Matashiya TV

Matashiya TV Matashiya! bahaushiyar tasha mai tsage gaskiya komai ɗacinta. Tasha mai zaman kanta, mu na yaɗa labarai ba tare da son zuciya ba

Barau ya ƙaddamar da kwamitin yaƙin neman zaɓensa na takarar Sanatan Kano ta Arewa.An gudanar da taron kaddamar da kwami...
11/10/2026

Barau ya ƙaddamar da kwamitin yaƙin neman zaɓensa na takarar Sanatan Kano ta Arewa.

An gudanar da taron kaddamar da kwamitin yau a fadar gwamnatin Kano.

Ga hotunan a ƙasa.

11/10/2026

Labaran duniya 11/10/2026

11/10/2026

Dalilin da ya sa mu ka kai wa gwamnan jihar Niger ziyara a gidan gwamnatin jihar na Abuja - Mohammed Idris

11/10/2026

Gwamnan jihar Niger Mohammed Umar Bago, ya yabi Ministan Yaɗa Labarai da Wayar da Kai, Mohammed Idris, wanda kuma shi ne Shugaban Ƙungiyar Bunƙasa Ci Gaban Jihar Neja (Niger State Development Forum – NSDF), bisa jagorantar mambobin ƙungiyar, ciki har da Ƙaramin Ministan Noma da Samar da Abinci, Sanata Aliyu Sabi Abdullahi, zuwa ziyarar ta’aziyya.

Haka kuma, mambobin ƙungiyar sun yaba wa gwamnan bisa ƙoƙarin da yake ci gaba da yi wajen bunƙasa jihar.

An gudanar da ziyarar ne a ranar Juma’a, 9 ga Oktoba, 2026, a gidan gwamnatin Jihar Neja da ke Abuja.

11/10/2026

Taƙaitattun labarai 11/10/2026

10/10/2026

Labaran duniya 10/10/2026

Sa'o'i kaɗan bayan cire sunan Pantami daga jerin ƴan takarar gwamna a Gombe da INEC ta yi, daga bisani Pantami ya magant...
10/10/2026

Sa'o'i kaɗan bayan cire sunan Pantami daga jerin ƴan takarar gwamna a Gombe da INEC ta yi, daga bisani Pantami ya magantu.

Sanarwar da Farfesa Suleiman Mohammed Gombe ya fitar a madadinsa, ta kasance kamar haka:

"Hankalinmu ya kai kan rashin bayyana sunan ɗan takararmu na gwamnan jihar Gombe a ƙarƙashin jam’iyyar PDP, Farfesa Isa Ali Ibrahim Pantami, a cikin jerin sunayen ’yan takara da Hukumar Zaɓe Mai Zaman Kanta ta Ƙasa (INEC) ta fitar.

Farfesa Pantami ya fito ne daga sabon zaɓen fidda gwani da jam’iyyar PDP ta gudanar a ranar 29 ga Satumba, 2026, bisa umarnin Babbar Kotun Tarayya.
Muna sane da damuwar da wannan lamari ya haifar a tsakanin dimbin magoya bayanmu na jam’iyyar PDP da tafiyar Pantamiyya a faɗin jihar Gombe da ma Najeriya baki ɗaya.

Muna kira ga dukkan magoya bayanmu da su kwantar da hankalinsu, su kasance masu haƙuri, jajircewa da kyakkyawan fata. Wannan ƙalubale ne na ɗan lokaci a cikin tsarin zaɓe, ba wai hukunci na ƙarshe ba, in sha Allah.
Muna sane da wasu mutane da ke aiki a bayan fage domin kawo cikas ga samun shugabanci nagari a jihar Gombe. Sai dai tuni tawagar lauyoyinmu da masu hulɗa da hukumomi s**a fara tattaunawa da hukumomin jam’iyya da INEC domin tabbatar da bin doka da kuma gyara wannan matsala cikin wa’adin da doka ta tanada.

Da yardar Allah, muna da kyakkyawan fata cewa za a warware wannan lamari.
Muna kira ga magoya bayanmu da su ci gaba da ayyukan wayar da kai da haɗa kan jama’a, tare da mayar da hankali kan manufarmu ta yi wa al’umma hidima.
Tafiyar Pantamiyya tana nan daram, cikin haɗin kai da jajircewa wajen ganin an kawo sauyi da inganta rayuwar al’ummar jihar Gombe. Babu wani ƙalubale da zai karkatar da mu daga wannan manufa, in sha Allah.

Allah Ya albarkaci jihar Gombe, Ya kuma albarkaci Tarayyar Najeriya.

Farfesa Suleiman Mohammed Gombe
10 ga Oktoba, 2026."

