Katagum Dailypost

08/10/2026

Jama'a wai meye dalilin da yasa ake sanya JINIYA a jikin bidiyon waɗannan yan matan...

A Tik Tok da Twitter har ma da Instagram idan kaga bidiyon su zakaji an saka masa karar jiniya...

Waye yasan dalili...

08/10/2026

‎Tinubu’s Renewed Hope Agenda Creating Stable Environment for Investment — Information Minister

‎ ‎The Honourable Minister of Information and National Orientation, Mohammed Idris, has said President Bola Ahmed Tinubu’s Renewed Hope Agenda is focused on creating a more stable environment for investment, enterprise and long-term economic growth while expanding opportunities for Nigerians t...

07/10/2026

An k**a matashi kan zargin kashe wani mutum saboda bashin N500 a Jigawa

Rundunar ’yansandan Jihar Jigawa ta k**a wani matashi mai shekaru 20, Lawisi Safiyanu, bisa zargin ya daba wa Muhammad Abba wuka har ya mutu sak**akon rashin jituwar da ta biyo bayan bashin N500.

A cewar kakakin rundunar, SP Lawan Shiisu Adam, lamarin ya faru ne da misalin ƙarfe 12:30 na dare ranar 1 ga Oktoba, 2026, a ƙauyen Chamo da ke Ƙaramar Hukumar Dutse.

Rundunar ta ce Abba ya sayi wayar hannu daga hannun wanda ake zargin kan N1,500, inda ya biya N1,000 sannan ya rage masa N500. Ana zargin sabani ya kaure tsakaninsu kan bashin, kafin Safiyanu ya yi amfani da wuka ya caka wa Abba.

An garzaya da wanda aka raunata zuwa Asibitin Koyarwa na Rashid Shekoni da ke Dutse, amma likitoci s**a tabbatar da rasuwarsa. ’Yan sanda sun ce an k**a wanda ake zargin tare da kwato wukar da ake zargin an yi amfani da ita.

A wani lamari dabam, rundunar ta kuma k**a Abbas Ibrahim, mai shekaru 27, bisa zargin shiga ɗakin babban ɗan’uwansa, Basiru Shuaibu, mai shekaru 25, ya zuba masa fetur sannan ya cinna wuta.

Lamarin ya jikkata Basiru da matarsa da munanan kone-kone, yayin da Basiru daga bisani ya mutu sak**akon raunukan da ya samu. An k**a Abbas a garin Sara, Ƙaramar Hukumar Gwaram, kuma yanzu ana gudanar da bincike a kansa a sashen binciken manyan laifuka na jihar (SCID) da ke Dutse.

Kwamishinan ’Yan Sandan Jigawa, CP Tijjani Murtala, ya bukaci jama’a da su guji daukar doka a hannunsu, tare da sanar da jami’an tsaro duk wani rikici ko barazana cikin gaggawa.

07/10/2026

Yanzu Najeriya Ta Fara Fita Daga Dogaro da zallar Man Fetur-Tinubu

Shugaban Ƙasa Bola Ahmed Tinubu ya bayyana cewa Najeriya na samun sauyi a tsarin tattalin arzikinta, inda ƙasar ta fara rage dogaro da kuɗaɗen shiga daga man fetur.

Tinubu ya ce gwamnatinsa na ɗaukar matakan da za su gina tattalin arzikin ƙasa mai dogaro da fannoni daban-daban, maimakon dogaro da bangaren mai kaɗai.

Shugaban ya bayyana hakan ne ranar Talata a Abuja, yayin bikin cika shekaru biyar da kafa Hukumar Kula da Harkokin Man Fetur ta Najeriya (NUPRC), inda Mataimakin Shugaban Ƙasa, Kashim Shettima, ya wakilce shi.

A cewar Tinubu, gwamnati na ƙara mayar da hankali kan noma, masana'antu, fasahar zamani da kirkire-kirkire, domin faɗaɗa hanyoyin samar da kuɗaɗen shiga da kuma ƙarfafa tattalin arzikin ƙasa.

Ya kuma ce haɗin gwiwar jami'an tsaro, kamfanonin man fetur, al'ummomin yankunan da ake hako mai da NUPRC ya taimaka wajen inganta tsaro da daidaita harkokin samar da ɗanyen mai.

Shugaban ya ƙara da cewa ci gaban da ake samu a harkar mai ya fara sake jawo hankalin masu zuba jari na ƙasashen waje, musamman waɗanda s**a taɓa ficewa daga Najeriya.

