https://www.facebook.com/456952305106936/

Dan Mubi, Mubi (2025)

21/04/2025

ZAKKA AKAN CRYPTO (1)
Ta ina fitar da zakka ya zama wajibi akan kuɗaɗen Crypto ? Yaya abun yake ?

Zakka na ɗaya daga cikin shika-shikan Musulunci guda biyar, kuma wajibi ne akan duk Musulmin da ya mallaki dukiya wacce ta kai wani ƙayyadadden adadi (Nisabi) kuma shekara ta zagayo akan wannan dukiyar (Hauli) ya fitar da zakka. Manufar Zakka ita ce tsarkake dukiya, taimaka wa mabukata, da kuma tabbatar da daidaito a cikin al'umma. A wannan zamani da aka samu cigaba, an samu ɓullar sabbin nau'o'in dukiya, ciki har da kuɗaɗen Crypto kamar Bitcoin, Ethereum, da sauransu. Wannan ya jawo tambayoyi game da matsayin Zakka akan irin waɗannan kuɗaɗe, da kuma yadda zakkar zata kasance. Wannan rubutu zai yi bayani kan dalilan da s**a sa mafi yawan malamai s**a tafi akan wajibcin Zakka akan kuɗaɗen crypto.

Malaman Fiqhu na zamani sun yi nazari mai zurfi kan yanayin kuɗaɗen Crypto, kuma mafi akasarinsu sun kafa hujja da dalilai kamar haka wajen tabbatar da wajibcin Zakka a kansu :

1. Kasancewarsu Dukiya ( المال) : A Shari'ar Musulunci, Zakka tana wajaba akan dukiya (Maal). Ana ɗaukar abu a matsayin dukiya idan yana da ƙima ta kuɗi, ana iya mallakarsa, kuma ana iya amfana da shi. Kuɗaɗen crypto sun cika waɗannan sharuɗɗa, saboda suna da ƙima ta kasuwa wacce ake iya canza su zuwa kuɗaɗen gargajiya (kamar Naira, Dala da sauransu). Hakanan mutum zai iya mallakar su ya ajiye su in his custody, watau cikin wallet. Kuma ana iya amfani da su wajen sayen kaya ko adana su don samun riba.

2. Kwatanta shi da Kuɗi da Kayayyakin Ciniki (القياس) : Malaman Fiqhu suna amfani da hanyar Qiyasi (kwatance) wajen fidda hukunci kan sabbin al'amura. Ana iya kwatanta kuɗaɗen Crypto da Kuɗaɗen gargajiya (Naira, Dala, da sauran su.). Kamar yadda Zakka ta wajaba akan kuɗaɗen da muke amfani da su a yau da kullum idan sun kai Nisabi kuma shekara ta zagayo, haka nan ya kamata ya kasance ga crypto da ake amfani da su don transaction ko ajiya.
Kuma ana iya kwatanta kuɗaɗen crypto da Kayayyakin Ciniki (عروض التجارة), Kenan Idan an mallaki cryptocurrency da niyyar sayarwa don neman riba (trading/investment), to suna faɗawa ƙarƙashin hukuncin kayayyakin ciniki, wanda Zakka ta wajaba a kansu ba tare da wani saɓani ba. Ana lissafa ƙimarsu gaba ɗaya a ƙarshen shekarar Zakka kuma a fitar da kashi 2.5%.
Ana kuma ƙiyasin crypto currencies akan Zinare da Azurfa. Kamar yadda muka sani, an kafa Nisabin Zakka akan zinariya da azurfa saboda kasancewarsu ma'aunin ƙima da adana arziki. Kuɗaɗen Crypto suma sun zama wata hanya ta adana arziki da kuma ma'aunin ƙima a wannan zamani, saboda haka hukuncin da zai hau kan zinare da azurfa zai hau kansu.
3 . Manufar Zakka a shari'ar musulunci
(المقصد الشرعي من الزكاة)
Ɗaya daga cikin manyan manufofin Shari'a ita ce tabbatar da adalci da kuma yaɗa dukiya ga mabukata. Barin wani babban nau'in dukiya kamar crypto ba tare da an fitar musu da Zakka ba zai iya saɓawa wannan manufa, musamman ganin yadda wasu s**a tara arziki mai yawa ta hanyarsu.

