18/08/2026
Sakataren Yaɗa Labaran ADC a karamar Hukumar Kwami Ukasha Bolawa ya fice daga jam’iyyar zuwa APC
Ukasha Ibrahim Bolawa, wanda ya kasance Sakataren Yaɗa Labarai na jam’iyyar African Democratic Congress, ADC, a ƙaramar hukumar Kwami ta jihar Gombe, ya yi murabus daga mukaminsa tare da ficewa daga jam’iyyar.
A cikin wata wasikar murabus da ya sanya wa hannu a ranar 18 ga Agusta 2026, Ukasha ya ce ya kuma ajiye shugabancin tawagar yaɗa labarai ta kafafen sada zumunta ta ADC a jihar Gombe.
Ya ce matakin ya biyo bayan dogon nazari da shawarwari da ya yi, inda ya yanke shawarar bin wata sabuwar hanyar siyasa da ta fi dacewa da akidunsa da burinsa na siyasa.
Ukasha Ibrahim Bolawa ya bayyana cewa zai bi sahun jagoransa na siyasa kuma shugabansa, Injiniya Aliyu Mohammed Kombat, wajen komawa jam’iyyar All Progressives Congress, APC.
Ya jaddada cewa matakin nasa zaɓin siyasa ne na kansa, ba tare da wata niyyar raina ko zubar da mutuncin ADC, shugabanninta ko mambobinta ba.
Ya kuma gode wa shugabannin ADC bisa damar da s**a ba shi ta yi wa jam’iyyar hidima, tare da bayyana cewa ya samu kyawawan alaƙa da abokantaka a lokacin da ya kasance ɗan jam’iyyar.
Ukasha ya nemi shugabannin ADC su amince da murabus ɗinsa da ficewarsa daga jam’iyyar, tare da yi wa jam’iyyar da mambobinta fatan zaman lafiya da ci gaba.
“Mun zaɓi inda za a tarbe mu,” in ji wani saƙon da aka wallafa tare da sanarwar, yayin da ake bayyana komawarsa APC.
