Sheikh Shu'aibu Salihu Zaria.

18/06/2025

Sanarwa dawowa karatun Littafin Al-mulakhkhsaul Fiqhiy
Insha Allah gobe Alhamis 19/6/2025 za'a koma Karatun Wannan littafin tsakanin Azahar da La'asar. a Mu'assasa.
Sanarwa Shuaibu Salihu Zaria.

17/06/2025

ALARAMMIYYA SUMAYYAH SHUAIBU SALIHU ZARIA HAFIZAHALLAH.
QIRA'ATUL ASHRI

13/06/2025

Darussa daga Hajji 2025 (4)

na kara daukan darasi gun Babban Malamin Sunnah a Nigeria Sheikh Yakubu Musa Hasan Katsina,
bayan mun Kammala Sallah a Harami sai ga Sheikh da tawagarsa zai koma Masauki, na je na gaiahe shi ya ce Malam.dan Zaria ya kokari na ce Alhamdulillah.
Sheikh ya rike hannuna har muka isa masauki, nan take aka kawo ma na shayi, muka ci abinci sannan aka fara tattaunawa kan gwagwarmayar yada Sunnah a Nigeria tsakanin Mazan jiya da 'yan baya.
Can aka ambaci wani Babban Malamin Sunnah wanda Allah yai mai rasuwa,
sai wani ya aibanta shi, wani ma ya soke shi, nan take Sheikh Yakubu Musa ya ce: abar wannan maganar haka:
Kai tsaye ya juyar da maganar ya fara ambaton alheran wannan Malamin har saida.ya gamsar da kowa, wadanda su ka fara aibanta shi sai da s**a koma suna fadan alheransa.
Allahu akbar.

Darussan da na koya ga su kamar haka.
1- Dattako daga gun wannan Babban Malami.
2- duk yanda ka taimaki Addini da Al'umma, sai wani ya soke ka.
3- Zargi da kushe da zagi kada ya sa kabar Alheri, domin ko mutuwa ka yi sai wani ya zage ka.
4- ka zama mai gaggawan canza Mummunan Dabi'ar mutane zuwa kyakkyawa, kamar yadda Sheikh ya aikata.
5- zama da Dattawan Malamai na sa ka koyi ilimin da ba kaaafai ake samun shi a littafi ba

Allah ka karawa Sheikh Yakubu Musa Hasan Katsina Imani da Taqwa da Ikhlasid tare da sauran Malaman Sunnah
Ya Allah ka kawo duk.wanda bai taba zuwa Hajji ba kasa mai tsarki amin.

Shuaibu Salihu Zaria Hajj 2025.

12/06/2025

12/06/2025

Darussa daga Hajji 2025 (3)

na kara daukan darasi gun Babban Malamin Sunnah a Nigeria Prof Mansur Ibrahim Sokoto mni.
bayan mun kammala zaman Madina, mun sauka a Makka a wani gida da aka sauke Manyan Malaman Nigeria kusan gaba dayan su,
Prof ya jagorancin mu Sallar Asuba, kammala Sallar shi ke da wuya bayan ya waigo sai ya ganni,.mu ka.gaisa nan take ya ce in yi Nasiha.
Gabana ya fadi (Ras) na ce Ni !!!! Ya ce kwarai kuwa, na kalli Manyan Shehunnan Nigeria, da Profesoshi, da Daktoci, da Mashahuran Alarammomi kai da kusan kowa da kowa a gabana.
Bayan da na iya, haka nan na mike na yi Nasiha gwargwadon abinda Allah ya ba ni iko.

Darussan da na koya ga su kamar haka.
1- Dattako daga gun wannan Babban Malami.
2- Yanda ya kamata Babba ya dinga karfafan na kasa da shi musamman abinda ya ke da tabbas na kasan zai iya gabatarwa.
3- Hidimomi da uzurori kada ka sake su raunana Haddarka ta Qur'ani, domin yadda Prof yake Barin Tilawa kai ka ce Sheikh Sudais ne
4- amfani da kowace Dama wajan yada Sunnah koda a gaban wadanda ba sa tinkaho da Sunnar.
5- duk lokacin da Allah ya daukaka ka a cikin. Al'umma, yi amfani da wannan daukakar wajan mutunta na kasa da kai, kada ka dan kwafe su.
6- na fahimci Malaman Ahlussun da mu Dalibai mu godewa Allah, a duk inda muka hadu da wadanda ba mu ba. Se kaga Malaman Sunnah kadai ke iya Nunfasawa.

