14/11/2025
Church and Their Unaccommodating Antagonisms 👇
👉 You drop money to church ⛪️ alter,
You call am seed.
I drop money for 3 junction roads
You call am ritual.
👉 You put on rosary for neck
You call am holy beads.
I put on cowries/sea shells for neck
You call am demonic.
👉 You go church collect white handkerchief and sticker place for your house and shop doors,
You call am spiritual protection.
I put alligator pepper and bitter kola for strategic place for my house and shop.
You can am diabolic.
👉 You rub anointing oil for your head,
You call am holy act.
I use alligator pepper roll round my head, you call am satanic.
👉 You burn incense and candles for your church, you call am holy act.
I burn incense and candle for my house, you call am occultic.
👉 You Dey call on Abraham, Isaac and Jacob, you sey na holy act.
I call my dead father, grand father, great grandfather, you sey I dey worship the dead.
👉 You go to pastors for vision, you call am prophecy
I go consult "Afa” for vision, you call am satanic.
👉 You go church go collect water, you call am holy water
I go my village river go collect water, you call am marine spirit.
👉 Your pastor carry your go river, you sey na baptism.
My village chief priest carry me go river you sey na diabolical act.
👉 You carry goat 🐐 go church, you sey na thanksgiving
I carry goat go my village shrine, you sey na demonic sacrifice.
👉 You put on church Ribbon 🎀 for hand, you sey na for protection.
I put on beads for hand, you call me juju man.
👉 You get the statue of Jesus and Mary for your church, you kneel down with tears in your eyes you bow down 🙇♂️, you call am honoring Mary or Jesus Christ.
I sit down In front of a sacred tree, with my kola-nut for hand, speaking boldly with confidence, you sey I dey worship idol..
As you Dey point me one finger
Check, you go see sey na 3 of your fingers dey face you.