Ya bayyana cewa Najeriya ta kasance cikin ƙasashen Afirka da s**a samu gagarumin jarin bincike da hako man fetur tsawon shekaru biyu a jere.

Tinubu ya ce gwamnati za ta ci gaba da aiwatar da manufofin da za su bunƙasa tattalin arzikin ƙasa, ƙara samar da guraben ayyukan yi da kuma samar da hanyoyin samun kuɗaɗen shiga fiye da dogaro da man fetur kaɗai.

Me zaku ce kan hakan?

07/10/2026

Gwamnatin Tarayya Ta Buɗe Cibiyar MedServe a UCH, Pate Ya Sanar da Shirin Inganta Manyan Ababen More Rayuwar Asibitin

Gwamnatin Tarayya ta buɗe Cibiyar Binciken Lafiya ta MedServe da kuma ɗakin kula da cututtukan zuciya ta hanyar amfani da catheter a Asibitin Koyarwa na Jami’ar Ibadan (UCH), a wani mataki na faɗaɗa damar samun ingantattun ayyukan lafiya a Najeriya.

A wajen bikin buɗe cibiyar ranar Litinin, 5 ga Oktoba, 2026, Ministan Lafiya da Walwalar Jama’a, Professor Muhammad Ali Pate, ya bayyana UCH a matsayin asibitin koyarwa na farko a Najeriya kuma cibiyar ƙwarewa a fannin lafiya. Ya tabbatar wa masu ruwa da tsaki cewa Gwamnatin Tarayya na shirin yin babban aiki na inganta ababen more rayuwar asibitin.

Farfesa Pate ya ce an kammala ayyuka 13 daga cikin 16 da Shugaba Bola Ahmed Tinubu ya amince da su a watan Fabrairun 2024. Ayyukan sun haɗa da cibiyoyin binciken lafiya guda 10 da cibiyoyin kula da cutar kansa guda uku. Ana ci gaba da aiki kan sauran cibiyoyin cutar kansa guda uku.

Ministan ya kuma bayyana ƙarancin ma’aikatan lafiya da ƙaurarsu zuwa ƙasashen waje a matsayin wasu daga cikin manyan ƙalubalen da s**a addabi ɓangaren lafiya. Ya ce Gwamnatin Tarayya ta ninka adadin ɗaliban da ake bai wa damar karatun likitanci, jinya da harhaɗa magunguna, duk da cewa za a ɗauki lokaci kafin a ga cikakken tasirin wannan mataki.

Ministan Kuɗi kuma Mai Kula da Tattalin Arzikin Ƙasa, Farfesa Taiwo Oyedele, ya ce cibiyar UCH na cikin shirin faɗaɗa ayyukan lafiya na NSIA da MedServe. Mataki na farko na shirin ya ƙunshi cibiyoyi 13, waɗanda ake sa ran za su iya yi wa kusan ’yan Najeriya 300,000 hidima a cikin shekaru biyunsu na farko.

Ya jaddada muhimmancin haɗin gwuiwar zuba jarin kamfanoni masu zaman kansu da na hukumomin raya ƙasa da kuɗaɗen gwamnati, domin biyan buƙatun gine-ginen kiwon lafiya. Ya kuma ce matsayin Ibadan a fannin karatun likitanci, bincike da manyan asibitocin lafiya ya sa birnin yake da muhimmiyar rawa wajen inganta ayyukan kiwon lafiya a Najeriya.

Daraktan Yankin Afirka na Kamfanin Kuɗi na Duniya (IFC), Olivier Buyoya, ya bayyana cewa IFC ta ware kusan dala miliyan 24 domin tallafa wa faɗaɗa ayyukan MedServe na bincike da kula da cututtuka na musamman a faɗin Najeriya.

Ya ce shirin zai inganta damar samun ingantattun ayyukan binciken lafiya, taimaka wajen gano cututtuka da wuri, tare da rage buƙatar tafiya nesa ko zuwa ƙasashen waje domin neman kulawar musamman. Ya ƙara da cewa faɗaɗa cibiyoyin kula da cutar kansa daga ɗaya zuwa huɗu, da cibiyoyin binciken lafiya daga biyu zuwa 15, na iya samar da ayyukan yi sama da 17,000 da kuma taimaka wa horar da ƙwararrun likitocin Najeriya kusan 500.

