Rigar Kasata Ayau

Rigar Kasata Ayau Contact information, map and directions, contact form, opening hours, services, ratings, photos, videos and announcements from Rigar Kasata Ayau, Radio Station, Wuse II.

MATASHI YA RASA RAYUWAR SA SANADIYYAR ƘWACEN WAYA.Masu ƙwacen Waya a jihar Kano sun kashe wani matashi mai suna Abba Ruf...
19/05/2023

MATASHI YA RASA RAYUWAR SA SANADIYYAR ƘWACEN WAYA.

Masu ƙwacen Waya a jihar Kano sun kashe wani matashi mai suna Abba Rufa'i (Me lissa) gami da ƙwace Wayar sa.

Al'amarin ya auku ne a daren jiya Alhamis a unguwar Ɗorayin ta jihar Kano.

Ƴan uwan mamacin sun shaida mana cewa ba a samu nasarar cafke ko ɗaya daga cikin miyagun da su ka yi aika aikar, ba, sai dai Jami'an tsaro su na zurfafa bincike dan tabbatar da masu laifin sun shiga hannu.

Ta tabbata Hamisu Breaker shi ne wanda Rakiya Mousa Poussi ta tsunduma cikin soyayyar sa. DAGA MUHAMMAD BASHIR MATO3th A...
03/04/2023

Ta tabbata Hamisu Breaker shi ne wanda Rakiya Mousa Poussi ta tsunduma cikin soyayyar sa.

DAGA MUHAMMAD BASHIR MATO
3th April 2023

Ban so na yi magana dangane da wannan ɗimautaccen al'amari ba, amma kasancewar ya shafi aiki na ta wani ɓangare, shine na ce bari na sanar da abinda na fahimta tare da wasu ƙwararan hujjoji.

A ƙaramin binciken da na aiwatar abinda na fahimta shine, lamarin soyayyar da Rakiya ke wa Hamisu daɗaɗɗen al'amari ne wanda ya ke dauke da shekaru Bakwai (7) ko kuma sama da haka.

Lokaci zuwa lokaci Rakiya ta kan sanya Hoton abin ƙaunar na ta tare da wasu kalamai wanda zu ke da alaƙa da soyayya. A 9 ga watan Janairun 2019 Rakiya ta wallafa wani matsagaicin bidiyon ta da ta hau na wata waƙar Nijar da Hamisun ya yi, inda ta bi bidiyon da taken (Caption) "Waka daga bakin my ciwon kai kuma farinciki na".

Rubutun taken da ta yi, wannan na nuni da cewa tun a lokacin akwai ƙaunar sa a zuciyar ta amma wataƙila shi kuma saɓanin haka ne a tasa zuciyar. Wato dukkan alamu dai ya bayyana cewa Rakiya ta ci karo ne da son maso wani.

Ta ɗayan ɓangaren, hujjar tawa ta dangana ne da (Comment) Sharhin da abokin aikin ta kuma aminin ta wato Mujahid M. Soja ke yi mata a duk lokacin da ta sanya Hoton Hamisu Breaker a shafin na ta na Instagram. Kamar yanda ya yi mata Sharhi a wani Hoton Hamisun da ta sanya a 8 ga watan Satunmbar 2022, ya ce "Ƴar uwa ta Breaker" ita kuwa ta nuna jin daɗin ta ga wannan Sharhi.

Haka a 31 na Janairun wannan shekara Aminin na ta ya ƙara binta da wani Sharhi a wani Hoton Hamidun da ta sanya na ƙarshe a shafin na ta inda ya ce "Masoyiyar gaske". Saboda taƙaita zancen, abokiyar aikin ta jarumar finafinan kannywood wato Amal Umar ita ma ta taɓa yi mata (Comment) Sharhi da kalma mai alaƙa da soyayyar da ta ke masa.

Hoto da bidiyon jarumin shine mafi yawa a kan na dukkan abokan aikin ta wanda take wallafawa a shafin ta na Instagram. Da wannan na ke tabbatar da cewa Hamisu Breaker Ɗorayi shi ne wanda Rakiya Mousa ke mutuwar ƙauna, amma ba wai lallai shi ya na son ta ba. Kuma ba zan kira hakan a matsayin yaudara ba, domin bincike na bai bani damar tabbatar da soyayya ta shiga tsakanin su ko bata shiga ba.

Kuma sai da soyayya a tsakanin juna sannan yaudara ta ke samun damar giftawa. Saboda haka ƙalubalantar Hamisu Breaker a kan wannan al'amari zan iya alaƙanta hakan da kuskure, amma a irin fahimtar da na yi wa juyayyen al'amarin.

Allah ya sa mu dace, sannan ya haɗa mu da masoyan mu na gaskiya ba ma su son mu da wata manufa ba.

