RBChausa

04/09/2026

Gwamna Radda Ya Halarci Ɗaurin Auren Ɗan Sanata Shekarau

Gwamnan Jihar Katsina, Malam Dikko Umaru Radda, ya halarci ɗaurin auren ɗan tsohon Gwamnan Jihar Kano, Sanata Ibrahim Shekarau, Khalid Ibrahim Shekarau, da amaryar sa, Elham Yakubu Adam Kofar Mata.

An gudanar da ɗaurin auren ne a Masallacin Juma’a na Sheikh Ahmed Tijjani da ke Ƙofar Mata, a cikin birnin Kano.

Gwamna Radda ya taya ma’auratan murna tare da yi musu addu’ar fatan zaman lafiya, soyayya da albarka a auren su.

Ɗaurin auren ya samu halartar Gwamnan jihar Kano Injiniya Abba Kabir Yusuf, Tsofaffin Gwamnonin jihar Kano Alhaji Abdullahi Umar Ganduje, da Sanata Kabiru Gaya, da dai sauran su.

02/09/2026

Shugaban ma'aikatan gidan gwamnatin Jihar Katsina Alhaji Abdulƙadir Mamman Nasir ya karɓi baƙuncin shugabannin ƙungiyar Gwagware Contact and Mobilization Women Wing na jihar Katsina.

Ƙungiyar ƙarƙashin jagorancin Hajiya Hassana Mani ta jagoranci tawagar wadda ta ƙunshi shugabannin kananan hukumomi zuwa ofishin shugaban ma'aikatan domin jaddada shirin su na nuna cikakken goyon bayan su ga gwamnan jihar Katsina da jam'iyyar Apc.

Zaman wanda aka tattauna muhimman batutuwa ya samu halartar kwamishinan ma'aikatar matasa da wasanni na jihar Katsina Engr. Surajo Yazid Abukur, shugaban gidauniyar Gwagware Alh. Yusuf Aliyu Musawa da dai sauran su.

01/09/2026

30/08/2026

SULHU.
Sulhun daya gudana tsakanin mai girma Gwamna malam Dikko Umar Radda na Katsina da Ibrahim Kabir masari

30/08/2026

Kai tsaye a daga Masallaci Juma'a na Markazu Juwairiyyah baya Firamarin UPE Kofar Kaura Katsina, a zama na Hudu cikin Karatun Littafin Siffatussalatun Nabiyyi (SAW) Minattakbir Ilattaslim ka'annaka Taraha, wanda Malam Musa Mahmud Adama yake gabatarwa inda ya samu wakilcin Dr. Mu'ammar Lawal Mani.

29/08/2026

Şhirin Tsumagiyar Hanya kenan Fyadi Yaro Fyadi Babba.

28/08/2026

Gwamna Radda ya gana da Mataimakin Shugaban ƙasa Sanata Kashim Shettima, a birnin tarayya Abuja.

A cikin tawagar Gwamnan akwai shugaban ma'aikatan gidan gwamnati Hon. Abdulkadir Mamman Nasir, Tsohon Ministan Gidaje da Raya Birane Arc Ahmad Musa Dangiwa, Tsohon Sakataren Gwamnatin Jihar Katsina Dr. Mustapha Muhammad Inuwa, Shugaban Kamfanin MaxAir da Mangal Cement Alh. Ɗahiru Bara'u Mangal, Dan majalisar tarayya mai wakiltar Musawa/Matazu Hon. Abdullahi Aliyu, da sauran su.