Babban Daraktan Asibitin UCH, Farfesa Jesse Abiodun Otegbayo, ya gode wa Gwamnatin Tarayya, NSIA, MedServe da sauran abokan hulɗa bisa wannan zuba jari. Ya ce sabuwar cibiyar za ta ƙarfafa damar asibitin wajen gano cututtuka da wuri kuma cikin sahihanci, gudanar da jinya ta zamani, horas da ma’aikatan lafiya da kuma bunƙasa binciken kimiyya.

Ya sake jaddada cewa UCH za ta ci gaba da bai wa marasa lafiya kulawa mai kyau, cikin mutunci da tausayi.

07/10/2026

Ni ne na lashe zaben 2023, amma bani da hujja - Obi

Ɗan takarar shugaban kasa na jam’iyyar NDC, Peter Obi, ya sake jaddada cewa ya lashe zaben shugaban kasa na shekarar 2023, duk da cewa ya amince cewa ba shi da wata hujja da za ta tabbatar da ikirarinsa.

Obi, tsohon gwamnan jihar Anambra, ya bayyana hakan ne a wata hira da BBC, inda aka tambaye shi ko har yanzu yana kan ra’ayinsa cewa shi ne ya lashe zaben, bayan kotuna sun yi watsi da karar da ya shigar kan sak**akon.

A zaben na 2023, Obi ya tsaya takara a karkashin jam’iyyar Labour Party (LP), inda ya zo na uku da kuri’u 6,101,533.

Shugaba Bola Tinubu na jam’iyyar APC ya lashe zaben da kuri’u 8,794,726, yayin da Atiku Abubakar na PDP ya zo na biyu da kuri’u 6,984,520.

Obi ya kalubalanci sak**akon zaben a kotun sauraron kararrakin zaben shugaban kasa, yana zargin an samu kura-kurai da magudi a fadin kasar. Sai dai a watan Satumban 2023, kotun ta yi watsi da karar, inda ta ce bai gabatar da isassun hujjoji kan zargin nasa ba.

A watan Oktoban 2023 kuma, Kotun Koli ta tabbatar da nasarar Tinubu, tare da yin watsi da daukaka karar da Obi da Atiku s**a shigar.

Da aka tambaye shi ko har yanzu ya yi imanin cewa shi ne ya lashe zaben, Obi ya ce: “Har yanzu ina kan abin da na fada.”

Da aka kara tambayarsa ko yana da hujjar tabbatar da cewa ya lashe zaben, sai ya amsa cewa: “Babu hujja. Ba komai ake gina shi a kan hujja ba. Na lashe zaben, kuma a nan zan tsaya.”

06/10/2026

Bankin Duniya Ya Ƙara Hasashen Ci gaban Tattalin Arzikin Najeriya zuwa Kashi 4.3%

Bankin Duniya (World Bank) ya ƙara hasashen ci gaban tattalin arzikin Najeriya na shekarar 2026 zuwa kashi 4.3 daga kashi 4.0 da aka samu a shekarar 2025, yana kuma hasashen cewa tattalin arzikin ƙasar zai ƙara bunƙasa zuwa kashi 4.4 a kowace shekara ta 2027 da 2028.

Bankin ya bayyana hakan ne a cikin sabon rahotonsa na Africa Economic Update na Oktoba 2026, wanda aka fitar a ranar Talata.

A cewar Bankin Duniya, tattalin arzikin Najeriya zai ƙara samun ƙarfi sak**akon ingantuwar yanayin tattalin arziki, ƙara samun kwarin gwiwar masu zuba jari da kuma farfaɗowar zuba jari daga kamfanoni masu zaman kansu.

Bankin ya ce, “ayyukan tattalin arziki a Najeriya za su tashi daga kashi 4.0 a 2025 zuwa kashi 4.3 a 2026, kafin su kai kashi 4.4 a kowace shekara tsakanin 2027 da 2028,” abin da yake nuna kyakkyawan yanayin da tattalin arzikin ƙasar ke fuskanta.

Najeriya na cikin ƙasashen Afirka da Bankin Duniya ya ƙara wa hasashen ci gaban tattalin arzikinsu, tare da ƙasashen Zambia, Habasha da Angola. Bankin ya danganta wannan ci gaba da sauye-sauyen tattalin arziki da ingantuwar tsarin gudanar da tattalin arziki a ƙasashen.

