Zaerumse Zeitung, Sevenum (2026)

16/11/2021

ZAERUMSE ZEITUNG LANCEERT ZAERUMSE VERSIE VAN SEVENUMSWOORDENBOEK.NL

Zaerum 16-11-2021

Noa Lockdowns, Snoepreisjes, coronagevallen, oet de hand geloepe Vrijmibo's en redactionele swingpartiekes is ut de redactie van Zaerumse Zeitung eindelijk wer gelukt um wat op papeer te kriege.

Met nieje Corona maatregelen in het verschiet, werden deze berichten van de mainstream media totaal oaverrompeld door de aankondiging van ‘iets groets’. 13 november, 19:00. De groete lancering. Ut moment van 2021. Ozze redactie zaat vol spanning te kieke nar de livestream van ''de snelst groeiende community van Horst aan de Maas''. Binnen ozze redactie werd dr al volop gespeculeerd oaver wat ut zou kunnen zien. Ozze corrospondenten en tevens gezanten van ut Zaerums leave huurde verschillende berichten. De ien heij ut oaver un actie van Ingewikkeld Zaerum. Mar eventuele bonuspunten vur Zaerum Kwist hilde de Zaerumse gemoederen ok druk bezig.

Niks waas minder woar. Un digitaal woordebook, woar alles in ut teiken stiet van de Zaerumse taal. De taal die os allemoal nar ut hart ligt. Iets unieks binnen os Zearumse gemeinschap. Un website met bezeukersaantallen woar Dumpert, Facebook en Pornhub jaloers van weare met als Naam: SevenumsWoordenboek.nl.

Namens de Zaerumse Zeitung willen weej dan ok gear un woord toevoegen aan din digitale database van ruum 6000 weurt, namelijk ZaerumsWoordebook.nl. Dan ken ut Zaerums volk dun URL namelijk ok bereiken. Ken dien Doelgroep.

Verder heat ozze redactie unne nach door motte halen um tot un sombere conclusie te koame. Zaerumse Zeitung, ongerhand toch wal un begrip onger de gezanten van ut Zaerums volk, makt gen ongerdiel oet van die ruum 6000 weurd. Wej zien de moeilijkste nit, wej denken in oplossingen. Net als bej jullie dochterongerneaming Van Dale, zal dr nog wal un woord van ut joar verkoaze weare. Bej deze un suggestie.

Aan ozze schriefwieze te zeen ging ut weurd lieren os vruujer op schoel be**er aaf. 6000 is ok wal veul. We willen jullie wal vriendelijk verzeuken um nit massaal ozze Zaerumse schriefwieze te goan veriefiëren via www.ZaerumsWoordebook.nl. We zien bang det de servers op de Heemkundevereniging Sevenum stoem beginnen te bloaze.

Al met al natuurlijk un schoën initiatief binne os Zaerumse gemeinschap. Chapeau veur alle betrokkenen.

27/02/2021

DE WINGERD EN SCHULTENBRAU SLOAN HANDEN IN IEN.

Zaerum 27-02-2021

Leon Hoex heat zien erste partnerschap nog veurdet ie officieël oetbater van De Wingerd is al binnen gehald. Schultenbrau is de nieuwe groete naam din we verwelkoame in ozze Zaerumse gemeinschap.

Umdet De Wingerd onder de vurige eigenaar eigenlijk mar ien kier ech de publiciteit heat gehaald, wil Leon Hoeks gebroek maken van dezelfde vorm van ’marketing’. Leon: ‘Ik bin op preuverie gewes bej de Trinkgut. Doa heije ze 3 verschillende soorten beer vur mej kloar gezatte um te preuve. Traugott Simon, Königshof en Schultenbrau. Umdet Zaerumse Aezels allien unne premium pilsener verdeene en umdet ut ‘zeipsop-gehalte’ net wat te hoeg waas bej de andere 2 is de keuze gevallen op Schultenbrau’.

Ok ut serveren wil Leon anders goan doon. Nit vanoet ut vaat, nit oet de fles, mar gewoen oetgekneape oet blik in dienne beaker. Zoeals ut huurt. Ozze redactie heat vernoame det de contracten met River, Golden Power en Spätlese ok al geteikend zien.

