DJ Kasper

09/08/2025

Tot straks!

𝗩𝗮𝗻𝗺𝗶𝗱𝗱𝗶𝗴 Sjömmerts Preuf & Proost
𝗩𝗲𝗲𝗿 𝘇𝗲𝗲𝗻 𝗲𝗿 𝗸𝗹𝗼𝗮𝗿 𝘃𝗲𝘂𝗿 !!!
𝗩𝗮𝗻𝗼𝗮𝘃𝗲𝗻𝗱 𝘃𝗮𝗻𝗮𝗮𝗳 𝟮𝟬.𝟬𝟬
DJ Kasper

𝗧𝗼𝘁 𝗭𝗼???

19/07/2025

🙌🏻🙌🏻

27/02/2025

❤️💛💚

𝗧𝗔𝗔𝗥𝗕𝗥𝗘𝗨𝗞 𝗡𝗨𝗨𝗧𝗦 🔴🟡🟢

Aan ’t begin van dit sjtökske wil v’r toch nog effe trukkieke nao ‘t (F)Auwt Wieverbal van aafgeloupe zaoterdig. Same mit CV de Groate höb v’r dit georganiseerd in oze tempel Brasserie Bie Ein. Leuke creaties höb v’r weer gezeen en Prins Max I, Prinses Noa en hofdame Mirre höbbe de prieswinnaars oetgezeuk. Proficiat aan degene die in de pries gevalle zin en dank aan ederein dae d’r waor.

’t Krankebezeuk is zoa good es aafgerónd. Kómmende zaoterdig wil v’r de luuj die in ‘n ziekehoes ligke e bezeukske bringe. Es g’r emes oet Sjömmert kint dae dao in lik dan heuëre v’r dat gaer.

Es ‘t parochieblaedje bezörg weurt dan sjtaon v’r aan ’t begin van de carnavalsdaag van 2025. Dónderdigaovend begin v’r wie ummer in ‘t Weverke mit de jeug van de vereiniginge. Altied ‘ne gezellige aovend wo ederein zich good ammezeert.

Vriedig is de sjoalcarnaval en óndanks dat de sjoal eigelik mer tot 11:45 doert höbbe bienao alle kinger aangegaeve dat ze gaer ouch in de middig carnaval wille viere. Daoróm zin vanaaf 12:00 de ouwersj ouch welkom.

Vriedigaovend is de sjleuteleuverdrach in ós eige Gemeinsjapshoes. De prinse van de veurmalige gemeinte Nuth kriege hie de sjleutel oetgereik door de börgemeister. Ouch waere op dizze aovend de Ordes van Verdeenste oetgereik. Óm 19:30 begin v’r mit ’t programma en hie zeet g’r van harte bie oetgeneuëdig.

Es dit aafgeloupe is gaon v’r nao ’t Weverke óm same mit CV De Groate de Friday Night Carnaval te viere of óm veur in ’t Café Sjömmertse Carnaval te belaeve.

Zaoterdig zin v’r te gas bie de Rumpelmiddig in ’t Gemeinsjapshoes en in de aovendoere trèkke v’r van laer bie de Auwt Prinse. Ouch in ’t Weverke kint g’r uch tösje 20:00 en 21:00 insjrieve veur de optoch.

Zóndigmörge gaon v’r same mit Sjötterie en Fanfaar Prins Max I aafhaole óm nao de carnavalsmès te gaon. ’t Thema van dit jaor is ‘ne Lach dae Verlich en ouch dit jaor zin d’r leuke leedjes, sjoane meziek en tekste mit ’n verwiezing nao ’t thema. Nao de mès laot v’r de Taarbrook op bie ’t Taarmenneke taegeneuver de kèrk.

Sjmiddes is d’r ‘ne sjpringmiddig bie ’t Weverke en vanaaf 18:11 is dao ouch ‘aete mit de prins’ . En es de hónger dan euver is dan gaon v’r inins door mit carnaval anno 2025.

Maondig is de daag van de optoch, zeker ein van de hoagtepunte in ’t jaor van de Prins. Óm 14:11 vertrèk v’r in Groat Hazel en v’r zin benuujd óm te zeen wieväöl meujte zich ederein weer gedaon haet óm d’r get sjoans van te make. In ‘t parochieblaedje sjteit nog ’n apaart sjtökske mit mië informatie euver d’n optoch. Aansjletend is de priesoetreiking in ’t Gemeinsjapshoes en dao en in ’t Weverke kint g’r terech veur ‘ne gezellige aovend.

