Fit'yatul Kahfi Foundation

25/09/2026

GAGARUMIN MAULIDIN ANNABI ﷺ
TARE DA KADDAMAR DA LITTAFI

SAKAFA
DARUL-QADIRIYYAH
RIYADHUL-JANNAH BAUCHI,
ƙarƙashin jagorancin
Sheikh Rabiu Jibrin Sakafa

Na gayyatar ɗaukacin al’ummar Musulmi zuwa GAgarumin taro na tunawa da Fiyayyen Halitta Annabi Muhammad ﷺ.
Tareda Kaddamar da Littafin “TUHFATUL MUHTAJ” — Wanda ya taro wasu nau'ika na salatan Shugaba ﷺ

Wanda za'a Yi Insha ALLAH Kamar Haka:

RANA: Asabar 22 Rabi’u-Thani 1448H / 3rd October 2026

LOKACI i: karfe 8:00 na dare

WURIN TARO: Sakafa Darul-Qadiriyyah Riyadhul-Jannah, Y/Wanka Street, Bauchi

ALLAH Ya ƙara mana ƙaunar Manzon Allah ﷺ, Ya kuma azurta mu da shafaa’arsa. Amin.
ﷺ



ﷺ

22/09/2026

MARTANI CIKIN GIRMAMAWA!!

A yau, 21/09/2026, na ci karo da wani rubutu daga ɗaya daga cikin Malaman da nake girmamawa, kuma nake bibiyarsa gwargwadon iko wato Dr Ahmad Tijani Al-azhary Amma gaskiya ta fi ƙarfin kowa, kuma idan mutum ya ga abin da yake ganin ya kamata a fayyace, yin bayani cikin ladabi da girmamawa shi ne abin da ya dace.

Ga wasu daga cikin abubuwan da na lura da su:

Na farko, wannan kalamai wata shubuha ce da ta shafe sama da shekaru biyar, inda Malamai da yawa s**a Sha furta irin waɗannan kalmomi. Sai dai lokaci, tare da hankalin masu sauraro, ya taimaka wajen fahimtar wannan falsafa da kuma kin samar mata gurbi a cikin tunaninsu.

Na biyu, ina ganin akwai kuskuren fahimta a cikin wannan tunanin. Domin kuwa, bisa ga dukkan alamu, Dr. bai saurari Dr. Sheikh Abduljabbar Kabara yadda ya kamata ba. Salon karatunsa karatu ne mai ’yanci, tare da bin al’amura daki-daki wajen gina hujjoji, da kuma kawo misalai masu bayyana abin da yake nufi, waɗanda ba sa buƙatar dogon sharhi.

Bugu da ƙari, furucin da Dr. Ya yi na cewa "Ya nuna cewa Malaman Hadisi irin su Imam Bukhari da Imam Muslim... yana buƙatar a yi masa ƙarin bayani.

Domin idan aka ɗauki maganar da wannan ma’anar, kamar ana ɗaukar waɗannan manyan Malaman Hadisi a matsayin waɗanda ba sa kuskure ko s**a zama kamar maʿasumai a cikin duk abin da s**a ruwaito. Wannan kuwa ya saba da abin da malaman Usul da malaman Jarhi da Ta'adili s**a gindaya na cewa babu wani malami da ya tsira daga kuskure a dukkan abin da ya riwaito ko ya fahimta.

Haka nan, hakikanin abin da malaman Jarhi da Ta'adili s**a tafi a kai shi ne cewa ko manyan Malaman Hadisi ana iya tattauna wasu daga cikin ruwayoyinsu ta fuskar isnadi, matani, ko illolin da ke cikinsu. Wannan batu ne da aka yi masa dogon bincike a cikin littattafan Ilmul-Jarh wat-Ta'dil.

Saboda haka, tambayar da ta taso a nan ita ce:

Shin Malam Abduljabbar Kabara ne ya fara s**ar wasu daga cikin ruwayoyin da s**a zo a cikin littattafan Bukhari da Muslim, ko ma Kutubus-Sitta baki ɗaya?

