ToriPost.ng

Home
Nigeria
Port Harcourt
ToriPost.ng

ToriPost na online newspaper wey dey give you all the Tori as e dey happen, when e happen and the people wey make am happen. We promote. We dey do PR

We aspire for a Society where the rights of Students would not just be all encompassing, but a Voice to be reckoned with as major Stakeholders of our Societies.

17/06/2025

I WAN BUILD NEW INEC OFFICE - NYESOM WIKE

The Minister of FCT, Chief Nyesom Wike, CON don announce for im Facebook say im ministry - Ministry of Federal Capital Territory - go build new office for Independent National Electoral Commission.

This project na part of the 17 days of activities wey the Ministry dey do to mark the 2 years for office for President Tinubu.
💡💡

09/08/2023

OBASEKI/SHAIBU WAHALA GO SOON END - PDP

Chairmo for Edo State PDP, Dr Anthony Aziegbemi say di problem wey dey bitwin Governor Godwin Obaseki and im second in command, Philip Shaibu go soon end. Dr. Anthony talk dis one for Press Conference yesterday for Benin.

09/08/2023

TINUBU KNOW SAY NIGERIANS DEY SUFFER AND HIM GET PLANS TO REDUCE THE SUFFER - OKONJO-IWEALA

Di former minister of finance wey still be di Director of World Trade Organisation don say Presido Tinubu know say Nigerians dey suffer and say Tinubu don prepare plans wey di government go use make di suffer head stop. Dr. Ngozi Okonjo-Iweala talk dis one after she visit di President for government house.

09/08/2023

TEAR RUBBER: WE NO DEY PROTEST AGAIN - Doctors

Di National Association of Resident Doctors (NARD) don come dis morning con cancel di strike wey dem be wan start. Dis news come out after di oga dem for di NARD don get meeting with pipo wey dey in charge of Senate last night wit regards to the strike.

09/08/2023

COUP: UN, AU AND ECOWAS NO DEY GO NIGER TODAY AGAIN

Dis Ogbonge delegation wey carry people from ECOWAS, African Union and United Nations on Tuesday don cancel dia waka to go Niger because Niger people don say make dem no come.

09/08/2023

IF UNA GO STRIKE, NIGERIANS GO DIE OOO - FG TO DOCTORS

Di Federal Government yesterday dey beg di Nigerian Association or Resident Doctors (NARD) make dem stop dia plan to go strike wey dem wan go for every state wey dey Nigeria. FG say make di doctors dem reconsider di threat wey dem plan because Nigerians dey die for hospitals wey dey Nigeria.

09/08/2023

NIGERIA MUST STOP TO DEY BORROW MONEY- TINUBU

Oga Presido, Asiwaju Bola Tinubu don vow say di over borrowing of money don too much. Oga Presido talk dis one yesterday wen him bin dey inaugurate di Presidential Committee on Fiscal Policy and Tax Reforms for Abuja. Our Presido stil talk say, dis borrow borrow dem go end for im government.

,

10/07/2023

COURT SAY MEK TINUBU SHOW US HOW PREVIOUS GOVERNMENT SPEND ABACHA LOOT

Di Federal High Court wey dey for Abuja, don give ogbonge once in a lifetime judgement wey concern di $5 billion wey Abacha tiff. Di court talk say mek Obasanjo, Yar’Adua, Jonathan and Buhari, come out com talk how dem take spend di money.

Di court giv Oga Presido Bola Tinubu to “show us di exact money wey Gen. Sani Abacha tiff, di total money wey government dem don recover, and any agreement dem wey all Di federal government don sign wit regards to dis mata.

Justice James Kolawole Omotosho na’im deliver dis judgement wey di Social-Economic Rights and Accountability Project (SERAP) sue our Federal Government thru Freedom of Information suit number: FHC/ABJ/CS/407/2020.

For im judgment, Justice Omotosho talk say “as we analyze d mata finish, di tin wey SERAP apply for get plenty weight, so we dey order di Federal Government thru di ministry of finance to give SERAP in 7 days, all di informate wey concern di $5bn wey Abacha collect

04/07/2023

WHY WE NEVER PAY ALAWEEE - NYSC

Tori Noble

Di National Youth Service Corps - NYSC don giv reason why dem never pay allowee to pipo wey dey NYSC for June 2023

Di management of NYSC dey beg di youths wey dey d program mek dem no vex as dem never pay. Dem say dem dey see how di corp members dey ginger because of di money.

Di NYSC Director, Press and Public Relations , Eddy Megwa talk say “make una for no doubt me, we don arrange una finish send am to banks. Even the bank charges sef we don remit am give dem dat day too.

“The fault dey com from dose banks dem but we believe say dem go receive dia money finish today.”

Mr. Eddy also thank di corp members as dem conduct dia sefs well for dis period even do dia allowee never come.

Plenty corp members wey we ask tell ToriPost.ng say di reason wey mek dem no too para na because na di first time dis kind of tin dey hapun.

04/07/2023

AKPABIO DON APPOINT MAJORITY LEADER, UMAHI AND ODA PIPO

Di Presido of Nigerian Senate don announce four principal officers from APC wey go work wit am for from APC as far as di 10th Senate dey concern.

