26/08/2023
WANNAN SHINE MATASHI ABDULBAKI JARI WANDA YA KIRKIRO A DUNIYA
Abdulbaki Jari, shine wanda ya ƙirƙiro wannan rana ta Hausa a Duniya baki ɗaya a shekarar 2015, ma'aikacin sashin Hausa na gidan rediyon BBC Hausa ne, ya kasance ƙwararre kuma haziƙin ɗan jarida da gidan rediyon take alfahari da shi.
A yau ƙasashe sama da goma ke alamta wannan rana domin bayyana daraja da kuma martabar Yaren Hausa a Duniya.
Bayan wannan ƙoƙari, ya ƙara da ƙoƙarin samar da rubutun da Hausawa zasu dogara da shi kamar ko wani Yare a Duniya, amma hakan bai samu ba.
Ina ƙira ga Hausawa na ciki da wajen Najeriya da su kasance wakilan Hausawa na gaskiya, ku daina amfani da wannan rana wajen yaɗa abun da sam bai dace da Yaren Hausa da Hausawa ba.
Daga ƙarshe ina muku addu'a da fatan Allah ya ƙara ɗaga darajar wannan Yare da nima ya zama yaren da nafi mu'amala da shi a Duniya duk da ba nawa bane.
Rubutawa: Mustapha Abubakar Kwaro
26/09/2023
