GY Times Hausa

GY Times Hausa Idan rana ta fito, tafin hannu baya kareta, GY Times Hausa ta shirya domin sanar daku zafafan Labaran duniya , wasanni, nishadi, kimiyya da fasaha.

Domin sanin halin da duniya ke ciki,kasance da wannan shafin jarida na A.M.T Hausa TV ..

Hukumar Kula da Gidajen Yari ta Najeriya (NCoS), reshen Jihar Kano, ta bayyana cewa fursunoni 68 sun yi nasara a jarraba...
23/09/2025

Hukumar Kula da Gidajen Yari ta Najeriya (NCoS), reshen Jihar Kano, ta bayyana cewa fursunoni 68 sun yi nasara a jarrabawar kammala sakandire ta NECO na shekarar 2025. Wannan nasara na nuna irin ƙoƙarin da ake yi wajen bai wa fursunoni damar samun ilimi da gyaran rayuwa a cikin gidan yari. Hukumar ta ce ilimi na daga cikin manyan hanyoyin sake fasalin rayuwar fursunoni, domin ba su damar samun makoma mai kyau bayan kammala wa’adin da aka yanke musu. Wannan mataki ya kuma nuna cewa gidan yari ba wai wurin hukunta mutane kawai ba ne, har ma wurin gina su don sake komawa cikin al’umma da amfani.

Faransa ta amince da ƙasar Falasɗinu a matsayin ƙasa mai cikakken iko, inda ta bi sahun wasu ƙasashen Yammacin Turai da ...
23/09/2025

Faransa ta amince da ƙasar Falasɗinu a matsayin ƙasa mai cikakken iko, inda ta bi sahun wasu ƙasashen Yammacin Turai da s**a riga s**a yi hakan, kafin taron shekara-shekara na Majalisar Ɗinkin Duniya (UNGA) da za a gudanar a birnin New York.

Amurka ta gargadi ‘yan siyasa da jami’an gwamnati na Najeriya masu cin hanci da rashawa da cewa za su fuskanci takaita b...
23/09/2025

Amurka ta gargadi ‘yan siyasa da jami’an gwamnati na Najeriya masu cin hanci da rashawa da cewa za su fuskanci takaita biza, a wani yunƙuri na ƙarfafa gaskiya da kyakkyawan shugabanci.

Tsohon Gwamnan Jihar Kaduna, Malam Nasir El-Rufai, ya zargi Shugaban Ƙasa Bola Ahmed Tinubu da ƙoƙarin maida kansa “Shug...
22/09/2025

Tsohon Gwamnan Jihar Kaduna, Malam Nasir El-Rufai, ya zargi Shugaban Ƙasa Bola Ahmed Tinubu da ƙoƙarin maida kansa “Shugaban ƙasa na dindindin,” Yana mai kiran tsohon Mataimakin Shugaban Ƙasa, Alhaji Atiku Abubakar, da ya jagoranci ƙoƙarin haɗa kan ‘yan Najeriya Domin kawar da gwamnatin APC a zaben 2027.

El-Rufai ya yi wannan bayani ne a ƙarshen mako lokacin da Atiku ya kai masa ziyarar jaje a Kaduna, bayan harin da wasu gungun mutane s**a kai kan shugabannin jam’iyyar African Democratic Congress (ADC) ciki har da shi.

“Tinubu Na Nuna Alamun Mulkin Mallaka”

El-Rufai ya ce gwamnatin Tinubu na tafiya da akidu masu k**a da na mulkin k**a-karya, yana jaddada cewa akwai alamun shugaban na son zama shugaban ƙasa na dindindin.

A wani bidiyo da aka wallafa a shafin Facebook na Atiku, El-Rufai ya ce:

“Gaskiya ranka ya daɗe, abin kunya ne yadda ake tafiyar da mulki a yanzu. Duk magana da akayi a baya na cewa muna fafutuka kan dimokuraɗiyya da gaskiyar tsarin tarayya, duk karya ce. Wannan gwamnati na ƙoƙarin mayar da komai a hannunta maimakon sauke wa matakai na ƙasa da ƙasa nauyin da ya dace.
Idan ba mu haɗa kai mu kawo ƙarshen wannan gwamnati ba a 2027, Tinubu zai ƙoƙarta ya zama k**ar Paul Biya, shugaban rai-da-haskenmu. Dukkan alamu sun fara bayyana – haka Paul Biya ya fara.”

