Tijjaniyya Media News

17/07/2025

INNA LILLAHI WA INNA ILAIHI RAJI'UN!!!
...Mahaifin Sheikh Harisu Salihu Jos Ya Rasu.

Allah ya yiwa Sheikh Salihu Abubakar Wase (Baban Wase/Wazirin Malaman Wase) rasuwa a yammacin yau Alhamis 22/01/1447 - 17/07/2025 a garin Wase, Jihar Plateau.

Gobe Juma'a da ƙarfe Tara Na Safe (09:00am) za'a yi Jana'iza a garin Wase, In Shaa Allah.

Allah ya jaddada masa Rahmah Albarkar Shehu Tijani Radhiyallahu Ta'ala Anhu. Amiin Yaa ALLAH

Daga: Sheikh Harisu Jos

06/07/2025

Innalillahi Wa Inna Ilaihin Raji'un 😭

Allah ya Yiwa Shahararren Mawakin Manzon Allah Alhaji Abdullahi Shehu Gano rasuwa sakamakon jinya ta hatsarin mota da ya yi kwana biyu da s**a wuce.

Allah ya jikansa da rahama🙏

~ Bashir Dandago

05/07/2025

RANAR TSINUWA
*
Allah yayi abubuwa da yawa na farinciki ga al'umma wayanda s**a gabata da al'ummar zamanin Annabi ﷺ, wanda haka yana cikin dalilin da yasa Annabi ﷺ ya yarda da yi azumi a wannan rana domin godiya ga Allah SWT.

To amma duk abubuwan da Allah yayi a baya na farinciki, nauyin su bai kai abinda yayi na jarrabawa ga muminai ba kwaya ɗaya, wanda ya faru bayan Annabi ﷺ yayi wafati, wato shahadar Imam Hussaini Alaihis salam.

Wasu malamai suna cewa "Da Jikokin Annabi ﷺ da wayanda s**a cutar dasu din, duk sun koma ga Allah don haka bai kamata a cigaba da juyayin abin aya faru ba", wannan kuskure ne mai girma, sun manta dalilin yin azumin Ashura ne, ai da wanda aka kuɓutar da wanda aka kuɓuta daga gareshi duk sun koma ga Allah, meye namu na jindadi har da yin azumi, sun yarda wancan ya dace amma nuna alhini ga wayanda soyayyar su ta zama wajibi shine kuskure? Abin mamaki!

Annabi ﷺ ya ba Sayyada Ummu Salma ƙasar karbala wanda Jibrilu ya kawo, yace mata "ƙasar nan zata zama jini a ranar da s**a kashe Hussaini", haka kuwa ya faru, kuma bayan sun kashe shi sun cire kan sa, sai s**a ga a jikin wani dutse an rubuta:
"أَتَقْتُلُونَ سِبْطَ النَّبِيِّ وَيَسْأَلُونَ بِجَدِّهِ الشَّفَاعَةَ يَوْمَ الْقِيَامَةِ"
Ma'ana: Za ku kashe jikan Annabi ﷺ sannan ku roki ceton kakan sa ranar alkiyama?

Bayan kisa da tozarci da s**a yiwa jikokin Annabi ﷺ, kowani juma'a yayin huɗuba sai sun tsinewa Imam Ali (kw) basu gushe suna tsine masa ba har sai lokacin mulkin Umar Bin Sulaiman RTA, shi ya kawo ƙarshen wannan tsinuwar.

Ranar lahira, Sayyada Fadimah A.S zata tafi gaban Allah, hannun ta riƙe da rigar da Imam Hussaini yayi shahada da ita, dumu-dumu da jini, zata ɗaga rigar tace:
يَا رَبِّ، خُذْ لِي بِحَقِّي وَوَلَدِي
"Ya Ubangiji, ka kwato min hakki na da na ɗa na".

Kafin wannan ranar, za mu cigaba da tsinuwa ga Yazidu ɗan Mu'awiya da sojojin sa da wa'yanda suke farinciki da ta'addancin sa, domin Maulan mu Shehu Ahmadu Tijjāni RTA yana cewa "Yazidu tsinanne ne saboda aya ta 57 a Suratul Ahzab da aya ta 22-23 a Suratul Muhammad, babu cutarwa ga Annabi ﷺ wacce ta wuce kashe ɗan sa".