Ko kuwa wannan hanya ce da Malaman Hadisi s**a daɗe suna amfani da ita wajen binciken ruwayoyi?

Shin abin da aka fada ko kuma ruwayar da ake magana a kai daidai take da yadda aka fahimce ta?

Sannan: Ina Dr Ahmad Tijani Al-Azhary yake a lokacin da Dr. Sheikh Abduljabbar Kabara yake gudanar da irin wannan bincike?

Abin da nake son tunasarwa shi ne, duk wanda yake bibiyar Sheikh Abduljabbar zai san cewa yana cike da misalai da s**a nuna cewa yana s**ar wasu ruwayoyi da s**a zo cikin irin waɗannan littattafai, Wanda tuntuni dama kuma Malamai sun yi aiki mai yawa a kan wannan fanni.

Daga cikin fitattun waɗanda s**a yi irin wannan aiki akwai Imam al-Daraqutni (الدّارقطني), musamman a cikin littafinsa al-Ilzamat wat-Tatabbuʿ.

Wannan bincike yana faruwa ne bisa tsarin da Sheikh Abduljabbar yake bi wajen nuna illolin wasu ruwayoyi: yana bibiyar isnadi, sannan ya duba matani, ya kwatanta hanyoyin riwaya, sannan ya kawo misalai da hujjoji.

MISALI NA FARKO — SAHIH MUSLIM

Daga cikin misalan akwai hadisin:

«لا يحل لامرأة أن تسافر وليس معها محرم»

Muslim ya kawo shi ta wata hanya kamar haka:

Ibn Abi Dhi'b → Sa'id → Mahaifinsa → Abu Hurayrah → Annabi ﷺ

Idan muka duba wannan isnadi, za mu ga cewa an yi bincike a kan yadda Sa'id al-Maqburi ya riwaito hadisin. A wasu hanyoyin ya riwaito shi daga mahaifinsa daga Abu Hurayrah, yayin da a wasu hanyoyin aka riwaito shi kai tsaye daga Abu Hurayrah ba tare da ambaton mahaifinsa ba.

Al-Daraqutni ya kawo hanyoyi daban-daban na riwayar wannan hadisi daga Sa'id, ciki har da hanyoyin Malik, Yahya ibn Abi Kathir da Suhayl.

Saboda wannan bambancin ne aka binciki batun ambaton “mahaifinsa” a cikin isnadin.

Idan aka lura da wannan misali, za a fahimci cewa al-Daraqutni ya bibiyi isnadin sosai, ya kwatanta hanyoyin riwaya, sannan ya nuna abin da yake ganin akwai buƙatar a tattauna a cikinsa.

MISALI NA BIYU — SAHIHUL BUKHARI

Akwai kuma hadisin da Imam Bukhari ya kawo game da Abdullah ibn Mas'ud da maganar duwatsu uku lokacin da aka ambaci yadda Annabi ﷺ ya je bayan gida.

Al-Daraqutni ya binciki isnadin wannan hadisi, musamman yadda aka riwaito shi daga Abu Ishaq, da kuma batun Abu Ubaydah da ko ya ji wannan riwaya kai tsaye daga mahaifinsa, Abdullah ibn Mas'ud.

Wannan ma yana daga cikin misalan da aka tattauna a cikin ilimin ʿIlal.

KUMA BA AL-DARAQUTNI BANE KAWAI YAYI IRIN WANNAN RUBUTU

Ba Al-Daraqutni kaɗai bane ya yi irin wannan aiki . Akwai wasu manyan malaman Hadisi da s**a yi bincike a kan wasu ruwayoyi da s**a zo cikin Sahihayn, daga cikinsu akwai:

- Abu Ali al-Ghassani al-Jayyani, wanda ya yi magana a kan wasu matsaloli da s**a shafi Sahihayn.
- Ibn al-Qattan al-Fasi, wanda ya tattauna wasu wurare a cikin Bayan al-Wahm wal-Iham.
- Haka kuma Ibn Hajar ya ƙididdige wasu daga cikin hadisan da aka tattauna a kan su dangane da Sahih al-Bukhari; an ambaci cewa adadinsu ya kai 110, daga cikinsu 32 kuma Muslim ma ya riwaito su.

