26/11/2025
TAƁARBAREWAR TSARO: SHUGABA TINUBU YA AYYANA MATAKAN GAGGAWA A FAƊIN ƘASA.
Shugaba Tinubu ya ayyana dokar ta ɓaci a bangaren tsaro a faɗin ƙasa saboda tabarbarewar yanayin tsaro a jihohi da dama. Ya umarci rundunar Soja da ‘Yan Sanda su ɗauki jami’ai 20,000 ƙarin ma’aikata, a kan 30,000 da aka amince da su tun da farko, jimilla yanzu 50,000 kenan.
Tinubu ya kuma umurci a mayar da sansanonin masu bautar ƙasa (NYSC) a faɗin ƙasar, matsayin cibiyoyin horaswa na 'yan sanda, sannan jami'an tsaro na manyan mutane (VIP guards) da aka janye, su koma samun horo domin tura su wuraren da ke cikin haɗari.
Bugu da ƙari, Tinubu ya umarci DSS da ta hanzarta tura masu gadin dazuka, tare da ƙarin daukar ma’aikata domin fatattakar ‘yan ta’adda da ‘yan fashi.
Shugaban ya kuma bayyana cewa zai goyi bayan kowace jiha da ta kafa rundunar tsaro ta musamman, sannan ya bukaci Majalisar Dokoki ta fara aiki kan batun ‘yan sandan jihohi (state police).
Ya kuma yi kira ga makiyaya su daina kiwo a bayyane (ta cikin labika), su koma tsarin killace dabbobin wuri daya, tare da miƙa dukkan makaman da ba bisa ka’ida ba.
A ƙarshe, Tinubu ya yi ta’aziya ga iyalan waɗanda s**a rasa rayukansu a hare-haren baya-bayan nan, da kuma sojojin da s**a mutu, ciki har da Brig.-Gen Musa Uba.
