16/10/2025
TA LÓ RÁNTÍ IKÚ TÓ PA ÌYÁ FẸLÁ ANÍKÚLÁPÓ?
Ní ọjọ́ kẹjọ, oṣù kejì ọdún 1977, lẹ́yìn ayẹyẹ kan tí Wọ́n ń pè ní FESTAC '77, Àwọn kan lára ọmọ ológun orile-ede Naijiria dáná sún Kalakuta Republic tí ọkàn lára èèkàn ìlú àti Ajàfẹ́tọmọnìyàn, Fẹlá Aníkúlápó Ransome Kútì kọ́, Kalakuta Republic yìí wà ní Nọ́mbà 14 Agege, ìdí oro Mushin ní ìpínlẹ̀ èkó.
Gégé bí ÌRÒYÌN tó jáde, Fẹlá Aníkúlápó àti àwọn kan ló fẹ́ pawọ́pọ̀ ṣe ayẹyẹ yìí ṣùgbọ́n àríyànjiyàn kan bẹ́ sílẹ̀ láàrin wọn, Fẹlá Aníkúlápó sọ pé òun kò ní fẹ́ láti pawọ́pọ̀ ṣe ayẹyẹ náà pẹ̀lú wọn mọ́, ó sì lọ dá ṣe ayẹyẹ rẹ̀ lọ́tọ̀. Ìkéde yìí ní Fẹlá ṣe ní oṣù keje ọdún 1976.
Ṣùgbọ́n nígbà tí ó di oṣù kejì ọdún 1977, ó ṣe ayẹyẹ rẹ̀ lẹ́yìn tí ó ti kéde pé òun kò ṣe àjọsepọ̀ pẹ̀lú àwọn tí wọn jọ fẹ́ pawọ́pọ̀ ṣe FESTAC 77 mọ́, ṣùgbọ́n ogunlọ́gọ̀ àwọn tí ó máa ń lọ sí FESTAC 77 tẹ́lẹ̀ ni ó lọ sí ayẹyẹ Fẹlá Aníkúlápó.
Lẹ́yìn èyí, ọ̀gọ̀rọ̀ àwọn ọmọ ológun ni ó wá dáná sun ilé rẹ̀. Ní àsìkò yìí, wọn bá ìyá Fẹlá Aníkúlápó nílé, orúkọ ẹni tíì ṣe Funmilayo Ransome Kuti.
Ọ̀kan láàrin àwọn ọmọ ológun gbé ìyá Fẹlá Aníkúlápó, ó sì ju láti òkè ilé alájà méjì sílẹ̀.
Ràbàràbà yìí ni ìyá Fẹlá Aníkúlápó bá kú. Títí di òní, kò sì ẹni tí ó mọ àwọn tí ó lọ́wọ́ nínú Ìsẹ̀lẹ̀ ibi yìí
Ǹjẹ́ a rí ẹni tí ó rántí?
