AREWA FRESH 11

AREWA FRESH 11 An bude wannan Gidan Jaridar na AREWA FRESH ne domin kawo abubuwan da ke faruwa a Arewacin Nijeriya da fadin kasar hadi da labaran kasashen ƙetare

WATA SABUWA: Bayan Bata Suna da Jingina Aikin Zamba cikin Aminci, Tsohon Ministan Shari’a Malami Ya Zargi EFCC da Sauya ...
30/12/2025

WATA SABUWA: Bayan Bata Suna da Jingina Aikin Zamba cikin Aminci, Tsohon Ministan Shari’a Malami Ya Zargi EFCC da Sauya Tuhuma a Kotu

Tsohon Ministan Shari’a na Tarayya, Abubakar Malami, SAN, ya bayyana damuwarsa kan yadda hukumar EFCC ta yada zarge-zarge masu tsanani a kafafen watsa labarai kafin a fara shari’a, inda ya ce an yi masa “trial by media”.

Malami ya ce, zarge-zarge irin su tallafawa ta’addanci, bacewar triliyoyin naira daga kudaden Abacha, da satar dala biliyan 67 a kan abin da ake kira “golden crude” sun ɓace lokacin da aka kai lamarin kotu, inda yanzu ake tuhumar sa ne kawai kan laifin wanke kudade da wasu abokan aikinsa.

Ya kara da cewa, wannan sauyin tuhuma daga manyan zarge-zargen da aka yada zuwa tuhuma mai sauki yana nuna son zuciya da amfani da shari’a a matsayin makami na siyasa, kuma ya jaddada cewa yanzu lokaci ne na neman gaskiya ta hanyar kotu, ba ta kafafen watsa labarai ba.

Wani ɗan ƙasa kuma jagora a harkokin yada labarai, Dr. Sani Zangina, ya shigar da ƙorafi ga Hukumar Yaƙi da Cin Hanci da...
26/12/2025

Wani ɗan ƙasa kuma jagora a harkokin yada labarai, Dr. Sani Zangina, ya shigar da ƙorafi ga Hukumar Yaƙi da Cin Hanci da Rashawa (EFCC), yana neman a gudanar da cikakken bincike kan zargin almundahana, amfani da mukami ba bisa ƙa’ida ba da kuma wadata kai da zuriya ba tare da bayani ba da tsohon Attorney-General na Tarayya kuma Ministan Shari’a, Abubakar Malami, SAN, ya yi, kamar yadda jaridar The Nation ta rawaito.

A cikin ƙorafin da ya aike wa Shugaban EFCC a Abuja, Zangina ya bayyana cewa matakin na neman adalci, gaskiya da riƙon amana ne, tare da jaddada cewa ƙorafin ba yana nufin an same shi da laifi ba, sai dai yana bayyana damuwar jama’a da ta samo asali daga rahotannin kafofin watsa labarai, kungiyoyin fararen hula da binciken da ke gudana.

Malami ya rike mukamin AGF daga 2015 zuwa 2023, lokacin da ofishinsa ya shiga manyan al’amuran doka da kuɗin gwamnati, ciki har da dawo da kudaden da aka wawure, biyan kuɗin lauya da shirye-shiryen sasanci, da bayar da shawara kan manyan yarjejeniyoyin gwamnati, in ji jaridar The Nation.

Zangina ya ce ’yan Najeriya na da cikakken ’yancin tambayar bayani idan ana yi wa manyan jami’an gwamnati irin waɗannan zarge-zarge masu nauyi.

Muhimman zarge-zargen da ƙorafin ya haska sun hada da:

Batun kuɗin Abacha: har dala miliyan $16.9 da ake zargin Malami ya yi sama da faɗi dasu.

Harkar dawo da kuɗaɗe daga asusun Abacha: tsakanin dala miliyan $322.5 zuwa $346.2, inda ake nuna damuwa kan gaskiya da bin ƙa’ida.

Mallakar asusun bankuna da yawa: duk da cewa Malami ya musanta, hakan ya haifar da tambayoyi kan rashin bin doka.

Mallakar dukiya ba tare da bayani ba: kamar otel-otel, gidaje, kadarori da kamfanoni da ake zargin sun kai darajar tiriliyan nairori.