“Ka Taɓa Fada Da Sojoji, Ka Iya Jagoranci”

El-Rufai ya yaba wa Atiku da gogewar siyasa, yana mai cewa:

“Kai ne jagoranmu. Ka taɓa fafatawa da sojoji, ka kuma gudanar da mulki tare da Obasanjo ba tare da wani ya tsangwama ‘yan adawa ba. Har ma Buhari da asalin soja ne bai yi irin wannan ba. Amma yau muna fuskantar farar hula amma su ne mafi muni fiye da kowace gwamnatin soja da muka taɓa gani.”

Martanin APC

Sai dai jam’iyyar APC mai mulki ta mayar da martani cikin gaggawa, inda ta bayyana cewa Shugaba Tinubu na gudanar da al’amuran kasa bisa sahihin mandat da ‘yan Najeriya s**a ba shi a zaben 2023, tare da cewa duk ayyukansa suna bisa doka da kundin tsarin mulki.

Atiku: “Gwamnatin Tinubu Barazana Ce Ga Dimokuraɗiyya”

A nasa bangaren, Atiku Abubakar ya goyi bayan kalaman El-Rufai, inda ya bayyana cewa gwamnatin Tinubu “ce babbar barazana ga dimokuraɗiyyar Najeriya tun bayan dawowarta a 1999.”

Ya ce:

“Abin damuwa ne ganin yadda gwamnatin da aka ɗauka farar hula ce ta koma mulkin k**a-karya. Wannan babban hatsari ne ga makomar dimokuraɗiyyar ƙasarmu.”

Bayan nesanta kanta da digirin DR na Rarara, Jami‘ar European American ta yi masa tayin samun digirin daga baya ——Jami’a...
22/09/2025

Bayan nesanta kanta da digirin DR na Rarara, Jami‘ar European American ta yi masa tayin samun digirin daga baya

——

Jami’ar European American University ta bukaci Dauda Kahutu Rarara da wadanda aka ce an karrama da digirin girmamawa a Abuja su tuntube ta domin ta duba cancantarsu na samun matsayin.

A wata sanarwa da jami’ar ta fitar a shafinta na yanar gizo, ta bayyana cewa muddin wadanda ta ambata sun cancanci samun digirin, za ta karrama su da shi a taron yaye dalibai da za ta gudanar a Najeriya cikin watan Nuwamban 2025.

Kazalika ta ce babu wani kudi da za a bukaci wani ya biya saboda a kaucewa ayyukan 'yan damfara, kuma tuni ta fara daukar mataki don gano wadanda s**a shirya abinda ta kira da damfara.

Wannan ya biyo bayan sanarwar da jami'ar ta fitar na nesanta kanta da taron karrama mutanen da digirin girmamawa, wanda ya gudana a birnin Abuja ranar Asabar.

Ita Wannan Fitalar Da Kuke Gani, Allah Ne Mahaliccinsa Ya Gwangwaje Shi Da Ita, Don Shima Ya More Rayuwarsa, A Cikin Zur...
21/09/2025

Ita Wannan Fitalar Da Kuke Gani, Allah Ne Mahaliccinsa Ya Gwangwaje Shi Da Ita, Don Shima Ya More Rayuwarsa, A Cikin Zurfin Teku Inda Ba'a Bawa Haske Ikon Isa Wurin Ba.

A can ƙasan zurfin teku mai duhu, yankin da ake kira midnight zone, tsakanin 200m – 2,000m, akwai wani kifi mai ban mamaki, da ake kira anglerfish.

Kamar yadda kuke gani a saman kansa yana ɗauke da yar fitilarsa gwanin sha'awa, kai kace, irin fitilar nan ce ta masu tono ma'adanai a ƙarƙashin ƙasa. Amma kuma ba ita bace, wannan fitila ce ta musamman daga ubangijin haske, ya samarwa wannan kifi na anglerfish domin ya samu sauƙin rayuwar da zata dace da bigiren da aka ajiye shi.

