https://amalehausatv.blogspot.com/

AMALE Hausa24, Kaduna South (2026)

20/08/2026

Sama da Mutane 3,000 Sun Amfana da Tallafin Lafiya Kyauta a Kaduna Ta Kudu

Sama da mutane 1,800 ne s**a amfana da “The 1019 Initiative Free Medical Outreach” wani shirin kula da lafiya kyauta da ƙungiyar Grassroots Support for Tinubu 2027 ta shirya a Asibitin Amina Namadi Sambo Comprehensive Health Care, Kinkinau, Ƙaramar Hukumar Kaduna Ta Kudu.

Shirin na tsawon kwanaki biyar ya haɗa da duba marasa lafiya, bayar da magunguna kyauta da kuma gudanar da tiyata ga waɗanda s**a buƙata.

A yayin ziyarar kafarmu, wasu daga cikin waɗanda s**a amfana sun bayyana godiyarsu, inda s**a ce tallafin ya rage musu nauyin kuɗaɗen jinya tare da ba su damar samun kulawar lafiya cikin sauƙi.

Haka kuma, al’ummar Kinkinanlau sun karrama Prof. Yusuf Bello Jamo da lambar girmamawa, bisa irin gudunmawar da yake bayarwa wajen ci gaban asibitin da inganta ayyukan kula da lafiya. Ma’aikatan asibitin ma sun karrama shi saboda yadda yake kula da walwala da hakkokinsu.

Da yake mayar da martani, Prof. Jamo ya bayyana godiyarsa ga al’ummar, yana mai cewa wannan karramawa ƙarin ƙwarin gwiwa ce gare shi wajen ci gaba da hidimtawa jama’a da inganta harkokin Primary Healthcare a jihar Kaduna.

Ya kuma yabawa Gwamnan Jihar Kaduna, Sanata Uba Sani, bisa jagorancinsa da kuma ƙoƙarin gwamnatinsa na gyara, inganta da samar da kayan aiki a cibiyoyin lafiya na matakin farko. A cewarsa, sauyin da aka samu a PHC Kinkinanlau na daga cikin misalan wannan ƙoƙ,ari.

Shirin The 1019 Initiative ya ƙara nuna muhimmancin haɗin gwiwa wajen kawo ayyukan kiwon lafiya kusa da jama’a, musamman masu ƙaramin ƙarfi.

Beauty Agata Jatau
AMALE Hausa24

19/08/2026

An Gudanar da Wani Gagarumin Tallafi ga Mata da Matasa A Karamar Hukumar Kaduna Ta Kudu.

Shugaban Ƙaramar Hukumar Kaduna ta Kudu, Hon. Rayyan Hussain, ya jagoranci wani gagarumin shirin tallafa wa mata da matasa, wanda aka bayyana a matsayin na farko kuma mafi girma da wata ƙaramar hukuma ta gudanar a Jihar Kaduna.

A yayin shirin, an bai wa waɗanda s**a ci gajiyar tallafin Motoci, kuɗaɗe, babura, injinan ɗinki, firiji da injinan niƙa, domin taimaka musu su samu sana’o’in dogaro da kai da inganta rayuwarsu.

Hon. Rayyan Hussain ya bayyana cewa nasarar shirin ba ta sa shugabancin Kaduna ta Kudu ya fi sauran ƙananan hukumomi ba, sai dai sakamakon kyakkyawar haɗin kai da ke tsakanin shugabannin ƙananan hukumomi 23 na jihar, tare da cikakken goyon bayansu ga manufofin Gwamnan Kaduna, Sanata Uba Sani CON.

Ya ce shirin na daga cikin ƙoƙarin “Rayyan Project for Governor Uba Sani 2027”, inda ya jaddada cewa biyayya da goyon bayan al’umma ga gwamnati na iya haifar da ƙarin damammaki ga jama’a.

