Dimokuradiyya

04/08/2026

04/08/2026

Gwamnatin Bauchi Ta Ƙarfafa Shirinta na Dakele Ambaliya, Da Gargaɗi Jama'a Kan Gina a Hanyoyin Ruwa.

Gwamnatin Jihar Bauchi ta ƙara ƙaimi wajen aiwatar da shirinta na kariya da shirin ko-ta-kwana domin rage illolin ambaliya a lokacin damina.

Gwamnatin ta yi kira ga mazauna jihar da su guji gina gidaje ko wasu gine-gine a kan hanyoyin ruwa, tare da daina zubar da shara a magudanan ruwa, domin hakan na hana ruwa gudana yadda ya kamata kuma yana ƙara haɗarin ambaliya.

Ta kuma buƙaci al'umma su ba da haɗin kai wajen kiyaye muhalli da bin umarnin hukumomin da abin ya shafa, tana mai jaddada cewa matakan da ake ɗauka na da nufin kare rayuka da dukiyoyin jama'a daga illolin ambaliya.

04/08/2026

NDLEA Ta Jawa Masu Gidajen Gala Kunne akan Yawaitar Shan Miyagun Kwayoyi a Kwara.

Hukumar Hana Sha da Fataucin Miyagun Kwayoyi ta Kasa NDLEA ta bayyana cewa yawaitar gidajen nishadi na daga cikin abubuwan da ke ƙara haddasa shaye-shayen miyagun kwayoyi a tsakanin ɗaliban Jami'ar Jihar Kwara da sauran matasa a yankin.

Hukumar ta nuna damuwa kan yadda ake zargin wasu daga cikin waɗannan wurare da zama cibiyoyin rabawa da amfani da miyagun kwayoyi.

NDLEA ta kuma yi gargaɗi ga masu gidaje da su guji bayar da wurarensu ga masu harkar miyagun kwayoyi, tana mai cewa duk wanda aka samu da hannu wajen taimakawa irin waɗannan ayyuka zai fuskanci hukunci bisa doka.

Hukumar ta jaddada cewa za ta ci gaba da haɗa kai da sauran hukumomin tsaro da shugabannin al'umma domin dakile shaye-shaye da fataucin miyagun kwayoyi, musamman a tsakanin matasa da ɗalibai.

04/08/2026

Da Dumi-Dumi

Gwamnan jihar Kaduna, Sanata Uba Sani, a madadin Shugaban Kasa Bola Ahmad Tinubu, ya isa gundumar Afaka dake karamar hukumar Igabi ta jihar, domin kaddamar da fara aikin t**i mai nisan kilomita 122 wanda ya tashi daga shataletalen Mando zuwa karamar hukumar Birnin Gwari, dake jihar.

A tare da Gwamnan jihar Kaduna, yayin kaddamar da shirin fara aikin akwai mataimakiyar Gwamnan jihar Kaduna jihar Hadiza Sabuwa Balarabe da Babban Ministan ayyuka Injiniya David Omahi da karamin Minista Muh'd Bello Goranyovda sauran manyan baki.

-Shuaibu Abdullahi