26/09/2025
Ku shimfiɗa wa Lawal Triumph irin adalcin da ku ka shimfiɗa wa shieik Abduljabbar !!!
1) A garin Kano Lawal Triumph yake wa'azi
Shi ma cikin garin Kano Abduljabbar yake wa'azi.
2) Hadisai Lawal Triumph yake karantawa, shi ma Abduljabbar su yake karantawa.
3) Zagin Annabi (saw) ake tuhumar Lawal Triumph, shi ma Abduljabbar haka.
Adalcin da kuka yi wa Abduljabbar :
Saboda kishin Annabi (saw) ku ka yi mãjã (Tijjaniyya, Izala, Ƙadiriyya,Salafiyya) ku ka tunkari gwamnati ku ka sa aka fara da rufe masa makaranta da masallatai.
Idan dai don Annabi ku ka haɗu kai ku ka yi wa Abduljabbar haka ba don ya fi ku samin ɗaukaka a sha'anin malanta ba, shi ma Lawal Triumph ku yi mãjã ku sa a yi ma sa haka !!!
Saboda kishin Annabi (saw) ku ka yi maja kuka sa gwamnati ta shirya ma ku zaman muƙabala bisa tsarin da kuka ga dama don ku murƙushe Abduljabbar, wanda ke karanto irin hadisan da Lawal Triumph yake karantawa shi kuma yana ƙaryatawa yana mai cewa irin waɗannan hadisai hadisan ƙarya ne da aka rubuta don a ci zarafin Manzon Allah (saw) amma kuka juyar da abin da yake ƙaryatawa zuwa cewa shi ne yake ambatawa.
A gaishe ku da ƙoƙari tunda kun sami nasara. Shi ma Lawal Triumph ku shirya masa zaman muƙabala bisa irin tsarin da ku ka ga dama don ku sami nasara a kan sa
Ku yi wa Lawal Triumph adalci ku sanya masa Batijjane ɗan faira a matsayin alƙalin muƙabala kamar yadda kuka sanya wa Abduljabbar Basalafe a matsayin alkalin mukabala.
Bayan kammala muƙabala da mallam Abduljabbar kun kai shi kotu, inda Alƙali ya yanke masa hukuncin kisa ta hanyar rataya don Allah ku matso irin wannan kishin kan Annabi (saw) ku sa a yi wa Lawal Triumph haka in dagaske kuke.
Raayin Saifullahi Murtala Jibia