MATASHIN DA KE TATTAKI DAGA POTISKUM JIHAR YOBE ZUWA KANO DOMIN TAYA ABBA KABIR YUSUF MURNA. Wani matashi Ameer B Mato y...
20/03/2023

MATASHIN DA KE TATTAKI DAGA POTISKUM JIHAR YOBE ZUWA KANO DOMIN TAYA ABBA KABIR YUSUF MURNA.

Wani matashi Ameer B Mato ya fara tattaki daga Potiskum ta jihar Yobe zuwa Kano domin taya Abba Kabir Yusuf (Abba Gida-Gida) murnar lashe zabe.

ALLAH ƊAYA GARI BAMBAN: Magajin-gari ya auri kada a MexicoWani magajin-gari a Mexico ya auri wata kada sanye da rigar au...
05/07/2022

ALLAH ƊAYA GARI BAMBAN: Magajin-gari ya auri kada a Mexico

Wani magajin-gari a Mexico ya auri wata kada sanye da rigar aure, inda a ka ɗaura auren ta hanyar sumbatar dabbar.

Aure na daga cikin tsohuwar al'adar ƴan asalin ƙasar, wanda magajin garin, Victor Hugo Sosa ya jagoranta, kuma ya yi niyya don kawo wadata a ƙauyen San Pedro Huamelula a kudu maso yammacin Mexico.

Ita wannan dabba mai rarrafe, mai shekaru bakwai haihuwa, sananna ce a garin, inda a ka laƙaba mata suna da ƴar ƙaramar gimbiya, inda kuma a ke mata kallon abar bauta kuma uwa ma bada mama.

Auren da ta yi ga magajin gari yana nuna cewa ta shigo cikin bani-adam.

Bikin ya kayatar, in da a ka yi kade-kade da wake-wake na gargajiya da raye-raye, yayin da ake kira ga magajin garin da ya sumbaci sabuwar amaryarsa.

An buƙaci ango da ya sumbaci amaryarsa.

An yi ta kaɗa ganguna a lokacin da mai-garin ya dauki amaryarsa kada a hannunsa a kan tituna yayin da maza ke ta murna da jefa huluna sama.

Elia Edith Aguilar, wadda aka fi sani da uwargidan da ta shirya bikin auren, ta ce: “na samu farin ciki sosai kuma na yi alfahari da tushena.

Al’ada ce mai kyau sosai.”

Ta kara da cewa babban gata ne a amince da gudanar da bikin.

An daure bakin kadar don gujewa cizo, yayin da magajin-gari ya sumbace ta sau da yawa a yayin bikin.

16/04/2022

VIDEO: yanda ‘yan ‘kungiyar (IPOB) ke kashe wasu mutane a wata magudanar zabe dake jihar Benue.

Matar da ake zargin ta da kisan kai ta lashe gasar sarauniyar kyau a Kirikiri.Wata mata da ake tuhumarta da kashe wani d...
10/03/2022

Matar da ake zargin ta da kisan kai ta lashe gasar sarauniyar kyau a Kirikiri.

Wata mata da ake tuhumarta da kashe wani dan kasuwa ta lashe gasar mace mafi kyau ta "Miss Cell 2022", a gidan gyara hali na Kirikiri da ke birnin Legas.

Matar mai suna Chidinma Ojukwu, wacce labarinta ya karade gidajen jaridar Najeriya ba ta amsa laifin kisan kan da ake tuhumarta da aikatawa ba.

An dai kashe mutumin ne mai suna Usifo Ataga a watan Yunin bara - wanda shi ne mamallaki tashar talabijin ta Super TV yayin da yake raye - bayan an daba ma sa wuka.

An ga hotunan Mis Ojukwu sanye da kayan da ake saka wa sarauniyar kyawun yayin da aka gudanar da bikin a cikin gidan gyara halin na Kirikiri, wanda shugaban hukumar gidajen gyara halin na Najeriya ya ce yana cikin abubuwan da s**a shirya domin bikin Ranar Mata ta duniya ta bana.

~Punch

AN YANKA TA TASHI! Karamin yaron da aka yanka wuyansa ranan 15 ga watan janairun 2022 yana cikin mawuyacin hali a asibit...
09/03/2022

AN YANKA TA TASHI!

Karamin yaron da aka yanka wuyansa ranan 15 ga watan janairun 2022 yana cikin mawuyacin hali a asibitin nizamiye dake birnin tarayyar abuja.

idan ba'amanta ba Karamin yaron ďan shekara sha ďaya mai suna Jibril Sadi Mato wanda akewa lakabi da ramadan an yanka wuyan sa ne a ranar 15 ga watan da ya gabata, a makarantar elkanami dake maiduguri a jihar Borno, kuma ana zargin siniyan sa ne da yunkurin kisan kan.