DAJIYA!

Duk wanda yake bibiyar Sheikh Abduljabbar zai fahimci cewa tsarin bincikensa ba wai fara s**a kai tsaye ba ne. Yana fara ne da bibiya da nazarin isnadin hadisi, sannan ya koma ga matani, ya kwatanta ruwayoyi da juna, ya kawo misalai, sannan ya auna abin da ya zo cikin ruwayar da abin da hankali salimi zai iya fahimta.

Haka kuma, Malam ya Gina wadannan al'amura bisa dogaro da umarni na ruwaya, da ta zo daga Imam Ahmad da sauran masu riwaya domin ƙarin bayyana abin da yake nufi.

Hadisin Iza Samitumul Hadisa....

Tabbas wanann hadisi yasa mun gane cewa kazanta ce a cikin hadisin Anas na Ummu Haramin.

Kanzanta ce a cikin hadisin: Kewaya mata

Kazanta ce a cikin sifar Auren Nana Safiyya da s**a fada.

Kazanta ce acikin yanayin da aka shiga Kahibar.

Cin zarafin ne a cikin Ruwayar Magabatan SHUGABA(SllaHu AlaiHi W AliHi W Sallam)

Saboda haka, ina ganin abin da ya fi dacewa shi ne a saurari maganar Sheikh Abduljabbar gaba ɗaya, a fahimci tsarin bincikensa, sannan a yi hukunci kan abin da ya faɗa bisa cikakkiyar fahimta, ba wai a ɗauki jimla guda ɗaya a yi mata fassarar da ba ta dace da sauran bayaninsa ba.

Hankali salimi, tare da ingantacciyar Hausa, yana buƙatar a kawo misali da harshen da mai sauraro zai fahimta. Wannan shi ne abin da ya sa Hausawa da dama s**a fahimci saƙon da Sheikh Abduljabbar yake isarwa, tare da fahimtar cewa yana ƙoƙarin kare wannan janabi mai tsarki, wato Annabi Muhammad ﷺ, ta hanyar bincike da tambayar ingancin ruwayoyin da ake dangantawa gare shi.

Dan uwanku a Allah
Annabhaan 2026

22/09/2026

KARNUKA SUNJI GURNANIN FITOWAR ZAKI SUNFARA HAUSHI, Wannan Kanin Kwalmin har jama'ah sun manta dashi, Amma da yake yasan lokacin tashin Al'qiyamar yazo, A Ilimance shiyasa ya fito, Alhamdulillahi cutar tana tare da Maganin ta, Ga Sheikh Aliyu Dahiru Aliyu Yana Neman ka, idan ka isa ka Amsa.

21/09/2026

INNALILLAHI WA'INNA ILAIHI RAJI'UN.

A Madadin FITYATUL KAHFI FOUNDATION Ina Mika Sakon Ta'aziyya ga iyalai, yan'uwa da Abonkan arziki Musamman MUHAMMADAWA na AS'HABUL KAHFI Na rashin daya Daga cikin Masoya Maulana Amirul Wa'izina, wato Engr.Ibrahim warure, Wanda Allah ya karbi rayuwarsa, Muna Rokon Allah ya Gafarta Masa Ya Sadashi da Shugaba S.A.W.

