Sāhibain Akhawain Al-Ashariy Al-Shafi'iy

Sāhibain Akhawain Al-Ashariy Al-Shafi'iy Contactgegevens, kaart en routebeschrijving, contactformulier, openingstijden, diensten, beoordelingen, foto's, video's en aankondigingen van Sāhibain Akhawain Al-Ashariy Al-Shafi'iy, Philippine.

Mataan a di nka khatoro (hay Mohammad) so taw a khabayaan ka ogaid na so Allāh na thoroon Iyan so taw a khabayaan Iyan, a Skaniyan i lbi a Matao ko manga taw a miangatotoro
Al-Qasas

𝐒𝐨 𝐌𝐚'𝐚𝐧𝐚 𝐨 𝐤𝐚𝐭𝐚𝐠𝐚 𝐚 𝐃𝐚̄'𝐞𝐲:مهتد بنفسه أو مهتد بما يدعو إليه:
25/09/2024

𝐒𝐨 𝐌𝐚'𝐚𝐧𝐚 𝐨 𝐤𝐚𝐭𝐚𝐠𝐚 𝐚 𝐃𝐚̄'𝐞𝐲:
مهتد بنفسه أو مهتد بما يدعو إليه:

25/09/2024

𝐓𝐈𝐓𝐇𝐎 𝐀 𝐒𝐀𝐁𝐀𝐏 𝐎 𝐊𝐈𝐘𝐀𝐃𝐀𝐑𝐎𝐃𝐎𝐒 𝐎 𝐏𝐀𝐑𝐀𝐓𝐈𝐘𝐀 𝐎 𝐌𝐆𝐀 𝐌𝐔𝐒𝐋𝐈𝐌.

مَثَلُ الْقَائِمِ عَلَى حُدُودِ اللَّهِ وَالْوَاقِعِ فِيهَا كَمَثَلِ قَوْمٍ اسْتَهَمُوا عَلَى سَفِينَةٍ، فَأَصَابَ بَعْضُهُمْ أَعْلاَهَا وَبَعْضُهُمْ أَسْفَلَهَا، فَكَانَ الَّذِينَ فِي أَسْفَلِهَا إِذَا اسْتَقَوْا مِنَ الْمَاءِ مَرُّوا عَلَى مَنْ فَوْقَهُمْ فَقَالُوا لَوْ أَنَّا خَرَقْنَا فِي نَصِيبِنَا خَرْقًا، وَلَمْ نُؤْذِ مَنْ فَوْقَنَا‏.‏ فَإِنْ يَتْرُكُوهُمْ وَمَا أَرَادُوا هَلَكُوا جَمِيعًا، وَإِنْ أَخَذُوا عَلَى أَيْدِيهِمْ نَجَوْا وَنَجَوْا جَمِيعًا ‏

Miyaka thitayan ko No'man bin Bashier (Radhiallaho 'Anho) a pitharo o Nabi (Sallallaho 'Alaihi Wasallam), "Aya ibarat o manga tao a inggogolalan niran so manga takes o Allah go so manga tao a pezopaken niran na lagid angkoto a manga tao a mida sangkoto a kapal. Mida so saba-ad sa poro na so saba-ad na si-i sa baba. Na aya betad angkoto a manga tao sa baba na igira maginom siran sa ig na pezagadan niran so manga tao sa poro. Pitharo iran, 'Opama ka lebowi tano angka-iya a kapal sangka-iya a darepa tano ron na di tano pekharimpasan angkanan na manga tao ko atag tano'. O di ran (a manga tao sa poro) sapari angkoto a manga tao sa baba ko nganin a kabaya iran na palaya siran khabinasa-an, na o kasapari ran na palaya siran phakaselang sa maliwanag."

[Sahih al-Bukhari, 2493 In-Book Reference: Book 47, Hadith 11 | Jami` at-Tirmidhi, 2173 In-Book Reference: Book 33, Hadith 16]

Sangka-iya a masa imanto na so manga Muslim na mi-aawid iran a akal a kiyandarodos angka-iya Ummah, na madakel den a miyapikir iran a ipageren sangka-iya a kandarodos, ogaid na da iran pamikira o antona-ai bekaw angka-iya kiyadarodos.

Da iran mapento phiya-piya so titho a sabap angka-iya a kiyadarodos o paratiyaya ago paparangayan tano, balabao ron a so titho a bolong iyan na miyatharo den o Allah ago so Nabi (Sallallaho 'Alaihi Wasallam).

Tanto a piyakarata-rata sa ginawa a sabap ko kiyaribat o pana-awil, na miyaribat so inibolongon sa baden kiyalabawan a kiyadarodos o Umınah, ped ro-o so kinidarainonen ko Tabligh.

ᴬʸᵃ ᵐᵃᵗᵃ-ᵃⁿ ⁿᵃ ᵃʸᵃ ᵇᵉᵏᵃᵒ ᵒ ᵏⁱʸᵃᵈᵃʳᵒᵈᵒˢ ᵗᵃⁿᵒ ⁿᵃ ᵏᵉⁿᵃ ᵇᵃ ᵍⁱʸᵃ ᵇᵒ ᵃ ᵈᵃ ᵗᵃⁿᵒ ᵏᵃˢⁱʸᵃᵖᵃ ᵏᵒ ᵍᵃˡᵉᵇᵉᵏ ᵃ ᵀᵃᵇˡⁱᵍʰ ᵏᵃ ᵈⁱ ᵗᵃⁿᵒ ᵖᵉⁿ ᵖᵃᵍᵒᵍᵒᵖᵃⁿ ˢᵒ ˢⁱʳᵃⁿ ᵃ ᵖⁱᵗʰᵒᵐᵃⁿᵍᵏᵉᵈᵃⁿ ⁿⁱʳᵃⁿ ᵃⁿᵍᵏᵃ-ⁱʸᵃ ᵃ ˢᵒᵗⁱ ᵃ ᵍᵃˡᵉᵇᵉᵏ.

[𝐒𝐡𝐢𝐞𝐤𝐡 𝐮𝐥 𝐇𝐚𝐝𝐢𝐭𝐡 𝐌𝐚𝐮𝐥𝐚𝐧𝐚 𝐌𝐮𝐡𝐚𝐦𝐦𝐚𝐝 𝐙𝐚𝐤𝐚𝐫𝐢𝐲𝐚 𝐛𝐢𝐧 𝐘𝐚𝐡𝐲𝐚 𝐀𝐥-𝐊𝐚𝐧𝐝𝐚𝐡𝐥𝐚𝐰𝐢 𝐫𝐡. | 𝐅𝐚𝐝𝐚𝐞𝐥 𝐞 𝐀'𝐦𝐚𝐥]

13/09/2024

𝐃𝐎𝐖𝐀 𝐊𝐀 𝐊𝐋𝐀𝐒𝐈 𝐒𝐎 𝐓𝐀𝐎 𝐀 𝐆𝐈𝐈 𝐌𝐀𝐍𝐀𝐏𝐀𝐑 𝐒𝐀 𝐌𝐀𝐑𝐀𝐓𝐀 𝐆𝐀𝐋𝐁𝐊;

1️⃣𝐏𝐚𝐠𝐚𝐧𝐚𝐲 𝐫𝐨𝐧 𝐧𝐚 𝐭𝐢𝐠 𝐢𝐲𝐚𝐧 𝐚: "𝐃𝐢 𝐤𝐚 𝐬𝐚𝐚𝐧 𝐬𝐡𝐮𝐧𝐠 𝐬𝐚 𝐥𝐚𝐥𝐚𝐧 𝐚𝐧𝐚𝐧 𝐤𝐚 𝐦𝐚𝐥𝐢𝐛𝐮𝐭𝐧𝐠".

2️⃣𝐈𝐤𝐚𝐝𝐨𝐰𝐚 𝐧𝐚 𝐭𝐢𝐠 𝐢𝐲𝐚𝐧 𝐚: "𝐒𝐮𝐥𝐨-𝐚𝐧 𝐚𝐤𝐧 𝐫𝐤𝐚 𝐚 𝐥𝐚𝐥𝐚𝐧 𝐚𝐧𝐚𝐧 𝐚𝐧 𝐦𝐚𝐤𝐚𝐥𝐢𝐰𝐚𝐧𝐚𝐠".

