Burra Daily News

Call Directions Contact the business

Burra Daily News Contact information, map and directions, contact form, opening hours, services, ratings, photos, videos and announcements from Burra Daily News, Media/News Company, Burra, Budugu, Ningi, Bauchi.

"MURYAR BUTAWA"

BURRA DAILY NEWS Shafine dazaina kawo muku Labaran Cikin Gida dana waje, Tareda labaran Duniya baki ɗaya MUNGODE da Zaɓinmu Amatsayin Shafin Jin Labaran Ku. 07089421279

JIRGIN SOJIN NAJERIYA YA YI HATSARI A ONDO, MUTUM 32 SUN RASA RAYUKANSUWani jirgin Rundunar Sojin Sama ta Najeriya ya yi...
05/10/2026

JIRGIN SOJIN NAJERIYA YA YI HATSARI A ONDO, MUTUM 32 SUN RASA RAYUKANSU

Wani jirgin Rundunar Sojin Sama ta Najeriya ya yi hatsari a yankin Igbokoda da ke Jihar Ondo.

Ministan Sufurin Jiragen Sama da Ci gaban Sararin Samaniya, Festus Keyamo, ya tabbatar da cewa mutane 32 da ke cikin jirgin sun rasa rayukansu sak**akon hatsarin.

Rahotanni sun ce jirgin na kan hanyarsa daga Benin zuwa Legas ne a lokacin da hatsarin ya afku.

Ana ci gaba da tattara bayanai kan musabbabin hatsarin, yayin da hukumomin da abin ya shafa ke gudanar da bincike.

Kuci gaba da kasancewa tare damu.
Burra Daily News

LOKACI YA YI DA YA K**ATA A SAMAR DA MAKARANTAR GABA DA SECONDARY A BURRALokaci ya yi da ya k**ata a samar wa garin Burr...
05/10/2026

LOKACI YA YI DA YA K**ATA A SAMAR DA MAKARANTAR GABA DA SECONDARY A BURRA

Lokaci ya yi da ya k**ata a samar wa garin Burra dake karamar hukumar Ningi jahar Bauchi Higher Institution, ko wata babbar cibiyar ilimi mai zurfi da za ta amfani al’ummar yankin baki ɗaya.

Akwai alheri mai yawa wajen samar da irin wannan cibiya a Burra, domin hakan zai taimaka wajen bunƙasa tattalin arzikin yankin, samar da guraben aikin yi ga matasa, tare da bai wa ɗalibanmu damar samun ilimi mai zurfi ba tare da sun yi nisa da gidajensu ba.

Idan ba za a iya kafa sabuwar makaranta gaba ɗaya ba a wannan lokaci, ana iya duba yiwuwar kawo wani sashe (unit/campus) na School of Agriculture, ko wani sashe na Bauchi State Polytechnic, ko wata cibiya ta ilimi mai zurfi zuwa Burra.

Burra gari ne mai girma, mai faɗin ƙasa da dimbin al’umma, kuma yana da matasa masu kishin ilimi da ci gaba. A kowace shekara, ɗalibai masu hazaka daga yankin suna kammala karatu daga makarantun firamare da sakandare, kuma da dama daga cikinsu suna ci gaba da karatunsu a manyan makarantu daban-daban.

Duk da ƙalubalen nisa da tsadar rayuwa, hakan bai hana matasan Burra neman ilimi ba. Shaida a fili ita ce, a yau muna da manyan mutane daga wannan yanki waɗanda ke riƙe da muƙamai da dama a fannoni daban-daban, kuma ɗaya daga cikin manyan abubuwan da s**a taimaka wajen samun wannan matsayi shi ne damar samun ilimi mai inganci.

Saboda haka, samar da Higher Institution a Burra ba wai kawai zai taimaka wajen rage wa ɗalibai wahalar zuwa wurare masu nisa domin neman ilimi ba ne; zai kuma kasance wata muhimmiyar hanya ta zuba jari a ilimi, matasa, samar da ayyukan yi da bunƙasa tattalin arzikin yankin.

Muna kira ga gwamnati, ’yan siyasa, sarakuna, ’yan kasuwa, ƙungiyoyin al’umma da sauran masu ruwa da tsaki da su duba wannan buƙata ta al’ummar Burra, tare da ganin yadda za a samar da babbar cibiyar ilimi a yankin.

Hakika, mun cancanci irin wannan ci gaba a yankinmu. Lokaci ya yi da Burra ma za ta samu nata babbar cibiyar ilimin.

Rahoto: Daga Burra Daily News
Muryar Butawa, Muryar Al'umma

FANKAR RUFI TA YI SANADIN RASUWAR BUDURWA A JIGAWAWata budurwa mai suna Ummusalma Sulaiman, mazauniyar unguwar Jigawar T...
05/10/2026

FANKAR RUFI TA YI SANADIN RASUWAR BUDURWA A JIGAWA

Wata budurwa mai suna Ummusalma Sulaiman, mazauniyar unguwar Jigawar Tsada da ke Ƙaramar Hukumar Dutse a Jihar Jigawa, ta rasu bayan fankar rufi ta faɗo mata a kanta.