Azumi na na yau, na bada shi hadiyya ga Annabi ﷺ ina mai yi masa ta'aziyyar abinda ya sami jikokin sa masu albarka, Allah ka tsinewa yazidu da magoya bayan sa a jiya da yau da gobe, fiye da tsinuwar da ka yiwa Iblis.

LABBAIKA YA HUSSAIN.

Daga: Sidi Sadauki

04/07/2025

30/06/2025

Innalillahi Wa'Inna Ilaihir Raji'un: Allah Ya Yiwa Sarkin Sharifan Bauchi Sharif Alh. Nasir Muhammad Bello Wanda Ya Rasu A Yau Litinin 30th June 2025.

Za'a Gudanar Da Sallah Jana'iza Idan Allah Ya Kaimu Ranar Talata Da Karfe 10:00 na Safe A Fadan Mai Martaba Sarkin Bauchi

Muna Fatan Allah Ya kara Masa Kusanchi Da Kakan Sa Sallallahu Alaihi Wa Alihi Wa Sallam, Amiiiin Yaa ALLAH

28/06/2025

YANZU YANZU: An gudanar da Jana'izar ga'ib ga ruhin Marigayi Alh Aminu Ɗantata a birnin Kano.

Allah ubangiji madaukakin sarki ya jikan sa da rahma ya gafarta masa. Amin Yaa ALLAH

28/06/2025

Inna lillahi wa innaa ilaihi raaji'un.

Allah ya yiwa hamshakin ɗan kasuwa kuma attajiri, Alhaji Aminu Dantata ya rasu jiya Asabar a birnin Abu Dhabi, kasar Dubai.

A madadin Tijjaniya muna mika sakon ta'aziyya Allah ya jikan sa da rahma ya gafarta masa. Amiin Yaa ALLAH

19/06/2025

Wata rana Imam yana bada karatu sai kunama ta harbe shi harka har sau 16 yana karantar da hadisin Manzon Allah SAW amma bai motsa ba.

Imam Malik saboda tsananin zafin sai launinsa ya canza, gumi ya fara zubo masa har sai da ya kusa suma, sai dai ya ki yin firgita ko ma yin surutu- don ba ya son ya dagula maganar Rasulullahi. Ya kan yi tafiya babu takalmi a cikin garin Madina, sannan yakan bar iyakokin Madina a lokacin da yake bukatar samun sauki.

Ba zai bari mutane su ruwaito hadisi a tituna ko kasuwanni ba domin yana ganin bai dace da girman fadin Manzon Allah ﷺ ba.

Lokacin da aka ambaci Annabi a wurinsa - launinsa zai canza kuma ya sauke kansa cikin tsoro. Ya yi aikin Hajji sau daya ne saboda tsoron wucewar sa yana fita Madina. Jama'a suyi koyi da wadannan ladubban a wannan zamani namu. Allah ya bamu albarkacin su. Amiin

Hoton dake kasan post kabarin Imam Malik ne.

Babangida Alhaji Maina
MD/CEO Fityanu Media

16/06/2025

YANZU-YANZU: Sharif Ja'afar Da Ga Maulana Sharif Ibrahim Saleh Al Hussaini Ya Rasu.

Allah ubangiji madaukakin sarki ya yiwa Sharif Ja'afar Sheikh Sharif Ibrahim Saleh Al Hussaini RA rasuwa a birnin Rabat dake kasar Morocco. Allah ubangiji madaukakin sarki ya jikan sa da rahma ya gafarta masa. AMIIN Ya Allahu.

Innalillahi Wa'inna Ilaihir Rajiu'un

Fityanu Media

11/06/2025

JANA'IZA CIKIN HOTUNA: Yanda aka gudanar da sallah jana'izar daya daga cikin matasan Tijjaniya Sayyadi Tasi'u Sheikh Dujja dake garin Biu jihar Borno, wanda ya kasance jiya litinin 10/06/2025.

Sayyadi Tijjani Sheikh Dahiru Bauchi shine ya jagoranci sallah a garin Biu jihar Borno. Allah ya jikan sa da rahma ya gafarta masa. AMIIN YAA ALLAH

Fityanu Media

05/06/2025

Yaa ALLAH ubangiji madaukakin sarki ka biya bukatun mu na alkhairi duniya da lahira. 🙏