13/02/2021

Doar issie dan, de Carnavalskrant van 2021. Ok wej hebben 2 pagina’s moggen vullen! De oplossing veur vroag nummer 2 van ’Zeuk ‘t Waord’ kense vinden in de beschrieving van ozze pagina, asse toch doa bis vergeat os nit efkes te liken! Alaaf❤️💛💚

31/01/2021

MAASKEI DWARSBOEMT PLANNEN TRAPPERIE DE BIG FIVE

Zaerum 31-01-2021

Ut succes van de Zes oet Zaerum is veur de kerk verieuwigd met un schitterend kunstwerk. Nou goan de geruchten rond det de oprichters van de nieuwe Trapperie de Big Five van Zaerum, ok wal bekend as de Vief Boore van Zaerum, ok un kunstwerk willen veur hun eigen cafe.

Veur dit kunstwerk motte noa alle warschienlijkheid die zwoare keie veur ut cafe plaatsmaken. Die lomp zwaore keie, die eigenlijk mar ien kier per joar deene als klumtoestel tijdens carnaval. Aangezeen de carnaval dit joar in ut water valt is dit nou ut goije moment um die lomp zwoare keie richting de Hamweag te brengen, woar de Slooy dr geer korrelmix van makt.

Inplaats van die keie willen de 5 nieje horecaondermers geer un kunstwerk zeen van hunzelf. ‘Wat die van de schutterie kenne, kenne wej ok’!

Van welk materiaal ut kunstwerk gemakt mot weare is op moment van schrieve nog onzeaker. John Wienhoave zuut ut liefste un kunstwerk van kepers en panlatten. Oet betrouwbare bronnen hebben weej vernoame det ok Eric van de Hulst zich wer heat gemeld veur un kunstwerk met wet roestplaten.

'Ut vervoeren en plaatsen van ut nieuwe kunstwerk is gen probleem'! Aldus Bram Verhaegh, din nog wal unne henger heat stoan. 'Desnoods zette we dr unne pony veur van Leike'!

Verslaag van un correspondent

26/01/2021

Erste beelden Zaerumse rellen

Zaerum 26-01-2021

Op de veuroavend van dinsdig 26 januari bereid Zaerum zich veur op rellen. Verschillende Zaerumse bronnen melden det rondum verschillende pleinen in ut centrum relschuppers weare verwacht die behuure tot ut schoem van de aarde.

Ok de Zaerumse Zeitung heat natuurlijk un respondent veuroet gesteurd din alvast de daadwerkelikke beelden heat vergaard van ut onheil.

Ozze respondent is noodgedwonge onherkenbaar de stroat oaver gegoan. Belettering is inmiddels van ozze redactiebussen verwijderd.

19/01/2021

Gisteroavend waren we kort te huren bej Omroep Horst aan de Maas bej de mannen van Radio Naodôrs. Dit is terug te luusteren in de video hej onder.
De Hôrster Courant, heat de lokale umroop hun keuze al gemakt wat betreft veurnaamste bron van os gemente?
De mannen van Radio Naodôrs zien elke mandig oavend te huren van 19:00 tot 21:00 op Omroep Horst aan de Maas.

18/01/2021

GRAPPERHAUS VEURZUUT PROBLEMEN BEJ HANDHAVEN OAVENDKLOK IN ZAERUM.

Zaerum 18-01-2021

In tieje det ut OMT vergaderd oaver ut invoeren van un oavendklok in gehiel ut land, wurd door minister Grapperhaus un probleem gezeen umtrend de handhaving. Met name in het pittoreske Zaerum is de handhaving nog gen peace of cake, aldus de ‘sjoemel-minister’ zelf.

Ut OMT presenteerde al ier un aantal mogelijke oetzonderingen op de oavendklok. Ien van dees oetzonderingen is ut oetloate van bieste, zoelang ze aan te lienen zien. Aangezeen dr in Zaerum ut ganse joar door alien mar Aezels op stroat te vinge zien is ut has onmogelijk de oavendklok in Zaerum te handhaven. De randjes van de regels opzeuke is volgens minister Grapperhaus nit zoe moeilijk, die wearse Zaerumse hangen zich gewoen un halster um de nek en vertoene op deze manier kuddevorming.

