda bayan samun Jamhuriyar Musulunci (ta Iran) dayake sun mallaki kansu, sai ya zama duk lokacin akwai lokacin ana ta kokarin yara a sa musu tunani, suyi ta ƙere-ƙere. Da an ga yaro yana ƙere-ƙere sai a taimaka masa da kayan (aiki) ya yi ta yi. Shi ya sa s**a yi ta ƙere-ƙere, su ba a san cewa yanzu sun yi nisa a sha'anin kira, sun dogara da kai.

“Dazun da ake batun dan uwan da yake cewa saboda Harka (Islamiyya) tana bukatar mota, to muna fata nan gaba kera motar za ayi ba zana ta ba. Kera tan mai yiwuwa ne.

“Idan aka kyale yara aka basu kayan aiki da sauransu, za ka ga yaro zai iya ƙere-ƙere, yanzu za ka ga yaro yana ƙere-ƙere daban-daban, yara suna ta ƙere-ƙere. Lokacin da na ce kafin Hamid ya har duniya zai iya kera jirgin sama, na ga wasu s**a dinga cewa wannan wace irin magana ce. To sai ga waɗansu yaran da ba su kai Hamid ɗin ba sun kera jirgin. Yanzu akwai wani yaron da ya ƙera jirgin kuma ya tashi, bai ma kai Hamid ɗin ba, yanzu a nan kasar kuma.

“Saboda in yaro ka bashi imkaniyya yana da tunani, nan da nan zai tsara wannan ya tsara wannan. Sai ga wasu yara yanzu suna (kera) Drone, yanzu yara suna Drone yana tashi.

“Ka ga idan mutane s**a mallaki kansu, s**a mallaki ƙwaƙwalensu, to su za ka ga sun ma kansu komai. To su kuwa wadannan suna so su mallake ku ne, su mallaki ƙwaƙwalenku, su yunwatar da daku, su maishe ku tamkar dabbobi, ya zama baku da abinci.

“Kana ga mutum yanzu bashi da abinci, mutum bashi da lokacin da zai yi tunani, saboda yanzu tunanin abinda zai ci ya riga ya dauke mishi hankali. Kuma ba kayan aiki, ba komai—an lalata komai, yanzu abinda aka maida kasar kenan. To kuma daɗa lalacewa ake yi.

“To mu muke cewa, kada wandannan miyagu su dauka wai wannan abin zai cigaba ne, za a samu sauyi Insha Allahul Azeem”.

— Bangaren jawabin Jagora Shaikh Ibraheem Zakzaky (H) a yayin jawabin rufe IVC na shekarar 2025 a gidansa da ke Abuja.

— Cibiyar Wallafa Ayyukan Shaikh Zakzaky




1/October/2025

GIDAJEN MALAMAI DABAN-DABAN DAGA BIRNIN ZAZZAU SUN ZIYARARCI SHAIKH ZAKZAKY (H)Daga Ofishin Sayyid Ibraheem ZakzakyYau L...
29/09/2025

GIDAJEN MALAMAI DABAN-DABAN DAGA BIRNIN ZAZZAU SUN ZIYARARCI SHAIKH ZAKZAKY (H)

Daga Ofishin Sayyid Ibraheem Zakzaky

Yau Lahadi 28/09/2025, Jagora Shaikh Ibraheem Zakzaky (H) ya amshi baƙuncin gidajan Malamai daban-daban daga birnin Zazzau, da s**a haɗa gidan Kona, gidan sarkin Ladanai, gidan Shaikh AbdulQadir Banufe, gidan Alhazawa, gidan marigayi Shaikh Aliyu Mai Yasin wanda Sheikh Muhammad Zakir Shamsuddeen (Young Sheikh) ya wakilta, gidan Limamin Zabi, gidan Limamin Dogarawa, da kuma Malam Sunusi Mai Ashafa, da gidan Shaikh Ibraheem Kakaki.

A yayin ziyarar tasu, Malaman sun jajanta wa Jagora (H) bisa ga waƙi'ar buhari (L) na shahadar Almajirai da Ƴaƴansa, sannan sunyi Addu'ar Allah ya amshi shahadarsu.

Jagora (H) ya yi masu ta'aziyyar wasu malaman da aka rasa, ya roki Allah ta'ala Ya gafarta masu. Sannan ya aika da saƙon gaisuwa ga sauran ƴan'uwa da masoya.







28/09/2025

“Idan mutum Shi'a ne, zai iya yin Kadiriyya zai iya yin Tijjaniyya, kuma yana Shi'arsa, amma ba zai iya yin Mazahabar Ma...
25/09/2025

“Idan mutum Shi'a ne, zai iya yin Kadiriyya zai iya yin Tijjaniyya, kuma yana Shi'arsa, amma ba zai iya yin Mazahabar Malikiyya ba, Ja'afariyya zai yi”.

— Jagora Shaikh Ibraheem Zakzaky (H) a yayin ganawa da 'yan Kogi da Neja, a ranar 18/1/2022 a gidansa dake Abuja.

— Cibiyar Wallafa Ayyukan Shaikh Zakzaky





Address

Abuja

Telephone

+2348062911212

Website

Alerts

Be the first to know and let us send you an email when Cibiyar Wallafa Ayyukan Shaikh Zakzaky posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cibiyar Wallafa Ayyukan Shaikh Zakzaky:

Shortcuts

Share

Category