Bana so rubutun yayi tsawo sosai, Insha Allah zamu cigaba a rubutu na gaba.

✍️ Ibrahim Abubakar
(Imaam Mubi)

11/04/2025

Akwai wani birkila da ya yi mana wani aiki, cikin February na last year. Wata rana, dab da La'asar sai ya ce, don Allah yana neman alfarma a ba shi wani kaso daga cikin kuɗi sallamarsa zai aika gida.

Bayan da aka ba shi kuɗin, sai hira ta ɓarke, yake ce wa, ai tun yana SS 2 mahaifinsu ya rasu shi yake riƙe gidansu, saboda shi ne babban a wajen mahaifinsu, ga ƙanne 'yan mata 2, maza 2 kuma ba su wani tasa ba da za su iya ɗaukar ɗawainiyya kansu.

A lokacin yana secondary, sai ma ya daina zuwa makaratar, saboda idan ya ce zai je makaranta babu wanda zai samar musu da abinci a gida. Sai ya fara bin brikiloli (magina) yana leburanci, har shi ma ya koya ya fara gini. A abokansa kuwa, wasu sun gama jami'a, wasu kwaleji. Wasu sun zama 'yan sanda, wasu sojoji; wasu sun yi aure.

Shi a karan kansa, ba shi da bambanci da wani magidancin, nauyin mahaifiyyarsa ne, da ƙannensa 4 a kansa. Kullum haka zai fita ya nemo musu abin da za a ci. Duk da mahaifiyyar tana ɗan aikatau, amma dai shi ne ƙarfin samar da abincin da za a ci, jinya da sauransu buƙatu. Ya kuma tsaya tsayin daka ya hana ƙannensa mata talla, sai mazan ne idan an taso a makaranta suke zuwa koyon aikin hannu.

A lokaci da ya daina zuwa makaranta, ba wanda ya tambye shi dalilin da ya sa ya daina zuwa, sai ma jefa masa magana ake kan, ba ya son karatu. Shi kuma ya sadaukar da nasa karatun ne don ƙannensa su samu su je makaranta maimakon tallace-tallace.

Wasu cikin abokai suna faɗa masa maganar, kullum yana neman kuɗi, amma ya kasa gina gidan kansa, b***e a yi zance aure, ba su san nauyin da yake kansa, ko wani magidanci, albarka ba.

Wani ma da yake da makamancin wannan labarin, yana irin wannan ƙoƙarin, amma mahaifiyyarsa kullum sai ta fita bara (neman sadaka), komai take son ya yi mata, yana iya bakin ƙoƙarinsa; amma ta ƙi daina fita wannan barar. Mutane a waje kuma kullum suna zaginsa kan ba ya kula da ita. Har ƙofar gida yakan ƙoƙarin kullewa da makulli, ta ce za ta tsine masa idan bai buɗe ba...

Wani kuwa, an zo ranar aurensa da budurwarsa da s**a shafe fiye da shekara 10 (tun suna yara ƙanana suke soyayya), aka yi gwaji, genotype zai iya ba su matsala a zaman aure, aka fasa aure. Yana da sana'arsa mai kyau, ya gina gidan kansa, amma ciwon wannan rabuwar auren ta hana shi sukunin sake neman wani auren, yau ana maganar shekara sama da 5 (ba za ka hukunta shi da irin abin da yake ji a ransa ba, idan ba ka taɓa experiencing irinsa ba).

BA KU SAN RAYUWAR MUTANE BA,
Ba taimaka su za ku yi ba,
Ka da ku yi gaggawar yanke musu hukunci.

