What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Mbido Igbo

Home
Nigeria
Onitsha
Mbido Igbo

Ịkwado agụụ mmụta asụsụ na omenala Igbo.
(1)

21/08/2025

Abụ Akwa Alịlị
Ụdara M Too
Akụkọ Ifo Nwa Enwe Nne

Ụdara m too
Nda!
Too, too, too
Nda!
Nwunye nna m ooo
Nda!
Zụta ụdara n'ahịa
Nda!
Rachaa, rachaa, rachaa
Nda!
Rachagboo nwa enwe nne
Nda!
Rachagboo nwa enwe nna
Nda!
Elu ụwa bụ ọlịlị
Nda!
Onye nọchaa, ọ lawa
Nda!

Ị chetara akụkọ ifo a?

Asụsụ Igbo amaka😊😊

18/08/2025

Ncheta Njem Uchenna Ọnwụamaegbu-Ugwu na Ụmụada Anyị na Mba Amerịka

N'ọnwa a, na afọ 2018 ka Uche Ọnwụamaegbu-Ugwu kpọọ ụmụ nwaanyị ise ndị a: Jessica Osita, Promise Nnalue, Nwabụakụ Ossai, Adaeze Ọnụigbo na Vivian Okoye wee gaa Silicon Valley na mba Amerịka. N'ebe a, ka ụmụada ndị a gosiri ụwa dum na ha nwere isi ọma, maa marakwa ihe ekwe na-akụ na "Technology." Nke a mere ha ji bụrụ ndị gbara ndị nke mbụ na asọmpi ha soo ụmụ akwụkwọ si mba dị iche iche wee zọọ, maka ị wepụta "App."

Ebumnobi ha mgbe ha rụrụ "App" ha bụ ka ọ nyere aka kwụsị ọgwụ adigboroja dị n'ala anyị bụ Naịjirịa. Ọzọkwa, meri ha nwetara gosiri na kọrịkulum anyị ji akụziri ụmụaka anyị akwụkwọ agaghị e nyere ha aka kwụrụ chị m n'ebe ndị ọgbọ ha si mba ofesi dị iche iche nọ. Mana ọrịa anyị na-arịa n'ala anyị, amaghị ọgwụgwọ ya bụ, anyị mara ihe ga-enyere obodo aka kwetasịa n'anyị ga-eme ya. E mechaa, akụkọ a rịwa ibe ya elu.

16/08/2025

Ncheta Mejọ Christopher Ifeakandụ Ọkigbo

N’ụbọchị taa n’afọ 1932 ka a mụrụ Christopher Ọkigbo. Ọ bụ onye Ojoto nke dị n'Anambra Steeti. Chris kwuru hoo haa na ọ lọọrọ nne ya ochie ụwa. Ọ gara akwụkwọ na Gọọmentị Kọlegi Ụmụahịa, mechazịa gaa mahadum dị n'Ibadan.

N'ebe a ka ọ gbanwere ịgụ maka ịbụ dọkịta, gụwa "Classics." Oge ọ pụtara mahadum n'afọ 1956, ọ rụrụ ọrụ n'ọtụtụ ụlọọrụ tutu o nweta ọrụ n'ọbaakwụkwọ nke mahadum Nsụka. Ọ bụ ebe a, ka ọ malitere gosiwe na akwụkwọ ọ gụrụ abụghị n'efu, mgbe ọ dewere abụ, maka n'ihe a mụrụ amụ ka ihe a gwọrọ, agwọ.

Ka agha Biafra malitere n'afọ 1966, Chris gbara ụkwụ n'ala Igbo ozigbo, ma banye amị Biafra, maka ọ ma nke ọma na onye ụjọ anaghị azọtanwu ihe ọ bụla. Agha a liri isi ya mgbe ndị soja Naịjirịa batara Nsụka. Ọzọkwa ụfọdụ akwụkwọ ya ebipụtabeghị gbara ọkụ mgbe agha rutere Enugwu.

N'agbanyeghị ọdachi a, ọ bụghị akwụkwọ dum o dere, ọ na-ebipụteghị gbara ọkụ. O nwere ndị pụtara ihe mgbe agha biri, nwekwa ndị nwa ya nwaanyị bụ Ọbịageli ji.

