03/07/2026
Tarihin Kafuwar Ƙungiyar MSSN a Nijeriya yarabawa ne su kafata shekaru 24 kafin a kafa kungiyar Izala.
Muslim Students' Society of Nigeria (MSSN) ƙungiya ce ta ɗaliban Musulmi da aka kafa domin kare addinin Musulunci, haɗa kan ɗalibai Musulmi, da bunƙasa ilimin addini a makarantun Nijeriya.
An fara tunanin kafa MSSN ne a shekarar 1954, a lokacin da yawancin makarantun boko ke ƙarƙashin kulawar ƙungiyoyin mishan na Kirista. A wancan lokaci, ɗalibai Musulmi da dama suna fuskantar ƙalubale wajen kiyaye addininsu da al'adunsu yayin neman ilimin boko. Wannan ne ya sa wasu matasa Musulmi s**a fara tunanin kafa ƙungiyar da za ta kare muradun ɗaliban Musulmi.
Ra'ayin kafa ƙungiyar ya samo asali ne daga Tajudeen Adisa Aromasodun (Aromoshodu), wanda ya haɗa kai da Sumola Akin Luguda da Abdurrahman Alade Sahid domin tara ɗaliban Musulmi su kafa ƙungiya ta ƙasa. Daga baya sauran ɗalibai da dama s**a shiga wannan yunƙuri.
A ranar 18 ga Afrilu, 1954, aka gudanar da taron farko a Methodist Boys' High School, Lagos, inda aka amince da kafa ƙungiyar. Bayan haka kuma, a ranar 30 ga Mayu, 1954, aka ƙaddamar da MSSN a hukumance a Ansar-ud-Deen Alakoro Mosque School Hall, Lagos.
Daga cikin fitattun waɗanda s**a kafa MSSN akwai:
- Tajudeen Adisa Aromasodun
- Dr. AbdulLateef Oladimeji Adegbite
- Abdurrahman Alade Sahid
- Sumola Akin Luguda
- Saheed Alade
- Momo Sanni
- Shehu Musa
- Fatai Mabadeje
- Zaidiat Anibaba (daga baya Farfesa Mabadeje).
Bayan kafuwar ƙungiyar, an zaɓi Dr. AbdulLateef Oladimeji Adegbite a matsayin Shugaban Ƙasa na farko (Pioneer National President). Ya jagoranci MSSN a farkon shekarunta, kuma ya taka muhimmiyar rawa wajen yaɗa ƙungiyar zuwa makarantu daban-daban a faɗin Nijeriya. A cikin ɗan lokaci kaɗan, MSSN ta bazu zuwa Lagos, Abeokuta, Ibadan, Ilesa, Ijebu-Ode, Ikorodu, sannan daga baya ta isa kusan dukkan makarantun gwamnati na Arewacin Nijeriya.
Tun daga lokacin, MSSN ta kasance ɗaya daga cikin manyan ƙungiyoyin ɗalibai Musulmi a Nijeriya, tana ba da gudummawa wajen ilimin addinin Musulunci, shugabanci, tarbiyya, da kare haƙƙin ɗalibai Musulmi a makarantu.
Jama'atu Izalatil Bid'ah Wa Iqamatus Sunnah (JIBWIS), wadda aka fi sani da Izala, an kafa ta a shekarar 1978 a Jos.
An danganta kafuwar ƙungiyar da Isma'ila Idris, wanda ya jagoranci ƙungiyar a farkonta, tare da gagarumar gudummawar Abubakar Mahmud Gumi wajen tallafa wa ci gabanta da yaɗa manufofinta.
A taƙaice:
Shekarar kafuwa: 1978
Wurin kafuwa: Jos
Wanda ya kafa ta: Isma'ila Idris
Babban mai goyon baya: Abubakar Mahmud Gumi
A halin yanzu MSSN ta sauka akan tsarin da aka kafata tun daga 2005 zuwa 2026 ta koma hannun yan lzala kuma suna nuna cewa makarantun gwamnati da masallatan gwamnati a yanzu mallakin sune, abubuwan da izala ta aminta dashi kaɗai za'a riƙa yi wannan ya haifar da yan tijjaniyya su ware inda su kafa Tijjaniyya Muslim student Association of Nijeriya TIMSAN, sai dai a halin yanzu hukumar DSS a Bauchi ta fara daukar matakan kawo gyara tunda masallacin gwamnati ne ta hanyar bawa kowacce kungiyar damar kawo Chief imam tare da bawa Kowa damar yin addininsa yadda ya fahimta matuƙar bai sabawa dokar ƙasa ba.
Alfaidah Bukuru Jos south Bukuru
Follow🙏🙏🙏
