TASKAR JAWABAN SAYYID ABDULLAHI ASHURA BAUCHI

24/06/2026

*ZAINAB (AS)*
😭😭😭😭😭

"Watarana Imam Hussain (AS) ya shigo gidan Sayyada Zainab (AS) sai ya sameta tana barci a dakinta daf da bakin kofa, ta 'daga labule saboda zafi, a lokacin tana barci ashe har rana ya iso kanta (tana zufa), Imam Hussain (AS) ya sameta a wannan hali sai ya tsaya ya mata inuwa da gangar jikinsa, rana tana ta dukan jikinsa, Imam Hussain (AS) yana tsaye kyam! bai kauce ba har sai da Sayyada Zainab (AS) ta tashi daga barci."

Imam Hussain (AS) ya mata wannan inuwa ne a cikin gidan ta, a dakin ta, daran ta, da lafiyar ta.

Amma ita Sayyida Zainab (AS) a filin karbala lokacin an yanke kan Imam Hussain (AS), ta zo ta tsaha akan gangar jikinsa tana kare masa rana da gangar jikinta kamar yadda ya taba yi mata.

Ita (AS) ta tsaya tana kare masa rana ne, a lokacin da an kashe shi, an yanke kansa, an sassari jikinsa da takubba, an harbe shi da masu, an harbe shi da kifiyoyi!

Ya Allah😭😭😭😭

Ta tsaya tana cewa "Wayyo! Wayyo! Wayyo Hussain.......

Lokacin da aka shayar da Imam Hassan (AS) guba yana aman jini, sai ga Zainab (AS) tana zuwa take imam ya sa aka rufe wannan jini da tsumma saboda baya so Zainab (AS) tasan halin da yake ciki don kar hankalinta ya tashi.....

Irin wannan kula da Imam Hassan (AS) ya ke mata, ta kai duk da tsananin ciwo wanda ta kai shi ga aman hantarsa amma yana boyewa don kar ya ga damuwa a idonun Sayyada Zainab (AS)

To ya Imam Hassan (AS) zai ji lokacin da ya ga Zainab (AS) a filin karbala😭😭😭😭

Taskar Abdullahi Ashura 2024

✍️Huzaifa Bauchi

23/06/2026

Sallallahu Alaikum ya Baka'una alal Hussain (AS)😭

22/06/2026

22/06/2026

😭

18/06/2026

Sheikh Sayyid Abdullahi Ashura ya gabatar da jawabi a rana ta biyu, wurin zaman makokin Imam Hussain (AS) a Da'irar Sokoto. Akan Maudhu'i mai taken "HUJJOJIN SANYA BAQAQEN KAYA DA KUKA"

17/06/2026

*Cigaban labarin Abdullahi mai itace tareda Hallalul Mashakil, No 3*

Sai aka ce wa Makiyya ''Wancen kyakkyawa da ki ke gani ai 'yar sarki ce" nan take 'yar Abdullahi mai itace (Makiyya) ta je ta mata sallama, ta zauna kusa da ita su ka fara hira, sai yar sarki ta ce mata "Ke 'yar waye a garin nan kuma menene sunanki, domin ina yawan zuwa wannan wuri amma ban taba ganinki ba sai yau?" sai 'yar Abdullahi mai itace ta ce mata "Ni 'yar Abdullahi mai itace ne, sunana Makiyyah" sai 'yar sarki ta yi mamaki ta ce mata "Ta ina ku ka samu tarin dukiya da kuke da shi?" Makiyya ta ce "Daga Allah ne da kuma albarkar Hallalul Mashakil" a nan su ka yi ta hira mai dadi har su ka gama, sannan su ka fito daga bayan gida su ka nufi gida, hanyar da su ka bi hanyar gidan Abdullah mai itace ne, lokacin da su ka iso kofar gidan Abdullahi mai itace sai Makkiyya ta roqi yar sarki akan ta shiga gidansu a amatsayin baquwarta na yau, sai 'yar sarki ta amince, ta kwana a gidan Abdullahi mai itace cikin girmamawa da mutuntawa, ta shirya ta fito domin tafiya gida, sai itama ta nemi yar Abdullah mai itace taje gidansu ta kwana a matsayin baquwarta, sai Makiyya ta amince su ka tafi.
To daren wannan rana ya kasance daren juma'a ne, a wannan dare 'yar Abdullah ta mance da karanta yabon Hallalul Mashakil.