Rahoton ya nuna cewa akwai ra’ayin cewa wasu daga cikin kusoshin gwamnatin tsohon Shugaba Muhammadu Buhari sun ci amanar da aka dora musu, abin da ya kawar da amincewar jama’a ga yaƙi da cin hanci, kamar yadda jaridar The Nation ta rawaito.

SIYASÀR NEJA;- Kungiyar Kwankwasiyya a jihar Neja tace bata goyon bayan jam'iyyar APC tana nan daram a jam'iyyar NNPP ta...
22/12/2025

SIYASÀR NEJA;- Kungiyar Kwankwasiyya a jihar Neja tace bata goyon bayan jam'iyyar APC tana nan daram a jam'iyyar NNPP ta Kwankwaso

Ƙungiyar Kwankwasiyya a jihar Neja, ƙarƙashin Hon. Dr. Danladi Umar Abdulhameed (Tambarin Kagara), ta ƙaryata raɗe-raɗin da wani matashi a jihar Neja ya wallafa a shafinsa cewa su 'yan Kwankwasiyya zasuyi tattaki zuwa gidan Gwamnatin Jihar domin nuna goyon bayansu ga gwamnan jihar da jam'iyyar sa ta APC.

Jami'in hulɗa da jama'a na kungiyar Kwankwasiyya Movement na jihar Neja, kuma Shugaban matasan gabashin jihar Neja a jam'iyyar NNPP Hon. Ahmad Adamu Bagas, ne ya sanar da hakan inda yace "Duk wanda yace Zaiyi tattaki zuwa gidan Gwamnatin Jiha domin nuna goyon bayansa ga Jam'iyyar APC shi ba ɗan Kwankwasiyya bane, kawai dai 'yan kwaɗayi ne masu neman samun shiga a Gwamnatin APC, tun a baya bamu shiga jam'iyyar APC ba sai yanzu da Jam'iyyar ta jefa ƙasa cikin halin talauci, rashin tsaro, lalacewar harkar ilimi, da sauran matsaloli".

"Muna nan a jam'iyyar mu ta NNPP tare da Madugun mu, Sen. Rabiu Musa Kwankwaso, kuma muna da tabbacin Jam'iyyar mu ta NNPP tafi kowacce jam'iyya Nagarta da Chancantar Mulkar ƙasar Nan". Inji Bagas

Shin me zaku ce....?

DA DUMI-DUMI: Shugaba Tinubu ya ba wa daraktan Farin Kaya DSS lambar yabo bisa kare ‘yancin ‘yan jarida a NajeriyaShugab...
22/12/2025

DA DUMI-DUMI: Shugaba Tinubu ya ba wa daraktan Farin Kaya DSS lambar yabo bisa kare ‘yancin ‘yan jarida a Najeriya

Shugaban Ƙasa Bola Ahmed Tinubu ya taya Darakta-Janar na Hukumar Tsaron Farin Kaya (DSS), Adeola Oluwatosin Ajayi, murna bisa samun lambar yabo ta girmamawa daga Kwamitin Najeriya na International Press Institute (IPI), wadda ta karrama shi bisa jajircewarsa wajen kare ‘yancin ‘yan jarida a Najeriya.

An bai wa Ajayi wannan lambar yabo ne a Taron Shekara-shekara na IPI Najeriya da aka gudanar a ranar 2 ga Disamba, 2025, a birnin Abuja, inda aka yaba masa bisa kyakkyawar mu’amala da kafafen yaɗa labarai tun bayan naɗa shi Darakta-Janar na DSS.

A cikin wata sanarwa da kakakin shugaban ƙasa, Bayo Onanuga, ya fitar a ranar Lahadi, Shugaba Tinubu ya bayyana jin daɗinsa kan wannan karramawa, yana mai yabawa Ajayi bisa mutunta ‘yancin faɗar albarkacin baki, kare haƙƙin ‘yan ƙasa, da kuma tafiyar da ayyukan DSS bisa doka da oda.

Shugaban ƙasa ya ce a ƙarƙashin jagorancin Ajayi, DSS ta fara sauya tsohon hotonta na gaba da ‘yan jarida, inda a yanzu hukumar ke fifita tattaunawa, fahimtar juna da haɗin kai maimakon takaddama. Tinubu ya kuma ƙarfafa sauran hukumomin tsaro da su ɗauki kafafen yaɗa labarai a matsayin abokan aiki, ba abokan gaba ba, bisa rawar da kundin tsarin mulki ya ba wa manema labarai na sa ido kan masu mulki.

