18/09/2026
Gwamnatin Tarayya Ta Dakatar da Kwamandan NSCDC na Neja, Ta Umarci Bincike Kan Mutuwar Masu Haƙar Ma’adinai
Gwamnatin Tarayya ta dakatar da Kwamandan Hukumar Tsaron Fararen Hula ta Najeriya (NSCDC) na Jihar Neja, Suberu Siyaka Aniviye, tare da bayar da umarnin gudanar da cikakken bincike kan mutuwar wasu mutane da aka k**a bisa zargin haƙar ma’adinai ba bisa ƙa’ida ba a Minna.
Rahotanni sun ce mutanen an k**a su ne a yayin samamen da hukumar ta gudanar a yankin M.I. Wushishi/Lukoto tsakanin 15 da 16 ga Satumba 2026. An gano mutuwar mutanen a safiyar 17 ga Satumba, yayin da adadin waÉ—anda s**a mutu ya kai 37, a cewar Gwamnan Jihar Neja, Mohammed Umaru Bago.
Ministan Harkokin Cikin Gida, Olubunmi Tunji-Ojo, ya ce gwamnati za ta gudanar da cikakken bincike domin gano ainihin abin da ya haddasa mutuwar mutanen, tare da tabbatar da cewa Kwamandan da abin ya faru a ƙarƙashin kulawarsa ya ci gaba da kasancewa cikin dakatarwa. Ya kuma yi kira ga jama’a da su kwantar da hankula, su kuma bar bincike ya gudana cikin gaskiya da tsari.
Haka kuma, NSCDC ta kafa kwamitin bincike mai ƙarfi domin duba yanayin waɗanda aka k**a lokacin da aka k**a su, yanayin tsarewar su, kulawar lafiyarsu da sauran abubuwan da s**a shafi mutuwar. Hukumar ta ce duk jami’in da aka samu ya karya doka ko ƙa’idojin aiki zai fuskanci matakin da ya dace, ciki har da hukuncin ladabtarwa ko na shari’a idan ya cancanta.
Gwamnan Jihar Neja ya kuma tabbatar da cewa an kafa kwamitin bincike na musamman tare da gudanar da gwaje-gwajen lafiya da autopsy domin gano musabbabin mutuwar. Ya yi kira ga jama’a da su guji ɗaukar doka a hannu, yana mai cewa har yanzu ba a tabbatar da ainihin dalilin mutuwar ba.
