MC Dan naira comedy

24/08/2026

Some girls are just pitycal example of what you see here

12/07/2026

🎭 Labarin Mai Shago Da Uwar marayu

​Wata rana a wani babban kanti na kayan gwari da ’ya’yan itatuwa, wani mutumi ya shigo domin sayayya. Sai ya tambayi mai shagon:
​"Nawa ne kilon ayaba?"
Mai shagon ya amsa da cewa: "Kilo ɗaya 500 ne."
Ya sake tambaya: "Nawa ne kilon tuffa (apple)?"
Mai shagon ya ce: "Kilo ɗaya 600 ne."

​Yayin da mutumin yake tsaye yana tunanin tsada da hauhawar farashin kayayyaki, sai wata mata (bazawara) ta ƙaraso da kwandonta a hannu. Ta kalli mai shagon, sannan cikin muryar tsoro da fargaba ta tambaya:
​"Nawa ne kilon ayaba da na tuffa?"

​Mutumin da ke tsaye ya so ya yi saurin amsa mata farashin da aka faɗa masa yanzu-yanzu, amma sai mai shagon ya dakatar da shi da hannu, sannan ya juya ga matar da murmushi cike da fuskarsa, ya ce:
​"Ayaba da tuffa duka kilonsu 100 kacal ne!"

​Matar ta ji daɗi ƙwarai, ta saki ajiyar zuciya sannan ta ce: "Godiya ta tabbata ga Allah da ya yalwata mana!" Ta sayi kilon kowane ɗaya, ta biya sannan ta tafi tana godiya.
​
​ Ganin haka, sai mutumin ya cika da bacin rai, ya kalli mai shagon cikin fushi ya ce:
​"Yallabai, shin wannan ba zamba ba ce? Ni ka ce mini ayaba 500, tuffa 600, amma ita ka siyar mata a kan 100? Me yasa kake siyarwa maza da farashi daban, mata kuma da farashi daban?"

​ Mai shagon ya dafa kafaɗarsa, ya yi murmushi mai cike da sanyaya zuciya, sannan ya ce masa:
​"Ka yi haƙuri ɗan'uwana. Wallahi ban cuce ka ba, kuma ban zalunce ka ba. Wannan matar da ka gani, uwa ce ga marayu huɗu. Tsawon shekaru take gwagwarmayar rayuwa ita kaɗai, kuma ta ƙi jinin wani ya ba ta sadaka ko ya miƙa mata hannun taimako saboda kiyaye mutuncinta."
​ "Na yi tunanin hanyar da zan taimake ta ba tare da na karya mata zuciya ko na zubar da mutuncinta ba. Ban sami wata hanya ba face rage mata farashi duk lokacin da ta zo. Ita a zatonta cewa farashin abubuwan ne s**a yi sauƙi, ni kuma na san na taimake ta ba tare da na kunyata ta ba."
​"Kuma babu wanda ya san wannan sirrin sai Allah na sama. Don haka, kada ka zargi lamarina."

​Jin haka, sai mutumin ya yi shiru, idanunsa s**a cika da ƙwalla. Ya fito da hannunsa ya rike kan mai shagon ya sumbaci goshinsa domin girmamawa, sannan ya ce:
​"A’a, kai ne ya kamata ka yafe mini a bisa zargin da na yi maka."

​📜 Darasi:

​"Kula da raunin zuciyar mutane da biya musu buƙatunsu na rayuwa, wani daɗi ne da armashi wanda babu wanda ya san zanɗonsa, face wanda ya ɗanɗana shi."

13/04/2026

13/04/2026

JIYA BA YAU BA

Kadibul bagdad a cikin littafin sa na Tarikh Baghdad ya kawo labarin wata shari'a mai ban sha'awa wadda aka yi ta a gaban alqali Musa dan Is'haqa na garin Rayyu (Tehran a yau) a shekarar 286H inda wata mata ta kai karar mijin ta akan bashin da take bin sa na dinari dari biyar. Mai gidanta ko ya atabau be san da wannan bashin ba. Nan take alqali Musa ya nemi ta kawo shaidu, sai ta ambaci wani mutun da suke da zumunta da shi a matsayin wanda zai mata shaida. Da aka kira shi sai ya nemi ta ďaga nikabin ta don ya shaida ta kafin ya fadi abin da ya sani game da bashin. Alqali kuwa ya bata umurnin tayi hakan. Jin haka sai mijin ta ya yi farat ya ce Allah ya taimaki Alqali bashi fa lallai kam tana bi na, amma ayi hakuri a ďeba min lokaci zan biya. Da matar ta ji haka sai ta ce, Allah ya taimaki Alqali na yafe masa kuma ina rokonsa gafara.
Alqali ya cika da mamaki sai yace me yasa kace zaka biya bayan ka musa da?. Sai yace ai ranka ya daďe ai nafi son ko nawa ne na biya akan matata ta buďe fuskanta anan kotu bainar jama'a. Alqali ya juya bangaren matar yace mata, ke kuma me yasa kika yafe masa bayan ke kika kawoshi kara?. Sai tace ranka ya daďe na lura cewa shi ďin mutumin kirki ne mai kishin iyalinsa.

Darussa:
* jiya ba yau ba.
* kishin iyali hali ne mai kyau abin yabo.
* ida matsala ta faru babu laifi aje gaban Alqali, amma idan masu husuma s**a sasanta kansu Alqali ya huta

08/02/2026

Shout out to my newest followers! Excited to have you onboard! Nafiu Sani, Sani Amadi, Killon Kelvin