Da suke bayyana farin cikinsu, wasu daga cikin waɗanda s**a amfana da tallafin sun gode wa Hon. Rayyan Hussain, tare da alkawarin ci gaba da mara wa Gwamna Uba Sani da sauran ‘yan takarar APC baya a zaɓuka masu zuwa.

Sun kuma bayyana cewa kayan da aka ba su za su taimaka wajen bunƙasa sana’o’insu da rage dogaro da wasu, tare da samar da ingantacciyar rayuwa ga iyalansu.

Naja'atu Abdullahi Babangona
AMALE Hausa24

16/08/2026

Davido Ya Yi Murnar Nasarar Kawunsa Adeleke a Zaben Osun

Shahararren mawakin Afrobeats na Najeriya, David Adeleke, wanda aka fi sani da Davido, ya bayyana farin cikinsa bisa nasarar kawunsa, Ademola Adeleke a zaɓen gwamnan Jihar Osun.

Davido ya taya kawunsa murnar nasarar, inda ya bayyana sakamakon zaɓen a matsayin babban abin farin ciki ga iyalansu da magoya bayansa.

Ademola Adeleke ya lashe zaɓen bayan samun rinjaye a sakamakon da aka tattara daga ƙananan hukumomi 30 na jihar.

Nasarar ta sake janyo hankalin jama’a zuwa ga dangantakar Davido da gwamnan, yayin da mawakin ya kasance mai nuna goyon baya ga kawunsa a harkokin siyasa.

Rukayya Ibrahim
AMALE Hausa24

16/08/2026

Adeleke Ya Lashe Zaben Gwamnan Osun Da Kuri’u 511,067

Gwamnan Jihar Osun, Ademola Adeleke, ya lashe zaɓen gwamnan jihar, bayan samun rinjaye a sakamakon ƙananan hukumomi 30 da INEC ta tattara.

Adeleke, wanda ya tsaya takara ƙarƙashin jam’iyyar Accord, ya samu jimillar ƙuri’u 511,067, inda ya doke ɗan takarar APC, Bola Oyebamiji, wanda ya samu ƙuri’u 444,815

Ɗan takarar ADC, Najeem Salaam, ya zo na uku da ƙuri’u 17,180.

A cewar sakamakon da INEC ta bayyana, Adeleke ya samu nasara a wasu ƙananan hukumomi da dama, yayin da Oyebamiji ya samu nasara a wasu muhimman ƙananan hukumomi.

Jimillar sakamakon ta nuna cewa Adeleke ya samu tazarar ƙuri’u 66,252 a kan babban abokin hamayyarsa, Bola Oyebamiji.

Ya Kuke Ganin Zaben 2027 zai Kaya?

Abubakar Hazifi Ikara

16/08/2026

OSUN 2026: ADELEKE NA DAB DA NASARA
Gwamnan Jihar Osun kuma dan takarar jam’iyyar Accord, Ademola Adeleke, na dab da lashe zaben gwamnan jihar, yayin da sakamakon kananan hukumomi 30 da INEC ta sanar ya nuna yana kan gaba.

Adeleke ya lashe kananan hukumomi 19, yayin da dan takarar APC, Bola Oyebamiji, ya samu nasara a kananan hukumomi 11.

Rahotannin kafafen yada labarai sun nuna Adeleke na da gagarumar tazara a jimillar kuri’un da aka tattara, yayin da INEC ke shirin kammala aikin tattara sakamakon da kuma bayyana wanda ya yi nasara a hukumance.

A halin yanzu, idanu na kan INEC domin sanar da sakamakon karshe.

Zainab Adam

15/08/2026

AN TALLAFA WA MUTANE 1,000 DA POS DA JARIN FARA SANA’A A ZARIA

An gudanar da wani shiri na ƙarfafa tattalin arziki a Zaria, inda aka tallafa wa mutane 1,000 da injinan POS da jarin fara sana’a, domin taimaka musu wajen dogaro da kai da bunƙasa ƙananan sana’o’insu.

