26/03/2026
TSINUWA DA ZAGIN SHUGABANNI BA SHINE MAFITA BA
Abinda mafi akasari na mutanen Arewa s**a fi so a yau shine su ga wani ya fito yana zagi da tsine wa wani shugaba, za'a kambamashi, za'a daukeshi a matsayin babban dan Gwagwarmaya ko jarumi
Jama'a mu sani cewa kundin tsarin mulkin Nigeria ya yadda da hanya guda daya ne wajen canza Shugabanni, shine ta hanyar zabe, don haka ya kamata ace an dau wannan bangare da matukar muhimmanci
Babban abinda wannan al'umma namu na Arewa ke bukata shine ilimantarwa da wayar kan mutanen Arewa tun daga birane har zuwa kauyuka da karkara, mutanen mu su waye akan wadanda ya kamata su zaba a lokacin zabe
Wanda zai yi wannan aiki na wayar da kai shine babban dan gwagwarmaya, ba wai wanda zai zo yayi ta zagi da tsine wa shugaban da yake cutar da al'ummah ba
A wannnan hali da muke ciki mu sani cewa zagi da tsine wa Shugaba ba shine mafita ba, idan Shugaba bai kyauta maka ba ka hukuntashi da katin jefa kuri'arka
Sannan wadanda suke cewa ba zasu yanki katin zabe ba, wai ba zasuyi zabe ba, to sune manyan makiyan al'umma da suke taimaka wa wajen samar da miyagun shugabanni azzalumai
Sai ka tambayi kanka da 'yan uwanka da mutanen uguwarku, da mutanen garinku wanda suke son a samu canji, shin sun tanadi babban makamin nukiliya na yakar jikokin Fir'auna da suke wahalar da mutanen Arewa wato KATIN ZABE?
Ubangiji Allah Ya bamu mafita na alheri
✍️ Datti assalafy