Biyo bayan zargin kuma gwamnatin jihar ta kafa kwamitin bincike domin gano gaskiyar abin da ya faru, sai dai har yanzu ba'a samu cikakken sakamako ba daga kwamitin binciken.

inda yan uwan na-sa s**a gaji da tsinkaye, cewar su “Sun gaji da jiran gwawar shanu” A halin yanzu yan uwan na cigaba da faďaďa zargin su, inda zargin ya biyo ta kan asibitin da s**a yiwa ramadan aikin wuyan sa wato asibitin koyarwa na maiduguri, Sun gano cewar kamar akwai kulla-kulla cikin aikin da akai masa, saboda a halin yanzu yana wani babban asibiti a birnin tarayyar abuja. Inda likitocin s**a alakanta aikin wuyan nasa da babban al'amari, A cewar hukumar asibitin basu taba karo da case irin na Ramadan ba.

Saidai lokacin da asibitin s**ayi yunkurin sake wa ramadan sabon aiki a wuyan sa, sun tabbatar da cewar ya rasa wani sashe wanda ba-lallai wannan bangaren ya kara samun waraka ba.

Daga bisani wa'innan yan uwa na ramadan sun kara kira ga gwamnatin borno kan cewar a fito a tabbar musu da cikakken binciken da akayi wanda ya ďauki tsawon lokaci sama da lokacin da aka basu.

RAHOTO: Muhammad Bashir.

Ƴan bindiga sun kashe jami'an tsaro 19 a Kebbi yayin ziyarar mataimakin gwamnaRahotanni daga jihar Kebbi a arewa maso ya...
09/03/2022

Ƴan bindiga sun kashe jami'an tsaro 19 a Kebbi yayin ziyarar mataimakin gwamna

Rahotanni daga jihar Kebbi a arewa maso yammacin Najeriya na cewa ‘yan bindiga sun kashe jami’an tsaro a kalla 19 a wani hari da s**a kai a ƙauyen Kanya da ke cikin karamar hukumar Danko-Wassagu.

Maharan sun je ne a kan babura a lokacin da mataimakin gwamnan Kebbi ke ziyara a ƙauyen a ranar Talata.

Mataimakin gwamnan Samaila Yombe Dabai, ya shaida wa BBC cewa dakarun tsaron sun fafata ne da maharan, amma bai faɗi yawan jami'an da aka kashe ba.

Mutanen da s**a mutun sun haɗa da sojoji 13 da ƴan sanda biyar da wani ɗan sa kai.

Maharan sun kuma sace kayan abinci da dabbobi.

Harin ya faru ne kwana ɗaya bayan da ƴan bindiga s**a kashe ƴan sa kai 63 a yankin.

Hukumar tsaro ta DSS ta tsare wasu manyan na hannun-daman gwamnan jihar Kano da ke arewacin Najeriya, Abdullahi Umar Gan...
09/03/2022

Hukumar tsaro ta DSS ta tsare wasu manyan na hannun-daman gwamnan jihar Kano da ke arewacin Najeriya, Abdullahi Umar Ganduje.

Bayanan da BBC ta samu sun nuna cewa DSS ta tsare mutanen ne ranar Laraba bisa zarginsu da hannu a dabar-siyasa.

Kwamishinan Kananan Hukumomi na jihar ta Kano, Murtala Sule Garo, wanda ya tabbatar wa BBC wannan labarin, ya ce yana cikin manyan jami'an gwamnatin jihar da s**a mika kansu ga DSS.

Sauran mutanen sun hada da Fa'izu Alfindiki, shugaban karamar hukumar Birnin Kano, Khalid Ishaq Diso, shugaban karamar hukumar Gwale da Injiniya Bashir Kutama, shugaban karamar hukumar Gwarzo.

Murtala Garo ya ce an gayyaci mutumin da ke son jam'iyyar APC ta tsayar da shi takarar gwamnan jihar ta Kano a zaben 2023, A.A Zaura, da shugaban masu rinjaye na Majalisar Wakilan Najeriya Alhassan Ado Doguwa, da shugaban hukumar KAROTA, Baffa Babba Dan Agundi, da kuma wani mai bai wa Gwamna shawara.

Rahotanni sun nuna cewa ana zargin wasu daga cikinsu da hannu a manyan-manyan hare-haren dabba, lamuran da s**a yi sanadin mutuwar wasu mutane.

Address

Wuse Ii

Telephone

+2349127787879

Website

Alerts

Be the first to know and let us send you an email when Rigar Kasata Ayau posts news and promotions. Your email address will not be used for any other purpose, and you can unsubscribe at any time.

Shortcuts

Share

Category