Sai dai wannan hasken ba yana fitowa kai tsaye daga jikinsa bane, wasu ƙananan ƙwayoyin bacteria da ke rayuwa a cikin wata yar jaka dake ɗeshin kan tsinken fitilar suke samar da hasken cikin wani yanayi na fahimtar juna dake wanzuwa tsakin kifin dasu ƙwayoyin bacteria ɗin, Eh mana hakan dai nake nufi, Anglerfish ɗin shine yake samar musu da abinci da kuma mafaka, su kuma sai su dinga biyansa ta hanyar samar masa da haske wannan haɗin gwiwa shi ake kira da symbiosis.

To amma amfanin wannan yar fitila mai haske yasha bambam da abinda kake tunani ya zu da kake karanta wannan maƙala, domin kuwa shi ba don ya haskaka hanya ya sayi fitilarsa ba, ya saye ta ne domin ya jawo hankali tare da yaudarar ƙananan kifaye da sauran halittu, domin su kusanto gareshi a zatonsu sun samu abinci ne ko kuma wata mafaka mai aminci.

Amma ina abin ba haka yake ba, wani katon baki ne cike da haƙora masu lanƙwasa ciki, waɗanda ke k**a duk abin da ya kuskura ya kusanto.

Allahu Akbar - kunji yadda mai duka ya tsara wata rayuwa da baka sani ba, to ai dama ya faɗa mana cewa : "yana ma halittar abinda bama sani".

Lallai Mulkin Sarki Allah baida iya cikin faɗin sama da zurfin teku da abinda ke tsakaninsu da wanda ke cikinsu duk na Allah ne kuma yana sane dasu komai ƙanƙantarsa.

Miye ya ɗaure maka kai dangane da wannan kifi mai torchin yaudara ?

A Gaza, har tserewa daga birnin yana da farashi.Dole ne iyalan Falasɗinawa su biya kusan dala 3,200 domin tserewa daga k...
20/09/2025

A Gaza, har tserewa daga birnin yana da farashi.
Dole ne iyalan Falasɗinawa su biya kusan dala 3,200 domin tserewa daga kisan kiyashin Isra’ila, in ji hukumar UNRWA. Ƙarancin man fetur da ɗumbin jama’a masu son tserewa da ƙarancin kuɗi ya sa neman tsira zama wani muhimmin lamari ga Falasɗinawa.

Amurka ta Roki Taliban ta bata aron wani ƙaramin waje don kafa Sansanin Sojin.A halin Yanzu Amurka ta kwallafa Rai na ne...
20/09/2025

Amurka ta Roki Taliban ta bata aron wani ƙaramin waje don kafa Sansanin Sojin.

A halin Yanzu Amurka ta kwallafa Rai na neman Inda zata jibge dakarun sojin Samanta, wanda a shekarun baya ta kasance tana da iko da sansanin sojin Afghanistan.

Wannan sansani da ke lardin Parwan a gabashin Afghanistan, Amurka ta bar shi ne a shekarar 2021 yayin janyewar da ta yi cikin halin dole, lokacin da Taliban s**a karɓi mulkin ƙasar.
‎
‎A wani taron manema labarai da aka gudanar tare da Firaministan Birtaniya, Keir Starmer, a ranar Alhamis, Trump ya ce: “Muna ƙoƙarin mu dawo da sansanin sojin hannun mu. Domin tazarar tafiyar awa 1 ne daga Sansanin Zuwa Cibiyar nukiliyar Chaina. Inji Trump.

Sansanin Bagram shi ne babban sansani na rundunar Amurka a lokacin yakin da s**a shafe shekaru 20 a Afghanistan bayan hare-haren 9/11 da Al-Qaeda ta kai. A shekarun baya, sansanin ya ƙunshi gidajen cin abinci irin na Burger King da Pizza Hut, tare da shagunan sayar da tabarma na Afghani.
‎