Wannan sabon hasashe ya zo ne a daidai lokacin da ake samun ƙarin alamomin farfaɗowar tattalin arzikin Najeriya, ciki har da ci gaban GDP da ya kai kashi 4.43 a zango na biyu na shekarar 2026, bisa bayanan Hukumar Kididdiga ta Ƙasa (NBS), k**ar yadda rahotannin da s**a yi nuni da sabon hasashen Bankin Duniya s**a bayyana.

06/10/2026

Shugaban Ƙasa Bola Ahmed Tinubu ya bayyana alhininsa bisa rasuwar Sakatare-Janar na Majalisar Koli ta Shari’ar Musulunci a Najeriya (SCSN), Malam Nafiu Baba-Ahmed, wanda ya rasu da sanyin safiyar Talata bayan tsawon shekaru yana hidimtawa addinin Musulunci da ƙasa.

Shugaba Tinubu ya bayyana marigayin a matsayin jagora mai tasiri, wanda ya jagoranci harkokin Majalisar Koli ta Shari’a cikin hikima, hangen nesa da kishin haɗin kan al’umma, adalci da zaman lafiya.

Shugaban ya tuna da doguwar alaƙar da ke tsakaninsa da marigayin, musamman tun daga shirye-shiryen zaɓen shekarar 2011, da kuma shekarun baya, inda Malam Baba-Ahmed ya kasance cikin waɗanda s**a ba shi shawarwari tare da mara masa baya a lokacin yaƙin neman zaɓen shugaban ƙasa na 2023.

A cewar Shugaba Tinubu, marigayin ya taka muhimmiyar rawa wajen tabbatar da cewa Majalisar ta ci gaba da bayar da gudummawarta kan muhimman batutuwan ƙasa, tare da ƙarfafa fahimtar juna da kuma yaɗa kyawawan ɗabi’u, adalci da gyaran zamantakewar al’umma.

Shugaban Ƙasar ya miƙa ta’aziyyarsa ga Shugaban Majalisar Koli ta Shari’ar Musulunci a Najeriya, shugabanni da mambobinta, iyalan Baba-Ahmed, gwamnatin da al’ummar Jihar Kaduna, da kuma daukacin al’ummar Musulmi a Najeriya bisa wannan babban rashi.

Ya roƙi Allah Maɗaukakin Sarki Ya gafarta wa marigayin kura-kuransa, Ya jikansa, Ya sanya shi cikin Aljannatul Firdausi, sannan Ya bai wa iyalansa da daukacin al’ummar Musulmi haƙurin jure wannan babban rashi.

06/10/2026

Farfesa ya mutu sa’o’i kadan bayan rantsar da shi a matsayin shugaban jami’a

Farfesa Nnamdi Umeoduagu, Shugaban Jami’ar Tansian da ke Umunya, jihar Anambra, ya mutu, sa’o’i kadan bayan rantsar da shi a matsayin cikakken Shugaban Jami’ar.

Jaridar Premium Times ta rawaito cewa Umeoduagu ya mutu kwatsam ranar Asabar, 3 ga watan Oktoba, kwana guda bayan rantsar da shi a matsayin cikakken Shugaban Jami’ar ranar Juma’a, 2 ga watan Oktoba.

Babban Sakataren Yada Labarai na jami’ar, Fidelis Nwakwesili, ya tabbatar da mutuwar farfesan a ranar Talata.

Sai dai jami’ar ta bayyana cewa rahotannin da ke cewa Umeoduagu ya yi kwanaki biyu kacal a matsayin mukaddashin Shugaban Jami’ar kafin rasuwarsa ba gaskiya ba ne.

A cewar jami’ar, Umeoduagu ya fara aiki a matsayin mukaddashin Shugaban Jami’ar ne kimanin watanni biyu da s**a gabata, bayan Shugaban Jami’ar na wancan lokaci, Eugene Nwadialor, ya tafi hutun jinya.

Ya ci gaba da rike mukamin har zuwa ranar 30 ga watan Satumba, 2026, lokacin da wa’adin Nwadialor ya kare, kafin daga bisani a nada shi a matsayin cikakken Mataimakin Shugaban Jami’ar.

Jami’ar ta kafa kwamitin mutum biyar domin gudanar da bincike kan musabbabin rasuwar Farfesa Umeoduagu.

06/10/2026

Federal University of Health Sciences Azare, Bauchi State Nigeria.