Hukumar Zaɓe Mai Zaman Kanta ta Ƙasa (INEC) ta fitar da jerin sunayen ƴan takara 16 da ta tantance domin zaɓen gwamna a ...
10/10/2026

Hukumar Zaɓe Mai Zaman Kanta ta Ƙasa (INEC) ta fitar da jerin sunayen ƴan takara 16 da ta tantance domin zaɓen gwamna a jihar Gombe da za a gudanar a ranar 6 ga Fabrairu, 2027, sai dai babu sunan Farfesa Isa Ali Ibrahim Pantami a ciki.

Cikin ƴan takarar da sunayensu su ka bayyana akwai Bala Bello Tinka na jam’iyyar ADC, Jamilu Isyaku Gwamna na APC da Babayo Ardo Kumo na NDC. Sauran sun haɗa da Zubairu Mu’azu Halilu na Labour Party, Lamela L. Silas na APM, Ibrahim Jalo Abubakar na PRP da Adamu Mohammed Ma’aji na SDP.

Pantami, wanda ya sauya sheƙa daga APC zuwa PDP a ranar 19 ga Mayu, ya taɓa bayyana a jerin sunayen wucin-gadi da INEC ta fitar a ranar 29 ga Agusta. Sai dai kotun tarayya ta soke zaɓen fidda gwani da ya fara lashewa, tare da umartar PDP ta sake gudanar da zaɓen, inda Pantami ya sake yin nasara a ranar 29 ga Satumba da ƙuri’u 2,054.

Kotun Tarayya da ke Gombe ta soke nasararsa ta farko a ranar 24 ga Satumba. Haka kuma, hukuncin Kotun Ƙoli na ranar 24 ga Satumba kan tanade-tanaden Dokar Zaɓe ta 2026 ya ƙara sanya shakku kan cancantarsa.

A baya, Kwamishinan INEC na Ƙasa, Mohammed Haruna, ya bayyana a shirin Daily Politics na Trust TV cewa bisa hukuncin Kotun Ƙoli, wasu jam’iyyun siyasa ba za su iya gabatar da ƴan takara ba. Kotun Ƙolin ta hana jam’iyyun gabatar da ƴan takarar da sunayensu ba su cikin rajistar mambobin jam’iyyar da aka miƙa wa INEC cikin lokacin da doka ta tanada.

Gwamnatin jihar Benue ta bayyana cewa ta shirya tsaf domin fara aikin ƴan sandan jiha, ta na mai cewa akwai tsare-tsaren...
10/10/2026

Gwamnatin jihar Benue ta bayyana cewa ta shirya tsaf domin fara aikin ƴan sandan jiha, ta na mai cewa akwai tsare-tsaren tsaro na al’umma da za su taimaka wajen aiwatar da tsarin.

Mai ba gwamna Hyacinth Alia shawara kan harkokin tsaron cikin gida, Chief Joseph Har, ne ya bayyana hakan a wani taron masu ruwa da tsaki kan kafa ƴan sandan jihohi da ƙungiyar Lawyers Alert ta shirya tare da hukumar tsaron cikin gida ta jihar a Makurdi.

Har ya ce jihar ta samar da kundin tsarin tsaron al’umma da kuma littattafan horarwa da aka fassara zuwa yarukan Tiv, Idoma da Igede domin ƙarfafa shigar al’umma cikin harkokin tsaro.

Sai dai ya nuna damuwa kan makomar jami’an tsaro da tsarin da ake da su a yanzu, yana mai cewa rusa su ba tare da tsayayyen shirin haɗa su cikin sabon tsarin ba na iya haifar da matsalolin tsaro.

A nasa jawabin, Gwamna Hyacinth Alia, wanda shugaban ma’aikatansa, Barrister Emmanuel Atagher, ya wakilta, ya goyi bayan tsarin tsaron da ya mayar da hankali kan al’umma. Ya ce ya kamata a kula da horo, kayan aiki, kuɗaɗen gudanarwa, tsarin umarni da kuma riƙon amana domin tabbatar da ingancin ’yan sandan jiha.

Haka kuma, hukumar tsaron cikin gida ta jihar ta bayyana matakan da take ɗauka wajen ƙarfafa haɗin gwiwa tsakanin al’umma da hukumomin tsaro, yayin da rundunar ƴan sandan Najeriya ta ce a shirye take ta taimaka wajen kafa ƴan sandan jiha cikin sauƙi.

Address

Northwest Street Kabuga Road
Kano

Telephone

+2348096399266

Website

Alerts

Be the first to know and let us send you an email when Matashiya TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Matashiya TV:

Shortcuts

Share

Category