In Hooors hangt ut invoeren van de oavendklok ok aan un zijde ‘drudje’. Ze hoape det Grapperhaus un oetzondering makt tussen 13 en 16 Februari aangezeen heej dan allien mar ‘Dreumels’ oaver stroat loepe. Of ut OMT dr goad aan dut dees minse tiedelijke vrijstelling op de regel te geave, wurd in Zaerum nog in twiefel getrokken. Det un Aezel vul ken dragen is al lang bekend, mar nit iederien ken zo veul verantwoordelijkheid verdragen.

16/12/2020

SPARTA’18 IN DEEP DAL DOOR BOETESLOETING IN KNVB BEKER.

Zaerum 16-12-2020

Op deze gitzwarte oavend veur het Nederlandse amateur voetbal wurdt un zwarte pagina aan het jongens book van de speulers van Sparta'18 1 toegevoegd.

Ondanks ut hoege niveau wat behald werd sloog ut bej de supporters (leas als elders van de speulers) in als un bom. Ut vlaggenschip van Sparta’18 waas zich al weake aan ut veurbereiden op ut welbefaamde eindtoernooi. De boetesloeting heat de financiele situatie van Sparta’18 aan ut wankelen gebrach. De nieje kunstgraasplak waas immers al ingezeijd en loog dr bej as un biljartlaken aldus veldmeister Thei Verheijen.

Algemein directeur Roy Hermans legt zich echter nit neer bej ut besloet van de KNVB um amateur clubs oet te sloete van deelname aan ut eindtoernooi. Hermans trekt de beslissing van de KNVB namelijk in twiefel: ‘Woar wurdt immers de grens getrokken tussen amateur en professioneel voetbal?’. As veurbield stelt Hermans de wedstrijd van twie joar terug teage VVV-Venlo. Woar deze toen met 7-0 verloare werd verwach Hermans door de wanprestaties van de Venlosche club de letste tied op zien minst un resultaat in ut veurdiel van de Zaerumse te behalen.

11/12/2020

ERSTE ZAERUMSE STOPLICHT GESPOT TER HOEGTE VAN CAFÉ BREURS.

Zaerum 11-12-2020

Op de markt in Zaerum is ter hoegte van Café Breurs un stoplicht geplatst. Ut stoplicht det bijna continu op storing stiet en doordoor roed licht gift bliekt un initiatief van kroegbaas Tom Willemsen zelf te zien.

De kroegbaas vond ut mar un trieste bedoening z’n oetgestorven centrum en al die rust rondum zien kroeg. Umdet d’r nog weinig positieve ontwikkelingen betreft versoepelingen te bespeuren zien, heat de kroegbaas ut heft in eigen hand genoame en ut stoplicht loate platsen.

Ut stoplicht is op afstand bedienbaar. Wannier Tom de minsen die stilstoan veur zien stoplicht wal wer zat beerpakketen heat aangesmeerd of lang zat gezeen of gesproake heat zet ie ut licht efkes op greun. Op deze manier zurgt Tom veur un aangename aafwisseling van minsen rondum de stamkroeg.

Veur alle minsen die vingen det ze te lang veur zien stoplicht motte wachten… Tom heat aan de redactie van de Zaerumse Zeitung belofd gen boetes oet te deilen aan minsen die door roed rieje. Dit zoelang de leazers van de Zaerumse Zeitung ok aaf en toe aan de Horeca denken door un bestelling te doan bej beveurbield: www.Breurs.tom

07/12/2020

JOARVERSLAAG CREASTAAL OETGELEKT OP ROTONDE DE DERPERSCHANS

Zaerum 07-12-2020

Ut joarverslaag van Creastaal is in handen gekomen van de redactie van de Zaerumse Zeitung. Deze kwaam de redactie toevallig teage midden op de rotonde aan de venloseweag. Ut schient det ut joarverslaag in Oktoeber 2020 in de vorm van un Zaerumse Aezel op de rotonde derperschans in Zaerum is geplatst. ut iezerwerk mot de nieuwe oegappel van ut derp waere.

