GDK TV

GDK TV Wannan gidan talabijin din, mun bude ta ne domin fadakar da al'umma, wayarwa, da nishadantarwa.

CIKIN HOTINA: Yadda Aka Sha Ruwan Sama Da Yammacin Jiya Alhamis a Masallacin Haramin Makkah Me Alfarma.Hajji Ibadar Alla...
22/08/2025

CIKIN HOTINA: Yadda Aka Sha Ruwan Sama Da Yammacin Jiya Alhamis a Masallacin Haramin Makkah Me Alfarma.

Hajji Ibadar Allah 📸

Da Dumi Dumi Jam’iyyar APC ta lashe zaɓen cike gurbi na mazabar Kaura Namoda ta Kudu a majalisar dokokin jihar ZamfaraSa...
22/08/2025

Da Dumi Dumi

Jam’iyyar APC ta lashe zaɓen cike gurbi na mazabar Kaura Namoda ta Kudu a majalisar dokokin jihar Zamfara

Sakamakon zagaye na biyu na zaben cike gurbin ya nuna cewa ɗan takarar APC ya samu kuri'u 8,182 yayin da na PDP ya samu 5,543.

Shugaban NAHCON, Farfesa Abdullahi Saleh Usman, ya jagoranci zama tare da kamfanonin jigila masu lasisi (Travel Operator...
21/08/2025

Shugaban NAHCON, Farfesa Abdullahi Saleh Usman, ya jagoranci zama tare da kamfanonin jigila masu lasisi (Travel Operators), wanda aka gudanar a yau Alhamis, 21 ga Agusta, 2025, a dakin taro na Hajj House dake Abuja.

📷NAHCON

Gwamnatin Kano ta taya Hafiz Sanusi Bukhari murnar nasarar gasar Qur’ani ta duniyaGwamnatin Jihar Kano ta taya Hafiz San...
21/08/2025

Gwamnatin Kano ta taya Hafiz Sanusi Bukhari murnar nasarar gasar Qur’ani ta duniya

Gwamnatin Jihar Kano ta taya Hafiz Sanusi Bukhari Idris murnar samun matsayi na uku a rukuni na Qirā’āt a gasar Qur’ani ta King Abdulazeez International Qur’an Competition da aka gudanar a ƙasar Saudiyya.

A cikin wata sanarwa da Kwamishinan Yaɗa Labarai da Harkokin Cikin Gida, Kwamared Ibrahim Abdullahi Waiya, ya fitar a madadin Gwamna Abba Kabir Yusuf da al’ummar Kano, gwamnati ta bayyana wannan nasara a matsayin abin alfahari ga kansa da iyalinsa, da kuma girmamawa ga jihar Kano, Najeriya baki ɗaya, da al’ummar Musulmi.

Sanarwar ta nuna cewa wannan nasara ta sake haskaka sunan jihar Kano da Najeriya a idon duniya, tare da tabbatar da dogon tarihin ƙwarewar ilimin Qur’ani da Kano ta shahara da shi.

Gwamnatin ta yi addu’ar Allah ya ci gaba da jagorantar rayuwarsa tare da ba shi kariya, da kuma kara ɗaukaka shi wajen bauta wa addinin Musulunci da ɗan Adam gaba ɗaya.

Jana’izar Marigayi Sarkin Zuru, Alhaji Muhammad Sani SamiAn saka ranar Juma’a da karfe 2:00 na rana, bayan kammala salla...
21/08/2025

Jana’izar Marigayi Sarkin Zuru, Alhaji Muhammad Sani Sami

An saka ranar Juma’a da karfe 2:00 na rana, bayan kammala sallar Juma’a, a matsayin lokacin da za a gudanar da jana’izar marigayi Sarkin Zuru, Alhaji Muhammad Sani Sami kmar yadda gwamnatin jihar Kebbi ta tabbatar

Ɗan Najeriya Bukhari Sunusi Idris daga jihar Kano ya zo na uku a gasar Al-Qur’ani mai girma naduniya da aka gudanar ciki...
21/08/2025

Ɗan Najeriya Bukhari Sunusi Idris daga jihar Kano ya zo na uku a gasar Al-Qur’ani mai girma naduniya da aka gudanar cikin masallacin Haramin Makkah na ƙasar Saudiyya a jiya Laraba.

Matashin ya fafata da ƙasashe 128, inda ɗan ƙasar Chadi ya zo na ɗaya, ɗan Saudiyya ya zo na biyu ksanna shi kuma ya zo na uku. Ya samu kyatar Riyal dubu 400 wansa ya fi Naira miliyan 160.

Yau Ranar Yaƙi da Sauro ta Duniya!Shirin Yaƙi da Cizon Sauro na World Mosquito Program ya ce cutukan sauro na janyo mutu...
20/08/2025

Yau Ranar Yaƙi da Sauro ta Duniya!

Shirin Yaƙi da Cizon Sauro na World Mosquito Program ya ce cutukan sauro na janyo mutuwar fiye da mutum miliyan ɗaya a duniya duk shekara.

Hakan ya saɓa da alƙaluman Hukumar Lafiya ta Duniya da ke nuna mutuwar mutum 597,000 a faɗin duniya.

Labari Cikin Hotuna A jiya Talata kenan yayin da Mai Martaba Sarkin Kano, Muhammadu Sanusi II, ya karɓi baƙuncin Dr. Kar...
20/08/2025

Labari Cikin Hotuna

A jiya Talata kenan yayin da Mai Martaba Sarkin Kano, Muhammadu Sanusi II, ya karɓi baƙuncin Dr. Karl Olutokun Toriola, Babban Daraktan Kamfanin MTN a Najeriya.

