Queen Amina TV

07/09/2026

CCT NA NEMAN AMINCEWAR MAJALISAR ƘASA DOMIN ZAMA KOTUN YAƘI DA CIN HANCIN

Karanta: https://www.facebook.com/share/p/19L5Q49VLG/

07/09/2026

’YAN SANDA SUN MUSANTA NEMAN ₦600,000 DOMIN SAKIN WATA MACE A ANAMBRA.

Karanta a nan: https://www.facebook.com/share/p/1DJrgrgYz9/

07/09/2026

’YAN SANDA SUN MUSANTA NEMAN ₦600,000 DOMIN SAKIN WATA MACE A ANAMBRA

Rundunar ’Yan Sandan Jihar Anambra ta musanta zargin cewa jami’anta sun nemi ₦600,000 domin sakin ’yar uwar wani wanda ake zargi da aikata laifi.

Rundunar ta bayyana cewa matar ba a k**a ta ne domin neman kuɗi ko karɓar cin hanci ba, sai dai an k**a ta ne saboda taimaka wa binciken da ake gudanarwa kan wani lamari da ya shafi ƙungiyar asiri (cult).

Rundunar ta ce ana ci gaba da gudanar da bincike kan lamarin, tare da tabbatar wa jama’a cewa ba za ta lamunci jami’in da ya aikata cin hanci ko amfani da matsayinsa wajen karɓar kuɗi daga hannun jama’a ba.

Haka kuma, ’yan sandan sun yi kira ga jama’a da su riƙa kai rahoton duk wani jami’in da ya nemi kuɗi ko kuma ya yi amfani da barazana wajen samun kuɗi daga gare su, domin a ɗauki matakin da ya dace.

-Queen Amina TV

07/09/2026

CCT NA NEMAN AMINCEWAR MAJALISAR ƘASA DOMIN ZAMA KOTUN YAƘI DA CIN HANCIN

Kotun Da’ar Ma’aikata da Jami’an Gwamnati (Code of Conduct Tribunal – CCT) na neman amincewar Majalisar Dokokin Ƙasa domin a sauya mata matsayi ta zama Kotun Ƙasa ta Yaƙi da Cin Hanci da Rashawa (National Anti-Corruption Court).

Shugaban CCT, Mai Shari’a Mainasara Idris, ne ya bayyana hakan, inda ya ce matakin zai taimaka wajen gaggauta shari’o’in cin hanci da rashawa tare da rage yawan shari’o’in da ke ɗaukar lokaci mai tsawo a kotuna.

Ya ce idan Majalisar Ƙasa ta amince da buƙatar, kotun za ta samu ƙarin iko da damar gudanar da shari’o’in da s**a shafi cin hanci da rashawa cikin sauri da inganci.

CCT ta kuma bayyana cewa kafa kotun ta musamman zai taimaka wajen ƙarfafa yaƙi da cin hanci da rashawa da kuma tabbatar da cewa waɗanda ake zargi da aikata laifukan cin hanci sun fuskanci shari’a cikin lokaci.

Matakin na zuwa ne yayin da ake ƙara kira da a inganta tsarin shari’a domin rage jinkirin shari’o’in cin hanci da rashawa a Najeriya.

- Queen Amina TV

07/09/2026

𝗔𝗦𝗨𝗣 𝗧𝗔 𝗦𝗔𝗡𝗔𝗥 𝗦𝗔𝗕𝗢𝗡 𝗦𝗧𝗥𝗜𝗞𝗘 𝗔 𝗕𝗔𝗬𝗘𝗟𝗦𝗔 𝗦𝗧𝗔𝗧𝗘 𝗣𝗢𝗟𝗬𝗧𝗘𝗖𝗛𝗡𝗜𝗖

Ƙungiyar Malaman Makarantun Kimiyya da Fasaha ta Najeriya (ASUP) ta soki yadda mahukuntan Bayelsa State Polytechnic ke gudanar da al’amuransu, tare da yin barazanar fara sabon yajin aiki.

ASUP ta bayyana cewa mahukuntan makarantar sun aika wa wasu malaman makarantar takardun neman bayani (queries) saboda rashin halartar wani taron kwamitin gudanarwa.

Ƙungiyar ta ce matakin na neman hukunta malaman saboda rashin halartar taron bai dace ba, kuma ta bukaci mahukuntan makarantar su janye matakin da s**a ɗauka.