Dinsdigmiddig weurt in ’t Gemeinsjapshoes ‘ne sjpringmiddig georganiseerd en zoa gaon v’r richting ’t sjlete van carnaval 2025. Dit zal óm 23:11 in ’t Weverke plaatsvinge al zal ’t ouch nao 23:11 nog e paar urkes lekker drök blieve weit v’r van anger jaore.

En es v’r dan op esjgoonsdig in de mès van 19:00 e esjkruutske gaon haole dan is ’t toch ech gedaon.

Dit gans program is weer euverzichtelik gemaak in de flyer ‘Carnaval in Sjömmert’ dae door de GOS meugelik weurt gemaak. Dank aan de óndernummersj van de GOS veur dees sjieke biedrage.

Veer zin in d’r in eder geval klaor veur óm van carnaval 2025 e sjoan fiës te make en dao höb v’r uch allemaol bie neuëdig.

Alaaf
Prins Max I, Vors Pascal en de Raod van Èlf

www.taarbreuk.nl

RK Parochie H. Remigius Schimmert
Schuttersgezelschap Sint Sebastiaan Schimmert
Caecilia Schimmert
Gemeente Beekdaelen

27/02/2025

Vanaovend begint de carnavals marathon weer!
Veer starte vanaovend mit de jeugaovend veur de kinger van alle vereiniginge van Sjömmert.

Tot straks! ❤️💛💚

V’r staon aan ’t begin van de carnavalsdaag van 2025!

Vanaovend begin v’r wie ummer in ‘t Weverke mit de jeug van de vereiniginge. Altied ‘ne gezellige aovend wo ederein zich good ammezeert.

26/01/2025

❤️💛💚

𝗞𝗜𝗡𝗚𝗘𝗥𝗭𝗜𝗧𝗧𝗜𝗡𝗚 🔴🟡🟢

Vandaag weurt dees zittingwaek aafgesjlaote mit de Kingerzitting, veur en door kinger van de basissjoal. Vanaaf 13:30 geit de zaal aope en kinne de kinger de nuuje prins MAX I kómme felicitere mit zien oetreuping. Es bedankje veur hun felicitatie zal hae hun traktere op get lekkersj.

De Kingerzitting begint óm 14:11 en de entreepries veur de kinger is € 1,00. Volwassene betale € 5,00 óm binne te kómme. Nao aafloup zörg DJ Kasper veur leuke meziek óm te sjpringe mit de Prins Max I

Alaaf,
de Taarbreuk

31/10/2024

Komp geer dan ouwg?❤️💛💚

🎉 Prinsesoetrooping CV de Groate – Zoaterdig 23 november! 🎉

Op dizze speciale aovend numme veer aafsjeid van ozze Prinses Lieke en hofdame Jonice. Mer… wea weare dit jaor de nuuje prinses en hofdame? Kom ’t zelf oetvinge en vier 't mit os! 🌟👑

🔊 DJ Kasper trapt de aovend aaf mit betonne helle pleatjes en zurg direct veur de sjtumming! Daonao nump Ivo van der Bijl dich in ein optreje mit door zien biste carnavalsnummers. En Remco Gaiteros sjteit klaor om dich de res van de aovend te laote danse! 💃🕺

Entree = GRATIS – dus kom allemoal aaf en mis dit sjpektakel neet! 🎭✨ Wea waere os nuuje prinses en hofdame? Zurg datse d'r bie bis! 🎉

📅 Zoaterdig 23 november
📍 Weverke 't

31/10/2024

Tot 16 November! ❤️💛💚

De opnames zin in volle gang. De artiesten zin druk mit de veurbereidinge. Geer komp toch zeker auch kieke! Ut weurt zeker weer ein fjeaske.

15/10/2024

We zijn er weer bij 🥳🇲🇽

Tickets🎟️🪩;
https://bittersweet.eventgoose.com/

🌺𝗗𝗝 𝗞𝗔𝗦𝗣𝗘𝗥🌺
We zijn trots om ook dit jaar weer DJ Kasper te verwelkomen! 🎉
Als jong talent uit ons eigen dorp weet hij als geen ander hoe hij het feest op gang moet brengen. DJ Kasper is inmiddels een vaste waarde in ons programma en dé man om La Notche Eterna met een knaller van start te laten gaan. Mis zijn set niet en kom vroeg om niets van de sfeer te missen! 🌟

