01/09/2025
NAIJA EYES - Di Päijät-Häme District Court on Monday 1 September sentence Simon Ekpa to six years for prison sake of terrorism offences, among oda tins, according to court document wey district secretary send to BBC News Pidgin.
According to di court document, di 40-year-old former Lahti municipal politician bin participate for activities of terrorist group, incite di public to commit crime for terrorist purposes, engage for aggravated tax fraud and violate for di provisions of di Lawyers Act.
Dem order Ekpa to remain for custody.
For di terrorism offences, court say Ekpa bin attempt to promote di independence of di so-called Biafra region for south-eastern Nigeria by illegal means between August 2021 and November 2024.
"E bin use social media to gain politically influential position and take advantage of di confusion for key separatist movement for Nigeria to take a significant role inside am," di court document tok.