Ka mkpụrụ obi ya na-ezu ike n'udo.
Amen 🙏🏾

14/08/2025

Ncheta Ụbọchị A Mụrụ Austin Jay-Jay Okocha

Taa bụ ụbọchị ncheta a mụrụ Jay Jay Okocha. Ekpere anyị bụ n'ogologo ndụ, ahụike, amara na ngọzi Chineke ga-abara ya ụba.
Ndị ajọ mmụọ na ndị ajọ mmadụ agaghị ahụ ụzọ hụ ya ogologo ndụ ya niile.

Ya gazie🍺🎶🎵🍾🎂🥂🍻

12/08/2025

Ncheta Sam Ọkwaraji

N’ụbọchị taa n’afọ 1989 ka Samuel Sọchukwuma Ọkwaraji zara oku ọnwụ n’ama egwuregwu futubọọlụ, Surulere, Legọs. Nke a mere oge ndị Naịjirịa na ndị bọọlụ Angola na-achịpụ ya, maka ị gaa zọọ iko mba ụwa na Ịtali.

Sam bụ ọkaikpe, ma nwekwa nzere na “M.Sc” na ngalaba “International Law.” Ọ nọkwa na-agba mbọ ịnweta “PhD” ya tutu ọ nwụọ. Ọzọkwa, a mara Sam dịka onye na-eji ego ya a banye ụgbọelu wee bịa gbara Naịjirịa bọọlụ, na-ajụghị ndị otu “Nigerian Football Association” ase.

Ihe kachaa mwute bụ na Ọkwaraji ka bụ nwa okorobịa dị naanị afọ iri abụọ na ise, mgbe ọkụ ya nyụrụ. Ọzọ dị ka ibe ya bụna egwuregwu bọọlụ ahụ, fọdụrụ obere oge tutu ọgwụ. Nke a pụtara n'etiti ndụ, anyị nọkwa n’ọnwụ.

Ka mkpụrụ obi ya gaa n’ihu na-ezu ike n’udo.

Amen🙏🏾

10/08/2025

🚨 Special Offer for Primary Schools in Igbo land!

📚 Mbido Igbo 2025 Edition – Textbook + Workbook in One for Primary 1–6.
✅ Engaging Igbo & English Learning
✅ Cultural & Interactive Content
✅ Special School Discounts

💰 Discounted Prices:

₦1,360 – Textbook + Workbook (1–6)

₦800 – Mbido Igbo Otaakara (1–3)

₦250–₦300 – English & Igbo Literature

📞 Call/WhatsApp: 0806 796 4763
🌐 www.mbidoigbo.com

📦 Order Now – Limited Stock for 2025 Edition!

03/08/2025

Ncheta Ọlaedo Kanụ Nwankwọ Du Ndị Bọọlụ Naịjirịa Nweta na Atlanta 96

N’ụbọchị taa n’afọ 1996 ka Kanụ Nwankwọ du ndị egwu futubọọlụ Naịjirịa wee nweta ọlaedo n’egwuregwu bọọlụ olimpiki na mba Atlanta, Amerịka. Ha meriri ndị bọọlụ Argentina wee nweta ọlaedo ahụ.

Nke a mere ndị bọọlụ Naịjirịa ndị mbụ nwetara ọlaedo n'asọmpi bọọlụ olimpiki n'Afrika dum.

02/08/2025

Ncheta Meedalụ Ọlaedo Chiọma Ajụnwa N’Atlanta 96.

N’ụbọchị taa n’afọ 1996 ka Chiọma Ajụnwa nwetara ọlaedo n’olimpiki na mba Atlanta, Amerịka. Nke a mere Chiọma ji bụrụ onye Naịjirịa mbụ nwetara onyinye ọlaedo n’olimpiki, ma bụrụkwa onye Afrịka mbụ nwetara ya na ngalaba “Track and field."

N'ezie, ụmụ Igbo na-akpa ike. 💪🏾💪🏾

31/07/2025

Ekwe-- Onyeka Onwenu

Ekwee eeeeeeeeee!!!
Ekwe ooo, Ekwe ooo,
Ekwe ooo, Ekwe ooo,
Ekwe!
M lee anya n'aka nri m
Lekwanụ ka ọ na-abịa
M lee anya n'aka ekpe
Lekwanụ ka ọ na-abịa
Ebe m jelụ, Ekwe e jee
Gwanụ m ihe m ga-eme
Ụmụ ụwa gbakọnụ,
Gwanụ m ihe m ga-eme

E ji m gị ụgwọ ọọọ?
E ji m gị ụgwọ ọọọ?
E ji m gị ụgwọ ọọọ?
E ji m gị ụgwọ ọọọ?
Ekwe!

