THE PULSE

The Pulse is spearheaded by 3rd year Journalism Students from City of Malabon University.

27/12/2023

PAKINGGAN | Ang tambalang DJ Roy at Joy kasama ang buong pwersa ng The Pulse News Team sa pinakamalalaking balita sa Lungsod ng Malabon dito sa Sinag Mega Radyo.

Pakinggan at tutukan ang mga pinaka maiinit na balita sa Malabon dito sa Radyo ng THE PULSE, hatid mula sa Bachelor of Arts in Journalism 3A ng City of Malabon University.

24/11/2023

TINGNAN | Nag-umpisa ng alas dos y media ng hapon ang kompetisyon sa pakikipag-debate ng College of Arts and Sciences (CAS) na dinaluhan ng mga mag-aaral sa loob ng Audio-Visual Room (AVR) ng City of Malabon University (CMU) bilang bahagi ng mga aktibidad ng CAS Week ngayong araw ng Biyernes, Nobyembre 24.

Ang debate contest ay pinangunahan ng mga estudyante mula sa mga departamento ng Bachelor of Arts in Journalism, Bachelor of Arts in Political Science, at Bachelor of Public Administration. Narito ang ilan sa mga tema na naging sentro ng diskusyon:

• Ang Anti-Terrorism Act of 2020 ay kinakailangan para labanan ang terorismo.
• Exclusive Scholarship para sa "deserving students."
• Ang desisyon ng Pilipinas na sumang-ayon sa tawag para sa cease-fire sa Gaza, may batayan ba?

Para sa iba pang balita, bisitahin lamang ang aming page, X account, at Website, The Pulse.

via Ma. Stephanie Estrella, Danelene Gacis & Shine Hubilla

23/11/2023

TINGNAN | Kasalukuyang ginaganap sa Audio Visual Room (AVR) ang Film Showing na isa sa mga unang program para sa unang araw ng College of Arts and Sciences (CAS) Week.

Ang nasabing programa ay nagsimula kaninang ika-8 ng umaga at inaasahang matatapos mamayang alas-singko ng hapon.

Ngayong Huwebes, nauna nang ipalabas dito ang mga pelikulang “Inside Out” at “3 Idiots”.

Makikita ang mga mag-aaral mula sa CAS kung saan tutok at tila nag-eenjoy sa kanilang pinanonood. Para sa kanila, ang naturang programa ay isang magandang hakbang para mas lalong maging invested ang mga estudyante sa ginaganap ngayong CAS Week.

Para sa iba pang balita bisitahin lamang ang aming page, X account, at Website, The Pulse.

via James Karl Cacnio & Lyka Eramis

23/11/2023

HAPPENING NOW I Kasalukuyang ginaganap ang Bingo Bonanza ngayong araw ng Huwebes, Nobyembre 23, sa City of Malabon University (CMU) grounds

Nagsimula ang nasabing bingo event kaninang ala-una ng hapon, at kasalukuyan pa ring nagpapatuloy.

Para sa iba pang balita bisitahin lamang ang aming page, X account, at Website, The Pulse.

via James Karl Cacnio and Yvette Martin

23/11/2023

TINGNAN | Angking husay, talento, at kagandahan, ipinamalas ng mga kalahok mula sa College of Arts and Sciences (CAS)

Ipinagmalaki ng mga mag-aaral mula sa CAS Department ang kanilang tatas at karikitan sa isinagawang patimpalak na Ginoo at Binibining Agham at Sining 2023 na kasalukuyang ginaganap sa City of Malabon University (CMU) campus ngayong Huwebes, Nobyembre 23.

Binigyang-diin ang entablado nang may kumpiyansa, talento, at kagandahan, ang mga kalahok ng Ginoo at Binibining Agham at Sining 2023 mula sa iba't ibang kurso sa ilalim ng College of Arts and Sciences ay nagpatingkad sa unang araw ng linggo. Ang mga kursong lumahok sa nasabing patimpalak ay nagmula sa Bachelor of Arts in Journalism (BAJ), Bachelor of Arts in Public Administration (BAPA), Bachelor of Arts in Political Science (BAPS), at Bachelor of Science in Social Work (BSSW).

Ang mga pitong Binibining kandidata ay ang mga sumusunod: Patricia Tatel (BAJ-2A), Jashmine Joy Espino (BAPA-1A), Rio Desiree Agapito (BAPA-2A), Daniella Bade (BAPS-1A), Daphne Dela Pena (BAPS-1A), Melissa Gazeta (BAPS-1A), at Unice Javawon (BSSW-2B).

Ang pitong Ginoong kalahok naman ay ang mga sumusunod: Sean Eduard Suarez (BAPA-4A), Arwan Velasquez (BAPA-1A), Frank Karlo Garcesa (BAPS-2B), Richmond Rei Rosales (BAPS-1A), Raphael Benedict Daguio (BAJ-1A), Theodore James Javillo (BAJ-1A), at Daryl Panis (BSSW-2B).

Ang mga huradero naman ay sina Prof. Arsenio Waldo Bulatao; Gen Ed/ Patfit Program Head; Prof. Primo Siatan, CAS FACULTY/ Patfit Faculty; at Ms. Jocelyn Ignacio, CAS Faculty Academic Secretary.