08/09/2026

KWANAKI 68 SUN SHUƊE… SAURA 22 KACAL: ME YA SA MUKE JIRAN HUKUNCIN SHEIKH ABDULJABBAR KABARA? ⚖️
Ya ku masu kishin adalci, masoya da ɗaliban Sheikh Abduljabbar Kabara-ku karanta wannan cikin natsuwa.
Yau kwanaki 68kenan tun bayan kammala gabatar da hujjoji da jawabai na ƙarshe a wannan shari'a.
Idan muka ɗauki wa'adin da Sashe na 294(1) na Kundin Tsarin Mulkin Tarayyar Najeriya 1999 (as amended) ya tanada, akwai sauran kusan kwanaki 22 daga cikin kwanaki 90 da aka tanada domin gabatar da hukunci.
Kuma wannan shi ne abin da ya kamata mu fahimta:
Kwana 68 ba yana nufin an manta da shari'ar ba.
Kuma rashin sanar da ranar hukunci nan take ba shi kaɗai ne ke nuna rashin adalci ba.
Akwai babban aikin da ke tsakanin kammala sauraron shari'a da rubuta hukunci.
Alƙali ba ya yanke hukunci saboda mutane suna jira.
Ba ya yanke hukunci saboda mutane suna matsa masa.
Ba ya yanke hukunci saboda kafofin sada zumunta suna magana.
Yana yanke hukunci ne bayan ya tantance doka, hujjoji, bayanan ɓangarorin biyu da duk abin da ya dace da shari'ar.
Wannan shi ne dalilin da ya sa Sashe na 294(1) ya ba da wa'adin kwanaki 90.
Kuma kotunan Najeriya sun sha bayyana muhimmancin wannan tanadi.!!!
1-TO ME YA SA MASOYA SUKE DAMUWA?
Saboda wannan ba ƙaramin hukunci ba ne.
Maganar tana da alaƙa da hukuncin kisa da aka yanke wa Sheikh Abduljabbar Kabara a kotun farko.
Saboda haka, babu wanda ya kamata ya raina damuwar iyalansa, ɗalibansa, masoyansa da sauran masu bibiyar shari'ar.
Amma a lokaci guda:
Damuwa ba ta kamata ta zama gaggawar yanke hukunci ba.
Abin da muke so shi ne:
HUKUNCI MAI GINA JIKI A KAN DOKA DA HUJJA.
2-ME SASHE NA 294(1) YA TANADA?
Dokar ta ce:
“Every Court established under this Constitution shall deliver its decision in writing not later than ninety days after the conclusion of evidence and final addresses…”
Ma'ana,= akwai iyakar lokacin da kundin tsarin mulki ya tanada domin kotu ta gabatar da rubutaccen hukuncinta bayan kammala hujjoji da final addresses.
Saboda haka, mu daina kallon kwanaki 68 a matsayin abin tsoro.
Muna cikin lokacin da kundin tsarin mulki ya tanada.
AMMA GA WANI ABU MAI MUHIMMANCI…
Idan wa'adin kwanaki 90 ya wuce, hakan ba yana nufin kai tsaye cewa:
“An soke shari'ar.”
A'a.
Sashe na 294(5) ya yi magana kan wannan, inda ya nuna cewa rashin bin wa'adin 294(1) shi kaɗai ba ya sa hukuncin ya zama nullity sai an nuna cewa rashin bin wannan tanadin ya haifar da miscarriage of justice. Kotunan Najeriya sun yi amfani da wannan fahimtar a shari'o'i daban-daban.
Wannan muhimmin bayani ne domin kada wani ya zo ya yaɗa cewa:
“Da zarar kwanaki 90 sun cika, komai ya lalace.”
Ba haka doka take aiki ba.
TO MU MASOYAN SHEIKH ABDULJABBAR ME YA KAMATA MU YI?
Mu yi abubuwa uku:
1️⃣ MU CI GABA DA ADDU'A 🤲🏽