A nata ɓangaren, IPI Najeriya ta ce tun bayan naɗa Ajayi a watan Agusta 2024, ya nuna ƙwarewa, kamun kai da buɗaɗɗen zuciya wajen mu’amala da ‘yan jarida, inda rikice-rikice da dama ke warwarewa ta hanyar tattaunawa maimakon amfani da ƙarfi. Kungiyar ta ce karramawar ba yabo kaɗai ba ce, illa ƙarfafa shi ya ƙara ƙoƙari tare da zama abin koyi ga sauran jami’an tsaro.

Sai dai kuma, ƙungiyoyin kare ‘yancin faɗar albarkacin baki sun nuna damuwa kan ƙaruwa hare-hare da tsangwama ga ‘yan jarida a sassa daban-daban na ƙasar. Rahoton CJID Openness Index ya nuna an samu lamura 48 na tauye ‘yancin ‘yan jarida daga Disamba 2023 zuwa Nuwamba 2024, inda aka danganta yawancin su da jami’an tsaro a jihohi da Babban Birnin Tarayya.

Da yake mayar da martani, Ajayi ya sake jaddada ƙudirin DSS na kare ‘yan jarida, yana mai cewa hukumar za ta ci gaba da samar da yanayi mai kyau da zai ba su damar gudanar da aikinsu yadda ya kamata, bisa manufar Shugaba Tinubu ta kare dukkan ‘yan Najeriya ba tare da nuna bambanci ba. Ya ƙara da cewa DSS na ci gaba da tattaunawa da shugabannin sauran hukumomin tsaro domin fifita kare ‘yan jarida a faɗin ƙasar.

A gefe guda kuma, IPI Najeriya ta bayyana cewa ta sanya wasu jami’ai a cikin “littafin baƙi” bisa zargin tauye ‘yancin ‘yan jarida. Daga cikin su akwai Gwamnan Jihar Niger, Mohammed Bago, Sufeto-Janar na ‘Yan Sanda, Kayode Egbetokun, da Gwamnan Akwa Ibom, Umo Eno. IPI ta ce wasu daga cikinsu sun fara tattaunawa domin cire sunayensu, yayin da wasu ke ƙin amincewa da bita ko gyara.

IPI ta kammala da cewa karrama Daraktan DSS na nuna sabon salo na girmama ‘yancin ‘yan jarida a Najeriya, tare da fatan sauran hukumomin tsaro da na gwamnati za su bi wannan tafarki domin ƙarfafa dimokuraɗiyya da walwalar aikin jarida a ƙasar.

DA DUMI-DUMI: Asirin EFCC da Malami Ya Fallasa Ya Haifar da Rikicin Ramuwar Gayya A KansaHukumar Yaƙi da Cin Hanci da Ra...
21/12/2025

DA DUMI-DUMI: Asirin EFCC da Malami Ya Fallasa Ya Haifar da Rikicin Ramuwar Gayya A Kansa

Hukumar Yaƙi da Cin Hanci da Rashawa ta Ƙasa (EFCC) na fuskantar zargi da gudanar da ramuwar gayya ta kashin kai kan tsohon Babban Lauyan Tarayya kuma Ministan Shari’a na Ƙasa, Abubakar Malami, SAN, biyo bayan fitar da wata sanarwa da ya yi dangane da Babi na 9 na Rahoton Kwamitin Binciken Shari’a karkashin jagorancin Mai Shari’a Ayo Salami.

Rahoton, wanda aka ce an rufe shii tsawon lokaci, na zargin Shugaban EFCC, Ola Olukoyede, da aikata laifuffukan almundahana ta kuɗi da cin zarafin ofis. Ofishin Malami ya bayyana cewa samamen da EFCC ta kai kwanan nan kan ofisoshinsa da gidajensa na sirri da ke Abuja da Jihar Kebbi, martani ne kai-tsaye ga kiran da Malami ya yi na Olukoyede ya janye daga shugabancin EFCC saboda zargin son kai da nuna bangaranci.

