Jasawa Times

Jasawa Times Jasawa Times is an internet based newspaper aimed at addressing existing gaps in the broadcast media.

KOTU TA BA DA UMARNIN KWACE JAMI'A, GIDAN REDIYO DA WASU KADARORI 46 DA AKE ALAƘANTA WA TSOHON AGF, ABUBAKAR MALAMIBabba...
17/07/2026

KOTU TA BA DA UMARNIN KWACE JAMI'A, GIDAN REDIYO DA WASU KADARORI 46 DA AKE ALAƘANTA WA TSOHON AGF,
ABUBAKAR MALAMI

Babbar Kotun Tarayya da ke zamanta a Abuja ta ba da umarnin ƙwace kadarori 48 da ake alaƙanta wa tsohon Babban Lauyan Tarayya kuma Ministan Shari'a, Abubakar Malami (SAN), tare da mayar da su mallakin Gwamnatin Tarayya.

Kotun ta amince da buƙatar Hukumar Yaƙi da Cin Hanci da Rashawa (EFCC), bayan ta tabbatar da cewa an gabatar da hujjojin da ke nuna cewa kadarorin ana zargin sun samo asali ne daga haramtattun ayyuka, kuma ba a mallake su ta hanyar halastacciyar hanyar samun kuɗi ba.
Daga cikin kadarorin da kotun ta umarci a ƙwace akwai:

• Jami'ar Rayhaan, har da harabar ta ta dindindin da ta wucin gadi.
• Gidan Rediyon Rayhaan.
• Gidan zama na Shugaban Jami'a (Vice Chancellor).
• Otal-otal.
• Gidajen alfarma.
• Gine-ginen kasuwanci.
• Gidajen mai.
• Masana'antu.
• Manyan filayen ƙasa da sauran kadarori da ke Abuja, Kebbi da Kano.

Mai shari'a, Joyce Abdulmalik, ta ce Abubakar Malami, 'yan uwansa da wasu da ake alaƙanta da shi sun kasa gabatar da isassun hujjoji da za su tabbatar da cewa sun mallaki waɗannan kadarori ne ta hanyar halal.

Kotun ta kuma bayyana cewa iƙirarin mallaka kaɗai bai isa ba a irin wannan shari'ar ƙwace kadarori ba tare da samun hukuncin laifi (non-conviction-based forfeiture).

Shugaban Ma'aikatan fadar Shugaban Kasa, Femi Gbajabiamila, ya shigar da karar ɓatanci.Femi Gbajabiamila, ya shigar da k...
17/07/2026

Shugaban Ma'aikatan fadar Shugaban Kasa, Femi Gbajabiamila, ya shigar da karar ɓatanci.

Femi Gbajabiamila, ya shigar da karar batancin inda ya nemi a biya shi Naira biliyan 15 a kan Yarima Adeniyi Adeyemi a Babbar Kotun Tarayya da ke Abuja, bisa zargin da yake masa na ya neman a ba shi kashi 48 cikin 100 na cin hanci daga tallafin da ya kai Naira biliyan 27.3 da aka amince da shi ga wata hukumar bogi.

A cikin karar, Gbajabiamila yana neman diyyar Naira biliyan 10, da kuma Naira miliyan 200 a matsayin kudin karar, da kuma neman da a umarci Adeyemi da ya buga cikakken bayanin janyewa da neman afuwa a jaridu biyar na kasa.

Yana kuma roƙon kotun da ta tilasta wa wanda ake tuhuma da ya sanya neman afuwar a duk shafukan sada zumunta da kuma tashoshin yanar gizo inda aka buga kalaman ɓatancin, har na tsawon kwanaki 30.

Lauyoyin Gbajabiamila karkashin jagorancin Kemi Pinheiro (SAN), tare da Folu Oguntade (SAN), Olukayode Enitan (SAN) da Chukwudi Enebeli (SAN), sun shigar da karar inda s**a bayyana abinda akaiwa wanda suke karewa a matsayin karya, da kuma ɓata.