Datar iyan dn mambu so kasapar sa Haram go piyakasisingai a galbk datar; o kapamankkhaw, kaplalalim, kapamuno, kapamukhag ago salakaw saan.

1.) Tig o paganay a klase a panapar: "𝗦𝗼 𝗸𝗮𝗽𝗮𝗺𝗮𝗻𝗸𝗵𝗮𝘄 𝗻𝗮 𝗛𝗮𝗿𝗮𝗺"

2.) Tig o ikadowa a klase a panapar: "𝗦𝗼 𝗸𝗮-𝗸𝗮𝗼𝘆𝗮𝗴𝗮𝗻 𝘀𝗮 𝘀𝗮𝗿𝗶𝗹𝗶 𝗻𝗮 𝗸𝗶𝘀𝗮𝗽𝗮𝗿 𝗶𝘆𝗮𝗻 𝗿𝗸𝗮 𝘀𝗼 𝗸𝗮𝗽𝗮𝗺𝗮𝗻𝗸𝗵𝗮𝘄"

ikadowa ibarat:
Tig o paganay a klase a panapar: "So kibagakn ko sambayang na Dusa a mala".

Tig o ikadowa a klase a panapar: "So kasiyapa ko Sambayang siiko suld o 4O gawii raks a prawtn iyan so paganay a Takbir o Imam na phakalidas sa dowa kapakalidas; phakalidas ko apoy ko Naraka Jahannam ago phakalidas ko Kamumunafiqi.

𝐍𝐚 𝐬𝐨 𝐢𝐤𝐚𝐝𝐨𝐰𝐚 𝐤𝐚-𝐤𝐥𝐚𝐬𝐢 𝐚 𝐭𝐚𝐨 𝐚 𝐩𝐡𝐚𝐧𝐚𝐩𝐚𝐫 𝐧𝐚 𝐬𝐚 𝐦𝐚𝐬𝐚 𝐢𝐦𝐚𝐧𝐭𝐨 𝐧𝐚 𝐦𝐚𝐬 𝐦𝐚𝐥𝐚-𝐢 𝐫𝐚𝐫𝐚𝐝 𝐤𝐨 𝐦𝐠𝐚 𝐭𝐚𝐨, 𝐚𝐝𝐢 𝐬𝐨 𝐩𝐚𝐠𝐚𝐧𝐚𝐲 𝐚 𝐤𝐥𝐚𝐬𝐢 𝐚 𝐩𝐡𝐚𝐧𝐚𝐩𝐚𝐫.

Pitharo o Allāh s.w.t. sa Qurān:
ٱدۡعُ إِلَىٰ سَبِيلِ رَبِّكَ بِٱلۡحِكۡمَةِ وَٱلۡمَوۡعِظَةِ ٱلۡحَسَنَةِۖ وَجَٰدِلۡهُم بِٱلَّتِي هِيَ أَحۡسَنُۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ.
Panolon ka (hay Moham-mad) ko lalan ko Kadnan ka sa 𝐧𝐠𝐠𝐨𝐥𝐚𝐥𝐚𝐧 𝐬𝐚 𝐨𝐧𝐠𝐚𝐧𝐠𝐞𝐧 𝐚𝐠𝐨 𝐭𝐡𝐨𝐦𝐚 𝐚 𝐦𝐚𝐩𝐢𝐲𝐚 mapia, na pakiphawala ka kiran sa mapia, mataan a so Kadnan ka na Skaniyan i lawan a Matao ko taw a miadadag ko lalan iyan, ago Skaniyan i lawan a Matao ko manga taw a miangatotoro.
An-Nahl | Surah 16 verse 125

Aden a gi-i mangosiyat a tanto niyan a piyamakasakit so katharo iyan ko 𝐊𝐇𝐀𝐋𝐈𝐅 𝐀 𝐌𝐀'𝐌𝐔𝐍-𝐔𝐋 𝐑𝐀𝐒𝐇𝐈𝐃. Pitharo iyan non, "Pagadati ako ngka ago paka-inaya ngka raken so katharo-o ka raken, ka so Pir-aon na sobra raken sa karata, go so Nabi Musa ('Alaihis Salaam) na maporo-i daradat a di seka, ogaid na kagiya sekaniyan ago so Haroon ('Alaihis Salaam) na sogo-on siran ko Pir'aon, na pitharo kiran o Allah:
فَقُولَا لَهُۥ قَوۡلٗا لَّيِّنٗا لَّعَلَّهُۥ يَتَذَكَّرُ أَوۡ يَخۡشَىٰ.
Na tharo kano ron sa katharo a 𝐦𝐚𝐧𝐚𝐧𝐚𝐰 ka kalokalo na skaniyan na makapananadm odi na malk (ko Kadnan iyan).
Taa-Haa | Surah 20 verse 44.

𝚈𝚊 𝙰𝚕𝚕𝚊𝚑 𝚙𝚊𝚔𝚒𝚖𝚋𝚊𝚐𝚒𝚊𝚗 𝚔𝚊 𝚛𝚔𝚊𝚖𝚒 𝚜𝚘 𝚖𝚐𝚊 𝙸𝚕𝚖𝚘 𝚊 𝚊𝚍𝚗 𝚊 𝚘𝚗𝚐𝚊𝚗𝚐𝚎𝚗 𝚗𝚞𝚗.

09/09/2024

𝐀𝐃𝐀𝐓 𝐊𝐎 𝐊𝐀𝐏𝐀𝐆𝐀𝐍𝐀𝐃 𝐀𝐆𝐎 𝐒𝐎 𝐌𝐆𝐀 𝐔𝐋𝐀𝐌𝐀

Si-i sangka-iya pinto, na kabaya aken a aden a mipalad aken ko kalangowan o Muslim ka o ba kalo-kalo na katokawan niran so okit a kaphagadati ko manga Olama ago so gi-i mamanolon ko Islam.

Imanto na kalalayaman a aden a da-a kaphapasodan niyan a rata a ginawa ago kagowad iran ko gi-i mamanolon ago so aden a manga sabot iyan a manga tao sangka-iya a Ummat; Tantowa-i a phakakaid si-i sa kailay o Agama. Si-i ko omani sagorompong ago omani paganadan sangka-iya a donya, na aden a matatago-on a manga pipiya ago manga rarata-i ongar a manga tao; na o aden a da mapira katao a marata-i ongar a ped ko manga Olama na kena ba piyakamemesa.

Dowa timan a thanodan si-i. Paganay ron na, di khapakay o ba ngka phagaranganen (sa marata) so parangay o tao, taman sa da-a mabager a karina-on.

Pitharo o Allah sa Qur'an:
وَلَا تَقۡفُ مَا لَيۡسَ لَكَ بِهِۦ عِلۡمٌۚ إِنَّ ٱلسَّمۡعَ وَٱلۡبَصَرَ وَٱلۡفُؤَادَ كُلُّ أُوْلَٰٓئِكَ كَانَ عَنۡهُ مَسۡـُٔولٗا
"Go di ngka pethindegi so da-a kata-o ngka on. Mata-an a so kaneg, go so kailay, go so poso, na omani isa kiran na khaiza-an."
[Surah Bani Israel:36]

Marayag a tanto a di kaontol o taplisa ngka so (mapiya a) pando-an o sakatao a gi-i manolon, sabap bo sa aden a kazasangkaon o ginawa ngka a da a amadan niyan.

So manga Yahodi na initogalin niran so Manga Kitab iran sa basa Arab, go lalayon a kapembatiya-a iran non ko manga Muslim; ogaid na so Nabi (Sallallaho 'Alaihi Wasallam) na masanggila o ba aden a ipangona- kona niyan a lalag pantag sangkanan sa miyatharo iyan, "Hay manga Muslim! Di niyo thangkeda so kabebenar o gi-i ran tharo-on na di niyo peman thaplisa.