Gidan Rediyon Jigawa ya rawaito cewa lamarin ya faru ne bayan Sallar Magariba, a lokacin da Ummusalma ke tare da mahaifiyarta a gida, kafin fankar da aka saka a falon gidan ta faɗo mata a kanta.

Rahoton ya ce, an garzaya da Ummusalma zuwa asibiti bayan faruwar lamarin, inda aka tabbatar da rasuwarta da misalin ƙarfe 8:00 na dare.

Haka kuma, Rediyon Jigawa ya rawaito cewa ba a samu wani rauni ko yanka a jikinta da zai nuna cewa fankar ta yanke wani ɓangare na jikinta ba.

Kuci gaba da kasancewa tare damu domin samun labarai
Burra Daily News

HOTO: Yadda Dan takarar majalisar jaha ƙarƙashin jam'iyyar APC Hon Jibrin Musa Kwangi ya shiga aikin gyaran hanya tare d...
04/10/2026

HOTO: Yadda Dan takarar majalisar jaha ƙarƙashin jam'iyyar APC Hon Jibrin Musa Kwangi ya shiga aikin gyaran hanya tare da Al'ummar garin Zahi domin gyara hanyarsu a yau.

Kuci gaba da following ɗin shafin Burra Daily News domin samun Labarai

Rahotanni daga garin Kachako da ke Jihar Kano sun bayyana cewa dokar da mai garin ya sanya kan fira tsakanin samari da ’...
04/10/2026

Rahotanni daga garin Kachako da ke Jihar Kano sun bayyana cewa dokar da mai garin ya sanya kan fira tsakanin samari da ’yan mata ta fara aiki, inda aka ce an ɗaura auren ma’aurata 12 a rana guda.

A cewar rahotannin, samari da ’yan mata 12 da aka k**a suna fira a daren jiya ne wasu ’yan banga s**a kai su gaban mai gari a yau, inda aka ce liman ya ɗaura musu aure nan take.

Dokar ta tanadi cewa ba a yarda saurayi ya je wajen budurwa domin fira ba, sai dai idan yana da niyyar aurenta. Idan kuma ba shi da wannan niyya, ana buƙatar ya gaishe ta daga nesa ko kuma su yi magana ta waya.

Rahotannin sun kuma bayyana cewa duk wanda aka k**a ya saɓa wa wannan doka, ana iya ɗaura masa aure da budurwar da aka same shi yana fira da ita.

Wannan mataki, idan aka tabbatar da cikakkun bayanansa, na iya zama ɗaya daga cikin hanyoyin da shugabannin gargajiya ke ƙoƙarin amfani da su wajen daƙile abin da suke ganin ya saɓa wa al’adun al’umma.

AN K**A WATA MATA DA AKE ZARGI DA DAMFARAR MATA DA SUNAN FOUNDATION ƊIN PANTAMI A GOMBEAn k**a wata mata a garin Tulmi, ...
04/10/2026

AN K**A WATA MATA DA AKE ZARGI DA DAMFARAR MATA DA SUNAN FOUNDATION ƊIN PANTAMI A GOMBE

An k**a wata mata a garin Tulmi, gundumar Pindiga, ƙaramar hukumar Akko ta jihar Gombe, bisa zargin amfani da fom da tambarin bogi mai ɗauke da sunan Professor Isa Ali Pantami Foundation wajen karɓar kuɗaɗe daga hannun mata.

Rahotanni sun nuna cewa matar tana zagayawa garuruwa tana bai wa mata fom domin su cika, tare da yi musu alƙawarin cewa za a koya musu sana’o’i tare da ba su kayan aikin sana’ar bayan kammala shirin.

Sai dai ana zargin cewa tana karɓar kuɗaɗe daga hannun matan a ƙarƙashin wannan shiri da ake zargin ba na gaskiya ba ne.

Bayan k**a matar a garin Tulmi, an ce tana hannun jami’an tsaro, inda ake ci gaba da gudanar da bincike domin gano cikakken bayani kan lamarin da kuma tantance sauran mutanen da ka iya kasancewa suna da hannu a ciki.

Bayanai daga binciken farko sun nuna cewa matar ta tabbatar da ziyartar garuruwan Jauro Malam, Mararraba da wasu wurare, inda ake zargin ta gudanar da irin wannan aiki.

Lamarin ya jawo kira ga al’ummar jihar Gombe, musamman mata, da su kasance masu taka-tsantsan tare da tabbatar da sahihancin duk wani shiri da aka kawo musu da sunan Professor Isa Ali Pantami ko wata gidauniya.

An kuma shawarci jama’a da kada su bayar da kuɗaɗe bisa irin waɗannan alƙawura ba tare da tabbatar da sahihancin shirin daga hukumomi ko wakilan da aka amince da su ba.

Ya zuwa lokacin haɗa wannan rahoto, ba a samu cikakken bayani kan matakin da jami’an tsaro za su ɗauka bayan kammala bincike ba.

