11/08/2026
Liliana Pérez Ocampo and her family members manage escape moments bifor ogbonge earthquake shake dia house for western Colombia on Monday.
“At first, we bin tink say na small tremor like di ones wey Dey usually happun for Colombia, but wen afta 30 seconds pass and evritin still dey shake well-well, we realise say na earthquake” na wetin di mama of four children tell di BBC World Service.
Her family including two young children for school, dey safe. “In di end, we go replace material tins” na wetin she tok.
“Di most important tin na life, and we get am”.
Wit at least 132 pipo wey don kpai, dis na di strongest earthquake to hit Colombia for di 21st century, according to Geological Service for di kontri.