Ba niyo den tharo-a: "Saden sa initoron o Allāh na paparatiyaya-an nami." Aya ma-ana niyan, na inisapar iyan so kasopaka ko apiya so tothol o da pamaratiyaya a di kao-ontamadan". Ogaid na miyasorang angka-iya a tapaos, sa pethaplisen tano so manga pando-an o gi-i mamanolon a miyasopak iyan so manga kabaya tano a ginawa, a daden a khida-owa tano ron, sa gi-i tano siran phapakaito-on apiya katawan tano a siran na phipiya-piya.

Isa pen a thakiken niyo sa pamikiran niyo na so manga Phipiya-piya a manga Olama ago Gi-i Mamanolon ko inged iyo na manga manosiya siran mambo, sa misabap ro-o na aden mambo a pa-awing iran. So onga o Amaal iran a mapiya go marata na si-i kiran bo pethagorar go so samporna a kapagitong na rek o Allāh, ogaid na phangenin aken a sabap ko Kapedi Iyan ago so kala Iyan i gagao, na rila-an Niyan siran langon sabap sa aya den a pinggalebek iran na so kiphagawiden niran a akal ko Agama Niyan ago so Paratiyaya a piromasayan niran ko tenday o kaoya-goyag iran.

Aya kakampet iyan, melagid o giyabo a kapethago-i sa sangka-an so atay ago kagowad ko siran a gi-i mamanolon, o di na pakalangkapen [so pa-awing iran] ko manga ped a tao, na kha-awat iyan so tao ko Agama ago aya khasabapan sa mala a kamboko a bagi-an o siran a miyangeped sangka-iya ola-ola.

So Nabi (Sallallaho 'Alaihi Wasallam) na miyatharo iyan:
إِنَّ مِنْ إِجْلالِ اللَّهِ تَعَالَى: إِكْرَامَ ذِي الشَّيْبةِ المُسْلِمِ، وَحَامِلِ الْقُرآنِ غَيْرِ الْغَالي فِيهِ والجَافي عَنْهُ، وإِكْرَامَ ذِي السُّلْطَانِ المُقْسِطِ
(ترغيب عن البو داؤد)
"Mata-an a ped ko pemamasela-an [sa kailay) o Allah na so kapagadati ko minitolod a omor iyan a Muslim, go so ipephangenda-o niyan ago gi-i niyan ipanolon so Qur'an a da niyan panongkiri, go so datu a maontol."
[Targhib]

Sakamaoto mambo a giyangka-iya pagalowin a manga katharo o Nabi (Sallallaho 'Alaihi Wasallam) na si-i niyan reketano pitharo:
ليس منَّا مَنْ لم يُجِلَّ كبيرَنا ، ويرحمْ صغيرَنا ! ويَعْرِفْ لعالِمِنا حقَّهُ
"Di ped ko Ummat aken so tao a di niyan phagadatan so manga toto-a rekami go di niyan iphangalimo so manga kangoda-an rekami, go di niyan phagadatan so manga Olama ami."
[Targhib]

حدثني والدي، عن جدي، عن النبي صلى الله عليه وسلم قال: ثلاثة لا يستخف بهم إلا منافق بين نفاقه: ذو شيبة في الإسلام، ومعلم الخير، وإمام عادل.
Miyaka thitayan ko Abi Umamah (Radhiallaho 'Anho) a pitharo o Rasulollāh (Sallallaho 'Alaihi Wasallam), "Telo a da a phakarao phapakaito kiran a telo inonta so 1.Munafiq:
2.so minitolod a omor iyan a Muslim,
3.so manga Olama, ago so Maontol a Datu."
[Targhib]

So Nabi (Sallallaho 'Alaihi Wasallam) na miyatharo iyan pen, "Telo a ipekhalek aken a karibatan o manga Ummat aken: Paganay ron, na sabap ko kaphakala o kalbihan ago kasibi-sibiyan sa donya, na pezisi-iga siran; ika dowa, so gi-i kapagosaya ko Qur'an na tanto a pendakel sa apiya so da-a sabot iran na tharima-an niran a katawan niran so manga ma'ana o Qurān, minsan pen kadakelan ko ma'ana niyan na da a zaboton inonta so siran a manga Olama sangkanan a Kitab, a siran so gi-i tharo sa, 'Tarotop so paratiyaya mi rekaniyan [a Qur'an], a giyangkanan na pho-on ko Allah', sa anda taman-i kapakaphananggila o siran a kalilid a tao; ika telo, na so manga Olama na thaplisen siran ago di siran phagadatan phiya-piya."
[Targhib]

Madakel a lagida-i a manga Hadith a miyato-on ko manga kitab a Hadith. Miya-aloy ko "Fatwa Alamgiri" a so manga rarata a katharo a itatakay ko manga Olama ko Islam o manga tao a da a sabot iran sa imanto a masa na khabinasa-an niyan so paratiyaya iran. Giyoto-i sabap a so manga tao na pananggila-i ran angka-iya manga katharo. Ibetad ta pasin sa daden a titho ago ikhlas a manga 'Olama ko Islam sangka-iya donya (sa aya ndakel na so manga baradosa a manga tao), na apiya mao to den na daden a khakowa-on a mapiya sa kapethakay kiran sa manga rarata a Olama. Aya mata-an na atas tanggongan o omani Muslim a kapaka-mbaal iran sa satiman a ompongan ko Islām a khasabapan sa kambowatan a manga tao a penggalebek ko Islam sa Ikhlas. Aya bo a kapakasarig tano na amay ka makatindeg so lagidanan a ompongan.

Benar a aden a lalayon di kambida-bidaan o manga pana-awil o manga Olama pantag ko malobay a kepit, sa kena ba kiran noto patot a iphapakaito. Aden a Hadith a pitharo iyan,
"So Nabi (Sallallaho 'Alaihi Wasallam) na inibegay niyan so mbala a talompa iyan ko Abu Hurairah (Radhiallaho 'Anho) na miyatharo iyan non, Awidi ngka angka-iya a mbala a talompa aken a tanda, sa pakalangkapa ngka ko manga Muslim a saden sa tharo-on niyan so Laa Ilaaha Illallah, Muhammadur Rasulollah' ko piyaganakan-akan o poso iyan, na phakasoled sekaniyan ko Sorga." So Hazrat Umar (Radhiallaho 'Anho) na miyabalak iyan so Abu Hurairah (Radhiallaho 'Anho) sangkoto a lalan na iniza-an niyan o anda zong. Pitharo iyan non so katharo o Nabi (Sallallaho 'Alaihi Wasallam), na kiyararangitan so Umar (Radhiallaho 'Anho), sabap sa da ro-o maka-ayon sangkoto a pamikiran, giyoto-i sabap a miyatephi iyan a rareb o sosogo-on, na miyaothang sekaniyan. Ogaid na da a miyararangit ko Umar (Radhiallaho 'Anho), go da a mizabek rekaniyan sabap sangkoto a kiyapaka-mbida o pamikiran. Madakel a kiyazosopaka-an o manga Sahabah a pamikiran na si-i ko oriyan niran na so peman so pat a Imaam o manga Fuqahah a miyakazosopaka mambo siran ko manga i-ito a osayan.

Madakel a kiyazosopaka-an o pat a Imaam pantag ko Sambayang; saken a manga dowa gatos a katawan ko ron, ogaid na kena ba aya ma-ana ini na so phagonot kiran na ba siran makazangka ko paratiyaya o ped iran (a khekepit ko salakao a Madhab), sa italo o isa ko ped iyan a 'Kafir'. Aya mata-an na so kalilid a tao na di ran katawan so manga i-ito a nganin a di phagayonan a panarima manga Olama. Giyangka-iya kiyazosopaka-an na limo a di katawan. Aya mata-an na so siran a manga pipiya a gi-i manolon ago magi-Ikhlas a oripen o Islām na di ran thago-an sa kipantag so manga i-ito a nganin [a di phagayonan], ka aya awid iran a akal na anda manaya-i katoro o manga tao ko Lalan a Ontol.