Ba mu da ikon tilasta hukuncin da zai fito.
Amma muna da ikon roƙon Allah:
Ya bayyana gaskiya.
Ya kare wanda aka zalunta.
Ya shiryar da masu yanke hukunci.
Ya sa hukuncin ya kasance bisa gaskiya da adalci.
2️⃣ MU MUTUNTA KOTU ⚖️
Muna iya son Sheikh Abduljabbar.
Muna iya ganin cewa hujjojin da aka gabatar sun cancanci a duba su.
Muna iya fatan a samu hukuncin da zai dace da abin da muka yi imani da shi.
Amma duk da haka:
Kotu ce ke da ikon yanke hukunci.
3️⃣ MU CI GABA DA NEMAN ADA LCI TA HANYAR DOKA
Ba hayaniya ba.
Ba barazana ba.
Ba zagi ba.
Ba matsin lamba ba.
Doka. Hujja. Adalci.
- SAƘONMU GA KOTU DA MA MASU RUWA DA TSAKI
Mun san cewa wannan shari'a ba ta cikin duhun da babu wanda yake kallo.
Akwai mutane a Najeriya da ma wajen Najeriya da suke bibiyar yadda wannan lamari zai ƙare.
Saboda haka muna fatan hukuncin da za a gabatar zai kasance wanda zai iya nuna wa duk mai bibiyar wannan shari'a cewa:
A Najeriya, doka ita ce mafi girma.
Ba matsayin mutum ba.
Ba shahararsa ba.
Ba yawan mabiyansa ba.
Ba yawan masu adawarsa ba.
Doka da hujja.
Kuma ga masu tambaya: “Me yasa kotu take ɗaukar lokaci wajan rubuta hukunci?”
Amsa ita ce:
Domin hukunci mai muhimmanci ba abin gaggawa ba ne.
Musamman idan shari'ar tana ɗauke da batutuwa masu nauyi, kuma hukuncin farko da ake ƙalubalanta ya kasance hukuncin kisa.
Muna son hukunci.
Amma muna son hukunci mai inganci, mai dalilai, mai tushe a doka, kuma wanda zai iya tsayawa idan aka sake duba shi a matakin gaba.
DON HAKA, YA KU MASOYAN SHEIKH ABDULJABBAR…
Kada mu gaji.
Kada mu yanke ƙauna.
Kada mu yanke hukunci kafin kotu.
Kwanaki 68sun shuɗe.
Saura 22 kacal bisa wannan lissafin da muke magana a kai.
Mu mai da waɗannan kwanaki zuwa kwanakin addu'a.
Mu mai da su kwanakin natsuwa.
Mu mai da su kwanakin bin doka.
Mu jira abin da kotu za ta faɗa.
Domin a ƙarshe:
Adalci ba wai kawai samun abin da muke so ba ne. Adalci shi ne a yi abin da doka, hujja da gaskiya s**a wajabta.
Allah Ya bayyana gaskiya, Ya ba kowa hakkinsa, Ya shiryar da masu yanke hukunci, Ya kuma kawo ƙarshen wannan lamari cikin alheri. 🤲🏽
Buhari Ibrahim Al Saleh Mahmud Galadanci II Askia Nasir Kabara Aliyu Samba Imam Habibu Abdulkarim Asiwaju Bola Ahmed Tinubu Atiku Abubakar Hausa Abba Hikima Abba Kabir Yusuf Aliyu Dahiru Aliyu Abdullahi Giggs Alhaqq Media Network Muhammad Cisse Barau I. Jibrin Sheikh Abubakar Malam Maisanda Shehu Abdulkadir Jimoh Mamu Yusuf Bamally Abdulkarim Kabiru Maude Sheikh Sidi Musal Qasiyuni Kabara Sheikh Aminu Ibrahim Daurawa seyi tinubu Donald J. Trump Arewa Updates — B.I.S Jagora

@


゚

28/08/2026

26/08/2026

ALHAMDULILLAH DAN DAZON MUHAMMADAWA KAHAFAWA A BAUCHI SUN GUDANAR DA BIKIN MAULUDIN MANZON TSIRA ANNABI MUHAMMADU S.A.W. DA FATAN ALLAH YA MAIMAITA MANA, YA FITO MANA DA SARKIN GIDA A KUSA ALFARMAR SHUGABA S.A.W.