An gudanar da shirin ne a Dr. A. A. Ladan Hall, Federal University of Education, Zaria, a yau Asabar, 15 ga Agusta, 2026.

Shirin ya samu jagorancin Rt. Hon. Abbas Tajudeen, PhD, GCON (Iyan Zazzau), Kakakin Majalisar Wakilan Tarayyar Najeriya kuma ɗan majalisa mai wakiltar Zaria Federal Constituency.

Tallafin na ɗauke da injinan POS da kuma jarin fara sana’a, wanda aka samar domin bai wa waɗanda s**a amfana damar fara ko faɗaɗa harkokin kasuwancinsu.

Wannan mataki na daga cikin shirye-shiryen tallafa wa al’umma ta hanyar samar da damarmakin dogaro da kai, ƙarfafa ƙananan sana’o’i da kuma taimaka wa matasa da sauran masu cin gajiyar shirin wajen samun hanyar samun kuɗin shiga.

An gudanar da taron ne tare da halartar masu ruwa da tsaki da kuma waɗanda s**a ci gajiyar shirin, inda aka bayyana muhimmancin irin wannan tallafi wajen inganta rayuwar al’umma.

Alh. Samaila Muhammad Yesko, S.A. & CCO na Zaria Federal Constituency Office, ne ya fitar da sanarwar gudanar da shirin.

Shirin ya kasance wani muhimmin mataki na tallafa wa al’umma a Zaria, musamman wajen ƙarfafa ƙananan sana’o’i da samar da hanyoyin dogaro da kai.

Bello Sadiq
AMALE Hausa24

14/08/2026

“Tun da aka dawo mulkin dimokuraɗiyya, ba a taɓa samun Shugaban Ƙasa da ya taimaki ɗalibai kamar Bola Tinubu ba.”

Wannan maganar ta Ahmad Yarima ta jawo cece-kuce.

Sai dai bayanan hukuma sun nuna cewa gwamnatin Tinubu ta ƙaddamar da wasu manyan tsare-tsare da s**a shafi ɗalibai.

Daga cikin su akwai NELFUND, wanda zuwa Mayu 2026 ya tallafa wa sama da ɗalibai miliyan 1.5, tare da sama da ₦282bn da aka raba ta hanyar kuɗin karatu da tallafin rayuwa.

Baya ga haka, gwamnati ta faɗaɗa scholarship, ta ƙara kuɗaɗen tallafin karatu da 50%, sannan ta ƙaddamar da **Student Venture Capital Grant, inda ventures 45 na ɗalibai s**a samu ₦2.2bn.

Haka kuma akwai TVET, tallafin skill acquisition da sauran gyare-gyaren ilimi.

Don haka tambayar ita ce: Shin Tinubu ne Shugaban Ƙasa mafi taimakon ɗalibai tun 1999, ko kuwa har yanzu akwai wasu tsofaffin gwamnatoci da s**a fi shi?

Ku fa, kuna ganin gaskiya ce ko siyasa ce?

11/08/2026

Dalilin Da Ya Sa Muka Shawarci Uba Sani Ya Zaɓi Kirista Mataimaki – Assudany

Mai ba Gwamnan Kaduna shawara kan harkokin addinai ya ce an yi hakan ne domin tabbatar da daidaito da haɗin kan al’umma

Mai bai wa Gwamnan Jihar Kaduna, Sanata Uba Sani, shawara kan harkokin addinai, Dr. Imam Assudany, ya bayyana cewa shawarar da aka bai wa gwamnan na zaɓar Kirista a matsayin mataimakinsa a zaɓen da ke tafe, an yi ta ne domin ƙarfafa adalci, daidaito da haɗin kan al’ummar jihar.

Dr. Assudany ya bayyana hakan ne yayin wata tattaunawa da aka yi da shi, inda ya ce masu bai wa gwamnan shawara kan harkokin addinai sun yi la’akari da buƙatar samar da shugabanci da zai bai wa mabambantan addinai da ƙabilu damar jin cewa suna da wakilci a cikin gwamnati.