Wani abu game da rayuwa, komai kanka za ka yi wa ba mutane ba. Nasara ita ce jin gamsuwa da kwanciyar hankali a zuciyarka (matuƙar babu saɓon Ubangiji ﷻ a ciki, ba abun ka takura kanka don samun yabon mutane. Idan mutane za ka biye, ba za ka taɓa burge su ba.

Maimakon hukunta wanda ya gaza yin rayuwar da kake yi, ko tsammani; ku tuntuɓi abokai da 'yan uwa domin jin labarinsu maimako yi musu hukunci. Wataƙila za su iya tausaya musu, ku taimaka musu.

Babu wanda ba ya son rayuwa mai kyau da daɗi.
Babu wanda ba ya son ya yi aure,
Babu wanda ba ya son 'yanci da kuɗi,
Babu wanda ba ya son kayan alatun rayuwa.

YOU NEVER KNOW WHAT SOMEONE IS GOING THROUGH UNTIL YOU WALK IN THEIR SHOES.

✍️Aliyu M. Ahmad
12th Shawwal, 1446 AH
10th April, 2025 CE

07/04/2025

Musulunci ya ɗaukaka matsayin mace ta hanyar bayar da haƙƙoƙin da ba a taɓa basu ba a tarihi kafin zuwansa.

Musulunci Ya tabbatar da 'yancin ilimi ga mata, ya ba su damar mallakar dukiya, da kuma haƙƙin zabi ko kin aure.

Musulunci ya tilasta adalci tsakanin jinsi, yana haramta zaluntar mata a kowanne hali.

Musulunci Ya girmama mace a matsayin uwa, mata, 'yar uwa, da 'ya, yana mai tabbatar da cewa kowacce mace tana da matsayi na girmamawa da daraja a al’umma.

06/04/2025

Hijabi bai zo ne daga al’ada ko ra’ayi ba — Musulunci ne ya kawo shi a matsayin kariya da girmamawa ga mace.

Allah ya yi umarni da sanya hijabi domin kare mutuncin mace, ba don takura mata ba.

Hijabi yana hana kallon banza, yana tsare mace daga cin mutunci da son zuciya.

Yana sa ta zama abar girmamawa, ba kayan kallo ba.

Hijabi yana kara wa mace kima, yana ba ta kwarin gwiwar zama mai tsari da kamala.

Wannan sutura ce da ke bayyana cewa mace tana da daraja fiye da duk abin da ido ke iya hangowa.

03/04/2025

Allah ya jikan Malam Idris Dutsen tanshi da gafara yayi masa rahma yasa Aljanna firdausi ta zama makomarsa, Allah ya karɓi ayyukansa na gari 'ya gafarta kurakurensa.

إنا لله وإنا إليه راجعون اللهم أجرنا في مصيبتنا وأخلفنا خيرا منها.
Zamu shaide shi da kishi akan tauhidi da son sunnar Manzon Allah SAW, da bada lokacinsa gurin da'awa da taimako.

03/04/2025

Akwai wasu makiya Allah da suke ɗauko tsoffin karatu na bidiyo da shugaban mu Sheikh Dr. Abdullahi Bala Lau yayi a baya, suna editing su yanko inda suke so, su sanya wai da sunan ya bada Raddi akan cin mutunci da wani marar tsoron Allah mai suna Ɗan Bello yayi a kansa. Sheikh Bala Lau baiyi magana akan sa ba, kuma bazai yi ba, duk wani bidiyo da kuka gani kuyi watsi da shi, daga makiya Allah yake, kuma shi zai mana maganin su insha Allah.

✍️ Jibwis Nigeria

30/03/2025

ƊAN BELLO ƘATON MAƘARYACI NE KUMA AZZALUMI.

Na kalli Video da Dan Bello yayi yana zargin Sheikh Abdullahi Bala Lau da kungiyar Izala da karban kudi a hanun Gwamnatin tarayya da sunan gina ajujuwa, kuma yake cewa wai an cinye kudin ba'ayi aikin ba.