Samamen, waɗanda aka ce ba tare da sanarwa ba, sun fi karkata ne wajen neman takardu da s**a shafi Babi na 9 na rahoton, lamarin da ya haifar da damuwa game da tsoratarwa, ramuwar gayya, da barazanar tsaro ga Malami da ma’aikatansa. Ofishin Malami ya bayyana matakin EFCC a matsayin “tsoratarwa da aka tsara tun da fari”, da kuma yunƙurin tozarta gaskiya da hana ta fitowa fili.

Majiyoyi sun ce Babi na 9 na Rahoton Kwamitin Ayo Salami na ƙunshe da manyan zarge-zarge masu nauyi kan Olukoyede, ciki har da cin hanci, amfani da ofis ba bisa ƙa’ida ba, da hana adalci gudana.

Rahoton ya kuma zargi Olukoyede da shiga yarjejeniyoyi masu duhu, ciki har da ba da manyan kwangiloli ga abokansa da ’yan uwansa.

Ofishin Malami ya ce matakan EFCC wani yunƙuri ne na rufe baki da hana shi fitar da cikakken rahoton. “Matakan EFCC hujja ce a sarari cewa suna da abin ɓoyewa,” in ji Mohammed Bello Doka, Mataimakin Malami kan Harkokin Yaɗa Labarai.
“Ba za mu yarda a tsoratar da mu ko a rufe bakinmu ba. Za mu ci gaba da gwagwarmayar gaskiya da rikon amana.”

EFCC ta musanta dukkan zarge-zargen, tana mai cewa samamen wani ɓangare ne na binciken da take gudanarwa kan Malami. Sai dai ofishin Malami ya nuna shakku sosai, yana mai cewa lokacin da aka kai samamen yana da matuƙar alamar tambaya.

“Muna tambayar lokaci da izinin da aka yi amfani da su wajen wadannan binciken,” in ji Doka.
“Me ya sa aka jira sai bayan mun fitar da sanarwarmu kan Babi na 9? Me suke ƙoƙarin ɓoyewa?”

Lamarin ya jawo ƙorafe-ƙorafe daga kungiyoyin farar hula da masu kare haƙƙin ɗan Adam, inda s**a nemi a gudanar da bincike mai zaman kansa kan ayyukan EFCC.

“Wannan bayyanannen cin zarafin iko da tsoratarwa ne,” in ji kakakin Human Rights Writers Association of Nigeria (HURIWA).
“Muna neman Shugaban EFCC ya sauka daga mukaminsa domin a yi bincike cikin adalci.”

Yayin da rikicin ke ƙara kamari, Malami ya jaddada cewa yana shirye ya fuskanci ingantaccen tsarin doka mai zaman kansa, yana mai cewa tsoratarwa da shari’ar kafafen yaɗa labarai ba za su maye gurbin adalci ba.

Hakan ya kuma haifar da tambayoyi game da ’yancin cin gashin kan EFCC da kuma iya gudanar da bincike cikin adalci.

“Idan aka bar EFCC ta ci gaba da wannan hanya, hakan zai lalata tsarin mulki da amincewar jama’a,” in ji wani babban lauya.

Haka kuma an nuna damuwa kan lafiyar Malami da ma’aikatansa, inda ofishinsa ya ce EFCC za ta ɗauki alhakin duk wani abu da ya same su.

Yayin da rikicin ke ci gaba, ’yan Najeriya na ci gaba da tambaya, “Wane sirri ne EFCC ke ƙoƙarin ɓoyewa a Babi na 9?”

An kuma ƙara kiran Olukoyede ya ajiye mukaminsa, domin bai wa bincike damar gudana cikin adalci.
“Idan babu abin ɓoyewa, ya kamata ya sauka gefe,” in ji wani fitaccen ɗan siyasa.

Kungiyar Lauyoyin Najeriya (NBA) ma ta soki EFCC, tana zargin ta da cin zarafin iko da take hakkin doka.

A ƙarshe, an bukaci gwamnati ta shiga tsakani domin tabbatar da cewa EFCC ba ta zama kayan tsangwama na siyasa ba.