ASUP ta kuma yi gargadin cewa idan ba a warware matsalar ba, za ta iya ɗaukar matakin sabon yajin aiki domin kare haƙƙoƙin malaman makarantar.

Kungiyar ta bukaci gwamnati da sauran masu ruwa da tsaki su shiga tsakani domin kauce wa duk wani rikici da zai iya kawo cikas ga harkokin ilimi a makarantar.

- Queen Amina TV

07/09/2026

𝗕𝗔𝗨𝗖𝗛𝗜: ’YAN SANDA SUN K**A MATASHI KAN ZARGIN CIN ZARAFIN ’YAR SHEKARA 7

Rundunar ’Yan Sandan Jihar Bauchi ta k**a wani matashi mai suna Isiyaku Usman, mai shekaru 20, bisa zargin cin zarafin wata yarinya ’yar shekara bakwai.

Rahotanni sun bayyana cewa ana kuma zargin matashin da satar wayoyin hannun yarinyar bayan aikata laifin.

Rundunar ’Yan Sandan ta ce bincike yana ci gaba da gudana domin gano cikakken bayani kan lamarin da kuma tabbatar da gaskiyar zargin.

Ana ci gaba da gudanar da bincike kafin a ɗauki matakin da ya dace bisa doka.

07/09/2026

BADAKALAR SHEHU BUBA

Sanata Buba na Bauchi ya musanta zargin ɗaukar nauyin ’yan bindiga, ya ce an ƙirƙiri zarge-zargen ne.

07/09/2026

ABUJA: ‘YAN SANDA SUN DAGA HANKALI KAN YAWAN YARDA DA JARIRAI

Rundunar ’Yan Sandan Babban Birnin Tarayya, Abuja, ta bayyana damuwarta kan yadda ake samun karuwar al’amuran haifar jarirai sannan a yi watsi da su.

A makon da ya gabata, Kakakin rundunar, SP Josephine Adeh, ta bayyana cewa an gano jarirai biyu da aka yar a yankunan Kurudu da Gwagwalada, yayin da har yanzu ba a gano iyayensu ko waɗanda s**a bar su ba.

Rundunar ta ce ta fara gudanar da bincike domin gano mutanen da s**a aikata wannan mummunan aiki, tare da yin kira ga jama’a da su ba da haɗin kai da duk wani bayani da zai taimaka wajen gano iyayen jariran.

Yin watsi da jariri ba ƙaramin lamari ba ne. Yaro ba shi da laifin halin da ya haifar da shi.

👉 Shin irin wannan lamari yana faruwa a yankinku? Me kuke ganin ya k**ata a yi domin dakile wannan dabi’a?

07/09/2026

'YAN BINDIGA SUN HARBE BURSA NA NOUN HAR YA RASU A ZAMFARA

Innalillahi wa inna ilaihi raji’un.

An harbe Bursar na Jami’ar Buɗaɗɗiyar Najeriya (NOUN), Mallam Nasiru Gusau Marafa, har lahira a Jihar Zamfara.

Jami’ar ta sanar da rasuwarsa ne a wata sanarwa da Rajistara kuma Sakataren Majalisar Gudanarwar jami’ar, Oladipo Ajayi, ya fitar ranar Lahadi, 6 ga Satumba, 2026.

A cewar sanarwar, Marafa ya samu harbin ne a lokacin da yake dawowa daga Gusau, babban birnin Jihar Zamfara. Sai dai jami’ar ba ta bayyana ainihin wurin da lamarin ya faru ba, ko wadanda s**a kai harin, ko kuma dalilin kisan.

NOUN ta bayyana marigayin a matsayin ma’aikaci mai ƙwazo da jajircewa, wanda ya yi aiki a muk**ai daban-daban na jami’ar tare da rike manyan nauyin gudanarwa.

An nada Marafa a matsayin Bursar na NOUN a watan Satumba 2022, inda ya kasance mai kula da harkokin kuɗi na jami’ar.

Jami’ar ta bayyana rasuwarsa a matsayin babban rashi, tare da aika ta’aziyyarta ga iyalansa, ‘yan uwa, abokan aiki da ɗaukacin al’ummar NOUN.

An kuma sanar da cewa za a sanar da jama’a game da shirye-shiryen jana’izarsa bayan iyalansa sun kammala tsara su.

Allah Ya gafarta masa kura-kuransa, Ya sanya shi a Aljannatul Firdausi, Ya kuma ba iyalansa da abokan aikinsa haƙurin jure wannan babban rashi. Amin.

-Queen Amina TV

07/09/2026