23/07/2025
"EBUKA SONGS ,WHO BE YOUR SPIRITUAL FATHER ?WHO GO CALL THIS BROTHER TO OTHER ?
Wetin I wan talk today no be for clap or trend. Na for correction. I dey talk am as e dey hot, make other ministers no fall inside desperation trap.
Years back, when Ebuka Songs show face with him holy-holy vibes, everybody dey shout “revival,” but me I look am well. I talk say something dey off. E no dey add up. Holiness no be acting. Presence of God no be camera trick.
Today na today. I wan ask — Who be your spiritual father, Ebuka Songs? Who you dey report to?
Because if pikin no get papa, e fit dey do anyhow. Desperation dey silence God plan faster than sin. You go dey do things just to feed algorithm. Na experience I take dey talk. Many don forget say na Kingdom first, no be clout first.
Few days ago, video surface — Ebuka Songs with Peller dey mock speaking in tongues. Na wetin be dis??? To stay relevant? To trend? Na play be dat?
Some days ago, the boy flash for my mind. I ask, "Where this Ebuka Songs sef dey now?" I no see all those holiness skits again. I just shake head. Because I see right through am from day one.
Africans too dey carried away. Once person cry small for video, you go think say na Holy Spirit. But na acting. Na script.
So I repeat am again — Ebuka Songs, who be your pastor? Who dey mentor you? Who dey check you? Because dis desperation dey smell.
Make I remind una —
Plenty gospel ministers don feature secular artists. Wetin come out?
Who among those secular artists don really give their life to Christ?
All the "feature for influence" no change anybody.
Na gospel artists wey compromise na dem go down.
Ask yourself —
Did it change Davido?
Did it break Tiwa Savage?
Did it transform Olamide?
Now make I give una example make una no say I no dey talk cho cho cho:
🟥 DAVIDO
Yinka Ayefele feature Davido for a live gospel event (“No More Night”) — people shock say Davido dey sing praise.
Even COZA church use Davido, Tiwa and others for one promo video in 2019 — church say na advert, Davido deny involvement.
Outcome: Davido no change. Still dey do wetin he dey do. Gospel gain nothing.
🟥 TIWA SAVAGE
Tiwa Savage show face for The Experience gospel concert 2020. She sing inspirational content, but no spiritual turnaround.
She link with Nathaniel Bassey behind the scenes — people dey expect collabo, but nothing spiritual come out.
Outcome: Still dey dress half naked, dey sing worldly lyrics. No repentance.
🟥 OLAMIDE
Olamide drop songs like “Prayer for Client” with gospel rhythm but secular lyrics.
Also sample Christian lines in “Eyan Mayweather.”
Some upcoming gospel artists wey dey chase clout try feature am.
Outcome: Olamide no change. Instead, he raise more secular boys — Fireboy, Asake, etc.
The gospel no be for "branding" or "influence strategy." Na for souls and righteousness.
Na so e dey always be — sudden fame, sudden disappear.
Ebuka Songs, if truly you be minister, I beg you retrace your steps. Come back to the altar. Stop seeking to be known, start seeking to know Him (God).
Because if you seek God, people go find you.
If you no fit fear God, at least fear who you dey report to. If you no get pastor, go find one now. Person must dey guide you.
Signed: Doctrine Police
WahalaTVByEjiroghene
We no dey do eye service. We dey fight for sound doctrine.
Na kingdom work, no be cruise.