KOTU TA HANA FRSC TSAI DA MOTOCI A TITUNAN CIKIN GARI NA JIHAR KANO Babbar Kotun Tarayya da ke zamanta a Kano ta hana Hu...
17/07/2026

KOTU TA HANA FRSC TSAI DA MOTOCI A TITUNAN CIKIN GARI NA JIHAR KANO

Babbar Kotun Tarayya da ke zamanta a Kano ta hana Hukumar Kiyaye Haddura ta Kasa (FRSC) tsayar da motoci, tsangwama ko yi wa direbobi tambayoyi a kan titunan Jihar Kano da na ƙananan hukumomi, tana mai cewa hukumar ba ta da hurumin doka na aiwatar da dokokin hanya a waɗannan tituna.

Hukuncin ya biyo bayan ƙarar da wani lauya mazaunin Kano, Abba Hikima, ya shigar bayan jami'an FRSC sun tsayar da shi tare da yi masa tambayoyi yayin da yake tafiya a kan wata hanyar cikin gari.
Kotun ta bayyana cewa FRSC ta wuce iyakar ikon da doka ta ba ta, tare da take haƙƙin kundin tsarin mulkin mai ƙarar.

Saboda haka, kotun ta bayar da umarnin dindindin da ke hana jami'an FRSC ci gaba da tsayar da motoci ko tsangwama ga direbobi a titunan Jihar Kano ba tare da ingantaccen ikon doka ba.
Bugu da ƙari, kotun ta umarci FRSC da ta:

• Buga bayanan neman afuwa a wata jaridar ƙasa.
• Biya mai ƙarar diyyar ₦800,000 saboda take haƙƙinsa da kuma kuɗin shari'a.

Ana sa ran wannan hukunci zai ƙara tayar da muhawara kan ko ikon FRSC ya kamata ya tsaya ne kawai a manyan hanyoyin gwamnatin tarayya, ko kuma ya haɗa da titunan jihohi da ƙananan hukumomi.

KOTUN ƊAUKAKA ƘARA TA SOKE WASU SASHE NA DOKAR ZAƁE KAN ZAƁEN FIDDA GWANIKotun Ɗaukaka Ƙara da ke zamanta a Abuja ta sok...
17/07/2026

KOTUN ƊAUKAKA ƘARA TA SOKE WASU SASHE NA DOKAR ZAƁE KAN ZAƁEN FIDDA GWANI

Kotun Ɗaukaka Ƙara da ke zamanta a Abuja ta soke sashe na 77(5), 77(6), 77(7), da kuma 84(2) na Dokar Zaɓe ta 2026, bayan ta yanke cewa sun saɓa da wasu tanade-tanaden Kundin Tsarin Mulkin Najeriya na 1999 (wanda aka yi wa kwaskwarima).

A hukuncin da alkalai s**a yanke baki ɗaya a ranar Alhamis, kotun ta bayyana cewa dokar ƙasa (Constitution) ta fi kowace doka ƙarfi, don haka ba za a iya amfani da wata ƙaramar doka wajen hana mutum abin da kundin tsarin mulki ya ba shi damar yi ba.

Kotun ta kuma jaddada cewa dokar da Majalisar Dokoki ta yi ba za ta iya ƙwace ko rage haƙƙin da kundin tsarin mulki ya tanadar wa ɗan ƙasa ba.

Ana sa ran wannan hukunci zai yi tasiri wajen yadda jam'iyyun siyasa za su gudanar da zaɓen fidda gwani da kuma amfani da kundin rajistar mambobi a zabuka masu zuwa.

16/07/2026

Wata rana wani ya kira ni ya ce "Aiko min da OTP"...

Na kusan fadama 😅 Amma na tuna da wannan video.

A cikin TECH TIPS na wannan makon, Amina da abokiyar aikinta sun bayyana yadda yan zamba (scammers) suke aiki da kuma yadda zaka kare kanka.

Wane daga cikin wadannan kuskuren biyu ka tafa fadawa?
1. Raba OTP
2. Amfani da weak password

Fada mana a comment 👇 Kuma ka tag wani da ya kamata ya saurari wannan sakon.

