Ask-Post tv

Ask-Post tv Kontaktinformasjon, kart og veibeskrivelse, kontaktskjema, åpningstider, tjenester, stjerner, bilder, videoer og kunngjøringer fra Ask-Post tv, TV-kanal, Ask.

យោងតាមការទម្លាយឱ្យដឹងពីលោក ផែង វណ្ណៈ ជនសង្ស័យទាំង ២រូបនោះ រួមមាន៖ ទី១ លោក ភុត ប៊ុនហម ត្រូវជាប្ដីរបស់ឈ្មោះ អ៉ឹម សុផាន់ណារ...
12/06/2026

យោងតាមការទម្លាយឱ្យដឹងពីលោក ផែង វណ្ណៈ ជនសង្ស័យទាំង ២រូបនោះ រួមមាន៖ ទី១ លោក ភុត ប៊ុនហម ត្រូវជាប្ដីរបស់ឈ្មោះ អ៉ឹម សុផាន់ណារ៉ា ដែលជាម្ចាស់ឃ្លាំងនៅសង្កាត់គោក រកា ខណ្ឌព្រែកព្នៅ។
និងទី២ លោក អ៊ុក សុក្របញ្ញារិទ្ធ ដែលជាមេការនៅឃ្លាំងចែញ៉ ស្ថិតក្នុងសង្កាត់ស្វាយប៉ាក ខណ្ឌឫស្សីកែវ។ នៅក្នុងប្រតិបត្តិការនេះ អាជ្ញាធររកឃើញសាច់បង្កក រួមមានជង្គង់មាន់ ស្លាបមាន់ គ្រឿងក្នុង និងជើងមាន់សរុបជាង ២០០តោន។
អ្វីដែលជាចំណុចក្តៅគគុក និងជាចំណាត់ការដ៏ម៉ឺងម៉ាត់បំផុតនោះ គឺសម្ដេចតេជោ ហ៊ុន សែន នឹងអញ្ជើញធ្វើការសាកសួរថៅកែទាំងពីរនាក់នេះដោយផ្ទាល់ ដើម្បីស្រាវជ្រាវស្វែងរកមន្ត្រីពាក់ព័ន្ធដែលនៅពីក្រោយខ្នង យកមកទទួលខុសត្រូវចំពោះមុខច្បាប់ ខណៈសមត្ថកិច្ចកំពុងបន្តយុទ្ធនាការតាមប្រម៉ាញ់ចា//ប់ខ្លួនបក្សពួកមួយចំនួនទៀតផងដែរ។

ថ្ងៃទី១០ ខែមិថុនា ឆ្នាំ២០២៦ ក្រុមការងាររដ្ឋបាលខណ្ឌសែនសុខ ចូលរួមជាមួយមន្ត្រីជំនាញពាក់ព័ន្ធ(កបប សាខាគយនិងរដ្ឋាករខណ្ឌសែនសុខ...
12/06/2026

ថ្ងៃទី១០ ខែមិថុនា ឆ្នាំ២០២៦ ក្រុមការងាររដ្ឋបាលខណ្ឌសែនសុខ ចូលរួមជាមួយមន្ត្រីជំនាញពាក់ព័ន្ធ(កបប សាខាគយនិងរដ្ឋាករខណ្ឌសែនសុខ ស្នងការដ្ឋាននគរបាលរាជធានីភ្នំពេញ) ចុះត្រួតពិនិត្យទីតាំងឃ្លាំងស្តុកទំនិញមួយកន្លែងរបស់ក្រុមហ៊ុន FWI ដែលទទួលស្តុកទំនិញផ្សេងៗ រួមទាំងសាច់បង្កកផងដែរ ដែលមានស្ថិតនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។
ក្រោយពីបានធ្វើការពិនិត្យផ្ទៀងផ្ទាត់ឯកសារ និងធ្វើតេស្តវិភាគរបស់អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង (កបប) និងសាខាគយរដ្ឋាករខណ្ឌសែនសុខ បញ្ជាក់ថា៖ ទំនិញប្រភេទសាច់បង្កក មានប្រតិវេទត៍គយ នាំចូលមកស្របច្បាប់ មានប្រភពមកពីប្រទេសចំនួន ០៩ រួមមាន៖ ចិន ប្រេសុីល សហរដ្ឋអាមេរិច ឥណ្ឌា ហ៊ូឡង់ តៃវ៉ាន់ អូស្ត្រាលី អេត្យូពី និងកម្ពុជា ពុំមានមុខទំនិញប្រភេទសាច់បង្កកនាំចូលពីប្រទសថៃឡើយ។