Katawan tano a so manga doctor a mbida-bida siran sa pamikiran (ko melagid a sakit) sakamaoto mambo so manga abogado a mbida-bida siran sa pando-an, ogaid na so manga tao na da iran noto baloya a balamban sa itataros iran den so kapezong iran ko manga doctor ago so manga abogado.

Ogaid na so peman so manga tao a da a sabot iran, go maliget a begatan, na biyaloy ran so kiyapaka-mbida-bida sa pamikiran a sabap a kapezopaka iran ko manga Olama. Naino ka minipaliyogat ko omani Muslim so kapamamakinega iran ko manga Olama ko Qur'an, a patot a kapagadati ran non ago patot so kakenala iran non a siran [a manga Olama] na aya titho a phagokit ko Sunnah, go paliyogaton a kapananggila-i niyan o ba aden a nggalebeken niyan a isopak iyan ko manga Olama.. So mambo so manga Olama ko Islam na paliyogat kiran a katatanodi ran sangka-iya katharo o Nabi (Sallallaho 'Alaihi Wasallam) ago so kinggolalanen niran non; "Ilang a kata-o so kimbitiyara-in ko manga tao a di kiran mapapatot."

Sangka-iya a marzik a masa, a apiya so manga Sogo-an o Allāh go so manga katharo o Nabi (Sallallaho 'Alaihi Wasallam) na di pen gi-i phapa-awingen, na di aken iphamemesa opama ka so osiyat o manga Olama na di phamakinegen go so Qurān na di pagonotan. Pitharo o Allah sa Qur'an:
وَمَن يَتَعَدَّ حُدُودَ اللّهِ فَأُوْلَئِكَ هُمُ الظَّالِمُونَ
( البقره - ٢٢٩)
"Sa tao a lawanan niyan so manga tamana o Allāh na siran man so manga darowaka." [Surah Al-Baqarah:229]

[𝐒𝐡𝐢𝐞𝐤𝐡 𝐮𝐥 𝐇𝐚𝐝𝐢𝐭𝐡 𝐌𝐚𝐮𝐥𝐚𝐧𝐚 𝐌𝐮𝐡𝐚𝐦𝐦𝐚𝐝 𝐙𝐚𝐤𝐚𝐫𝐢𝐲𝐚 𝐛𝐢𝐧 𝐘𝐚𝐡𝐲𝐚 𝐀𝐥-𝐊𝐚𝐧𝐝𝐚𝐡𝐥𝐚𝐰𝐢 𝐫𝐡. | 𝐅𝐚𝐝𝐚𝐞𝐥 𝐞 𝐀'𝐦𝐚𝐥]

09/09/2024

𝐒𝐎 𝐆𝐎𝐍𝐀 𝐎 "𝐈𝐊𝐇𝐋𝐀𝐒" (𝐊𝐀𝐓𝐇𝐎𝐋𝐀𝐁𝐎𝐒) 𝐊𝐋 𝐊𝐀𝐓𝐇𝐀𝐁𝐋𝐈𝐆𝐇
(𝑆𝑖𝑓𝑎𝑡 𝑎 𝐷𝑎'𝑖𝑦 #4)

Piyaka-ibet-ibet aken mangeni ko gi-i mamanolon a pakaphasoda iran so manga katharo iran, go so manga ipendaptar iran, go so manga galebek iran ko Ikhlas.
𝐀𝐩𝐢𝐲𝐚 𝐬𝐨 𝐦𝐚𝐢𝐭𝐨 𝐚 𝐠𝐚𝐥𝐞𝐛𝐞𝐤 𝐧𝐚 𝐭𝐚𝐧𝐭𝐨 𝐚 𝐦𝐚𝐥𝐚 𝐚 𝐛𝐚𝐥𝐚𝐬 𝐚 𝐢𝐦𝐛𝐞𝐠𝐚𝐲 𝐫𝐨𝐧 𝐀𝐥𝐥𝐚𝐡 𝐚𝐦𝐚𝐲 𝐤𝐚 𝐦𝐚𝐤𝐚𝐩𝐡𝐚𝐬𝐨𝐝 𝐤𝐨 𝐈𝐤𝐡𝐥𝐚𝐬, 𝐤𝐚 𝐨 𝐦𝐚𝐝𝐚 𝐬𝐨 𝐈𝐤𝐡𝐥𝐚𝐬 𝐧𝐚 𝐝𝐚𝐝𝐝𝐧 𝐚 𝐤𝐡𝐚𝐩𝐚𝐫𝐨𝐥𝐢 𝐫𝐨𝐧 𝐚 𝐛𝐚𝐥𝐚𝐬 𝐬𝐚 𝐝𝐨𝐧𝐲𝐚 𝐨 𝐝𝐢 𝐧𝐚 𝐬𝐚 𝐀𝐤𝐡𝐢𝐫𝐚𝐭.
إنَّ الله لا ينظر إلى صوركم، ولا إلى أموالكم، ولكن ينظر إلى قلوبكم وأعمالكم
Pitharo o Nabi (Sallallaho 'Alaihi Wasallam), "Mata-an a di pagilain o Allah so manga bontal iyo, go so manga tamok iyo, ogaid na aya phagilain Niyan na so manga poso iyo ago so manga galebek iyo."
[Mishkat]

Si-i ko isa a masa na iniza-an so Nabi (Sallallaho 'Alaihi Wasallam) o antona-ai ma-ana o Imaan, na aya minisembag iyan na, "Aya ma-ana niyan na Ikhlas."

So Hazrat Ma'az (Radhiallaho 'Anho) na aya biyaloy a olowan sa Yemen. So kangganat iyan, na miyangeni sekaniyan sa pando-an ko Nabi (Sallallaho Alaihi Wasallam), na pitharo iyan, "Pag-Ikhlas ka ko langowan o paratiyaya ngka go so manga galebek ka, Sabap sa mapakaphagomareg iyan so balas o manga pipiya Amaal ka." Si-i ko isa a Hadith na pitharo iyan, "Aya bo a tharima-an o Allah a 'Amaal o oripen Niyan na so miniphasod sa tolabos si-i Rekaniyan."

أنا أغنى الشركاء عن الشرك، من عمل عملا أشرك فيه معي غيري، تركته وشركه من عَمِلَ عَمَلًا أَشْرَكَ فيه و في رِوَايَةٍ فَأَنَا مِنْهُ بَرِئُ فَهُوَ لِلَّذِي عَمِلَهُ.
Si-i ko isa a Hadith na pitharo o Allah, "Da den a kailangan Aken a sakotowa ko ipephamanakoto. Saden sa tao a magamal a aden a inisakoto niyan non a salakao Raken na tiyaples Aken angkoto a 'Amaal ko inisakoto niyan Raken." Si-i ko isa a kiyapanotholaon na. "Na saken na angiyas Ako den ko Amaal iyan." Miya-aloy pen ko isa a Hadith a phakalangkapen ko Gawi-i a Kaphangokom: "Saden sa aden a inisakoto niyan ko Allah ko 'Amaal iyan, na sekata niyan sangkoto a inisakoto niyan ko Allah so balas iyan, ka so Allah na da a kailangan Niyan a sakotowa."

Isa a Hadith a pitharo iyan:
من صَلَّى يُرَائِي فَقَدْ أَشْرَكَ وَمَنْ صَامَ يُرَائِي فَقَدْ أَشْرَكَ وَمَنْ تَصَدَّقَ يُرَائِي فَقَدْ أَشْرَكَ.

"Sa tao a zambayang sa kapaki- ilaylain na sabenar a miyakapanakoto, go sa tao a phowasa sa kapaki-ilaylain na sabenar a miyakapanakoto, go sa tao a zadqah sa kapaki- ilaylain na sabenar a miyakapanakoto."
[Mishkat]

So kapakasogok sa kapanakoto na aya ma-ana niyan na da niyan matolabos angkoto a mapiya galebek iyan sa aya bo a pezoa-soatan niyan non na so Allah, sabap sa so kiyapaki-ilain niyan non ko manga tao a antap sa kakhowa-a niyan ko babaya a ago kasoso-at iran, na giyoto-i kinisakoto niyan ko Allah sa maito.

