20/09/2025
Sak**akon Rayuwar Dàmfara Da Sowore Ya Dade Yana Yi Ne Da Sunan Ķàŕyar Kare 'Ýañci Ita Çe Ke Bibiyar Sa, inji Hadimin Wike
Babban Mataimaki na Musamman kan Huldar Jama’a da Kafafen Sada Zumunta ga Ministan Babban Birnin Tarayya (FCT), Nyesom Wike, Lere Olayinka, ya ce ɗan gwagwarmayar da ya ɗora wa kansa suna k*ma mai gidan Jaridar Sahara Reporters, Omoyele Sowore, yana tsoron “innuwar zambarsa,” inda ya bayyana zargin da ya yi cewa Shugaba Bola Ahmed Tinubu da Minista Wike suna shirin kashe shi a matsayin “wani wasa da kwakwalwa da yake yi domin ci gaba da rayuwar zamba.”
A cikin wata sanarwa da ya fitar a ranar Asabar, Olayinka ya ce ya k**ata Sowore ya fuskanci shari’arsa ta laifi, ya k*ma shirya kawo hukuncin kotun da ya nuna cewa an taɓa yanke wa Shugaba Tinubu hukunci, idan har yana so ya kare maganarsa marar tushe.
Kakakin Ministan ya ƙara da cewa:
“Mutum irin Sowore, wanda ya karɓi sama da dala miliyan uku a 2019 domin sayar da takarar gwamna na jam’iyyar African Action Congress (AAC) a Jihar Rivers, sannan jam’iyyar ta dakatar da shi kan rashawa, dole ne ya san cewa yana da tarin waɗanda ya ci amana waɗanda za su iya bibiyar shi.”
Olayinka ya tuna cewa a shekarar 2020, Sowore ya fuskanci zargi daga Oluwatosin Adeniji kan yin amfani da sunanta ya nemi tallafin kuɗin ba tare da saninta ba sannan ya ci gaba da amfani da kuɗin.
“Daga 2016 zuwa 2019, Sowore ya karɓi sama da dala miliyan 1.3 daga MacArthur Foundation, k*ma yana karɓar miliyoyin daloli daga wasu masu tallafi daga ƙasashen waje wai don horar da ’yan jarida a Najeriya, amma bai taɓa yin horon ba.
“Hakanan an san shi da amfani da shafin sa na Sahara Reporters wajen yi wa mutane barazana da neman kuɗaɗe ta hanyar garkuwa da suna, alhali ma’aikatansa suna rayuwa cikin talauci.”
Olayinka ya ce idan akwai wani barazana ga rayuwar Sowore, to daga cikin waɗanda ya taɓa zalunta ko ya ci zarafinsu ne. “Ya k**ata ya bar Shugaba Tinubu da Minista Wike a gefe daga cikin sak**akon rayuwar zambarsa.”
Ya ƙara da cewa:
“Duk hayaniyar da yake yi game da Wike cikin sa’o’i 48 da s**a wuce, tamkar ƙoƙarin ƙarshe ne na doki mai mutuwa. Ya san illolin da ke tattare da tuhumar da ake yi masa. Shi ya sa yake wasa da kwakwalan jama'a , yana nuna kansa a matsayin wanda ake zalunta domin ci gaba da zambarsa.”
Kan batun mallakar gidaje a Amurka, Olayinka ya tambaya:
“Shin Ministan ya taɓa musanta cewa matarsa tana da kadarori a Amurka? Laifi ne a mallaki kadarori ta hanyar gadon iyali ko saye? Wannan shi ne kariyarsa ga wallafa ƙarya tsantsa da kiran Shugaban ƙasa da mai laifi?
“Shin wannan ne kariyarsa ga karɓar dala miliyan uku domin sayar da tikitin gwamna na jam’iyyarsa, sannan ya yi shiru lokacin da aka kashe mutane a Jihar Rivers a 2019 domin tilasta wa jama’a dan takarar da aka biya shi kansa?
“Shin wannan ne kariyarsa ga yin Yahoo Yahoo da karɓar miliyoyin daloli daga masu bada tallafi na ƙasashen waje a ƙarƙashin karya?”
Olayinka ya kammala da cewa:
“K**ar yadda na sha faɗi, Sowore zai iya ci gaba da boyewa ƙarƙashin suna na ‘Cashtivist’ na ɗan lokaci, amma da sannu zai kai ƙarshen dabarun zambarsa.”