Abunda ya bani mamaki shine yanda tsananin son ɓata sunan Malamai ya rufewa Dan Bello ido ya gagara gane description na aikin gine-ginen ajujuwan da yake magana akai, wanda duk wanda yake da ilimi kuma ya sanya nutsuwa zai gane meye abun yake nufi cikin sauki.

Aiyyukan ginin ajujuwa da Dan Bello ya nuna, CONSTITUENCY PROJECTS na HON. MUKHTAR ALIYU BETARA, Dan Majalisar tarayya mai wakiltar Bayo/Biu/Kwaya-Kusar... Federal Constituency a Majalisar Wakilai.

Yanda description na aikin yake shine, Hon. Mukhtar Betara ya saka zai gina ajujuwa wa kungiyar Izala da Sheikh Bala Lau yake jagoranci, wacce itace ake cewa "IZALA KADUNA", haka nan zai gina ajujuwa a makarantun kungiyar Izala da Sheikh Muhammad Sani Yahaya Jingir yake jagoranci, wacce ita ake nufi a takaddar da cewa IZALA JOS, kuma zai ginawa yan Darika ma har bangarori biyu, dukka za'ayi wannan gini ne a Kwaya-Kusar LGA Borno State, kamar yanda yake jikin screenshot da nayi attaching a kasa.

Sunan JOS da KADUNA da akayi amfani dashi ba anyi ne don bambancewa tsakanin Izala 1&2, ba wai aiyyukan a JOS da KADUNA suke ba, kamar yanda shi Dan Bello ya fada.

Haka nan abunda Dan Bello ya saka na cewa an ware kudade domin ginin ajujuwa a JIBWIS Collage of Education Jega, Kebbi State, shima Constituency projects ne na Senator da yake wakiltar yankin a Majalisar dattijai, Senator Muhammad Adamu Aliero, kuma Senator Aliero shi ya gudanar da aikinsa da kansa, ba kungiyar Izala aka turawa kudi ba kamar yanda Dan Bello ya fada.

Shima wannan aikin daƙiƙi Dan Bello yace wai ba'ayi ba, kuma karya ne Senator yayi aikin kamar yanda yayi alkawari a wani taron kaddamar da Collage din (Akwai hoton allon kaddamar da ginin da Sunan Senator Aliero, da kuma hotunan makarantar a kasa).

Wallahi tallahi na jima da gane cewa abubuwa da yawa da Dan Bello yake fada shaci-faɗi ne kawai, yana samun karbuwa ne a wajen mutane kawai saboda yana attacking shugabanni ne, sakamakon rashin jituwa da take tsakanin talakawa da shugabanni.

Duk wanda yake son fahimtar gaskiya kan abunda na fada, ya nutsu ya sake kallon video Dan Bello with an open and objective mind.

Lalle Ɗan Bello ya tabka kuskure a wannan bincike da yace yayi, wanda ke ciki da sharri da cin mutunci ga shugaban mu, wannan kuma ya kara tabbatar mana da cewa akwai waɗanda suke ɗaukar nauyin sa da bashi bayanan ƙarya, domin biyan buƙatar kan su.

Da farko dai yace Sheikh Abdullahi Bala Lau Yana da akawun sunfi guda talatin, wannan ƙarya ne tsagworanta, zamu so ya kawo mana cikekken bayani akan waɗannan akawun guda talatin da ya faɗa ɗaya bayan ɗaya.

Duk waɗannan zarge-zarge da Ɗan Bello yayi basu da alaƙa da Sheikh Bala Lau ko ofishin sa a matakin ƙasa, kuma bai san da su ba.

A ƙusa da ƙarshe Ɗan Bello ya bada adireshin wani office a garin Lau dake jahar Taraba, wannan ƙarya ne, Sheikh Bala Lau bayi da wani office dake zama a Lau mallakar sa, in banda gidansa wanda in yaje garin yake sauƙa da iyalansa.

A ƙarshe Ɗan Bello ya ƙarƙare da cin mutuncin shugaban mu da ƙiransa da suna na ƙasƙanci.