Aden a isa a Hadith a lagida-i a ma-ana niyan:
إِنَّ أَوَّلَ النَّاسِ يُقْضَى يَوْمَ الْقِيَامَةِ عَلَيْهِ رَجُلٌ اسْتُشْهِدَ، فَأُتِيَ بِهِ فَعَرَّفَهُ نِعَمَهُ فَعَرَفَهَا، قَالَ: فَمَا عَمِلْتَ فِيهَا؟ قَالَ قَاتَلْتُ فِيكَ حَتَّى اسْتُشْهِدْتُ، قَالَ: كَذَبْتَ، وَلَكِنَّكَ قَاتَلْتَ لِأَنْ يُقَالَ: جَرِيءٌ، فَقَدْ قِيلَ، ثُمَّ أُمِرَ بِهِ فَسُحِبَ عَلَى وَجْهِهِ حَتَّى أُلْقِيَ فِي النَّارِ. وَرَجُلٌ تَعَلَّمَ الْعِلْمَ وَعَلَّمَهُ وَقَرَأَ الْقُرْآنَ، فَأُتِيَ بِهِ، فَعَرَّفَهُ نِعَمَهُ فَعَرَفَهَا، قَالَ: فَمَا عَمِلْتَ فِيهَا؟ قَالَ: تَعَلَّمْتُ الْعِلْمَ وَعَلَّمْتُهُ، وَقَرَأْتُ فِيكَ الْقُرْآنَ، قَالَ: كَذَبْتَ، وَلَكِنَّكَ تَعَلَّمْتَ الْعِلْمَ لِيُقَالَ: عَالِمٌ، وَقَرَأْتَ الْقُرْآنَ لِيُقَالَ: هُوَ قَارِئٌ، فَقَدْ قِيلَ، ثُمَّ أُمِرَ بِهِ، فَسُحِبَ عَلَى وَجْهِهِ حَتَّى أُلْقِيَ فِي النَّارِ. وَرَجُلٌ وَسَّعَ اللَّهُ عَلَيْهِ، وَأَعْطَاهُ مِنْ أَصْنَافِ الْمَالِ كُلِّهِ، فَأُتِيَ بِهِ، فَعَرَّفَهُ نِعَمَهُ فَعَرَفَهَا، قَالَ: فَمَا عَمِلْتَ فِيهَا؟ قَالَ: مَا تَرَكْتُ مِنْ سَبِيلٍ تُحِبُّ أَنْ يُنْفَقَ فِيهَا إِلَّا أَنْفَقْتُ فِيهَا لَكَ، قَالَ: كَذَبْتَ، وَلَكِنَّكَ فَعَلْتَ لِيُقَالَ: هُوَ جَوَادٌ، فَقَدْ قِيلَ، ثُمَّ أُمِرَ بِهِ فَسُحِبَ عَلَى وَجْهِهِ، ثُمَّ أُلْقِيَ فِي النَّارِ. رواه مسلم .

"Mata-an a paganay ko manga manosiya a khokomen ko Gawi-i a Qiyamah na 𝐦𝐚𝐦𝐚 𝐚 𝐦𝐢𝐩𝐡𝐞𝐫𝐚𝐧𝐠. Pakatindegen sekaniyan na paki-ilay ron so manga limo-on o Allah na tharo-on Niyan: 'Antona-ai inikidi-a ngka sangkanan la manga limo]?' Misembag iyan, Mipherang ako sabap Reka taman sa miyaperang ako. Tharo-on Niyan, 'Miyamokhag ka! Aya mata-an na mipherang ka sabap sa an niran matharo a mawaraw. Na sabenar a miyatharo iran noto." Oriyan niyan na isogo [lyan] a pangarasen niyo so paras iyan na pozanga niyo ko Apoy; go so 𝐦𝐚𝐦𝐚 𝐚 𝐦𝐢𝐲𝐚𝐠𝐚𝐧𝐚𝐝 𝐈'𝐥𝐦𝐨 go 𝐢𝐧𝐢𝐩𝐚𝐦𝐚𝐧𝐠𝐞𝐧𝐝𝐚𝐰 𝐧𝐢𝐲𝐚𝐧 go 𝐩𝐞𝐦𝐛𝐚𝐭𝐢𝐲𝐚-𝐚𝐧 𝐧𝐢𝐲𝐚𝐧 𝐬𝐨 𝐐𝐮𝐫𝐚'𝐚𝐧 na pakatindegen sekaniyan na paki-ilay ron so manga limo-on o Allah na tharo-on Niyan: 'Antona-ai inikidi-a ngka sangkanan [a manga limo]?' Misembag iyan, Piyaganad aken so Ilmo go inipamengenda-o aken go biyatiya aken so Qur'an a soa-soat aken Reka.' Tharo-on Niyan, 'Miyamokhag ka! Aya mata-an na piyaganad ka so 'Ilmo ka sabap sa an iran matharo a mata-an a seka na 'Alim go biyatiya-a ka so Qur'an ka an niran matharo a seka na pababatiya na sabenar a miyatharo iran noto." Oriyan niyan na isogo [Iyan] a pangarasen niyo so paras iyan na pozanga niyo ko Apoy; go so 𝐦𝐚𝐦𝐚 𝐚 𝐢𝐧𝐢𝐤𝐚𝐥𝐢𝐦𝐨 𝐨 𝐀𝐥𝐥𝐚𝐡 𝐬𝐞𝐤𝐚𝐧𝐢𝐲𝐚𝐧 𝐠𝐨 𝐛𝐢𝐠𝐚𝐧 𝐍𝐢𝐲𝐚𝐧 𝐬𝐚 𝐦𝐚𝐥𝐚 𝐭𝐚𝐦𝐨𝐤 sa pakatindegen sekaniyan na paki-ilay ron so manga limo-on o Allah na tharo-on Niyan: 'Antona-ai inikidi-a ngka sangkanan a manga limo]?' Misembag iyan, 'Da den a lipas aken a okit a pekhababaya-an ka so kazadqa-i ron a bako ron da makazadqa a so-asoat aken Reka. Tharo-on Niyan, 'Miyamokhag ka! Aya mata- an na mizadqa ka sabap sa an iran matharo a barazadqa. Na sabenar a miyatharo iran noto." Oriyan niyan na isogo [lyan] a pangarasen niyo so paras iyan na pozanga niyo ko Apoy. [Mishkat]

Giyoto-i sabap a so manga pephanolon reketano ko Islam na pananggila-i ran so kapaki-ilaylain ago so kapanakabor, sa taralebi ron a nggalebek siran sa aya bo a zoa-soata iran na so Allah. Songkada iran so Sunnah o Nabi (Sallallaho 'Alaihi Wasallam), go oba iran zinganina so bantogan, go so kasosoat ago babaya o manga tao. Opama ka aden pen a matatago san ko manga pamikiran niran, na tanora iran sa si-i makanggolalan ko kabatiya-a ko Laa Haula Wa Laa Qowwata Illa Billahil Aliyyul Adheem ago Istighfar.. Phangenin aken ko Allah a ibegay Niyan reketano so Ikhlas ko sakodo tano ko Agama Niyan si-i ko pithamana o khagaga tano.