Ncheta Onyeka Onwenu

Ụnya ka o mere otu afọ Onyeka Onwenu hapụrụ ụwa a. Ọ zara oku ọnwụ na emume ncheta ọmụmụ Dọkịta Chinyelụ Stella Okoli. Ọ nwụrụ ka o jichara olu ogene ya gụọ egwu, nke pụtara na o nwụrụ ebe ọ na-eme ihe ọ mara anya ya maka agadi nwaanyị anaghị aka nkà na egwu ọ mara agba.

Ka mkpụrụ obi ya na-ezu ike n'udo.
Amen 🙏🏾🙏🏾

30/07/2025

Ncheta Ụbọchị A Mụrụ Dọkịta Stella Chinyelụ Okoli.

Taa bụ ụbọchị ncheta a mụrụ Chinyelụ Okoli. Agbara nwaanyị a hibere agadaga ụlọọrụ Emzor nke na-emepụta mkpụrụọgwụ. Ekpere anyị bụ ka ahụike baara ya ụba. Ọ ga-adịkwara ya na mma n'ụbọchị Eke, Orie, Afọ na Nkwọ. Ndị ajọ mmụọ na ndị ajọ mmadụ agaghị ahụ ụzọ hụ ya n'ezinaụlọ ya maọlị.
Ngọzi Chineke ga-adịgide ire na agbụrụ ya.
Ya gazie 🎂🥂🎵🎉🍷🎶

29/07/2025

Ncheta Chukwuma Nzeọgwụ na Ụmụnakwe Agụiyi-Irọnsị

N'ụbọchị taa ka soja ụmụ Igbo abụọ a, zara oku ọnwụ. Nzeọgwụ nwụrụ na agha Biafra n'afọ 1967, ebe Agụiyi-Irọnsị nwụrụ n'afọ 1966, n'aka ndị soja Naịjirịa. Nzeọgwụ bụ onye Anịọma dị na Delta Steeti. Ọ banyere armị n'afọ 1957, ebe o ruru ọkwa majọ.

Mgbe agha Biafra malitere, Nzeọgwụ nke ruola ọkwa "Lt. Colonel" na armị ndị Biafra zutere ọnwụ ya na Nsụka. Ka agha biri, onyeisi ala bụ Gowon nyere iwu ka e lie ozu ya na "Military Cemetery" nke dị na Kaduna, ma kwanyere ya ugwu ruru ya.

A mụkwara Johnson Ụmụnakwe Agụiyi-Ironsi n'ụbọchị nke atọ, n'ọnwa March n'afọ 1924. Ọ bụ onye Ibeku dị n'Ụmụahịa, Abịa Steeti. Ọ banyere armị n'afọ 1942, ebe o ruru ọkwa Majọ-Generalụ. E mere ya onyeisi ala Naịjirịa na Janụarị n'afọ 1966 ka Nzeọgwụ na ndị soja ụfọdụ wetara ọchịchị ndị nkịtị na njedebe.

A kpara ya nkata ọnwụ na Ibadan nke ọ dabara n'ime ya. E gburu ya na Fajuyi na Ibadan. Agụiyi-Ironsi Ironsi gbara afọ iri anọ na abụọ oge ọ nwụrụ. Ka mkpụrụ obi ụmụ Igbo abụọ ndị a na-ezu ike n'udo.
Amen 🙏🏾

25/07/2025

"Ihe dị na mmadụ ịbụ ọgaranya sigburu onwe ya n'ike. Ọgaranya ga na-eme nke o ji bụrụ ọgaranya, makana ọgaranya mewe ka ogbenye, e lelịa ya ka e si na-eleli nwa ogbenye."

Tony Ubesie.

Address

45A Okosi Road
Onitsha
430231

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

08067964763

Website

http://www.mbidoigbo.com/

Alerts

Be the first to know and let us send you an email when Mbido Igbo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mbido Igbo:

Shortcuts

Address
Telephone
Opening Hours
Alerts
Contact The Business
Claim ownership or report listing

Want your business to be the top-listed Media Company in Onitsha?