Vanguard Hausa

Vanguard Hausa Domin samun ingantattun labaran hausa. Don tallan kasuwanci da siyasa 09067298607 Whatsapp kaɗai

Da Dumi-Duminsa: wani Babban Jami’i Dan Sanda ya rungumi addinin musulunci a abujaAbuja: Alhamdulillah! Wani jami’i ya s...
06/10/2026

Da Dumi-Duminsa: wani Babban Jami’i Dan Sanda ya rungumi addinin musulunci a abuja

Abuja: Alhamdulillah! Wani jami’i ya samu shiriya, inda ya bar addinin Kiristanci ya rungumi Addinin Musulunci a Masallacin Annex da ke Abuja.

Jami’in ya furta Kalmar Shahada, inda ya shiga cikin sahun ‘yan’uwa Musulmi.
Wannan lamari ya kasance abin farin ciki ga Musulmi, yayin da ake kallon shiriya a matsayin ni’ima daga Allah. Muna roƙon Allah Ya tabbatar da shi a kan Addinin Musulunci, Ya ƙara masa imani da tsayin daka, tare da sanya wannan shiriya ta zama sanadin alheri a rayuwarsa.

Wike ya caccaki Atiku kan zargin rashawaLokacin da na ga Atiku a talabijin jiya yana cewa ‘yan Najeriya su karɓi duk wan...
06/10/2026

Wike ya caccaki Atiku kan zargin rashawa
Lokacin da na ga Atiku a talabijin jiya yana cewa ‘yan Najeriya su karɓi duk wani kuɗi da jam’iyyar da ke mulki ta ba su, saboda kuɗin sata ne, sai na ce, haa, Atiku yanzu ya zama jagoran yaƙi da cin hanci da rashawa?”

Ministan Babban Birnin Tarayya Abuja (FCT), Nyesom Wike, ya caccaki tsohon Mataimakin Shugaban Ƙasa, Atiku Abubakar, kan kalaman da ya yi na cewa ‘yan Najeriya su karɓi duk wani kuɗi da aka ba su daga hannun masu mulki, domin kuɗin sata ne.

Wike ya ce ya yi mamakin jin Atiku yana magana kan yaƙi da cin hanci da rashawa, yana mai cewa:

“Lokacin da na ga Atiku a talabijin jiya yana cewa ‘yan Najeriya su karɓi duk wani kuɗi da jam’iyyar da ke mulki ta ba su, saboda kuɗin sata ne, sai na ce, haa, Atiku yanzu ya zama jagoran yaƙi da cin hanci da rashawa?”

Wike ya kuma tunatar da cewa tsohon shugaban ƙasa Olusegun Obasanjo ya taɓa bayyana Atiku a matsayin mai cin hanci da rashawa, tare da cewa ɗaya daga cikin manyan abubuwan da yake nadama shi ne naɗa Atiku a matsayin mataimakinsa.

Ministan ya yi amfani da wannan batu wajen kalubalantar sahihancin Atiku wajen yin magana kan yaƙi da cin hanci da rashawa.

WATA SABUWA:Jirgin Sojin Saman Nijeriya da ya yi hatsari a Ondo ya shafe kusan shekaru 3 a Jamus ana gyaransaWani rahoto...
06/10/2026

WATA SABUWA:Jirgin Sojin Saman Nijeriya da ya yi hatsari a Ondo ya shafe kusan shekaru 3 a Jamus ana gyaransa

Wani rahoto na musamman ya bayyana cewa jirgin saman Rundunar Sojin Sama ta Najeriya (NAF), mai lamba NAF 931, wanda ya yi hatsari a Igbokoda, Jihar Ondo, ya shafe kusan shekaru uku a Jamus a lokacin da ake gudanar da manyan ayyukan gyara da kula da shi.

Rahoton ya ce an kai jirgin zuwa cibiyar Rheinland Air Service (RAS) da ke Mönchengladbach a Jamus a watan Janairun 2022 domin gudanar da babban aikin gyaran da ake kira Periodic Depot Maintenance (PDM).
An ce jirgin ya ci gaba da zama a Jamus har zuwa ƙarshen Disamba 2024, kafin ya dawo Najeriya. Rahoton bai bayyana wata sanarwa a hukumance daga NAF da ta yi cikakken bayani kan dalilin da ya sa jirgin ya shafe tsawon wannan lokaci yana kasa tashi ba.