🎟: https://bittersweet.eventgoose.co

26/04/2024

10/03/2024

JAAAA dames en heren. ‘T nuuie pleate van kumpt dr aan!!🔥🔥🔥

To be continued, stay tuned..🤩

#❤️💛💚

06/02/2024

❤️💛💚

𝗧𝗔𝗔𝗥𝗕𝗥𝗘𝗨𝗞 𝗡𝗨𝗨𝗧𝗦 🔴🟡🟢

Veur dat v’r aan de carnavalsdaag gaon beginne wil v’r nog effe trukkieke op ’t aafgeloupe weekend. Same mit CV de Groate höbbe v’r ‘t (F) Auwt Wieverbal georganiseerd in Brasserie Bie Ein. V’r höbbe van alles gezeen, leuke thema’s kaome langs. Prins Karsten I, Prinses Lieke en hofdame Jonice höbbe de prieswinnaars oetgezeuk en die wil v’r van harte felicitere.

Mit ’t krankebezeuk zin v’r bienao klaor. Kómmende zaoterdig zulle ouch de luuj die in ’t ziekehoes ligke bezeuk waere. Es g’r emes oet Sjömmert kint dae in e ziekehoes ligk dan heuëre v’r dat gaer.

De carnavalsdaag sjtaon op ’t punt van beginne.
Dónderdigaovend gaon v’r nao ‘t Weverke wo de jeug van de vereiniginge zich altied good ammezeert. Op vriedig mit de sjoalcarnaval gaon ze gewoon door.

Vriedigaovend is de sjleuteleuverdrach in ’t Gemeinsjapshoes in Hölsberg. De Prinse van de vreuger Gemeinte Nuth kriege dao de sjleutel oet heng van de börgemeister. Ouch waere dizze aovend de Ordes van Verdeenste oetgereik. Ederein is hie welkom, sjoan óm ins mit te make.

Aansjletend kóm v’r truk nao Sjömmert, nao ’t Weverke óm ós te ammezere bie CV De Groate op de Friday Night Carnaval en veur in ’t café bie de Sjömmertse carnaval.

Zaoterdig laot v’r ós gaer zeen bie de Rumpelmiddig in ’t Gemeinsjapshoes en saoves sjleet v’r de aovend sjportief aaf bie de Olympische Sjpele van de Auwt Prinse in ’t Weverke. Ouch kint g’r uch dao tösje 20:00 en 21:00 insjrieve veur de optoch.

Zóndigmörge gaon v’r same mit de Sjötterie en de Fanfare Prins Karsten I heim aafhaole. Via de Monfortsjtraot, Sjtroek, Marewaeg en Hoofsjtraot trèk v’r nao de kèrk veur de carnavalsmès. ’t Thema is ‘Geliek en Kleurriek’ en v’r laote ós gaer verrasje in welke kleure geer nao de kèrk kómp. Aansjletend laot v’r de Taarbrook op bie ’t Taarmenneke taegeneuver de kèrk. In de middigoere kinne de kinger (en ouch de groate die dat wille) sjpringe bie ’t Weverke en es g’r hónger höb gekrege kint g’r vanaaf 18:11 same aete mit de prins. Aansjletend maak v’r ós op veur carnaval anno 2024, ouch bie ’t Weverke.

Moandig is toch ouch waal ein van de hoachtepunte veur de Prins, de daag van de optoch. Vanaaf 14:11 begin v’r in Groat Hazel te trèkke en kint ederein weer zeen wieväöl meujte de jeug, einzelgänger, groepe en wageboewesj weer gedaon höbbe óm good veur d’n daag te kómme. Nao d’n optoch waere in ’t Gemeinsjapshoes de pries oetgereik en kint g’r dao en bie ’t Weverke d’r ‘ne leuke aovend van make.

Dinsdig is ’t Gemeinsjapshoes aope veur ‘ne sjpringmiddig en dao sjtaon dan zelfs sjpringkösses. De finale van carnaval 2024 is saoves in ’t Weverke. Óm 23:11 is ’t aafsjlete meh van anger jaore weit v’r dat ’t dan nog neet gedaon is. De echte aafsjleting is pas op esjgoonsdig mit ‘t haole van ’t esjkruutske in de mès van 19:00 oer.

In ós dörp is genóg te doon mit dees daag en alles sjteit nog ‘ns euverzichtelijk in de flyer ‘Carnaval in Sjömmert’ dae door de GOS meugelik weurt gemaak. Natuurlik zin v’r hun dao erg dankbaar veur.

Veer zin d’r klaor veur óm d’r weer e sjoan fiëske van te make en v’r doon dat gaer same mit uch!

Alaaf
Prins Karsten I, Vors Pascal en de Raod van Èlf