⚖️ KOTU TA BA DA UMARNIN KWACE GIDAJE 48 DA AKE ALAƘANTA WA TSOHON AGF, ABUBAKAR MALAMIBabbar Kotun Tarayya da ke zamant...
15/07/2026

⚖️ KOTU TA BA DA UMARNIN KWACE GIDAJE 48 DA AKE ALAƘANTA WA TSOHON AGF, ABUBAKAR MALAMI

Babbar Kotun Tarayya da ke zamanta a Abuja ta ba da umarnin kwace gidaje 48 da ake alaƙanta wa tsohon Babban Lauyan Tarayya kuma Ministan Shari'a, Abubakar Malami (SAN).

A hukuncin da Mai Shari'a Joyce Abdulmalik ta yanke ranar Laraba, kotun ta bayyana cewa Hukumar EFCC ta gabatar da isassun hujjoji da s**a tabbatar cewa kadarorin sun samo asali ne daga haramtattun ayyuka.

Da wannan hukunci, kotun ta amince da kwace kadarorin gaba ɗaya ga Gwamnatin Tarayya, bayan EFCC ta cika sharuddan doka da ake buƙata wajen neman ƙwace su.

Ana sa ran za a samu ƙarin bayani kan cikakken hukuncin da kuma matakan da za a bi na gaba.

Babbar Kotun Najeriyar da ke zamanta a Lagos ta yi watsi da ƙarar da aka shigar gabanta da ke neman cire rubutun Arabic ...
15/07/2026

Babbar Kotun Najeriyar da ke zamanta a Lagos ta yi watsi da ƙarar da aka shigar gabanta da ke neman cire rubutun Arabic daga kayan Sojin ƙasar.

Kotun ta yanke hukuncin ne a zamanta na yau Laraba, inda ta ce wani mutum guda bashida hurumin wakiltar kafatanin ƴan Najeriya wajen neman a cire rubutun Arabic ɗin daga tambarin sojojin ƙasar.

HUKUMAR PSC TA FITAR DA SUNAYEN MUTANE 50,000 DA S**A CI NASARAR DAUKAR AIKIN 'YAN SANDAHukumar Police Service Commissio...
15/07/2026

HUKUMAR PSC TA FITAR DA SUNAYEN MUTANE 50,000 DA S**A CI NASARAR DAUKAR AIKIN 'YAN SANDA

Hukumar Police Service Commission (PSC) ta fitar da sunayen mutane 50,000 da s**a yi nasara a aikin ɗaukar sabbin jami'ai cikin matakin Constable na rundunar 'Yan Sandan Najeriya (NPF).

Hakan na kunshe ne cikin wata sanarwa da Shugaban Sashen Hulɗa da Jama'a na PSC, Ikechukwu Ani (ko Torty Kalu, gwargwadon sanarwar da aka samu) ya fitar.

Hukumar ta buƙaci duk waɗanda sunayensu s**a bayyana su bi umarnin da aka tanada domin ci gaba da matakan tantancewa da horo.

Masu neman aikin za su iya duba sunayensu ta hanyar shafin yanar gizon Hukumar PSC ko na Rundunar 'Yan Sandan Najeriya.

👉 Allah Ya sanya alheri ga duk waɗanda s**a yi nasara, tare da fatan samun nasara ga waɗanda ba su yi sa'a ba a wannan karo.

KOTU TA TSAIDA RANAR YANKE HUKUNCI KAN SHARI'AR KISAN ANGWAN RUKUBABabbar Kotun Jihar Filato da ke zamanta a Jos ta sany...
15/07/2026

KOTU TA TSAIDA RANAR YANKE HUKUNCI KAN SHARI'AR KISAN ANGWAN RUKUBA

Babbar Kotun Jihar Filato da ke zamanta a Jos ta sanya 11 ga Agusta, 2026, a matsayin ranar yanke hukunci kan ƙarar da ke kalubalantar ikon kotun na sauraron shari'ar mutane huɗu da ake zargi da hannu a harin Angwan Rukuba.