Jirgin ATR-42-500MP mai lamba NAF 931 na daga cikin jirage biyu da Najeriya ta karɓa a ƙarƙashin wata yarjejeniya ta dala miliyan 73 da aka kulla a shekarar 2007. An kawo NAF 931 Najeriya a watan Maris na 2010.
Jirgin yana da kayan aikin leƙen asiri da sa ido, kuma ana amfani da shi wajen sintiri a teku, yaƙi da fasa-kwauri, ayyukan ceto da kuma tattara bayanan sirri.

A ranar 5 ga Oktoba, 2026, jirgin ya yi hatsari a yankin Igbokoda na Jihar Ondo yayin da yake kan hanyarsa daga Benin zuwa Legas. Ma’aikatan kula da zirga-zirgar jiragen sama sun rasa sadarwa da shi da misalin ƙarfe 9:13 na safe.

Rahotanni daga fadar shugaban ƙasa sun tabbatar da cewa mutane 32 ne ke cikin jirgin—fasinjoji 25 da ma’aikatan jirgi 7—kuma Shugaba Bola Tinubu ya bayar da umarnin gudanar da cikakken bincike kan musabbabin hatsarin.

Sai dai binciken hukuma ne zai tabbatar da ko akwai wata alaƙa tsakanin tarihin gyaran jirgin da hatsarin da ya faru.

Da Dumi-Duminsa: An Kaiwa Motar Firaministan Israel Benjamin Netanyahu Hari Motar da ke rajista da Ofishin Firaministan ...
06/10/2026

Da Dumi-Duminsa: An Kaiwa Motar Firaministan Israel Benjamin Netanyahu Hari

Motar da ke rajista da Ofishin Firaministan Isra’ila ta fuskanci harbin bindiga a wani yunkurin kashe Shi.

Motar da aka yi wa rajista a sunan wani direban da ke aiki a Ofishin Firaministan Isra’ila ta fuskanci harbin bindiga a birnin Ashkelon, yayin wani zargin yunkurin kashe Shi.

Rahotanni sun ce motar tana ɗauke da Mor Domrani, ɗan Shalom Domrani, lokacin da wasu mutane s**a buɗe mata wuta da nufin kashe shi.

Binciken ‘yan sanda ya gano cewa motar tana rajista ne da Boaz Assayag, ɗaya daga cikin direbobin Firaminista Benjamin Netanyahu. Sai dai an jaddada cewa motar ba ta cikin ayarin motocin Firaministan a lokacin da lamarin ya faru.

‘Yan sanda sun k**a mutane tara da ake zargi da hannu a lamarin, ciki har da ɗan Assayag wanda ake zargin shi ne ke tuka motar. An kuma gano harsasai a cikin motar, yayin da aka kwace wata bindigar ai***ft daga hannun ɗaya daga cikin wadanda ake zargi. Bincike na ci gaba.

Da Dumi-Duminsa: Gwabnatin Afghanistan Sun Wajabtawa wa ma’aikatan gwamnati yin sallar jam’i sau biyar a ranaKabul, Afgh...
05/10/2026

Da Dumi-Duminsa: Gwabnatin Afghanistan Sun Wajabtawa wa ma’aikatan gwamnati yin sallar jam’i sau biyar a rana

Kabul, Afghanistan — Gwamnatin Taliban a Afghanistan ta bayar da umarnin cewa ma’aikatan gwamnati su riƙa gudanar da sallar farilla sau biyar a rana cikin jam’i a masallatai.
Rahotanni sun ce shugaban Taliban, Hibatullah Akhundzada, ne ya bayar da umarnin, inda aka ce ma’aikacin gwamnati da ya gaza halartar sallar jam’i ba tare da uzuri ba zai iya fuskantar matakan ladabtarwa.