[𝐒𝐡𝐢𝐞𝐤𝐡 𝐮𝐥 𝐇𝐚𝐝𝐢𝐭𝐡 𝐌𝐚𝐮𝐥𝐚𝐧𝐚 𝐌𝐮𝐡𝐚𝐦𝐦𝐚𝐝 𝐙𝐚𝐤𝐚𝐫𝐢𝐲𝐚 𝐛𝐢𝐧 𝐘𝐚𝐡𝐲𝐚 𝐀𝐥-𝐊𝐚𝐧𝐝𝐚𝐡𝐥𝐚𝐰𝐢 𝐫𝐡. | 𝐅𝐚𝐝𝐚𝐞𝐥 𝐞 𝐀'𝐦𝐚𝐥]

09/09/2024

𝐒𝐎 𝐆𝐎𝐍𝐀 𝐎 "𝐈𝐊𝐑𝐀𝐌" 𝐊𝐎 𝐊𝐀𝐓𝐀𝐁𝐋𝐈𝐆𝐇 (𝑆𝑖𝑓𝑎𝑡 𝑎 𝐷𝑎'𝑖𝑦)

Giyangka-iya pinto na makapantaga-i ko isa pen a tanto a mala-i gona ko kathabligh, a sabap ko gi-i ron kasisiyapa o gi-i mamanolon, na kena ba miyaka-ompiya ka baden miyakakaid. ibarat, na igira ipezapar ko isa so marata, o di na masabet sekaniyan ko marata a ola-ola, na
𝐨𝐬𝐢𝐲𝐚𝐭𝐢 𝐧𝐠𝐚 𝐬𝐞𝐤𝐚𝐧𝐢𝐲𝐚𝐧 𝐬𝐚 𝐦𝐚𝐬𝐨𝐥𝐞𝐧 𝐚 𝐝𝐢 𝐬𝐞𝐤𝐚𝐧𝐢𝐲𝐚𝐧 𝐦𝐚𝐤𝐚𝐤𝐡𝐚𝐲𝐚-𝐤𝐚𝐲𝐚 𝐤𝐨 𝐦𝐠𝐚 𝐭𝐚𝐨; ka so daradat o Muslim na tanto a mala-i arga a nganin, sa lagid o kiya-osay niyan sangka-iya a pagalowin tano a manga katharo o Nabi (Sallallaho 'Alaihi Wasallam):
عن أبي هريرة رضي الله عنه أن النبي صلى الله عليه وسلم قال: (من ستر مسلما ستره الله في الدنيا والآخرة وَاللهُ فِي عَوْنِ الْعَبْدِ مَا كَانَ الْعُبْدُ فِي عَوْنِ أَخِيهِ) رواه مسلم.

Miyaka thitayan ko Abu Hurairah (Radhiallaho Anho) a pitharo Nabi (Sallallaho 'Alaihi Wasallam), "Sa tao a sapengan niyan so kaya-an o Muslim na sapengan mambo o Allah so kaya-an niyan sa donya go sa Akhirat, go so Allah na pethabangan niyan so oripen Niyan ko tenday a kapethabangi o oripen ko pagari niyan."
[Targhib]

عن عبد الله بن عباس رضي الله عنه عن النبي صلى الله عليه وسلم قال: (من ستر عورة أخيه المسلم ستر الله عورته يوم القيامة، ومن كشف عورة أخيه المسلم كشف الله عورته، حتى يفضحه بها في بيته) رواه ابن ماجه

Miyaka thitayan ko Ibn Abbas (Radhiallaho 'Anho) a pitharo o Nabi (Sallallaho 'Alaihi Wasallam), "Sa tao a sapengan niyan so kaya-an o pagari niyan a Muslim na sapengan mambo o Allah so kaya- an niyan ko Gawi-i a Qiyamah, na sa tao a sawa-an niyan so pa-awing o pagari niyan a Muslim na sawa-an mambo o Allah so pa- awing iyan taman sa makakhaya-kaya sekaniyan si-i ko soled o walay niyan."
[Targhib]

Sakamaoto mambo a madakel den a manga Hadith makapantag si-i,
𝐬𝐚 𝐠𝐢𝐲𝐨𝐭𝐨-𝐢 𝐬𝐚𝐛𝐚𝐩 𝐚 𝐬𝐨 𝐠𝐢-𝐢 𝐦𝐚𝐦𝐚𝐧𝐨𝐥𝐨𝐧 𝐤𝐨 𝐈𝐬𝐥𝐚𝐦 𝐧𝐚 𝐭𝐚𝐧𝐭𝐨 𝐢𝐫𝐚𝐧 𝐚 𝐬𝐢𝐲𝐚𝐩𝐚 𝐨 𝐛𝐚 𝐢𝐫𝐚𝐧 𝐩𝐞𝐤𝐡𝐚-𝐚𝐥𝐨𝐲 𝐬𝐨 𝐦𝐠𝐚 𝐩𝐚-𝐚𝐰𝐢𝐧𝐠 𝐚𝐠𝐨 𝐭𝐚𝐭𝐚𝐩𝐚 𝐢𝐫𝐚𝐧 𝐬𝐨 𝐤𝐚𝐩𝐚𝐠𝐚𝐫𝐢-𝐚𝐫𝐢 𝐤𝐨 𝐈𝐬𝐥𝐚𝐦.

Isa a Hadith na pitharo iyan, "Sa den sa di niyan ogopan so pagari niyan a Muslim ko masa a piphapaka-ito sekaniyan na di sekaniyan mambo phamakinegen o Allah ko masa a sekaniyan mambo na makazinganin sa tabang."

Si-i pen ko isa a Hadith na pitharo iyan, "Aya miyakarata-rata a kathobo na so kaphapaka-ito-a ko sakatao a Muslim."

Si-i ko madakel a Hadith a lagida-i, na so kaphapaka-ito-a ko Muslim na tanto a inisapar; giyoto-i sabap a so gi-i mamanolon na siyapa iran phorong angka-iya a bandingan.

Aya ontol a okit na 𝐬𝐨 𝐤𝐚-𝐨𝐬𝐢𝐲𝐚𝐭𝐢 𝐤𝐨 𝐭𝐚𝐨 𝐬𝐚 𝐩𝐚𝐠𝐞𝐧𝐞𝐬 𝐤𝐨 𝐦𝐠𝐚 𝐝𝐨𝐬𝐚 𝐚 𝐤𝐢𝐲𝐚𝐭𝐨𝐤𝐚𝐰𝐚𝐧 𝐬𝐚 𝐩𝐚𝐠𝐞𝐧𝐞𝐬; go 𝐦𝐚𝐫𝐚𝐲𝐚𝐠 𝐚 𝐤𝐚𝐩𝐡𝐚𝐤𝐚𝐭𝐚𝐧𝐨𝐫𝐚 𝐫𝐞𝐤𝐚𝐧𝐢𝐲𝐚𝐧 𝐤𝐨 𝐥𝐚𝐧𝐠𝐨𝐧 𝐧𝐨𝐭𝐨 𝐚 𝐦𝐠𝐚 𝐝𝐨𝐬𝐚 𝐚 𝐦𝐚𝐫𝐚𝐲𝐚𝐠 𝐚 𝐤𝐢𝐲𝐚𝐬𝐨𝐠𝐨𝐤 𝐢𝐲𝐚𝐧. Lalan bo ka maoto na so osiyat na imbegay sa di ron kaya-an so miyakandosa, ka amay-amay na ba den aya inionga niyan na so sopaka o mapipikir iyan.

Aya katimbel iyan na so baradosa na tanto a masopi-it a kapagalangi ron, a onot ko manga Sogo-an o Allah, ogaid na di tano pakalipatan angkanan a manga pandoan makapantag ko kaphagadati ko daradat o omani Muslim.

Ped ro-o, na so gi-i manolon na
𝐩𝐚𝐥𝐢𝐲𝐨𝐠𝐚𝐭𝐨𝐧 𝐬𝐨 𝐤𝐚𝐩𝐚𝐤𝐚-𝐢𝐧𝐚𝐲𝐚 𝐧𝐢𝐲𝐚𝐧 𝐤𝐨 𝐤𝐚𝐭𝐡𝐚𝐫𝐨 𝐢𝐲𝐚𝐧 𝐢𝐠𝐢𝐫𝐚 𝐩𝐞𝐧𝐝𝐨𝐥𝐨𝐧𝐞𝐧 𝐧𝐢𝐲𝐚𝐧 𝐬𝐨 𝐦𝐠𝐚 𝐭𝐚𝐨, sabap sa so karangit ago so manga sasakit a katharo na aya iphagonga niyan na so sopaka o kabaya a onga.