Er goan ondertussen verschillende geruchten rond in Zaerum det Erik van der Hulst met ut maken van deze Aezel ter wearde van ut joarloen van un gemmidelde hard werkende Zaerumse mins un goj wil doan noa ut prinsenschap van 2021 van Dun Ezelskop.

Door ut platsen van deze roestvanger is helaas wal ut aandenken aan de 4 van Zaerum langs de kerk al snel in ut niks gevallen. Ok de geel zwart gekleurde miniatuur versie van ut bield geplatst door dn dreumel, kan genne enkele Zaerumse zich mier heugen.

Met zien blik altied gericht op ut mojje centrum van os derp zal de Aezel waken over os Zaerumse minsen. Verder zal dn Aezel eederien met zien doordringende oege de weag goan wiezen richting os bruisend centrum.

De komende joaren zal de Aezel zien functie vervullen tot det ie oeteindelijk door zien hoeven of bouten zakt.

06/12/2020

RUDY TEGELS NIEUWE VEURZITTER ZAERUMSE VACCINATIE

Zaerum 06-12-2020

In goad overleg met het RIVM, het OMT en hoesartsen praktijk de Brink heat Rudy Tegels un shortlist opgesteld met Zaerumse minsen die als erste in aanmerking motte komen veur un corona vaccin. Deze liest is gebaseerd op minse die nit gemist kunnen weren um de Zaerumse economie op gang te hoije of onder de risicogroep behuren.

Rudy Tegels haet zichzelf als "veurzitter" van het OMT aangewezen als "veurzitter" van testpersoenen en kriegt doadoor het erste Zaerumse vaccin. Hej door wurdt ie ok gelijk "veurzitter" veur de minse met un vaccin. Aldus de "veurzitter" zelf.

Volgens Rudy Tegels moosten de kroegbazen van Zaerum als erste gevaccineerd weren. In de praktijk bleek de realisatie wet anders oet te pakken. Paul haij het te druk met verbouwen Tom nit mier en Martijn bleek op welverdinde vakantie te zien.

Als 5e Facebook Ron vanwege zien leeftied woarmij ie ondertussen tot de risicogroep behuurd. En um de Zaerumse Facebook community un bietje in leven te hoaje.

De liest wurdt aangevuld met:
6e Seyfi- WTF motte we anders op vriedig en zoaterdig eate?
7e Ben Janssen- Toen de gevrogd werd veur un vaccin waas de reactie simpel weeg: uhm
8e Maarten Rijs- Wie mot anders Veldpaus zien tuinen aafmaken?
9e Sjaak van Rooij - Zonder Sjaak gin witte kerst.
10e Stijn Linders - Wat ken daeze man nit?

05/12/2020

LANCERING NIEUWSBRENGER ZAERUMSE ZEITUNG IN ZAERUM UN FEIT

Zaerum 05-12-2020

In Zaerum wurdt op deze zoaterig oavend de Zaerumse Zeitung gelanceerd. Op zeer regelmatige basis zal de Zaerumse Zeitung inwoeners van Zaerum en umstreken veurzeen van het letste nieuws in un satirisch jasje.

Door met mierderen redactie leden nauw betrokken te zien in de Zaerumse gemeinschap zal de Zaerumse Zeitung voortdurend op de hoegte zien van het letste nieuws.

Blief op de hoegte van al het op **feite** gebaseerde nieuws oet Zaerum door ozze Facebook en Instagram pagina te volgen.
https://www.facebook.com/ZaerumseZeitung
https://www.instagram.com/zaerumsezeitung/

Zaerumse Zeitung

16/11/2021

27/02/2021

13/02/2021

31/01/2021

26/01/2021

19/01/2021

18/01/2021

16/12/2020

11/12/2020

07/12/2020

06/12/2020

05/12/2020

Adres

Website

Meldingen

Snelkoppelingen

Delen

Type