Daga cikin matakan da aka ruwaito akwai dakatarwa ko rage albashi, dakatar da aiki, rage mukami, da kuma korar ma’aikaci daga aiki, musamman idan aka maimaita rashin bin umarnin. Wani umarni da aka aika zuwa jami’ar Nangarhar ya kuma bayyana cewa halartar sallar jam’i wajibi ne ga ma’aikatan gwamnati.
Haka kuma, hukumomin Taliban sun ci gaba da gudanar da sa ido kan yadda ake bin dokokin da s**a shafi ibada. A ranar 4 ga Oktoba 2026, ma’aikatar kula da inganta kyawawan ɗabi’u da hana munanan ayyuka ta ce jami’anta sun gudanar da bincike a masallatai da sauran wurare a wasu lardunan Afghanistan, tare da jaddada muhimmancin yin salloli biyar cikin lokaci da kuma cikin jam’i.

Majalisar Dinkin Duniya ma ta ruwaito cewa a wasu sassan Afghanistan jami’an Taliban sun umarci shugabannin masallatai su gano mutanen da ba sa halartar sallar jam’i, kuma an samu rahotannin tsare ko musgunawa wasu mutanen da s**a gaza halartar sallar a wasu larduna.

Wannan mataki na daga cikin manufofin Taliban na ƙara sanya dokokin addini cikin harkokin gudanar da ayyukan gwamnati da rayuwar jama’a a Afghanistan.

YANZU-YANZU: Ƴan Biπdinga Sun Bude Wa Mota Ɗauke Da Fasinjoji Musulmi Wuta A Jihar Pilato, Sun Ka$he Mutum 2 Tare Da Jik...
05/10/2026

YANZU-YANZU: Ƴan Biπdinga Sun Bude Wa Mota Ɗauke Da Fasinjoji Musulmi Wuta A Jihar Pilato, Sun Ka$he Mutum 2 Tare Da Jikkata Mutum 5.
......Ƙungiyar Ƴan Kasuwar Shanu Ta Bukuru Sun Yi Allah-Wadai Da Harin Sun Buƙaci A Gudanar Da Bincike

Kungiyar ’Yan Kasuwar Shanu ta Bukuru a Jihar Plateau ta yi Allah-wadai da harbin wasu fasinjoji bakwai a Total Roundabout, Bukuru, Jos South, inda ta bukaci hukumomin tsaro su gudanar da cikakken bincike.

Fasinjojin na kan hanyarsu daga Kasuwar Shanu ta Kara zuwa Rafin Bauna, Bassa LGA, lokacin da aka kai musu hari da misalin ƙarfe 6:30 na yamma. Mutane biyu sun mutu, yayin da biyar ke karɓar magani a Asibitin Rukuba Barracks.
Kungiyar ta ce hare-haren na barazana ga ’yan kasuwa da abokan ciniki, tare da kira ga Gwamnatin Plateau da hukumomin tsaro su ƙara tsaro a hanyoyin kasuwannin tare da kare rayukan jama’a.

Sun ce Kasuwar Shanu ta Bukuru tana da tsari, kuma galibin ’yan kasuwa kan bar kasuwar da wuri, sai dai wasu su tsaya wajen salla, sayayya ko man fetur. Sun bayyana cewa hare-haren na faruwa ne bayan an bar kasuwa ko kafin a fara, yayin da ’yan kasuwa ke kan hanya.
Kungiyar ta ce hare-haren barazana ne ga Kasuwar Shanu ta Kara da zaman lafiya a Jos South, tana mai kiran masu kai hare-haren makiyan kasuwanci.

Da Dumi-Duminsa:Amurka Ta Janye Jiragen Yaƙin B-1 Daga Birtaniya Saboda Fargabar Barazanar IranAmurka ta janye dukkan ji...
05/10/2026

Da Dumi-Duminsa:Amurka Ta Janye Jiragen Yaƙin B-1 Daga Birtaniya Saboda Fargabar Barazanar Iran

Amurka ta janye dukkan jiragen yaƙinta kirar B-1 daga sansanin sojin sama na RAF Fairford da ke Birtaniya, tare da mayar da su sansanoninsu na cikin Amurka.

