26/08/2026
Kungiyoyi 100 sun goyi bayan Gwamna Dauda Lawal domin ya zarce a zaben 2027.
Sama da ƙungiyoyi 100 masu zaman kansu da na al'umma a faɗin Jihar Zamfara sun bayyana cikakken goyon bayansu ga Gwamna Dauda Lawal domin sake fitowa takara da zarcewa a ƙaragar mulki a zaɓen shekara ta 2027.
Taron gangamin wanda aka gudanar a ƙarƙashin tsara da jagorancin Mai Bawa Gwamna Shawara kan Al'amuran Siyasa, Hon. Nura Sani Abdullahi (Sarkin Samarin Tsafe), ya sami halartar shugabannin ƙungiyoyi daban-daban, gami da samari, mata, da ƙungiyoyin kasuwanci daga ƙananan hukumomi 14 na jihar.
Da yake jawabi a wurin taron, Hon. Nura Sani Abdullahi ya jaddada cewa wannan matakai da ƙungiyoyin s**a ɗauka ya biyo bayan kyakkyawan aiki, manufofi na gari, da kuma nasarorin da gwamnatin Dauda Lawal ta samu a ɓangarori daban-daban, musamman ta fannin tsaro, ilimi, aikin noma, da kuma inganta rayuwar al'umma.
Wannan haɗin gwiwa na ƙungiyoyi 100 alama ce a fili da ke nuna cewa al'amuran jihar Zamfara na tafiya a turba madaidaiciya. Jama'a sun gani da idon su, saboda haka s**a yanke shawara ba tare da shakku ba don gani an ci gaba da wannan tsari na bunkasa jihar mu," in ji Hon. Nura Sani.
Wakilan ƙungiyoyin da s**a haɗu sun amince su kafa maɗaukakin tsari a dukkan mazabu da ƙauyuka domin wayar da kan jama'a da haɗa kai waje ɗaya don tabbatar da nasarar gwamnan a babban zaɓen shekarar 2027 mai zuwa.
Albayan Media