Wani jami’in Amurka ya shaida wa kamfanin Reuters cewa sake mamaye sansanin da kuma riƙe shi zai buƙaci dubban sojoji, tare da ƙalubale wajen kawo kayan abinci da mak**ai. “Ba na ganin wannan abu zai yiwu a aikace,” in ji shi.
‎
‎Sansanin kuma zai buƙaci kariya daga barazanar kungiyoyi k**ar ISIS da Al-Qaeda, haka kuma zai iya fuskantar hare-haren mak**ai daga Iran, wadda ta taba harba manyan mak**ai kan sansanin Amurka a Qatar a watan Yuni yayin yaƙin kwanaki 12 da Isra’ila.
‎
‎Trump ya sha s**a kan wanda ya gaje shi, Joe Biden, bisa “yarjejeniyar sadaukar da sansanin Bagram”, duk da cewa shi kansa Trump ne ya sa hannu kan shirin janyewar Amurka daga Afghanistan tare da Taliban a wa’adinsa na farko. A halin yanzu, Pentagon na gudanar da bincike kan yadda aka gudanar da janyewar a 2021.

‎ A cikin wani rubutun da ya wallafa a shafin X, ya ce: “’Yan Afghanistan ba su taɓa amincewa da kasancewar rundunar waje a tarihin kasar ba. Wannan jawabin na Trump an kore ta baki ɗaya.”
‎

Matattarar Man Dangote ta Tura jirgi na Biyu Ɗauke da mai zuwa AmurkaMatattarar man Dangote Refinery ta sake aikawa da ...
20/09/2025

Matattarar Man Dangote ta Tura jirgi na Biyu Ɗauke da mai zuwa Amurka

Matattarar man Dangote Refinery ta sake aikawa da karin jiragen man fetur guda uku zuwa Amurka.

Bisa ga bayanan da kamfanin ya sanar an yi jigilar man fetur din ne, tsakanin Agusta 26 zuwa 4 ga watan Satumba, jiragen ruwa guda uku sun tashi daga matattarar zuwa tashar jiragen ruwa ta New York Harbour. Jirgin Gemini Pearl ya riga ya sauke sama da tan 42,000 na man fetur a tashoshin New Jersey a ranakun 15 da 16 ga Satumba. Sauran jiragen guda biyu, Mh Daisen da Seaexplorer, suna kan hanya yanzu haka, dauke da jimillar kaya fiye da tan dubu 82,000.

Edwin Devakumar, Darakta Janar na Dangote Refinery, shine ya tabbatar da wannan bayani, inda ya bayyana cewa kayayyakin da masana’antar ke samarwa sun cike ka’idojin kasashen waje. Ya ce: “Matattarar na samar da mai daidai da matakin da Amurka ke bukata.

Masu sa ido a harkar masana’antu sun bayyana cewa wannan jigilar wani babban ci gaba ne ga ikon tace mai na Najeriya, wanda zai kara karfafa amincewar duniya da ayyukan kamfanin man fetur na Dangote.

DA DUMI-DUMINSA:FARASHIN KAYAN ABINCI YA KARA SAUKA A KASUWAR MAKARFI. 22 ga Agusta, 2025A wannan makon, Kasuwar Makarfi...
23/08/2025

DA DUMI-DUMINSA:FARASHIN KAYAN ABINCI YA KARA SAUKA A KASUWAR MAKARFI.

22 ga Agusta, 2025

A wannan makon, Kasuwar Makarfi ta Kaduna ta shaida raguwar farashin wasu muhimman kayan abinci idan aka kwatanta da makon da ya gabata.

Bisa ga rahoton kasuwa:

Masara (mai aure) ta sauka daga ₦38,000 zuwa ₦32,000

Wake fari manya daga ₦85,000 zuwa ₦70,000

Shinkafa Jamila daga ₦40,000 zuwa ₦38,000

Kalwa babban buhu daga ₦150,000 zuwa ₦145,000

Barkono Ɗan zagade daga ₦40,000 zuwa ₦30,000

Masu sana’a sun ce raguwar na iya zama sak**akon karin kayayyaki da s**a shigo kasuwa da kuma yanayin damina da ke taimakawa wajen noman kayan abinci.

18/08/2025

Shin wannan tambayar haka take ?Abu Biyu Mace Take Tunawa A Duniya
1 Abun Kirkin Data Taɓa Yimaka
2 Abun Tsiyar Da Kataba Yimata

18/08/2025

Shin wace rawa matasa za su iya takawa domin ci-gaban kansu da na al'umma?

Address

Kano

Website

Alerts

Be the first to know and let us send you an email when GY Times Hausa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category