25/09/2026
1. Najeriya ta sake tabbatar da ƙudirinta na amfani da diflomasiyya, haɗin gwiwa da dokokin ƙasa da ƙasa wajen magance rikice-rikice, maimakon amfani da ƙarfi ko tilastawa.
2. Tinubu ya yi kira da a gyara Majalisar Tsaron Majalisar Ɗinkin Duniya (UNSC), yana mai cewa tsarin rarraba iko na shekarar 1945 bai yi daidai da yanayin duniya na yanzu ba.
3. Najeriya ta buƙaci Afirka ta samu kujeru biyu na dindindin a Majalisar Tsaro, tare da cikakken haƙƙin mamba na dindindin, ciki har da ikon veto idan ana ci gaba da amfani da shi, da kuma kujeru biyar marasa dindindin.
4. Ya bayyana shirin Najeriya na ƙara taka rawa a harkokin duniya, bisa tarihin ƙasar wajen wanzar da zaman lafiya, sasanci da ayyukan tsaro a Afirka.
5. Ya danganta manufofin harkokin wajen Najeriya da gyare-gyaren tattalin arzikin cikin gida, tare da jaddada muhimmancin ƙarfafa hukumomi, saka hannun jari da bunƙasa kamfanoni masu zaman kansu.
6. Najeriya ta yi watsi da ra’ayin cewa ƙasashe masu tasowa dole su zaɓi tsakanin ci gaban tattalin arziki da yaƙi da sauyin yanayi, tana mai cewa ya k**ata su samu damar bunƙasa masana’antu, rage talauci da faɗaɗa samar da mak**ashi.
7. Tinubu ya yi kira da a samar da ƙarin tallafin kuɗi, fasaha da ƙwarewa domin yaƙi da sauyin yanayi cikin adalci.
8. Najeriya ta sake jaddada Energy Transition Plan da burinta na cimma net-zero nan da shekarar 2060, ta hanyar mak**ashi mai sabuntawa, tsaftataccen girki, iskar gas da sauran hanyoyin kare muhalli.
9. Tinubu ya yi kira da kada tsoron Artificial Intelligence (AI) ya hana duniya amfani da damar da fasahar ke da ita wajen inganta kiwon lafiya, ilimi, noma, shugabanci da tattalin arziki.
10. Ya gayyaci ƙasashen duniya su ƙara haɗin gwiwa da matasan Najeriya a fannin fasaha da kirkire-kirkire, tare da saka hannun jari a harkokin dijital, broadband, bincike da kasuwancin fasaha.
11. Najeriya ta yi kira da a yi sauyi a tsarin kuɗaɗen duniya, tare da samar da sauƙaƙan rance da ingantaccen tsarin kula da basuss**a domin ƙasashe masu tasowa su iya saka jari a ilimi, kiwon lafiya da ababen more rayuwa.
12. Najeriya ta bayyana AfCFTA a matsayin muhimmin ginshiƙi wajen sauya tattalin arzikin Afirka, tare da kira ga nahiyar ta mayar da hankali kan masana’antu, ƙara darajar albarkatun ƙasa, kirkire-kirkire da tattalin arzikin da ilimi ke jagoranta.
13. A fannin tsaro, Najeriya ta yi kira da a ƙarfafa musayar bayanan sirri, dakile hanyoyin tallafa wa ta’addanci da safarar mak**ai ba bisa ƙa’ida ba, tare da magance matsalolin tsaro ta hanyar ilimi, damar tattalin arziki, shugabanci na gari da kare haƙƙin ɗan Adam.
14. Tinubu ya yi kira da a gaggauta amfani da diflomasiyya wajen magance rikice-rikice, musamman a Sudan, tare da kare fararen hula da tabbatar da isar da agajin jin ƙai.
15. Najeriya ta sake jaddada ƙudurinta na fifita haɗin gwiwa maimakon faɗa, tattaunawa maimakon rarrabuwar kai, da haɗin kai maimakon warewa, tana mai cewa Majalisar Ɗinkin Duniya mai inganci da haɗa kowa na da muhimmiyar rawa wajen samar da zaman lafiya, adalci da ci gaba mai ɗorewa.