Aden a gi-i mangosiyat a tanto niyan a piyamakasakit so katharo iyan ko 𝐊𝐇𝐀𝐋𝐈𝐅 𝐀 𝐌𝐀'𝐌𝐔𝐍-𝐔𝐋 𝐑𝐀𝐒𝐇𝐈𝐃. Pitharo iyan non, "Pagadati ako ngka ago paka-inaya ngka raken so katharo-o ka raken, ka so Pir-aon na sobra raken sa karata, go so Nabi Mosa ('Alaihis Salaam) na maporo-i daradat a di seka, ogaid na kagiya sekaniyan ago so Haroon ('Alaihis Salaam) na sogo-on siran ko Pir'aon, na pitharo kiran o Allah:

فَقُولَا لَهُ قَوْلا لَيِّنًا لَعَلَّهُ يَتَذَكَّرُ أو يَخْشَىٰ (طه : ٤٤ )

"Na mbitiyara-in niyo sekaniyan sa lalag a malinanek, ka kalo-kalo o sekaniyan na makapaginengka, o di na malek."
[Surah Taha:44]

Aden a sakatao a mangoda (pho-on sa kilid a inged) a somiyong ko Nabi (Sallallaho 'Alaihi Wasallam) na miyatharo iyan, "Pangonoten ka raken a kapakazina ko." So manga Sahabah o Nabi (Sallallaho 'Alaihi Wasallam) na tanto iran noto a inikagowad, go tanto siran a kiyararangitan sangkoto a manga katharo iyan; ogaid na so Nabi (Sallallaho 'Alaihi Wasallam) na pitharo iyan non, "Obay ka raken. Ba ngka kabaya a aden a tao a pamakain niyan so ina a ka?" Pitharo iyan, "Di!" So Nabi (Sallallaho 'Alaihi Wasallam) na pitharo iyan, "Sakamaoto mambo a so manga ped a tao na di ran kabaya angkoto a piyakayaya a ola-ola ko ina iran." Oriyan noto na so Nabi (Sallallaho 'Alaihi Wasallam) na ini-iza iyan noto makapantag ko babay niyan, go so babo iyan, go so manga ped, na aya den a pekhisembag iyan na di!. Oriyan noto na so Nabi (Sallallaho 'Alaihi Wasallam) sa inideket iyan so lima niyan sa rareb angkoto a mangoda na miyamangeni, "Ya Allah! soti-a Ngka so poso iyan, go rila-i Ngka so manga dosa niyan, go siyapa Ngka sekaniyan ko kazina."

So manga miyanothol si-i na pitharo iran, a si-i ko oriyan na-i na da pen a pekhararangitan angkoto a mangoda a ola-ola a ba makalawan ko kazina.

𝑺𝒐 𝒌𝒂𝒌𝒂𝒎𝒑𝒆𝒕 𝒊𝒚𝒂𝒏, 𝒏𝒂 𝒔𝒐 𝒑𝒆𝒑𝒉𝒂𝒏𝒐𝒍𝒐𝒏 𝒏𝒂 𝒑𝒂𝒍𝒊𝒚𝒐𝒈𝒂𝒕𝒐𝒏 𝒔𝒐 𝒌𝒊𝒌𝒂𝒑𝒆𝒅𝒊-𝒊𝒏 𝒏𝒊𝒚𝒂𝒏 𝒂𝒈𝒐 𝒔𝒐 𝒌𝒂𝒑𝒂𝒈𝒂𝒅𝒂𝒕𝒊 𝒏𝒊𝒚𝒂𝒏 𝒌𝒐 𝒑𝒆𝒑𝒉𝒂𝒎𝒂𝒌𝒊𝒏𝒆𝒈𝒐𝒏, 𝒈𝒐 𝒑𝒉𝒂𝒓𝒂𝒏𝒈𝒂𝒊 𝒏𝒊𝒚𝒂𝒏 𝒔𝒊𝒓𝒂𝒏 𝒌𝒐 𝒐𝒌𝒊𝒕 𝒂 𝒌𝒂𝒃𝒂𝒚𝒂 𝒊𝒚𝒂𝒏 𝒂 𝒈𝒊𝒚𝒐𝒕𝒐-𝒊 𝒐𝒌𝒊𝒕 𝒂 𝒊𝒌𝒊𝒅𝒊-𝒂 𝒓𝒆𝒌𝒂𝒏𝒊𝒚𝒂𝒏.

[𝐒𝐡𝐢𝐞𝐤𝐡 𝐮𝐥 𝐇𝐚𝐝𝐢𝐭𝐡 𝐌𝐚𝐮𝐥𝐚𝐧𝐚 𝐌𝐮𝐡𝐚𝐦𝐦𝐚𝐝 𝐙𝐚𝐤𝐚𝐫𝐢𝐲𝐚 𝐛𝐢𝐧 𝐘𝐚𝐡𝐲𝐚 𝐀𝐥-𝐊𝐚𝐧𝐝𝐚𝐡𝐥𝐚𝐰𝐢 𝐫𝐡. | 𝐅𝐚𝐝𝐚𝐞𝐥 𝐞 𝐀'𝐦𝐚𝐥]

09/09/2024

𝐍𝐆𝐆𝐎𝐋𝐀𝐋𝐀𝐍𝐄𝐍 𝐊𝐀 𝐒𝐎 𝐈𝐏𝐄𝐏𝐇𝐀𝐍𝐆𝐎𝐒𝐈𝐘𝐀𝐓 𝐊𝐀

Si-i sangka-iya pinto na aya ni-at si-i na so kainengka-a ko mala a karibatan. Lagid o kinidarainonen o manga Muslim a aden a miyasowa iran a kata-o ago so manga Ulama ko galebek a Tabligh, na sakamaoto mambo aden a manga tao a gi-i ran ipanolon so Islam ko manga ped a tao a nggolalan ko katharo ago so manga daptar, ogaid na inindadarainon niran nggolalan so gi-i ran tharo-on. Aya mata-an na siran, ko kababaloy ran a pephanolon, 𝒏𝒂 𝒂𝒚𝒂 𝒎𝒂𝒍𝒂 𝒂𝒘𝒊𝒅𝒆𝒏 𝒏𝒊𝒓𝒂𝒏 𝒂 𝒂𝒌𝒂𝒍 𝒏𝒂 𝒈𝒊𝒚𝒂 𝒌𝒂𝒕𝒉𝒂𝒈𝒐𝒎𝒑𝒊𝒚𝒂 𝒐 𝒑𝒂𝒓𝒂𝒕𝒊𝒚𝒂 𝒊𝒓𝒂𝒏 𝒔𝒂 𝒍𝒂𝒘𝒂𝒏 𝒑𝒆𝒏 𝒌𝒐 𝒌𝒂𝒑𝒆𝒑𝒉𝒂𝒈𝒐𝒎𝒑𝒊𝒚𝒂-𝒊 𝒊𝒓𝒂𝒏 𝒌𝒐 𝒎𝒈𝒂 𝒑𝒆𝒅 𝒂 𝒕𝒂𝒐.

"So Nabi (Sallallaho 'Alaihi Wasallam) na tanto niyan a inisapar so lagidanan a manga tao a ipezapar iran so nganin a siran mambo na masosogok iran".

"So Nabi (Sallallaho 'Alaihi Wasallam) ko kagagawi-i ko Mi'raj na miya-ilay niyan a sagorompong a manga tao a so manga modol iran na penggontingen a pekhadeg a gonting. So kini-izaan niyan non o antawa-a siran na pitharo-on o Jibrail ('Alahis Salaam) a, "giyoto so siran a manga tao a gi-i mamanolon a ped ko Ummat ka ogaid na da iran nggolalanen so gi-i ran ipanolon".

Aden a Hadith a pitharo iyan, "Saba-ad ko manga tao sa Sorga a pagiza-an niran so siran a miyamaka-naraka: 'Antona-ai betad iyo san? Sekami na inonotan nami so manga panolon niyo, na giyoto-i sabap a kiyapakasoled ami ko Sorga'. Isembag iran, "Da mi nggolalanen so nganin a inipangosiyat ami ko manga ped a tao."