Matsayar mu: Da farko dai mun kai ƙararsa wajen Allah, tare da addu'ar Allah ya nuna misali da shi, shi da dukkan masu aiki irin nasa, su girbi abun da s**a shuka tun anan duniya.

Abu na biyu, zamu je kotu da shi domin yazo ya bada dukkan bayanan abun da ya faɗa, musamman yadda ya samo BVN tunda munsan ko hukuma ce zatayi bincike irin haka, sai ta nemi izini daga mahukunta, Insha Allah da Ɗan Bello da waɗanda suke temaka masa da labaran ƙarya ƙarshenku yazo, domin sai gaskiya ta bayyana Insha Allah.

Sannan akwai buƙatar Ɗan Bello yasan waye shugaba Sheikh Abdullahi Bala Lau a ɓangaren kasuwanci tun kafin ya zama shugaban JIBWIS, yafi ƙarfin waɗannan kuɗin da yake ambatawa.

✍️ Jibwis Nigeria

30/03/2025

Dan Bello ya ɗebo ruwan dafa kansa.

30/03/2025

Muna yara, amma wallahi ranar da anka naďa Sheikh Abdullahi Bala Lau shugaban JIBWIS bayan rasuwar Sheikh Musa Maigandu, duk wanda ka sani cikin Izala murna yake yi cewa an naďa me kudďin gaske wanda ko shi yana iya ďauke nauyi me yawa na Izala da kudďin aljihun sa.

Sheikh Bala Lau be taba zama talakka ba me neman na yau ko na gobe. Tun sanin shi da arzikin shi yake don ďan kasuwa ne na gaske. Wadancan yan miliyoyan nairorin da wancan ďan tashar ya lissafa wallahi basu wuce cefanan Izala da sati biyu ba bisa ga hidimar da take a bayyane.

Da ace a shirmen da ya wallafa babu cin mutunci da mixing karya da gaskiya, da sai mu jira Jagora Sheikh Bala Lau da sauran jagorancin JIBWIS su kare kan su. Kun sani cewa wallahi bamu taba yi masu makauniyar biyayya ba. Har ni nan na taba rubuta masu open letter wacce har Daily Trust ta buga ta.

So ba wai don sun fi karfin kuskure bane ko kuma mun tsarkake su tsarkakewa ba muke wannan rubutu. A’a! Sai dai don critical thinking da discourse analysis na videon ďan tashan kawai zai isa mutum yayi wa Sheikh Bala Lau adalci sai in dama ba adalcin yake nufi ba.

— Ta yaya wanda bai san banbancin Izalar Jos da Izalar Kaduna ba zai iya fadin magana game da Izalar Jos ko ta Kaduna a yarda?

— Ta yaya wanda ke mamakin gwamnati ta gyara ma Izala makaranta ko darika zai iya ma fahimtar yadda kungiyoyin addinin ga suke ayyukan su?

— Ta yaya bude accounts sama da talatin ya zama aibu ga mutum me harkoki irin shugaba? Ko shi ďan tashan accounts nawa gare shi?

— Ta yaya yan kudaden da basu wuce Izala tayi budget din su lokaci guda ba zasu zama su ne wai hujjojin corruptantar da kungiyar.

Wallahi in dai wadannan su ne hujjojin zagin Sheikh Bala Lau to lallai ya ciri tuta a tsakanin malamai na zaman shi me kwatantawa. Kuma in dai da wadannan ýan dalilai na shirme ne zaayi zagi Izala, to lallai da an bude shafin sauran kungiyoyi sai dai a kira Izala da waliyyiya.

نحسبه كذالك والله حسيبه ولا نزكي على الله أحدا

✍️ Uncle Anas Dukura

30/03/2025

Dan Bello ya ɗebo ruwan dafa kansa

Dan Mubi

21/04/2025

11/04/2025

07/04/2025

06/04/2025

03/04/2025

03/04/2025

30/03/2025

30/03/2025

30/03/2025

30/03/2025

Address

Telephone

Website

Alerts

Contact The Business

Shortcuts

Share

Category