10/08/2026
Sponsored
ABDULLAHI ABBAS YA KARƁI SHUGABAN APC LOYALISTS NA DUBAI
Tsohon Shugaban Jam’iyyar APC na Jihar Kano, Abdullahi Abbas, ya karɓi Shugaban APC Loyalists Forum na Dubai, Alhaji Abba Magashi, wanda aka fi sani da Sarkin Dubai, a wata ziyara ta musamman.
Ziyarar ta kasance wata dama ta ƙara ƙarfafa haɗin kai, zumunci da fahimtar juna tsakanin masu ruwa da tsaki na jam’iyyar APC, musamman ‘yan jam’iyyar da ke zaune a ƙasashen waje.
A yayin ganawar, Abdullahi Abbas ya yaba da wannan ziyara, tare da jinjina wa Alhaji Abba Magashi da sauran mambobin APC Loyalists Forum bisa irin ƙoƙari da gudunmawar da suke bayarwa wajen tallafa wa jam’iyyar APC da manufofinta.
Ya kuma bayyana cewa haɗin kan ‘yan jam’iyya da ci gaba da yin aiki tare shi ne hanya mafi dacewa wajen ƙarfafa APC da cimma manufofinta a matakai daban-daban.
Ziyarar ta ƙara tabbatar da muhimmancin haɗin gwiwa tsakanin ‘yan APC na cikin gida da ‘yan jam’iyyar da ke zaune a ƙasashen waje.