Burra Daily News
Source: Daga Shafin Abba Sani Pantami

“RARARA BA WANI ABU BA NE A CIKIN MASANA’ANTAR FIM, HARKAR DA YAKE YI DABAN, KUMA NI BAN TAƁA HULƊA DA SHI BA A HARKARSA...
04/10/2026

“RARARA BA WANI ABU BA NE A CIKIN MASANA’ANTAR FIM, HARKAR DA YAKE YI DABAN, KUMA NI BAN TAƁA HULƊA DA SHI BA A HARKARSA TA WAƘE-WAƘE” — AMINU SHARIFF MOMOH

Jarumi Aminu Shariff Momoh ya bayyana cewa Dauda Kahutu Rarara ba shi da wata alaƙa da masana’antar fina-finai, yana mai cewa harkar da Rarara yake yi ta bambanta da tasu.

Ya ƙara da cewa bai taɓa yin hulɗa da Rarara ba a harkarsa ta waƙe-waƙe.

04/10/2026

BIDIYO: Yadda Wani Bahaushe ya mayar da kuɗin da wani kurma ke bashi ajiya bayan ya Mutu a Jahar Delta.

BAHAUSHE YA SAMU YABO A DELTA BAYAN YA MAYAR DA KUƊIN WANI MAMACI DA YA DAMKA MASA AJIYAWani Bahaushe ya samu yabo daga ...
03/10/2026

BAHAUSHE YA SAMU YABO A DELTA BAYAN YA MAYAR DA KUƊIN WANI MAMACI DA YA DAMKA MASA AJIYA

Wani Bahaushe ya samu yabo daga al’umma a Kasuwar Ogbe-Ijoh, da ke ƙaramar hukumar Warri South ta Jihar Delta, bayan rahotanni sun bayyana cewa ya mayar da kuɗin wani mutum da ya rasu, wanda ya kasance yana damka masa kuɗinsa domin ya riƙa adana masa.

Rahotanni sun ce marigayin, wanda ba a bayyana sunansa ba, ya shafe wani lokaci yana rayuwa a cikin kasuwar, inda ake zargin yana samun kuɗin da yake kashewa ta hanyar bara.

Kafin rasuwarsa, an ce marigayin ya kasance yana kai kuɗin da yake samu wajen wani Bahaushe da yake kira da “Aboki”, domin ya riƙa adana masa su maimakon ya riƙa tafiya da su a jikinsa.

Bayan rasuwar mutumin, rahotanni sun bayyana cewa Bahaushen ya fito da kuɗin da marigayin ya damka masa ajiya, tare da mayar da su yadda aka ba shi, ba tare da ya buɗe wasu daga cikin kunshin kuɗin ba.

Wannan mataki ya ba wasu daga cikin ’yan kasuwar mamaki, musamman ganin cewa an ce marigayin ya tara kuɗi masu yawa duk da irin rayuwar da yake yi a kasuwar.

Sai dai, har yanzu ba a tabbatar da ainihin adadin kuɗin da aka mayar ba, haka kuma ba a bayyana cikakken sunan marigayin ko kuma waɗanda za su karɓi kuɗin a madadinsa ba.

Wasu rahotanni da ke yaɗuwa sun nuna cewa marigayin ba shi da ’ya’ya ko makusantan dangi a yankin, amma wannan batu bai samu tabbaci daga wata hukuma ko majiya mai ƙarfi ba.

Lamarin ya jawo yabo ga Bahaushen, inda mutane da dama ke kallon abin a matsayin misali na gaskiya, riƙon amana da mutunta dukiyar wani, musamman idan aka damka maka ita domin ka adana.

INNA LILLAHI WA INNA ILAIHI RAJI’UN: Mutane Sama da 19 Sun Rasa Rayukansu a Hatsarin MotaRahotanni sun bayyana cewa muta...
02/10/2026

INNA LILLAHI WA INNA ILAIHI RAJI’UN: Mutane Sama da 19 Sun Rasa Rayukansu a Hatsarin Mota

Rahotanni sun bayyana cewa mutane sama da 19 sun rasa rayukansu sak**akon wani mummunan hatsarin mota da ya rutsa da Mota kirar Homa da babbar motar ƙwantaina a kan hanyar dawowarsu daga Abuja akan hawan kibo.

Rahoton ya ce wasu daga cikin waɗanda hatsarin ya rutsa da su ’yan ƙaramar hukumar Darazo ne da wasu garuruwa, yayin da lamarin ya faru a yankin Kibu.

Wannan mummunan lamari ya jefa al’umma cikin alhini da jimami, musamman iyalan waɗanda s**a rasa rayukansu.

A wannan lokaci na baƙin ciki, muna miƙa ta’aziyyarmu ga iyalai da ’yan uwa, tare da roƙon Allah Maɗaukakin Sarki Ya gafarta wa waɗanda s**a rasu, Ya jiƙansu da rahama, Ya kuma ba iyalansu haƙurin jure wannan babban rashi.

Amin Ya Rabbal Alamin.

Rahoto: Burra Daily News
Juma’a, 2 ga Oktoba, 2026

Address

Burra, Budugu, Ningi
Bauchi
740001

Telephone

+2347089421279

Website

Alerts

Be the first to know and let us send you an email when Burra Daily News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Burra Daily News:

Shortcuts

Share

Category