BBC News Pidgin

BBC News Pidgin BBC News Pidgin Official page
BBC World Service dey provide news tori and analysis from all around di world for 43 languages.

We be ogbonge international broadcaster wey dey deliver informate wey be true tok without any partia. Dis na di home page of BBC News Pidgin wey you fit see all di news tori and gist from Naija, Africa and di whole world. You fit join us every day talk wetin dey your mind, and you fit share any tori wey you wan make we cover.

Real Madrid don announce say Alvaro Arbeloa tenure don end as di first-team coach.For statement wey di club release on T...
09/06/2026

Real Madrid don announce say Alvaro Arbeloa tenure don end as di first-team coach.

For statement wey di club release on Tuesday, 9 June, dem say di club and Arbeloa don reach agreement to end im tenure.

“Real Madrid dey deeply grateful to Alvaro Arbeloa, wey throughout im career for di club, from di time e join our academy, don always demonstrate loyalty, commitment, and professionalism. Im persona na true example of di values of our club,” di club tok.

Arbeloa, wey be former Real Madrid defender and wey bin don also coach di club youth and reserve sides, bin dey appointed for January to replace compatriot Xabi Alonso and bin guide di 15-times European champions to second-place finish ⁠for LaLiga.

Who you tink say dey come onboard as di new coach?

09/06/2026

Wetin di US do Somali referee Omar Artan still dey cause tok-tok as dem ban di best African referee make e no enta di north American kontri for di 2026 Fifa World Cup.

Omar say im dey subjected to 11-hour immigration interview bifor dem deny am entry to di US even though im hold di "right papers" and "right visa".

But who be Omar Artan? Todah Opeyemi explain.

US President Donald Trump don accuse Iran say dem shoot one US helicopter near di Strait of Hormuz and tok say e go do i...
09/06/2026

US President Donald Trump don accuse Iran say dem shoot one US helicopter near di Strait of Hormuz and tok say e go do im own back.

US Offficials confam give BBC say two crew members wey bin dey inside di Apache helicopter wey crash don dey rescued by American sea drone.

Dis go be di first time wey Apache helicopter go dey destroyed since di kasala for Iran start, and e come afta Trump bin tok say Washington dey near di end of di deal wit Iran wey go stop di fight-fight.

However, now di president dey say, "Two pilots bin dey involed. Both dey safe and uninjured. But, di United States must to, sake of necessity, ansa dis attack back."

09/06/2026

One lion tiff bag from devotees for di Shatrunjaya Hill Temple for Gujarat, western India, wey shock di visitors.

Di animal run enta bush wit di bag but forest department officials later find am afta dem run search operation.

EFCC on Tuesday arraign Blessing CEO on two-count charge wey border on obtaining money by false pretence and stealing to...
09/06/2026

EFCC on Tuesday arraign Blessing CEO on two-count charge wey border on obtaining money by false pretence and stealing to di tune of 69,150,000 naira.

Di announcement dey come di same day one Federal High Court for Lagos grant di influencer bail ontop accuse of rental fraud wey reach 36 million naira ($26,000).

Full tori: https://www.bbc.com/pidgin/articles/cvglx32n00mo

Somali referee Omar Artan tok say im dey subjected to 11-hour immigration interview bifor dem deny am entry to di United...
09/06/2026

Somali referee Omar Artan tok say im dey subjected to 11-hour immigration interview bifor dem deny am entry to di United States for di World Cup even though im hold di "right papers" and "right visa".

Dem drop Artan, wey ready to be di first Somali to referee for World Cup finals from di list of officials on Monday afta US ban am from entering di kontri for Miami International Airport.

Full tori: https://www.bbc.com/pidgin/articles/cly9v5gld9xo

09/06/2026

You fit dey ask yoursef as Nigerian say wetin dey for you inside dis Fifa World Cup as Super Eagles no qualify.

Well, Nigerian Afrobeats stars qualify and three of dem go dey perform for di opening ceremonies of two of di three host kontris wey United States, Canada, and Mexico.

Apart from dat, expect fan festivals appearances from your fave wey again qualify for di World Cup at least wit music.

Find out which of your faves go perform and tell us who you dey look forward to listen to dia performance pass.

Govment tok-tok pesin Felix Kwakye Ofosu confam say di ex-CEO of di Ghana Microfinance and Small Loans Centre wey dem bi...
09/06/2026

Govment tok-tok pesin Felix Kwakye Ofosu confam say di ex-CEO of di Ghana Microfinance and Small Loans Centre wey dem bin sama 10 years in prison don land for Ghana.

She bin chop sentence sake of more dan 70 corruption-related charges, wey include embezzling more dan $6M of Ghana taxpayer moni.

Full tori: https://www.bbc.com/pidgin/articles/cp3xwgk382no

Nigerian govment say dem go chest di cost to bring back about 270 kontri pipo come home on Wednesday night ova worry abo...
09/06/2026

Nigerian govment say dem go chest di cost to bring back about 270 kontri pipo come home on Wednesday night ova worry about xenophobic attacks for South Africa.

Di Nigerian Ministry of Foreign Affairs tok say di flight go comot Johannesburg OR Tambo International Airport and dey expected to arrive for Murtala Muhammed International Airport in Lagos at 05:00am local time on Thursday.

Officials bin tok earlier dis week say na 270 Nigerians dey expected to move but di numbers fit still change depending on di additional screening and registration wey still dey happun.

Di ministry tok-tok pesin, Kimiebi Imomotimi Ebienfa bin say, "As dem land, di evacuees go do documentation and profiling procedures and go get di appropriate assistance and support bifor dem go go reunite wit dia families."

Nigerian officials say ova 500 citizens don dey screened and repatriated so far as more go still continue till Wednesday.

President Bola Tnubu don approve total of five evacuation flights from South Africa even as plenti oda African kontris don dey run dia workings to comot dia citizens from di kontri.

Iran football federation say di World Cup tickets wey dem bin allocate to di kontri football fans don dey revoked.Iran s...
09/06/2026

Iran football federation say di World Cup tickets wey dem bin allocate to di kontri football fans don dey revoked.

Iran say Fifa regulations say each federation wey dey involved in di World Cup go receive eight percent of di tickets for each of dia matches so dem go distribute am to dia supporters.

Di federation say dem don already begin sale of di tickets but dem no fit deliver am to di fans and some of di fans don already make travel arrangements.

Iran World Cup involvement don get plenti uncertainty from di beginning sake of di war for di Middle East and oda security concerns.

On May 25, Iran bin move dia training base from Tucson Arizona to Tijuana Mexico, dem claim say di US dey unwilling to host dem.

Dem go now get to fly in and out of US on match days for dia three group stage matches.

On 6, June, dem accuse di US say dem deny visa to members of Iran backroom staff - up to 15 of dem.

Address

Lagos

Website

Alerts

Be the first to know and let us send you an email when BBC News Pidgin posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BBC News Pidgin:

Shortcuts

Share

Category