Allah ka kara ma Prof da sauran Malaman Sunnah Albarka, ka kawo duk.wanda bai taba zuwa Hajji ba kasa mai tsarki amin.

Shuaibu Salihu Zaria Hajj 2025.

11/06/2025

Darussa daga Hajji 2025 (2)
na kara daukan darasi gun Supervisor dina na Masters a Jamiar Musulunci ta Madina, Prof Abdallah ibn Ali Attammam.
Bayan jin labarin Alhazai sun fara zuwa hajji, ya ke tambayata yaushe zan shigo Madina?
bayan isowar mu Madina Prof ya shirya min kasaitacciyar Liyafar cin abinci a gidan shi tare da gayyatan 'ya'yanshi su tarbe ni tun daga kasan Bene.

Darussan da na koya ga su kamar haka.
1- Dattako daga gun wannan Malami na Jami'a.
2- kokarin kula da alaka tsakanin Dalibi da Malami ko da bayan kammala karatu.
3- kyakkyawan Mu'amalar Malami ga Dalibi tasirin ta ya fi karatun da ake koya masa.
4- Talaucin da wasu Malaman Jami'a suke ciki a Nigeria ya bayyana a idona karara yayin wannan Liyafa.
5- Malami ya shiryawa Dalibinshi kasaitacciyar liyafan cin abinci musamman idan Nama ya wadata a abincin na sa Dalibin ya tuna wasu karatuttuka da ya dade da manta su.

Daga karshe na ta tunanin ko Allah zai sa wani Malami cikin Malaman Jami'a a Nigeria zai yi koyi da Prof da na dawo Nigeria ya shirya min irin wannan liyafa.

Allah ya kawo duk.wanda bai taba zuwa Hajji ba kasa mai taarki.
Shuaibu Salihu Zaria Hajj 2025.

09/06/2025

Darussa daga Hajji 2025 (1)
na dau darasi gun wani Dattijo mutumin Misra a Haramin Madina,
na yi Sallar.Asuba kusa da wani Dattijo, bayan kammala Sallah na yunkara zan koma masauki, madadin in dau takalmina sai na dau takalmin shi kasancewar takalmin iri daya ne,
Ina daukan takalmin sai yai min ishara da Hannu amma ban fahimta ba, zato na gaishe ni ya keyi, ni ko nai tafiyata shi kuwa ya kyale ni, bayan nai nisa sai na fahimci ba takalmina bane, nan take na dawo na dauki nawa shi kuwa sai yai min Murmushi.
Darussan da na dauka:
1- Dattako daga gun wannan Dattijo
2- Yin uzuri ga wanda ka ke da tabbas yaima kuskure
3- bayyana farin cikinka da annashuwanka yayin da wanda yai ma kuskure ya gane kuskuren shi.
Allah ya maimaita mana Hajji na Badi ya kawo wanda bai zo ba amin.

08/06/2025

Allah ya amsa ya maimaita mana
In sha Allah daga gobe zan fara kawo muku wasu darussa daga Hajji 2025
Allah ya amsa mana amin

05/06/2025

Sheikh Prof. Abdullah Saleh Pakistan Shugaban Hukumar Alhazai na kasa (NAHCON) Tare Da Sheikh Dr. Shuaibu Salihu Zaria
Allah ya karba mana ibadun mu da ayukan mu na Kwarai ya yafe mana kurakuran mu yasa muna daga cikin en tattun bayi.

✍️ ✍️ ✍️ MU'ASSASA TV ZARIA.

05/06/2025

Ranar Arfa da abinda ta kunsa na Alheri da abida yakamata ayi a ranar.
Gabatrwa:- Sheikh Shu'aibu Salihu Zaria. Hafizahullah

✍️ ✍️ MU'ASSASA TV ZARIA.

05/06/2025

Ranar Arfa da abinda ta kunsa na Alheri

01/06/2025

MA Sha Allah.
Allah ya qara mana son junar mu.