KASUWANCI;- An Buƙaci Sabon Kwamishinan Masana'antun Jihar Neja Ya Fara Aiki da Kasuwar AA KURE MARKET Minna.Ɗan Kasuwa,...
16/12/2025

KASUWANCI;- An Buƙaci Sabon Kwamishinan Masana'antun Jihar Neja Ya Fara Aiki da Kasuwar AA KURE MARKET Minna.

Ɗan Kasuwa, Ahmad Adamu Bagas, ya Buƙaci Sabon Kwamishinan Masana'antun Jihar Neja, Hon. Haruna Arafat Abubakar Magaji, ya fara aiki da babbar kasuwar jihar wato, AA KURE ULTRAL MODERN MARKET MINNA domin akwai Buƙatu da ya dace da kasuwar, akwai buƙatar kasuwar a bata motar kashe gobara wato (Fire Service) akwai ofishin su amma babu mota, kuma akwai buƙatar kasuwar ta samu ruwan fomfo da za'a rika amfani dashi domin duk girman kasuwar babu wani fomfo koda na Vohole da 'yan kasuwa suke amfani dashi, kasuwar babu wadataccen filin fakin ɗin mota domin ƙaramar hukumar Chancaga ta sayar da filayen fakin ɗin kasuwa guda ɗaya kawai ya rage na 'yan kaji.

Honorable, Arafat Magaji, ina maka fatan alheri Allah Ya taimaka maka kan aikin ka, ina fatan zaka dubi wannan lamari domin hakan zai taimaka wa 'yan kasuwa wajen kare dukiyoyin su da inganta kasuwancin su kuma za suyi alfahari da kai". Inji Ahmad Adamu Bagas

Shin me zaku ce....?

DABA A MINNA;- "Sabon Shugaban Ƙaramar Hukumar Chancaga Ka Ɗauki Matakai Masu Tsauri Kan 'Yan Daba a Minna". ~ Ahmad Ada...
15/12/2025

DABA A MINNA;- "Sabon Shugaban Ƙaramar Hukumar Chancaga Ka Ɗauki Matakai Masu Tsauri Kan 'Yan Daba a Minna". ~ Ahmad Adamu Bagas

Ahmad Adamu Bagas, yayi kira ga sabon zaɓaɓɓen Shugaban ƙaramar hukumar Chancaga Hon. Mustapha Jibrin Alheri, "Mai girma sabon shugaban ƙaramar hukumar Chancaga Hon. Mustapha Jibrin Alheri, ina maka fatan alheri da fatan yau Litinin ka shiga office lafiya Ina fatan Allah ya dafa maka".

Daga ƙarshe kuma, Honorable. ƙaramar hukumar Chancaga muna fama da matsala kuma babbar matsala ce ita ce matsalar rikice-rikicen 'Yan Daba masu Sara-Suka da ƙwacen-Waya (Phone sn**ch) Waɗan nan matasa suna amfani da muggan makamai suna kashe mutane da Raunata mutane a duk lokacin da suke so, duk da cewa wasu mutane na ganin kamar sun gagari gwamnati ne amma dai Ni nasan basu gagari gwamnati ba sai dai rashin ɗaukar matakin da ya dace, muna fatan ƙaramar hukumar Chancaga ta haɗa kai da gwamnatin jiha domin magance matsalar Daba a Minna domin zaman lafiya wai yafi Zama ɗan Sarki''. Inji Shi

Birnin Minna dai tayi ƙaurin suna wajen ta'addancin 'Yan Daba.

Shin menene ra'ayin ku.....?

TIRKASHI: "Zamu Yi Biyayya Ga Jam’iyya Dama Wanda Ta Tsayar Takara A 2027 Mazabar Gwarzo da Kabo" inji Hon Fahad Dankabo...
15/12/2025

TIRKASHI: "Zamu Yi Biyayya Ga Jam’iyya Dama Wanda Ta Tsayar Takara A 2027 Mazabar Gwarzo da Kabo" inji Hon Fahad Dankabo

Hon Fahad Dankabo Ya fitar da wata sanarwar da dinbin masoyansa ke jiran ji daga garesa, inda Ya ce "Tsawon lokaci har izuwa yau, al’ummar Gwarzo da Kabo sunata kiraye-kiraye Domin nazo nayi takarar ɗan Majalisar tarayya na Gwarzo da Kabo, kuma na aminta zanzo mu bada gaggarumar gudunmuwa a Siyasance"