Isa a Hadith a pitharo iyan, "Maga-an a kapephaka-oma o siksa o Allah ko manga rarata a 'Ulama a di so kalilid a baradosa. Phamemesa siran ko kailaya iran si-i, sa petharo-on niran: 'Ino so siksa o Allah na si-i rekami miya-ona a di pen so manga pananakoto?' Isembag kiran: 'So siran a somiyopak ba di aden a kata-o niyan ko Agama na mala-i kasala-an a di so siran a da kiran angkanan a kata-o."

So manga Auliya na pitharo iran a so manga wasiyat o siran a di ran ipenggolalan so manga okit ko Agama, na da a rarad iyan ko manga ped a tao.

Giyoto-i sabap a so manga wasiyat, go so manga daptar ago kitab sangka-iya a masa na da den a rarad iyan ko pephamamakineg ago so pembatiya on!

Pitharo o Allah sa Qur'an:
۞ أَتَأۡمُرُونَ ٱلنَّاسَ بِٱلۡبِرِّ وَتَنسَوۡنَ أَنفُسَكُمۡ وَأَنتُمۡ تَتۡلُونَ ٱلۡكِتَٰبَۚ أَفَلَا تَعۡقِلُونَ
"Ino niyo pezogo-on ko manga manosiya so mapiya, na pakalilipatan niyo so manga ginawa niyo, a sekano na kapephangadi-an niyo so kitab Ba da a manga sabot iyo [Surah Al-Baqarah:44]

So Nabi (Sallallaho 'Alaihi Wasallam) na pitharo iyan:
لا تزولُ قدَما عبدٍ يومَ القيامةِ حتَّى يسألَ عن أربعٍ عن عُمرِهِ فيما أفناهُ وعن عِلمِهِ ما عملَ بِهِ وعن مالِهِ من أينَ اكتسبَهُ وفيما أنفقَهُ وعن شبابِهِ فيما أبلاهُ وعن ماله من أين اكتسبه وفيم أنفقه وعن علمه ماذا عمل به

"Diden malekat so palada a-i o isa oripen ko Alongan a Qiyamah taman sa di ron mi-iza angka-iya a pat:
(1) So omor iyan o anda niyan riyonot?

(2) So kangoda niyan o anda niyan inosar.

(3) So tamok iyan o anda niyan miyasokat ago anda niyan pinggasto go

(4) So Ilmo iyan o anda taman-i mininggolalan yan non?"

So Hazrat Abu Darda (Radhiallaho 'Anho) a miyatindos a Sahabah o Nabi (Sallallaho 'Alaihi Wasallam) na pitharo iyan, "Aya mala a ipekhalek aken na so paka-iza a ipagiza raken ko Gawi-i a Kaphangokom sa hadapan o langowan o manosiya: Ino mininggolalan ka so kata-o a matatago reka?"

Aden a Sahabah o Nabi (Sallallaho 'Alaihi Wasallam) a iniza-an niyan sekaniyan: "Antawa-ai pithamanan a marata ko manga ka-aden?" Minisembag iyan, "Di ngka raken phagiza-an so manga rarata, sa aya phagiza-an ka raken na so manga pipiya. Aya miyakarata-rata ko manga ka-aden na so manga rarata-i ongar a manga 'Ulama, (ma-ana siran so di ran ipenggolalan so gi-i ran tharo-on)."

Pitharo o Nabi (Sallallaho 'Alaihi Wasallam) ko isa a Hadith: "So 'Ilmo na dowa barang:

•isa on so si-i bo thataman ko dila na da niyan peraradi so poso go aya kiyasabapan sa panendit a pho-on ko Allah;

•na aya ika dowa na giyoto so riya-ot iyan so poso na miya-oyag iyan so paratiyaya; sa giyoto-i mata-an a phakanggay a gona."

Aya mitotoro ini na
𝐤𝐧𝐚𝐛𝐚 𝐚𝐲𝐚 𝐛𝐨 𝐚 𝐩𝐚𝐥𝐢𝐲𝐨𝐠𝐚𝐭𝐨𝐧 𝐧𝐚 𝐬𝐨 𝐤𝐚𝐭𝐡𝐨𝐧𝐭𝐡𝐨𝐭𝐚 𝐧𝐢𝐲𝐚𝐧 𝐤𝐨 𝐈'𝐥𝐦𝐨 𝐩𝐚𝐧𝐭𝐚𝐠 𝐤𝐨 𝐦𝐚𝐫𝐚𝐲𝐚𝐠 𝐚 𝐦𝐠𝐚 𝐛𝐢𝐭𝐢𝐤𝐚𝐧, ka ped ro-o pen
𝐬𝐨 𝐈'𝐥𝐦𝐥 𝐚 𝐩𝐚𝐧𝐭𝐚𝐠 𝐤𝐨 𝐧𝐢𝐲𝐚𝐰𝐚 𝐚 𝐠𝐢𝐲𝐨𝐭𝐨-𝐢 𝐩𝐡𝐚𝐤𝐚𝐬𝐨𝐭𝐢 𝐤𝐨 𝐩𝐨𝐬𝐨 𝐢𝐲𝐚𝐧 𝐚𝐠𝐨 𝐩𝐡𝐚𝐤𝐚𝐬𝐢𝐧𝐝𝐚𝐨 𝐤𝐨 𝐩𝐚𝐦𝐢𝐤𝐢𝐫𝐚𝐦 𝐧𝐢𝐲𝐚𝐧, ka odi oto manggola- ola na so 'Ilmo iyan na khisomariyaon ko Gawi-i a Kaphangokom o anda taman-i kininggolalanen niyan non. Madakel a lagidanan a tapa-os a matatago ko madakel a Hadith.

Giyoto-i sabap a tanto aken a pephangenin ko langon a gi-i manolon ago pephamangosiyat a kathabala iran ko manga ginawa iran ko 𝐦𝐚𝐩𝐚𝐲𝐚𝐠, 𝐦𝐚𝐬𝐨𝐥𝐞𝐧 go 𝐧𝐠𝐠𝐨𝐥𝐚𝐥𝐚𝐧𝐞𝐧 𝐧𝐢𝐫𝐚𝐧 𝐬𝐨 𝐧𝐠𝐚𝐧𝐢𝐧 𝐚 𝐢𝐩𝐞𝐧𝐝𝐨𝐥𝐨𝐧 𝐧𝐢𝐫𝐚𝐧 𝐤𝐨 𝐦𝐠𝐚 𝐩𝐞𝐝, ka amay-amay na so kapephanolon niran na di tarima-an o Allah, sa lagid den o kiya-ilaya on ko madakel a Ayaat sa Qur'an ago so manga katharo o Nabi (Sallallaho 'Alaihi Wasallam).

Pephamangenin aken ko Allah a ibegay niyan raken so bager a matabal aken so ginawa ko si-i ko mapayag ago masolen aken go minggolalan aken so gi-i aken ipanolon, sabap sa bara-araparapan ako ko manga Limo Iyan a kitapok o manga pa-awing aken.

إلَّا أَنْ يَتَغَمَّدَ نِيَ اللهُ بِرَحْمَتِهِ الوَاسِعَةِ

[𝐒𝐡𝐢𝐞𝐤𝐡 𝐮𝐥 𝐇𝐚𝐝𝐢𝐭𝐡 𝐌𝐚𝐮𝐥𝐚𝐧𝐚 𝐌𝐮𝐡𝐚𝐦𝐦𝐚𝐝 𝐙𝐚𝐤𝐚𝐫𝐢𝐲𝐚𝐡 𝐛𝐢𝐧 𝐘𝐚𝐡𝐲𝐚 𝐀𝐥-𝐊𝐚𝐧𝐝𝐚𝐡𝐥𝐚𝐰𝐢 𝐫𝐡. | 𝐅𝐚𝐝𝐚𝐞𝐥 𝐞 𝐀'𝐚𝐦𝐚𝐥]

Adres

Philippine

Telefoon

+923077067997

Website

Meldingen

Wees de eerste die het weet en laat ons u een e-mail sturen wanneer Sāhibain Akhawain Al-Ashariy Al-Shafi'iy nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Snelkoppelingen

Delen