Kotun ta kuma ce a ranar ce za ta yanke hukunci kan buƙatar da aka gabatar na a mayar da ɗaya daga cikin waɗanda ake tuhuma daga tsarewar Hukumar DSS zuwa Asibitin Koyarwa na Jami'ar Jos (JUTH) domin samun kulawar lafiya.

A zaman kotun na ranar Laraba, lauyan waɗanda ake tuhuma na farko da na biyu, M. I. Shaba (SAN), ya buƙaci kotun ta janye kanta daga sauraron shari'ar, yana mai cewa laifukan da ake zargin sun shafi ta'addanci, don haka Kotun Tarayya (Federal High Court) ce kawai ke da hurumin sauraron irin wannan shari'a.

Sai dai lauyan gwamnatin Jihar Filato, Sabo Longji, ya yi watsi da wannan buƙata tare da gabatar da hujjoji da ke nuna cewa kotun jihar na da ikon ci gaba da sauraron shari'ar.

Bayan sauraron ɓangarorin biyu, Mai shari'a Justice Gedaliah Fwomyon ya ɗage shari'ar zuwa 11 ga Agusta, 2026, domin yanke hukunci kan batun hurumin kotu da kuma buƙatar canja wurin wanda ake tuhuma zuwa asibiti.

Ana tuhumar Adamu Isa Alhassan, Isa Umar Ibrahim, Auwalu Abubakar (Auwalu Dogo), Musa Abubakar Ibrahim (Yaroro) da kuma Ado Ibrahim, wanda har yanzu yake tsere, da hannu a harin da aka kai ranar Palm Sunday a Angwan Rukuba, ƙaramar hukumar Jos North, inda kusan mutane 30 s**a rasa rayukansu.

'a

SPAIN TA KAI WASAN ƘARSHE NA KOFIN DUNIYA NA FIFA 2026 BAYAN DOKE FARANSA 2-0Ƙungiyar ƙwallon ƙafa ta Spain ta tabbatar ...
15/07/2026

SPAIN TA KAI WASAN ƘARSHE NA KOFIN DUNIYA NA FIFA 2026 BAYAN DOKE FARANSA 2-0

Ƙungiyar ƙwallon ƙafa ta Spain ta tabbatar da gurbin ta a wasan ƙarshe na Gasar Kofin Duniya ta FIFA 2026 bayan ta doke Faransa da ci 2-0 a wasan kusa da na ƙarshe da aka buga a filin AT&T Stadium da ke Arlington, Texas.

Spain ta fara cin ƙwallo ne a minti na 22 bayan Mikel Oyarzabal ya zura bugun fanareti, sakamakon laifin da aka yi wa Lamine Yamal a cikin akwatin bugun daga kai sai mai tsaron gida.
A minti na 58 kuma, Pedro Porro ya ƙara ta biyu bayan kyakkyawan haɗin gwiwa da Dani Olmo, lamarin da ya tabbatar da nasarar Spain.

Matashin ɗan wasan Lamine Yamal ya taka rawar gani duk da cewa an soke wata ƙwallon da ya ci saboda ya yi offside. A ɓangaren tsaro kuwa, Spain ta hana fitattun 'yan wasan Faransa irin su Kylian Mbappé, Ousmane Dembélé da Michael Olise samun damar yin tasiri.

Mai tsaron ragar Spain, Unai Simón, ya kuma kafa sabon tarihi bayan ya yi clean sheet karo na shida a gasar.
Da wannan nasara, Spain ta kai wasan ƙarshe na Kofin Duniya karo na farko tun bayan lashe kofin a shekarar 2010, tare da ci gaba da rashin shan kashi a wasanni 37 a jere.

Yanzu Spain za ta fafata da wanda zai yi nasara tsakanin Ingila da Argentina a wasan ƙarshe, yayin da Faransa za ta buga wasan neman matsayi na uku.

Address

Jos

Telephone

+2348162824050

Website

Alerts

Be the first to know and let us send you an email when Jasawa Times posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jasawa Times:

Shortcuts

Share

Category