https://www.facebook.com/101342182868151/

Waryaa News

Yusuf abdirahman, Golwein 1963

12/08/2025

Nin waalan ayaa la weydiiyey Habeenka & Maalinta keeba dheer? Wuxuu yiri; iyagoo isla joogo weligey ma arag.

12/08/2025

Qofkii aan caqligiisa hagin, waxaa haga damaciisa & hawadiisa.
2daasna waa hoggaamiyaha kuwa khasaaray.

12/08/2025

SIYAASADDA & FARTEEDDA.

Labo nin oo jar ciyaareyso ayaa waxay is kala yiraahdeen; Xaraanta wey soo urtaa iyo Xalaashu wey soo caraftaa.
Korjoogtaddii mid ka mid ah oo dadka Siyaasadda u dhuun daloola inuu ka mid yahay lagu sheegay baa yiri; hadalka joojiya ee jarta wada, Xaaran iyo Xalaal waa hadba daruuftu sidey kuu soo marto.
Jartii iyo turubkii waa la wada bartay, hase ahaatee Shucuubta Carabta iyo Afrikaanka weli waxay ku dhexjiraan dareen laab la kac iyo caatifada.

Hoos u dhici dhaqaale ee ku habsaday Mareykanka sanadihii 2006-2008 oo ay sabab u ahaayeen shirkadihii korontada iyo kuwii guryaha oo lacago badan ku bixiyey doorashooyinkii Madaxweyne G. Bush Jr. iyo dagaaladdii Afghanistan iyo Ciraaq oo hoos u dhigay miisaniyadii dalka oo dhan.
Markii u yimid Madaxweyne Obama, sey dhaqaale ku helaan waxay bilaabeen ineya kacdoonkii gu'gii Carabta oo ujeedkiisa ahaa in la abuuro ( islaamka siyaasiga ) si loo baqdin geliyo boqoradda Carabta ee dhaqaalaha heysto iyo in gacan lagu siiyo is fidinta Iran ee dhanka caasimadaha Carabta sida ( Sanca, Beirut, Baghdad, Damascus ) iyo barnaamijkeeda ( Atomiga ).

Waa markii labad oo Mareykanka ay soo marto hoos u dhac dhaqaale maanta, 10 kii sanadood ee u dambeeyey.
Trump, markiisi 2aad lacagihii ay Mareykanka ka heli jireen Israel oo meesha ka baxday, dagaalka ay Xamaas kula jirto awgeed.
Trump isagoo 6 bilood wax aan dhameyn joogo ayuu lacago u doontay Saudi Arabia, Qatar iyo Emirates.
Intaas kuma ekaan ee wuxuu isku qaaday dunida inteeda kale siduu lacago been ah uga heli lahaa, qaarkood wuxuu ku magacaabay canshuurta badeecadaha, qaar kalena mid ganacsi, been guur iyo af gobaadsi.

11/08/2025

Nin aad u wareeray ayaa yiri: dowladda Somalida waxay nagu kordhisay sicirkii Sigaarka iyo qaadka.
Dowladda Sacuudiga waxay nagu kordhisay sicirkii cimradda iyo xajka.
Raaxeysi maleh, tobad keen maleh, xaggee u cararnaa?

11/08/2025

Waxaa la yiri 3 waxyaabood kheyr iyo faa'iido ma leh.
- maal ku jira gacmo dad bakhiil ah
- seef ay hayaan gacmo dad baqeya iyo
- qalin ay hayaan gacmo munaafiqiin ah.

10/08/2025

Labada eray maanta ugu caansan dunida waa; made in China & I love you.
Labaduba damaan ma leh ( no guarantees ).

10/08/2025

Ali khamenai, hoggaamiye, dhashay 17 July 1939, 86 jir, guursaday 1963, dhalay 5 carruur ah, waxbarasho hanuuniye islaami.
Khudbad uu u jeediyey dadkiisa ka dib, duulaankii Mareykanka iyo Isreal ay ku qaadeen dalkiisa wuxuu yiri: nabad iyo ammaan laguu hayo, waa dowladnimo dhalanteed ah.
Mareykanku cid ma ilaaliyo ee wuxuu ilaalsadaa danahiisa oo keliya ee innaga aan ilaalsano dalkeenna.

Sidaas si la mid ah, Somalida haddii ay moodo in nabad iyo ammaanba loo hayo oo Caalamka iyo Afrikaan ilaalinaayo badeenna, dhulkeenna, guryaheenna iyo carruurteenna waa dowladnimo dhalanteed ah.
Inta ay taasi jirtana, ogow waxaan ku jiri doonaa waqti aan innaga isku maqanahay dhexdeenna iyo waqti aan isu faaneyno dhexdeenna sida dowladaha Khaliijka Carabta ee maalkooda ku bixiyo in la ilaaliyo.

