IB-Easy Earning

30/12/2025

2026 🌙✨

Ya AL-LATIF (Mai tausayi da kyautatawa ta ɓoye): Ka haɗa mu da mutanen kirki a cikin wannan shekarar, sannan Ka siffanta mu da kyawawan halaye yadda za mu zama silar farin ciki da kirki a rayuwarsu.

Ya AL-BARR (Mabubbugar dukkan alkhairi): Ka haɗa mu da mutane masu halacci da sanin darajar dangantaka. Ka sa mu zama masu cika alkawari da nuna halacci ga duk wanda ya kyautata mana.

Ya AL-WADUD (Mai tsananin ƙauna): Ka haɗa mu da masoya na gaske, waɗanda za su ƙaunace mu don kanka, su zama sanyin idaniyar mu, mu ma mu zama inuwar natsuwa a gare su.

Ya AL-FATTAH (Mai buɗe kofofin nasara): Ka buɗe mana kofofin alkhairi da nasara waɗanda ba mu taba tsammani ba. Ka sa 2026 ta zama shekarar buɗi ta fannin dukiya, ilimi, da addini.

Ya AL-HAFIZ (Mai kiyaye komai): Ka tsare mu, Ka tsare iyalai da dukiyoyinmu daga dukkan sharrin mutane da aljanu, da dukkan wata masifa da wannan shekara za ta zo da ita.

Ya AR-RAZZAQ (Mai azurta kowace halitta): Ka azurta mu da abinci da abin sha na halali, Ka sa albarka a cikin sana'o'inmu, Ka wadatar da mu ta yadda ba za mu rinka roƙon kowa ba sai Kai.

Ya ASH-SHAFI (Mai warkarwa): Ka ba mu lafiyar jiki da ta zuciya. Duk wanda yake jarrabacce da rashin lafiya, Ya Allah Ka ba shi lafiya cikakkiya a cikin wannan shekara.

Allahumma Amin. Muna roƙon Allah Ya sanya wannan shekara ta zama mafi alkhairi a gare mu fiye da dukkan shekarun da s**a gabata.

Abdullahi Aliyu Boza ✍️

copied by
Ibrahim Bello Madara

30/12/2025

Wannan sako ne na musamman ga 'yan uwana matasa masu tasowa. Yana da Muhimmanci sosai da fatan zaku daure ku karanta👇

IDAN KAI NAMIJI NE TSAKANIN SHEKARA 25 ZUWA 30, DON ALLAH KA NATSU KA KARANTA WANNAN A HANKALI.

Ka Maida hankali kan kanka, duniya za ta daidaita daga baya.

Wannan matakin na rayuwa (Shekarun 20s zuwa 30s) yana da nauyi na daban.
Kullum kana tashi da nauyi a kirjinka:

1. Nauyin dole sai ka yi nasara.
2. Nauyin kula da iyali.
3. Tsoron kada ka gaza a rayuwa.

Ba ka kuka ko gunaguni saboda kai Namiji ne. Kana danne komai a ciki. A waje kana murmushi, amma a ciki kana nutsewa.
Wani lokacin, har tambayar kanka kake yi a boye: "Wai rayuwar nan tawa za ta taba daidaita kuwa?"

Bari in gaya maka gaskiya guda daya, Dan uwa...

KADA KA KARAYA.
Don kawai rayuwarka bata gudu sosai ba yana nufin ka makara ba. Baka makara ba, girma kake yi.

Wasu suna nasara suna da shekara 22.
Wasu sai sun kai 37 suke nasara.
Nasara ba tsere bace, tafiya ce ta kashin kai. Allah yana bi da kai ta hanyar wahala ne saboda yana so ka zama Jajirtacce kafin ya dora ka a saman.

KA GINA KANKA.
Ka Gina kwarewarka (Skills).
Ka Gina asusunka.
Ka Gina makomarka.

Baka bukatar burge kowa a yanzu. Baka bukatar rayuwar karya. Kwanciyar hankali na gaskiya yana zuwa ne idan ka san cewa kana kan turba madaidaiciya.

Kana yawan nuna wa mutane kauna, amma yaushe rabon da ka nuna wa kanka kauna?
Ka Daina kashe kanka don faranta wa wani rai.
Ka Daina wahalar da kanka akan mutanen da za su tafi su barka.
Idan wani abu yana dauke maka natsuwa, rabu da shi.

Kai ma ka cancanci a so ka. Ba wai kawai a dora maka nauyi ba.

UMAR ALIYU DAHIRU ✍️
Ibrahim Bello Madara

28/08/2025

22/05/2025

22/05/2025