Haka Zalika yace "A yanzu haka, Ina kira ga masoya da sauran al’umma da a maida hankali kan neman haɗin kan jama'a domin shiga jam’iyya kuma a dakatar da duk wani tallan takara saboda a maida hankali wajan haɗa kan al'umma da kuma tsarin shiga jam’iyya har zuwa nan gaba kaɗan da jam’iyya zata karɓe mu a hukumance cikin shekarar nan mai zuwa ta 2026"

Matashin da ya shafe shekaru yana faranta ran al’ummar Gwarzo da Kabo a Jahar Kano, Hon Fahad Dankabo Ya Bayyana haka ne a shafinsa na Facebook a daren jiya.

Inda Ya kara da cewa ya ku Masoyana Masu albarka Ina so a ajjiye maganar takara a gefe, mu shiga jam’iyya da buɗɗiyar zuciya, a ƙulla mu’amala mai kyau da al'ummah, 'yan Jam'iyya kuma mu bada irin gudunmawar mu ta Kowacce fuska.

‘Sannan maganar takara sai wanda Jam’iyya ta tsayar, kuma duk hukunci da Allah ya yanke, mun yarda shi ne mafi alheri garemu da kuma al'ummah.

Zanyi amfani da Wannan damar na sanar da masoya da al’ummah gaba ɗaya cewa ban yarda a zagi wani ko aci mutunci wasu ba a Kowacce Jam'iyya Suke da sunan goyon bayana a faɗin jahar Kano da Najeriya baki ɗaya’

‘A ƙarshe muna addu'ah duk abinda yake alheri ne garemu, da al'ummah, Allah ya zaɓa mana baki ɗaya, Allah ya bamu zaman lafiya mai dorewa a jihar mu Kano da ƙasar mu Najeriya 🇳🇬 baki ɗaya.

Nagode! Nagode!
Daga Ɗanku, Ɗan Uwanku, Fahad Muhammad Dankabo

14/12/2025

Zan cigaba da nanatawa tare da dagewa cewa bani da hannu a matsalar tsaron Najeriya da Arewa baki daya. Matawalle

SHUGABAN KARAMAR HUKUMAR KUMBOTSO YA KAFA TARIHI DA MANYAN NASARORI A MULKINSA CIKIN SHEKARA DAYAShugaban Karamar Hukuma...
14/12/2025

SHUGABAN KARAMAR HUKUMAR KUMBOTSO YA KAFA TARIHI DA MANYAN NASARORI A MULKINSA CIKIN SHEKARA DAYA

Shugaban Karamar Hukumar Kumbotso Comrade Abdullahi Ghali Basaf ya kafa tarihi wajen cimma manyan nasarori tun bayan hawansa mulki, inda ya nuna jajircewa da kishi wajen bunƙasa ilimi da lafiya domin jin daɗin al’ummar ƙaramar hukumar Kumbotso.

Daga cikin manyan nasarorin da ya cimma akwai:

1. Daukar nauyin karatun dalibai guda 1,667 a makarantun gaba da sakandare, domin ƙarfafa ilimi da tallafa wa matasa masu tasowa.

2. Gina sabuwar makaranta a Garin Marwan, bayan shafe sama da shekaru 50 al’ummar garin ba su da makaranta, lamarin da ya kawo sauyi mai tarin albarka.

3. Gina sabuwar makaranta a Garin Mariri, Gadon Arewa, domin sauƙaƙa samun ilimi ga yara da matasa.

4. Gina sabuwar makaranta a Garin Kureken Sani, wanda hakan zai taimaka matuƙa wajen bunƙasa harkar ilimi a yankin.

5. Gina sabon asibitin shan magani a Gaida, Mazabar Chiranchi, domin inganta harkar lafiya da rage wahalhalun da jama’a ke sha wajen neman magani.

Waɗannan nasarori sun tabbatar da cewa shugabancin Karamar Hukumar Kumbotso shugabanci ne na aiki, kishin jama’a da ci gaba mai ɗorewa.

Ahmad Adamu Bagas

Basaf support group
13/December/2025

Address

Malumfashi

Website

Alerts

Be the first to know and let us send you an email when AREWA FRESH 11 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category