រដ្ឋបាលខណ្ឌប្ញស្សីកែវ ៖ នាល្ងាចថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២...
11/06/2026

រដ្ឋបាលខណ្ឌប្ញស្សីកែវ ៖ នាល្ងាចថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦នេះ

កម្លាំងចំរុះគណៈបញ្ជាការឯកភាពរដ្ឋបាលខណ្ឌឫស្សីកែវ ដឹកនាំដោយ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ ចុះត្រួតពិនិត្យឃ្លាំងស្តុកសាច់បង្កក រួមមានដូចជាប្រហិតសាច់ក្ដាម សាច់គោ សាច់បង្កង ជាដើម ដែលទីតាំងដ៏ធំខាងលើស្ថិតសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ក្រោយសង្ស័យថា សាច់បង្កកទាំងអស់ភាគច្រើន គឺនាំចូលពីមកពីប្រទេសថៃ។

សូមជម្រាបជូនថា៖ ឃ្លាំងខាងលើនេះត្រូវបានប្រើប្រាស់ជាកន្លែងស្តុកសាច់បង្កក ក្នុងបរិមាណច្រើនរហូតដល់រាប់សិបតោនក្នុងមួយថ្ងៃ ហើយបន្តចែកចាយទៅកាន់ទីផ្សារនានាក្នុងរាជធានីភ្នំពេញ និងបណ្តាខេត្ត។

ទោះជាយ៉ាងនេះក៏ដោយ មន្ត្រីជំនាញកំពុងត្រួតពិនិត្យ នឹងមិនទាន់មានការបញ្ជាក់ជាផ្លូវការនៅឡើយទេ ចំពោះលទ្ធផលយ៉ាងណាយើងខ្ញុំនឹងជម្រាបជូននាពេលក្រោយ។

ចុះឆែកឆេរឃ្លាំងចំនួនពីរកន្លែង សង្ស័យពាក់ព័ន្ធការនាំចូលសាច់បង្កក ជង្គង់មាន់ និងសាច់មាន់ក្លាសេ ពីថៃចូលកម្ពុជារាប់រយតោន ភ្...
11/06/2026