Sarkin ya yi ƙirayi kamfanin da ya ƙara inganta hanyoyin sadarwarsa a Kano, duba da yawan hulɗa da mu’amaloli ta kasuwanci da ma na yau da kullum da a ke gudanarwa a faɗin jihar.

📸Sunusi II Dynasty

Ƴan Nijeriya 69,376 ne su ka cike matakin farko na rijistar katin zaɓe ta yanar-gizo a awanni 7 da buɗe shafin - INECHuk...
20/08/2025

Ƴan Nijeriya 69,376 ne su ka cike matakin farko na rijistar katin zaɓe ta yanar-gizo a awanni 7 da buɗe shafin - INEC

Hukumar Zaɓe Mai Zaman Kanta ta Ƙasa (INEC) ta ce ta samu mutane 69,376 da s**a yi rajistar farko ta yanar-gizo cikin awa bakwai kacal tun bayan da ta sake buɗe shafin ci gaba da yin rijistar katin zaɓe a fadin ƙasa.

Kwamishinan INEC na ƙasa, Sam Olumekun, ya ce rajistar ta fara aiki da karfe 8:30 na safe a ranar Litinin, inda zuwa 3:30 na rana aka samu wannan adadi.

Daga cikin su, maza sun kai 33,803, mata kuma 35,573, yayin da matasa masu shekaru 18 zuwa 34 s**a kai sama da kashi 69%.

Ya bayyana cewa rajistar kai tsaye ta mutum za ta fara ranar 25 ga Agusta a ofisoshin INEC 811 a fadin jihohi da kananan hukumomi, daga karfe 9 na safe zuwa 3 na rana a ranakun aiki.

INEC za ta rika fitar da rahoton mako-mako kan yadda ake gudanar da rijistar, ciki har da bayanai kan jihohi, jinsi, shekaru da sana'a.

Hukumar ta kuma jaddada cewa rajista ta buɗe ne kawai ga ‘yan Najeriya masu shekaru 18 da sama waɗanda ba su taɓa yin rajista ba, yayin da sauya rajista da maye gurbin kati da ya ɓata ko ya lalace.

YANZU-YANZU: Shugaba Bola Ahmed ya isa birnin Tokyo na kasar Japan Gabannin taron TICAD na 2025, Ambasada Hideo MATSUBAR...
18/08/2025

YANZU-YANZU: Shugaba Bola Ahmed ya isa birnin Tokyo na kasar Japan Gabannin taron TICAD na 2025, Ambasada Hideo MATSUBARA, jakadan Japan mai kula da TICAD ya tarbe shi.

Gwamnatin Jihar Katsina ta tabbatar da cewa mutane 62 da aka yi garkuwa da su sun samu nasarar tserewa, bayan luguden wu...
18/08/2025

Gwamnatin Jihar Katsina ta tabbatar da cewa mutane 62 da aka yi garkuwa da su sun samu nasarar tserewa, bayan luguden wuta da jirgin yaki na soji yayi a sansanin fitaccen shugaban ‘yan bindiga, Muhammadu Fulani, da ke karamar hukumar Danmusa ta jihar Katsina.

Kakakin ma’aikatar tsaro da harkokin cikin gida ta jihar, Dakta Nasir Mu’azu, ne ya tabbatar da hakan a cikin wata sanarwa da ya fitar a ranar Litinin a Katsina.

Gwamnatin taraiya za ta fara baiwa iyaye mata tallafin kuɗi don ɗaukar nauyin karatun ƴaƴan suGwamnatin Tarayya ta ƙadda...
18/08/2025

Gwamnatin taraiya za ta fara baiwa iyaye mata tallafin kuɗi don ɗaukar nauyin karatun ƴaƴan su

Gwamnatin Tarayya ta ƙaddamar da sabon shirin Basic Education Transformation Agenda (BETA) domin rage yawan yara masu zaman gida da kuma inganta ingancin ilimi a ƙasar.

Da yake kaddamar da shirin a Abuja, Ministan Ilimi, Dr. Tunji Alausa, ya bayyana cewa gwamnati za ta fara ba iyaye mata tallafin kuɗi bisa sharadi domin karfafa halartar yara a makaranta.

Shirin ya haɗa da Back2School Drive tare da Hukumar Inganta Almajiranta da Rage Yara Masu Zaman-Gida, inda gwamnati za ta ɗauki nauyin rajistar yara gaba ɗaya.

Alausa ya ce gwamnati ta amince da N120bn domin bunƙasa ilimin fasaha da sana’o’i, tare da ba ɗaliban kwalejojin fasaha na tarayya da jihohi karatu kyauta, abinci, masauki da tallafin N22,500 a wata daga shekarar karatu ta 2025/2026.

An kuma ware N80bn domin gyaran makarantun Unity Schools, tare da shirin sabunta kwalejojin fasaha 38.

Haka kuma, gwamnati ta ƙara kuɗin tallafin karatu ga ɗalibai da kashi 50%, tare da sakin N77bn na rance ga ɗalibai sama da 396,000.

Shirin ya haɗa da matakan kare yara masu rauni, kamar dokar hana cin zarafi a makarantu, inshorar lafiya ga Almajirai, shirin abinci, da shirye-shiryen tallafawa ’yan mata.

Ministan ya ce wannan gyare-gyare na nufin tsaftace tsarin ilimi da shirya ’ya’yan Najeriya don su yi gogayya a duniya.

Address

Gadaka

Telephone

+2348082396404

Website

Alerts

Be the first to know and let us send you an email when GDK TV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category