Da gari ya waye sai yar sarki ta ce mata ki tashi mu je lambun sarki mu huta, ta ce ba matsala, nan s**a tafi lambun sarki tareda kuyangi mata, cikin wannan lambu sai s**a iso wani kwari wanda kwarin akwai ruwa (an tona kwarin ne don qawatawa), sai yar sarki ta ce wa Makiyya "Mu shiga ciki mu yi wanka" Makiyya ta ce ba matsala, su ka cire kayan ado da kwalliya su ka fada cikin ruwa, suna ta hira mai dadi, sai wani tsuntsu ya zo wucewa sai ya dauki abin wuyan 'yar sarki, firrrrr tsuntsun nan ya tashi da shi ya jefar da shi akan reshen wata bishiya dake lambun, su kuma suna ta hira ba su ga abinda wannan tsuntsu ya yi ba.

Bayan sun fito kowa ta sanya kayanta, kowa ta nufi gida cikin jin dadi da farin ciki to ita 'yar sarki ba ta kula cewa babu abin wuyarta ba sai cikin dare ta nemi abin wuyanta ba ta ganshi ba, sai ta aika bayi suje su duba lambu wurin da su ka yi wanka, da wurin da su ka zauna, nan su ka dawo basu samu komai ba, sai 'yar sarki ta tura kuyangarta zuwa wajen Makiyya ('yar Abdullahi mai itace) cewa ta dawo mata da abin wuyanta idan ta dauka. Makiyya ta ce: "Lallai ni ban dauka ba, amma idan tana son wani to ni zan iya saya mata ba sai tamin irin wannan walakanci da cin mutunci ba, ta yadda har za ta zargeni da sata" sai kuyanga ta dawo ta fada wa 'yar sarki abinda Makiyya ta fada mata, nan take ta tashi ta je ta fada wa babanta abinda ke faruwa, nan fa sarki ya fusata ya ce wa fadawarsa su je gidan Abdullahi mai itace su kwaso dukkan dukiyarsa sannan su kuma taho da dukkan iyalansa su kawosu, nan fadawa su ka je su ka aikata abinda sarki ya umurcesu, lokacin da aka kawo iyalan Abdullahi mai itace gaban sarki, sai sarki ya tozartasu ya walaqantasu saboda wannan sata da ake riya cewa sun yi, sannan sarki ya ce "A kaisu kurkuku a kullesu"

Suna kurkuku bayan dare ya yi sai yar Abdullahi ta ce wa mahaifiyarta, "Ya umma! wani laifi mu ka yi da za a sanya mu a kurkuku?" sai mahaifiyarta ta ce mata: "Ya ke 'yata! ki sani cewa mu ba mu kai Zainab 'yar Amirul muminin (AS) daraja ba, ba mu kai Sukaina 'yar Imam Hussain (AS) daraja ba, ba mu kai zuriyar Manzon Allah (S) daraja ba wadanda aka kamasu a matsayin fursunoni aka kaisu fadar Yazidu dan Mu'awiyya, wanda ya sanya aka ajiyesu a kufayi wurin da ba zai tare musu rana ba ballantana sanyi. Iyalan Abdullahi mai itace sun tuna da abinda ya samu iyalan Manzon Allah (S) su ka yi ta kuka a cikin wannan kurkuku.

Shi kuwa Abdullahi mai itace bai san me ke faruwa da iyalansa ba, bayan ya kammala aikin Hajji ya yi nufin dawowa gida, ya shiga kwale kwale tareda abokan tafiyarsa, suna cikin tafiya lokacin da s**a iso tsakiyar kogi, sai wani iska mai qarfin gaske ya taso, nan take iska ya babbale (ya karereya) wannan kwale kwale, mutanen ciki s**a nutse.....

Za mu cigaba

Daga Taskar Sayyid Abdullahi Ashura

✍️Huzaifa Bauchi