13/07/2026
Gidaje biyar (5) ba'a auren Yar su kuma a Zauna lafiya
Wani lokacin…
kuskuren da muke yi a aure baya farawa daga wajen macen.
Yana farawa ne daga kofar gidan da muka je neman aurenta.
Na taba tunanin cewa soyayya zata iya goge asalin tarbiyyar da mutum ya taso da ita. Kuskure na ne. Idan ka duba gida ko iyaye, akwai irin gidajen da koda yarinyar tana matukar son ka, dabi'ar gidansu zata rushe maka natsuwa a hankali. Ga gidaje biyar da auren 'yarsu siyan kuncin zuciya ne:
1. Gidan Auna Daraja Da Kudi: Gidan da iyayenta suke lissafin kaurin aljihunka kafin su kalli mutuncinka. Idan ka taba faduwa a kasuwa gobe, yarinyar ba zata taba yi maka uzuri ba, domin a asalin gidansu, kudi ne kadai yake bayar da darajar 'Da Namiji.
2. Gidan Murkushe Da Namiji: Idan ka lura cewa a gidan, mahaifinta bashi da fada aji, kuma mahaifiyarta ita take yanke kowane hukunci. Ka kiyaye. Ba zata taba baka girman miji ba, domin bata taba ganin mahaifiyarta tana bawa mahaifinta ba.
3. Gidan Gasa Da Fariya: Gidan da kowa yake rayuwa don ya burge wani. Zata shigo gidanka tana kallon irin dinkin da kawayenta ko 'yan uwanta suke yi. Zata matsa maka sai ka ci bashi ko ka fasa asirinka don kawai ta yi gaba da su.
4. Gidan Rashin Sirri: Gidan da babu asiri a cikinsa. Duk abin da ya faru tsakaninka da ita a daki, koda na kuskure ne, washegari zai zama labarin dangi. Ba zaka taba samun kwanciyar hankali ba idan kana zama da macen da take tallata rauninka a waje.
5. Gidan Daurewa Kuskure Gindi: Gidan da idan yarinyar ta yi maka ba daidai ba ka kai kara, maimakon iyayenta su tsawatar mata, sai su nuna kai ne mai laifi ko su shiga gabanta. Zaka zauna da macen da bata taba jin tsoron bacin ranka ba.
Aure ba hada jiki bane kawai.
Hada asali ne.
Kuma wani asalin… guba ne.