Rahotanni sun ce matakin ya biyo bayan damuwar tsaro da wata zargin shirin kai hari kan sansanin, inda aka k**a mutane shida da ake bincike kan yiwuwar hannu ko alaƙa da Iran. Birtaniya ta ce akwai “ƙaƙƙarfan alamomi” da ke nuna cewa Iran na iya kasancewa tana da hannu, yayin da Tehran ta musanta zargin.

Sansanin RAF Fairford ya kasance muhimmin wurin da Amurka ke amfani da shi wajen gudanar da hare-haren jiragen yaƙi kan Iran. A lokacin da aka janye su, kusan jiragen B-1 guda 12 ne suke sansanin.

Sai dai Pentagon ya bayyana cewa janyewar jiragen ba ta nufin Amurka ta rasa ikon kai hare-hare daga nesa ba, domin jiragen yakin Amurka na iya gudanar da ayyuka daga sansanoninsu na cikin Amurka.

"Ku yi tunani Musulunci Shine cikakkiyar hanyar rayuwa kuma shi ne wuri mafi kyau da mutum zai kasance.” - a Cewar Ekec...
05/10/2026

"Ku yi tunani Musulunci Shine cikakkiyar hanyar rayuwa kuma shi ne wuri mafi kyau da mutum zai kasance.” - a Cewar Ekechi WATA Yar Ibo Data Musulunta

Ekechi Chinenyenwa Rahamat Muhammed, har yanzu ta ce tana Kaunar Kasancewa ‘yar’uwa Musulma ‘yar kabilar Igbo

Tsoron Iran Yasa Sojojin Amurka Janye Sansaninsu Daga Gabas Ta Tsakiya Zuwa Tekun Indiya Mai Nisan Kilomita 1000 Daga In...
05/10/2026

Tsoron Iran Yasa Sojojin Amurka Janye Sansaninsu Daga Gabas Ta Tsakiya Zuwa Tekun Indiya Mai Nisan Kilomita 1000 Daga India

Kwamandan IRGC Ya Ce Sojojin Amurka Sun Ja da Baya Fiye da Kilomita 1,000 Daga Iyakokin Iran

Kwamandan Rundunar Kare Juyin Juya Hali ta Iran (IRGC), Rear Admiral Ali Fadavi, ya yi ikirarin cewa dakarun Amurka sun ja da baya sama da kilomita 1,000 daga iyakokin Iran.
Fadavi ya ce hakan ya faru ne sak**akon abin da ya kira “ikon da karfin Rundunar Kasa ta IRGC”, yana mai cewa wannan ba wai zabin Amurka ba ne.

Ya kuma yi ikirarin cewa a halin yanzu babu wani jirgin ruwan Amurka a cikin Tekun Farisa (Persian Gulf), mashigin Hormuz, ko Tekun Oman.

Sai dai, wadannan bayanai ikrarin wani babban jami'in sojan Iran ne, kuma ba su tabbatar da kansu a matsayin bayanan da Amurka ta tabbatar ba.

WATA SABUWA:Duk Talakan Da Ya san Ba zai Zabi Tinubu Ba, Kada ya Kara Bi na Sallah Na Fada wa 'Yan Agajina Da Sun ga Wa...
05/10/2026

WATA SABUWA:Duk Talakan Da Ya san Ba zai Zabi Tinubu Ba, Kada ya Kara Bi na Sallah Na Fada wa 'Yan Agajina Da Sun ga Wani Da Rigar Atiku su Kore shi

-Inji Ustaz Sunusi Sokoto

Duk Talakan da Yasan Bazai Zabi Tinubu ba Karya Kara Bina Salla, na Fadawa Yan Agaji Duk Wani Wanda Zai Shigo Mana Massallaci Matukar Aka Ganshi da Wata Riga ta Atiku ba Tinubu ba to a Koreshi,

Mu Musulmai Mun Yarda Da Muslim Muslim Ticket, Kuma ko Kun so ko kunki Tinubu Zaici Zabe a 2027, Mutum in Yaga Dama ya Mútú, Baza mu Zabi Wanda Zai Dawo da Kasar mu Baya"

Address

Kano

Telephone

+2348035996090

Website

Alerts

Be the first to know and let us send you an email when Vanguard Hausa posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Vanguard Hausa:

Shortcuts

Share

Category