Shebi you know say di Party wey get di highest members for di chamber na’im dey produce all dis position dem. As im bi say APC dey ontop so APC na’im go get Majority Leader, Deputy Majority Leader, Senate Majority Whip and Deputy Majority Whip. Di oda ones na minority parties dem go form dat one.

For the announcement, Senate President God’swill Akpabio wey bi don bi former Governor of Akwa Ibom State and former Minister of Niger Delta, appoint Sen. Opeyemi Bamidele wey from Ekiti Central as di Majoriy Leader, while former governor of Ebonyi State na’im dem giv Deputy Majority Leader as him dey represent Ebonyi South Senatorial Zone.

Senate Presido still appoint Sen. Ali Ndume wey don bi majority leader before as di Senate Majority Chief Whip, den, dem come give Sen. Lola Ashiru wey dey represent Kwara South as Deputy Majority Whip.

Di All Progressive Congress (APC)don show say dia house no get kata kata as pipo wey dey PDP still dey fight upandan.

Tori Noble

04/07/2023

NIGERIAN SECURITY GBESE NA CHAISE - RIBADU

The National Security Adviser to President Tinubu don talk yesterday say all di security pipo wey dey Nigeria go put body together mek peace dey di Nigeria.

Nuhu Ribadu bin dey respond to wetin Tinubu tell dem as dem bin get mitin wit am because of di plenty security gbege wey Nigeria dey face.

Dis miting wey dem get na to see how dem go tek stop the kidnapping, insurgency, banditry and the di small small casala wey dey threaten di unity wey Nigeria get.

Wen Ribadu dey ansa tori people for government house after dia first mitin wit di president since president give dem office, him say “di president don put am for our body to work together see say we go achieve di security wey him promise our pipo. We com here to tell our president thank you for di opportunity wey him don give all of us to serve for im government and serve Nigeria too.

“Our mind strong say him don make di right choice, because all of us wey him appoint know wetin be di problem of Nigeria and wetin we suppose do to get wetin we want.

“We go dey work from morning till night to ensure say we go secure Nigeria, bring peace, see say everywhere don stabilize and say Nigerians go fit dey sleep wit dia two eyes close for night”.

The NSA still talk say “Oga Presido don giv us assurance say him dey wit us hundred percent and him go giv us everything wey we need to ensure say everybody wey dey Nigeria go get di peace wey dem deserve.

“As una dey see, di plenty plenty evil things wey bin dey happen for Nigeria don dey reduce because of the quality of people wey Presido don bring to dey in charge of security for Nigeria.

Apart from di NSA, oda people wey come the mitin na Major-General Christopher Musa, Chief of Defence Staff; Major-General Taoreed Lagbaja, Chief of Army Staff; Real Admiral Emmanuel Ogalla, Chief of Naval Staff; Air Vice Marshal Hassan Abubakar; and IGP Kayode Egbetokun, Acting Inspector General of Police.

Mek una remember say for di mitin Oga Tinubu don warn dem to work wit one mind unlike how people wey bin don occupy dis position dem before go leave to fight criminals, kidnappers and terrorists con dey fight against demsefs. Say if dem go win dis war, mek dem put dia house in order.

Tori Noble

04/07/2023

13 NIGERIAN MUSLIMS DON DIE FOR SAUDI ARABIA

With wetin National Hajj Commission of Nigeria (NAHCON) don talk yesterday, 13 Muslims from Nigeria don die as them go Saudi Arabia for the Hajj.

Dr. Usman Galadima wey be the head of the Medical Team of NAHCON, yan journalists dem on Monday after thee post Arafat briefing for Makkah say “seven Muslims die when Arafat never even start, six die after dem don finish the Arafat (four for Arafat, two for Mina)

“Among the people wey die, four dey private tour while Kaduna and Osun State get two-two wey kpeme. One person from Plateau, Borno, Yobe, FCT, Benue and Lagos na’im die.

“The people wey die dis year plenty pass the people wey die for 2018 (two) and 2022 (two)”.

With tori wey dey reach ToriPost.ng, na over 25,722 Muslims wey get one sickness or the other after dem do the Arafat finish. Men dem reach 10,454 but women wey medical people treat reach 15,268

The kind of sickness wey dem sick for the Saudi Arabia na heat stroke, malaria +++, DM emergencies, and some people wey nut lose for dia head. Some people bin even get chicken pox, but the doctor dem don find way carry dem go hospital wey dey Makkah so that the chicken pox no go spread for dia.

Usman Galadima also talk say two women wey get belle born dia pikin dia. One born for main-road and the other one born for inside the facility wey NAHCON get. Him don advise say make people wey don old stop to dey go the Jamarat and make each state dey carry dia own medical people so dat dem fit stop some Muslim pilgrims wey no well wey dey Hajj

Tori Noble

Address

Port Harcourt

Telephone

+2349161424510

Website

http://broadcastnigeria.blogspot.ng/

Alerts

Be the first to know and let us send you an email when ToriPost.ng posts news and promotions. Your email address will not be used for any other purpose, and you can unsubscribe at any time.

ToriPost.ng

17/06/2025

09/08/2023

09/08/2023

09/08/2023

09/08/2023

09/08/2023

09/08/2023

10/07/2023

04/07/2023

04/07/2023

04/07/2023

04/07/2023

Address

Telephone

Website

Alerts

Shortcuts

Share

Category