17/07/2025
INA JIN HAUSHIN MASU DORA HOTON YUSUF BUHARI SUNA TAUSAYA MISHI.
Ina Jin haushin mutane wadanda ke dora hoton wannan yaron Yusuf Buhari suna tausaya mishi wai Don mahaifinshi ya mutu.
1 Da farko kafin mutuwar mahaifinshi, ya kammala karatunshi na Degree a Kasar Turai Yana aiki, ko yanzu albashin sa ya Isa ya dauki nauyin kanshi har ta taimakawa wasu, kunga kenan ya wuce maraya.
2 Mahaifinshi ya mutu ya bar musu dukiya Mai tarin yawa wadda Basu Isa su cinyeta ba har karshen rayuwarsu, kwata-kwata Yusuf bai San talauci ba.
3 Kafin mutuwar mahaifinshi a lokacin mulkinsu an kiyasta Yusuf ya fi duk wani matashi kudi a Najeriya.
4 Cin su, da Shan su, da karatunsu da kulawa dasu, duk Yana hannun gwamnati.
5 Yana da alfarma a Kasar Nan, Babu inda zai je ya nemi alfarma ba a yi mishi ba, saboda manyan Kasar Nan suna tare da Shi.
KU LURA DA WANNAN!!!
Allah kadai yasan iyakar marayu kananan yara, wadanda iyayensu su ka mutu, Basu da Mai kula da su, su wuni da yunwa su kwana da ita, Babu inda zasu Samu abinci, shin wa ya taba daukar hotonsu ya Dora a social media Yana tausaya musu?
Akwai dimbin marayu, wadanda yan ta'adda su ka kashe iyayensu, suna zaune sansanin yan gudun hijra Babu Mai kula da su.
Matasa nawa su ka kammala karatu Babu aikin yi, Babu jarin kasuwanci, Babu alfarma, Kuma Babu Wanda ya San su?, Kuma Babu Wanda ya tausaya musu.
Shin Kai Mai daukar hoton Yusuf Buhari ka Dora kana tausaya mishi, da Kai da Shi wa yafi gata a Kasar Nan?
Shin mu da iyayenmu su ka mutu, su ka barmu, Babu kudi, Babu gata, Babu alfarma me yasa ba a daukar hotonmu a Dora Ana tausaya muna, ko namu maraicin ba maraici ba ne, maraicin Yusuf Shi ne maraici?
KARSHE!!!
Idan aka kwatanta maraicin Yusuf Buhari da namu maraicin, da yanayin maraicin Yusuf da namu shin a cikinmu waye maraya Kuma wa yakamata a tausayawa.?
Mai karatu kayi alkalanci, sannan kayi tsokaci a comment section.
Inji Abdul-Azeez Bello Achida