Ang nasabing patimpalak ay nahahati sa anim na bahagi: candidate screening; sports wear; talent portion; swim wear; formal wear; at ang question and answer portion.

Ang pag-anunsyo ng koronasyon ng mga tatanghaling CAS Ginoo at Binibining Sining at Agham ay sa ika-25 ng Nobyembre, alas-singko hanggang alas-siyete ng gabi.

Para sa iba pang balita bisitahin lamang ang aming page, X account, at Website, The Pulse.

via Ryan Jhonsen Rotugal | The Current

23/11/2023

TINGNAN | Opisyal nang pinasinayaan ang College of Arts and Sciences (CAS) Week ng City of Malabon University sa pamamagitan ng isang Parade Event ngayong Huwebes, Nobyembre 23

Pinangunahan ito ng mga mag-aaral mula sa Bachelor of Arts in Journalism (BAJ), Bachelor of Arts in Public Administration (BAPA), Bachelor of Arts in Political Science (BAPS), at Bachelor of Science in Social Work (BSSW).

Kasama sa nasabing parada ang mga kandidatong lalahok sa Ginoo at Binibining Agham at Sining 2023 suot ang kanilang sportswear.

Para sa iba pang balita bisitahin lamang ang aming page, X account, at Website, The Pulse.

via Kaye Eugenio

04/11/2023

PANOORIN | Traffic update sa Rizal Avenue Extension nitong Sabado ng hapon kaugnay sa isinasagawang road reblocking ng DPWH at Stop and Go Traffic scheme na ipinatutupad sa lugar.

Ulat ni Rowena Camus.

Para sa iba pang mga balita, bisitahin lamang ang aming page, X account, at Website, The Pulse.

04/11/2023

BASAHIN | Special Program For Employment of Students (SPES), inilulunsad sa Malabon

Sa ilalim ng pamumuno ni Malabon City Mayor Jeannie Sandoval, ipinatutupad ang Special Program For Employment of Students o mas kilala sa tawag na SPES, upang magamit sa kanilang pag-aaral at magbigay pag-asa sa mga mag-aaral na Malabueños.

Ito ay isang programa para sa mga mag-aaral ng Malabon, pati na rin sa mga out-of-school youth na nasa edad na 15-25 taong gulang. Naglalayon itong magbigay ng tulong pinansyal na magtataguyod sa kanilang pag-aaral at para sa iba pa nilang mga pangangailangan.

Para sa ibang katanungan at updates ukol dito, maaaring magtungo sa Malabon Ahon Page.

Para sa iba pang mga detalye, bisitahin lamang ang aming page, X account, at Website, The Pulse.

04/11/2023

"TARA, CAPECAMUNA" ☕

Hanap mo ba ang masarap na kapehan na swak sa budget mo?

Tara na sa Capecamuna sa Island Park, Letre, Malabon City! Dito, hindi ka lang basta makakainom ng kape, kundi mae-enjoy mo pa ang kakaibang dining experience dahil nakatayo ito sa isang bisikleta. Dahil dito, mas lalong pinasarap ang pag-iinuman kasama ang paboritong kape!

Para sa mga nais subukan ang CAPECAMUNA narito ang mga Branches at kanilang Store Hours:
Sangandaan Bazaar - 9:00 am to 9:00 pm
Island Park, Letre - 2:00 pm to 9:30 pm
AZF, Tonsuya - 2:00 pm to 9:30 pm

Para sa iba pang detalye, bisitahin lamang ang aming page, X account, at Website, The Pulse.

via Dominic Santos, Kaye Eugenio, Christine Marish Rivera, and Lalaine Marzan

04/11/2023

TRAFFIC ADVISORY | As of 5:52 PM, mabigat pa rin ang daloy ng trapiko sa kahabaan ng Rizal Avenue Extension ngayong Sabado, Nobyembre 4

Para sa iba pang detalye, bisitahin lamang ang aming page, X account, at Website, The Pulse.

via Laarni Bandala, Piel Fuentes, and Rowena Camus

04/11/2023

BASAHIN | Matagumpay nang naipamahagi sa mahigit 51,638 na pamilyang Malabueños ang Malabon Ahon Blue Cards sa pamumuno ni City Mayor Jeannie Sandoval

Mula sa target nitong 94,000 household, naipamigay na sa lungsod ang mahigit 50% ng Malabon Ahon Blue Cards na isa sa mga proyekto ni Sandoval mula pa nang ito ay mahalal bilang alkalde ng lungsod.

Ang Malabon Ahon Blue Card ay layuning makapagbigay ng abot-kamay na serbisyo o tulong upang mas mapadali ang proseso sa pagtanggap ng mga benepisyo, gaya ng medikal at pinansyal, para sa mga taga-Malabon.

Para sa iba pang detalye, bisitahin lamang ang aming page, X account, at Website, The Pulse.

Adres

Philippine

Website

https://thepulseupdates.wixsite.com/thepulse

Meldingen

Wees de eerste die het weet en laat ons u een e-mail sturen wanneer THE PULSE nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.