03/09/2026
MAHANGAR GASKIYA: Matsalar Hausa-Fulani
Cikin kwanakin nan, akwai Matasan Hausawa da ke; Sukar Alaƙar Hausa-Fulani, Sukar Yaƙin Ɗanfodio 1804, tare da rajin kare Tarihin Hausawa matsayin Kabila (Ethnicity).
Hakan ya kawo ka-ce-na-ce har da muhawara a shafin Prof. Kperoogi tare da Prof. Tijjani Imam kan yanayin lamarin.
Wasu su ce abin Kwangilar yahudawa ne, Maguzanci da Kafirci ko Tada Husuma don raba kan Al'umma.
⚠️ABIN LURA
Babu Bukatar sanin, Wa ke da gaskiya ko waye bai da shi?
Waye Azzalumi ko kuwa wa aka cuta?
💥Tambaya Mafi Muhimmanci;
Me ke sa Mutane su zauna lafiya ko su samu ɓaraka?
Me ke tilastawa mutane tuno baya ko binciko abin da ya shuɗe?
Me yake taimakawa Haɗin kai da mantar da mutane kaifin matsalolin baya?
🌍 AMSA GA MAI HANKALI
Abin da mafi yawan mutane ba su ganewa shi ne:
Hausawa suna cewa "Fatara Shi ka tada tsohon bashi......"
Babu wata al'umma a doron duniya da babu zalunce-zalunce na tarihi da bas**a tsakanin dangogin cikinta ko abokan zamanta a cikin kasarta ko makwabtanta.
K**a daga Saxons Vs Normans, Arabs Vs Turks, Greeks Vs Turks, Persians Vs Arabs, Armenians and Azerbaijans, Yoruba Vs Nupe, Oworo Vs Ijebu, Jukun Vs Tiv
Amma Managarciyar Al'umma ita ce wacce ta iya tsallake matakan gaba da Ƙiyayya kan batutuwa da s**a gabata, don gyara maslahar yau da ta haɗa su ta zamantakewa.
Mun ga yadda mutanen Faransa da Ingila s**a haɗa hannu s**a samu daidaito don samarwa juna cigaba duk da tarihin yaƙe-yaƙe da ke tsakaninsu a baya, haka ma sun mori maslahar Colonisation tare, ba su bari gaba da tsana ya sa sun kasa ganin maslaharsu ta bai ɗaya a wannan yayin ba.
Duk da haka, Tsoffin batutuwan tarihi (Gaba da Yaƙi) suna rasa muhimmanci ne ko tasiri idan ya kasance babu mak**antan waɗannan matsalolin na baya tsakanin Kabilun biyu a rayuwarsu ta yau, sannan ya kasance akwai bayyananniyar maslahar rayuwa a haɗuwar kai ba tare da barazana ga rai, dukiya ko mutunci ba tsakaninsu.
Akasin haka kuwa, Duk wata zumunta, Tarihin Dangantaka ko Addini da Makwabta duk za su rushe
Mun ga yadda Kusancin jini, al'adu, tarihi da addini s**a kasa wanzar da salama tsakanin kabilun Banu Wa'il (Baku Bin Wa'il da Tagliba Bin Wa'il) har Mawaki Tarfa yake cewa:
والظلم فرّق بين حيي وائل # بكر تُساقيها المنايا تغلب
Haka ma tsakanin Kabilun Ghatafan wato Absu da Zibyaan.
Hallau ko bayan Musulunci, Rikici irin na Ƙabilanci ya yi ta samuwa tsakanin Qaisu Ailan da Yemeni Tribes.
Duk wannan zai nuna maka gaskiya guda:
Wato, Kusanci ko Addini ba ya haɗa kan mutane muddin maslaharsu ta kasa daidaituwa.
Don Haka nake gani cewa, Ba wai batun Addini, Auratayya ko Mu'amala ta haɗa mu ba, Zance ne na:
1. Meye amfanin da tarayyar ta mu take yiwa kowanne ɓangare a yau?
2. Shin dukkanmu mun iya gamsuwa cewa babu cuta babu cutarwa a wannan Gambizar?
3. Me yasa mu ke tado irin wannan batutuwan a yau?
4. Me ya k**ata mu yi don samar da cigaban wannan haɗin kai?
5. Shin zargin Kwangila ko Agenda mai ɓulle ne kuwa?
NB: Mu sani cewa, Masarautar Ingila a yau, Galibin Title Holders ɗin ta zuriyar Norman Conquerors ne, Haka Gidan Sarautar House Windsor (Gotha Saxe-Coberg), Asalinsu Germans ne.
Amma shin kana jin tashin zantuka mak**ancin irin wannan?
A'a, Saboda kuwa Talakawan Ingila (Galibi zuriyar Saxons) ba su da wata matsala ko barazana da za ta tilasta masu irin wannan tone-tonen don kuwa tsarin ya iya tsayawa maslahar Tsaro da mutuncin kowa ba tare da wariya ba.
Nicholas Micheavelli yana cewa a littafin THE PRINCE:
"MUTUM YANA IYA MANTA WANDA YA KASHE MAHAIFINSA, AMMA BA ZAI TAƁA MANTA WANDA YA JEFA RAYUWARSA CIKIN TASKU BA"
⚠️Ka tambayi kanka,
Shin haka abin yake a Matsalolinmu na Arewa a yau?
Hala ba kariya ake ba wa Yan Bindigan nan ba, cewa An zalunce su ne a baya?
Marasa kunya cikin shugabanni ma cewa su ke wai Ƴan uwansu ne, Ta ya Ba za a fassara abin a haka ba?
Eh, Zance ne na cewa:
TA'ADDANCI BAI DA KABILA
AMMA DAGA RANAR DA ADALCI YA FARA TANTANCE KABILA, TABBAS TA'ADDANCI MA ZAI SAMU KABILA.
GWAMNATI TANA WANZAR DA HADIN KAI NE TSAKANIN MUTANE, AMMA FA MUDDIN TA KASA YIN HAKAN, KOWANNE BANGARE ZAI ƊAU MASLAHARSA A HANNUNSA.
BA ZANCEN YA KAMATA BA NE WANNAN
BA ZANCEN HAUSA ACTIVISM DAIDAI NE KO KUSKURE BA, ZANCE NE NA CEWA "THESE ACTIVISTS ARE ACTING AS HUMANS DO"
IT IS BEYOND GOOD AND EVIL
ZANCEN RAYUWA AKE!!!
Aruwa
02/09/26
