25/09/2025
Kà nípa ewé ẹ̀yìn Olobe,awogba àrùn tó dájú
Ewe ẹyin olobe naa gbajumọ bi ewe ewuro nilẹ yoruba, ẹni to ba mọ pataki alaafia o gbọdọ fi ṣere. Eso kan wa tawọn baba wa n pe ni awogba tabi aworoṣo, itumọ rẹ ni pe bi aisan ba pe igba,yoo wo o afi ki ọlọjọ oni ma fi aisan dan wa wo. Lọpọ igba ni aisan ẹyọ kan ṣoṣo maa n fun eeyan ni inira ka ṣẹṣẹ wa sọ pe aisan pe meji mẹta lara eeyan, idi niyẹn to fi gbọdọ ba ewe ẹyin olobe ṣọrẹẹ.
Lẹyin eso awogba,ewe ẹyin olobe lo tun tẹle e, bi akọ iba ba n da ọ laamu, lọọ wa ewe ẹyin olobe ki o ko sinu ike omi, fi ọti ibilẹ tabi ẹlẹrindodo funfun rẹẹ ki o ma mu ni gaasi kan lojumọ. Loootọ; awogba arun la pe ewe yii ṣugbọn lilo rẹ yatọ, o ma n ṣiṣẹ fun ikọ,isetọ, ẹfọri, ẹpọn wiwu, iba jẹdọjẹdọ,idakọlẹ ati jẹdijẹdi.
Olodumare to da wa si ilẹ Afirika ti ba wa tan iṣoro wa nipa ewe ati egbo to fi si ikawọ wa ṣugbọn awọn kan gbọn ju Ọlọrun lọ,wọn ni nnkan to tọwọ rẹ wa ko dara,idi eyi ni wọn ṣe n ku iku aitọjọ. Bo o ba fẹ tan ara rẹ jẹ ti igbagbọ rẹ ko si tako iwosan nilana ibilẹ, lọọ wa ewe ẹyin olobe ki o rẹẹ sinu ike, ki o maa mu,o kere tan,ẹẹkan lọsẹ, ki o le tọ aisan buruku kuro lara ni o.
Ma ku iku aitọjọ,ma ṣe ara ẹ lofo danu, bi o ba ni ipenija oju, lọọ wa ewe yii ki o maa mu. Bi o ba ni itọ ṣuga, ja ko pọ ki o se e lagbo, maa mu bi omi lẹẹmẹta lojumọ koda bi aisan rọparọsẹ ba kọlu ẹ, tete yan ewe yii laayo, rẹẹ ki o tun se e lagbo mumu ni gbigbona.
Ẹni to ba n ya igbẹ ẹjẹ o gbọdọ fi ewe yii ṣere rara o; sise lagbo ni mumu laarọ ati ni alẹ tabi ki ẹ sa ko gbẹ, ẹ lọọ lubulubu ki ẹ maa fi fọ ẹkọ gbigbona mu.
Bi agbalagba ba fẹẹ maa ta kebekebe, ko maa fi agunmu rẹ fọ ẹkọ mu, yoo wo iba,jẹdijẹdi,aisan ọkan,aisan jẹdọjẹdọ atawọn aisan to ma n ja awọn eeyan laya,gbogbo ẹ lo ma fọ danu. Ewe yii n wo ẹfọri tuulu, ara riro, o ma n to egungun bakan naa lo n wo iba pọnju pọntọ.
Ko si bi jẹdijẹdi ṣe le ya akọ to, o maa tẹriba niwaju ewe ẹyin olobe, o ma n koju aisan ipake ṣe ni ki a se e lagbo ka ma mu ni gbigbona. Ẹni to ba ni aisan rọparọsẹ gbọdọ maa mu agbo rẹ bi omi ni o, kosi aisan ti ko gboogun nilẹ yoruba,aimọkan lo n mu wa ti s fi n ta anfaani ti ọba adẹdaa fun wa danu.
Awọn obinrin gbọdọ maa mu agbo rẹ ṣaaju ati lẹyin nnkan oṣu wọn tori ko le fọ gbogbo idọti to s**o sinu odo ikun danu, eyi ko nii jẹ ki iju duro sara obinrin bẹẹ ni ko yọ ẹni to ti ni iju tẹlẹ naa sẹyin,ẹ maa mu ewe yii lagbo kẹẹ si tun rẹẹ sinu ọti ibilẹ tabi omi ọsan wẹwẹ ti ko labula, o maa fọ arun ile igbọsẹ danu. a ba yin lara mu o.