Ya ce shawarar ba ta samo asali ne daga son zuciya ko fifita wani addini ba, sai dai daga buƙatar tabbatar da cewa mulki na kowa ne, tare da ƙarfafa zaman lafiya da fahimtar juna tsakanin al’ummomin jihar.

“Manufar shawarar ita ce tabbatar da adalci, daidaito da haɗin kai. Kaduna ta kowa ce, kuma shugabanci ya kamata ya bai wa kowa damar jin cewa yana da matsayi a cikin gwamnati,” in ji Dr. Assudany.

A cewarsa, Gwamna Uba Sani ya saurari wannan shawara tare da aiwatar da ita, abin da ya ce yana nuna ƙudirin gwamnatin jihar na tafiya da tsarin shugabanci mai haɗa kowa ba tare da nuna bambanci kan addini ko ƙabila ba.

Dr. Assudany ya ƙara da cewa haɗa Musulmi da Kirista a tafiyar siyasa da shugabanci na iya taimakawa wajen ƙarfafa zaman lafiya, amincewa da fahimtar juna tsakanin al’ummar Kaduna.

Ya kuma yi kira ga shugabannin addinai, ’yan siyasa da sauran masu ruwa da tsaki da su ci gaba da ƙarfafa zaman lafiya da tattaunawa, yana mai cewa bambancin addini da ƙabila bai kamata ya zama abin rarrabuwar kai ba.

“Ci gaban Kaduna ba zai yiwu ba sai mun haɗa kai. Dole ne mu koyi fahimtar juna, mutunta juna kuma mu yi aiki tare domin gina jihar da kowa zai yi alfahari da ita,” in ji shi.

Dr. Assudany ya jaddada cewa manufar shawarar ita ce gina tsarin shugabanci da zai wakilci kowa, tare da ƙarfafa amincewa tsakanin mabambantan al’ummomin Jihar Kaduna.

Ya ce zaman lafiya da ci gaban jihar nauyin kowa ne, yana mai kira ga al’ummar Kaduna da su bai wa duk wani yunkuri na ƙarfafa haɗin kai da zaman lafiya goyon baya.

Abubakar Yahaya Ibrahim Amale ✍️

25/07/2026

YAN BINDIGA SUN SACE SHUGABAN ƘARAMAR HUKUMAR BUNGUDU A JIHAR ZAMFARA

Wasu da ake zargin 'yan bindiga ne sun yi garkuwa da Shugaban Ƙaramar Hukumar Bungudu ta Jihar Zamfara, Hon. Nura Umar Bungudu.

Rahotanni sun bayyana cewa lamarin ya faru ne a yayin da shugaban ƙaramar hukumar ke tafiya, inda maharan s**a tare shi tare da yin awon gaba da shi zuwa wani wuri da ba a sani ba.

Har zuwa lokacin haɗa wannan rahoto, jami'an tsaro ba su fitar da cikakken bayani kan yadda lamarin ya faru ba, yayin da ake ci gaba da ƙoƙarin ceto shugaban ƙaramar hukumar da kuma cafke waɗanda s**a aikata wannan ta'asa.

Lamarin ya sake ƙara nuna matsalar rashin tsaro da ke ci gaba da addabar wasu yankunan Jihar Zamfara, inda mazauna yankin ke kira ga hukumomin tsaro da su ƙara kaimi wajen kare rayuka da dukiyoyin al'umma.

Abubakar Hazifi Ikara
AMALE Hausa24

AMALE Hausa24

20/08/2026

19/08/2026

16/08/2026

16/08/2026

16/08/2026

15/08/2026

14/08/2026

11/08/2026

25/07/2026

Address

Telephone

Website

Alerts

Contact The Business

Shortcuts

Share

Category

Listing takedown request