10/08/2025

Dadnimadda ( Insaaniyada ) maahan Diin ee waa Darajo dadka qaarkood ay gaaraan, mana aha wax cid walba gaari karto.

09/08/2025

Dad baa waxay arkeen Maroodi cararaayo oo keyntii ka soo baxay.
Markaas baa waxaa la weydiiyey Maroodigii maxaad la ordaysaa?
Maroodigii wuxuu yiri: Libaax baa yiri: waxaan dilaaya dhammaan wixii Geri ah ee keynta ku jira.
Intaa ka dib, baa Maroodigi waxaa lagu yiri: Adiga Geri ma timid ee maxaad ka baqeysaa.
Maroodigii, wuxuu yiri: arrintaas ee dilka Geriga waxaa loo xil saaray inuu la socdo Dameer, Anigana waxaan ka baqayaa inuu nagu daro.

09/08/2025

SIYAASAD & GANACSI.

Ra'iisul wasaaraha dalka Poland, Donald Tusk, dhashay 22 April 1957, 68 jir, waxbarasho ( Civic platforms ).
Mar uu ka hadlayey siyaasadaha Amniga iyo Difaaca ( Defence & Security ) wuxuu yiri: reer Yurub oo tiradoodu tahay 500 Milyan oo dad ah ayaa waxaa difaacayo Mareykanka oo 300 Milyah ah.
Taasi, waxay isoo xasuusineysaa sheekaddii Muslimiinta oo tiradoodu 2 Bilyan ka badan, oo waxay iska dhicin la' yihiin 7 Milyan oo Yahuud ah.

Wuxuu kaloo yiri: Gaashaandhigga iyo amniga ganacsi ma noqon karaan.
Mareykanka, wixii uu ka waday Bariga dhexe ayuu rabaa inuu ka hirgeliyo Yurub.
300 Milyan oo Carab ah ( gaar ahaan dowladaha shidaalka ) ayuu wuxuu lacag kaga qaataa inuu isaga difaaco.
Taasi, Yurub ma ka socaneysaa?

Haddii aan u soo noqdo, arrinta Somalia ee nabad ilaalinta Afrikaanka oo ay ugu horeeyaan dowladaha deriska oo iyaguba tooda la daala dhacayo, miyaa inoo ilaalinaayo guryaheenna iyo carruurteenna mise waa arrin ganacsi iyo sidii ay uga bixi lahaayeen fowdada ka jirto dalalkoodda?
Bahasha ( Siyaasadda ) waa leysku fahmay ee in yar cagta ha loo dhigo.
Haddii Siyaasaddii ay ku milmeen niman ganacsato ahaan jiray oo Siyaasiyiin isku sheegay wey dhacday, hase ahaatee Amni iyo difaac ganacsi ah; waa wax kale oo burbur hoosta ku wato.

08/08/2025

ILOWSHAHU WAA DAAWO.

Dumarka waxaa daawo u ah ilowshaha, Raggana waxaa daawo u ah Dumarka.
Haddii dumarka waxba iloowi laheyn, hooyo walba waxay dhali laheyd hal cunug oo keliya.
Cullimada cilmiga cuduradda haweenka iyo dhalmadda waxay yiraahdeen: hooyo iney cunug dhasho xanuunkeeda iyo dhiig baxeedda waxay u dhigantaa 40 lafo oo hal mar ka jabay xanuunkooda iyo dhiig baxoodda ama gubasho heerka 2aad xanuunkeeda.

Cullimadda cilmga barashadda bulshooyinka, waxay iyaguna dhaheen; aad bey u dhib badan tahay dhalmadda, waxaase ka sii dhib badan, ilmahaas dhashay wax baridooda.
Sababta keentay in dumarka ilowsho dhow yihiin waa jaceyl dartiis ayaa dad badan aaminsan yihiin.
Dadka qaar kalena, waxay aaminsan yihiin iney tahay wax ku dhisan dabeecadahooda.

08/08/2025

Caloosha waa ka caqli badan tahay maskaxda.
Taasina waxaa daliil u ah; caloosha markey maran tahay oo gaajo qabato wey u sheegtaa qofkeeda, hase ahaatee maskaxdu markey maran oo eber tahay uma sheegto saaxiibkeed.
Madaxda iyo mas'uuliyiinta Somalida waa sidii calool maran oo kale, Shacabka Somalida waa sidii maskax maran oo wareersan.

Adres

Klaproosmeen 4
Harderwijk
3844PE

Telefoon

+31622860043

Website

facebook.com

Meldingen

Wees de eerste die het weet en laat ons u een e-mail sturen wanneer Waryaa News nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.