ចុះឆែកឆេរឃ្លាំងចំនួនពីរកន្លែង សង្ស័យពាក់ព័ន្ធការនាំចូលសាច់បង្កក ជង្គង់មាន់ និងសាច់មាន់ក្លាសេ ពីថៃចូលកម្ពុជារាប់រយតោន
ភ្នំពេញ៖ សមត្ថកិច្ចចម្រុះនៃស្នងការដ្ឋាននគរបាលរាជធានីភ្នំពេញ សហការជាមួយមន្ត្រីជំនាញពាក់ព័ន្ធ ក្រោមការដឹកនាំនីតិវិធីពីតំណាងអយ្យការអមសាលាដំបូងរាជធានីភ្នំពេញ នៅថ្ងៃទី១០ ខែមិថុនា ឆ្នាំ២០២៦ បានចុះឆែកឆេរឃ្លាំងដ៏ធំមួយ ស្ថិតតាមផ្លូវបេតុង ភូមិធ្លក សង្កាត់គោករកា ខណ្ឌព្រែកព្នៅ រាជធានីភ្នំពេញ។ក្នុងប្រតិបត្តិការនោះ សមត្ថកិច្ចបានរកឃើញសាច់បង្កកជាច្រើនប្រភេទ រួមមានជង្គង់មាន់ និងសាច់មាន់ក្លាសេ ដែលវេចខ្ចប់មានអក្សរថៃ។តាមប្រភពព័ត៌មានបានឲ្យដឹងថា ទីតាំងឃ្លាំងខាងលើត្រូវបានគេស្គាល់ថា ជាកម្មសិទ្ធិរបស់លោកស្រី អ៊ឹម សុផាណារ៉ា និងស្វាមី។
ដោយឡែក នៅរសៀលថ្ងៃដដែល សមត្ថកិច្ចចម្រុះក៏បានបន្តចុះប្រតិបត្តិការឆែកឆេរ និងត្រួតពិនិត្យឃ្លាំងមួយកន្លែងទៀត ស្ថិតនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ ឃ្លាំងនេះត្រូវបានគេសង្ស័យថា បានស្តុកសាច់បង្កករាប់រយតោន ដែលអាចនាំចូលពីប្រទេសថៃ។ យោងតាមព័ត៌មានបឋមពីក្រុមប្រតិបត្តិការ ឃ្លាំងខាងលើត្រូវបានប្រើប្រាស់ជាកន្លែងស្តុកសាច់បង្កកក្នុងបរិមាណច្រើន ។ សមត្ថកិច្ចសង្ស័យថា ទំនិញទាំងនេះត្រូវបាននាំចូលពីប្រទេសថៃ មុននឹងយកមករក្សាទុកក្នុងឃ្លាំងត្រជាក់ និងបន្តចែកចាយទៅកាន់ទីផ្សារនានាក្នុងរាជធានីភ្នំពេញ និងបណ្តាខេត្តមួយចំនួនទៀត។បច្ចុប្បន្ន សមត្ថកិច្ចជំនាញកំពុងបន្តនីតិវិធី និងស៊ើបអង្កេតយ៉ាងយកចិត្តទុកដាក់ ដើម្បីកំណត់ប្រភពនៃទំនិញ ក៏ដូចជាអ្នកពាក់ព័ន្ធទាំងអស់ យកមកអនុវត្តតាមផ្លូវច្បាប់ដោយគ្មានការលើកលែង។
សូមរំលឹកថា ថ្មីៗ នេះ សម្តេចតេជោ ហ៊ុន សែន បានព្រមានថា អាជ្ញាធរត្រូវចាត់វិធានការតឹងរ៉ឹងចំពោះបុគ្គល ឬមន្ត្រីណាដែលលួចនាំចូលទំនិញខុសច្បាប់ពីប្រទេសថៃចូលមកកម្ពុជា ដោយអាចឈានដល់ការដកហូតទ្រព្យសម្បត្តិ និងអនុវត្តវិធានការផ្លូវច្បាប់យ៉ាងម៉ឺងម៉ាត់។ សម្តេចក៏បានបញ្ជាក់ថា អ្នកពាក់ព័ន្ធដែលប្រព្រឹត្តខុសត្រូវតែទទួលខុសត្រូវចំពោះមុខច្បាប់ ដោយគ្មានការលើកលែង។

អធិការដ្ឋាននគរបាខណ្ឌចំការមនដោយអនុវត្តតាមបទបញ្ជាដឹកនាំដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និ...
31/05/2026

អធិការដ្ឋាននគរបាខណ្ឌចំការមន
ដោយអនុវត្តតាមបទបញ្ជាដឹកនាំដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។
និងមានការអនុញ្ញាតផ្ទាល់ពី លោកវរសេនីយ៍ទោ ហួរ ម៉េងហួន អធិការនគរបាលខណ្ឌចំការមន។
នៅថ្ងៃទី៣១ ខែឧសភា ឆ្នាំ២០២៦ លោកវរសេនីយ៍ទោ លី យូម៉េង អធិការរងទទួលផែនការងារអន្តោប្រវេសន៍ បានដឹកនាំកម្លាំងផ្នែកជំនាញ និងប៉ុស្តិ៍នគរបាលរដ្ឋបាលទន្លេបាសាក់ សហការជាមួយកម្លាំងគណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាលនៃគណៈអភិបាលខណ្ឌចំការមន និងកម្លាំងមូលដ្ឋានកងរាជអាវុធហត្ថខណ្ឌ។
ប្រតិបត្តិការនេះ ក៏មានការសម្របសម្រួលនីតិវិធីច្បាប់ពី លោក ញ៉ាន បូរី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងដែរ។
កម្លាំងចម្រុះបានចុះត្រួតពិនិត្យរដ្ឋបាលចំនួន ០១ទីតាំង ដែលជាលទ្ធផលដូចខាងក្រោម៖
+ទីតាំងត្រួតពិនិត្យ៖ សណ្ឋាគារ «ស៊ឹងម័រលិស៊ឺ» អគារលេខ១២៨ ផ្លូវសុធារស ភូមិ១ សង្កាត់ទន្លេបាសាក់ ខណ្ឌចំការមន (អគារកម្ពស់ ០៥ជាន់ ស្មើនឹង ៥៥បន្ទប់)។
+លទ្ធផលនៃការពិនិត្យមនុស្ស៖ រកឃើញមានជនបរទេសស្នាក់នៅចំនួន ១២នាក់ (ស្រី០០នាក់) មាន០១សញ្ជាតិ (ចិន) ដោយអ្នកទាំងអស់មានលិខិតឆ្លងដែន និងទិដ្ឋាការស្នាក់នៅត្រឹមត្រូវ។
+លទ្ធផលនៃការពិនិត្យវត្ថុតាង៖ ក្រុមការងារពុំបានរកឃើញសម្ភារ ឬឧបករណ៍ណាមួយ ដែលសង្ស័យថាពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) ឡើយ៕

ទីតាំងលក់ សម្ភារៈអាសអាភាសចំនួន ០៣កន្លែង ត្រូវបានអាវុធហត្ថរាជធានីភ្នំពេញ បើកការបង្ក្រាប បន្តបន្ទាប់គ្នាត្រឹមតែ១ថ្ងៃ!ជនណា ...
31/05/2026

ទីតាំងលក់ សម្ភារៈអាសអាភាសចំនួន ០៣កន្លែង ត្រូវបានអាវុធហត្ថរាជធានីភ្នំពេញ បើកការបង្ក្រាប បន្តបន្ទាប់គ្នាត្រឹមតែ១ថ្ងៃ!

ជនណា ចែកចាយ លក់ ជួល ដាក់តាំង បញ្ចាំង ឬ បង្ហាញ នៅទីសាធារណៈ នូវរូបភាពនិងសម្ភារៈអាសអាភាស ឬ កាន់កាប់ ដឹកជញ្ជូន នាំចូល នាំចេញ ផលិត រូបភាពនិងសម្ភារៈអាសអាភាស ដើម្បី ចែកចាយ លក់ ជួល ដាក់តាំង បញ្ចាំង ឬ បង្ហាញ នៅទីសាធារណៈ គឺត្រូវប្រឈមមុខនឹងការផ្តន្ទាទោស ដាក់ពន្ធនាគារ ដែលមានចែងក្នុង ច្បាប់ស្តីពីការបង្ក្រាបអំពើជួញដូរមនុស្សនិងអំពើធ្វើអាជីវកម្មផ្លូវភេទ។

ក្រោមការដឹកនាំរបស់ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងដោយមានការសម្របសម្រួលពីលោក ស៊ិន រក្សា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ នៅថ្ងៃទី២៩ ខែឧសភា ឆ្នាំ២០២៦ កម្លាំងជំនាញការិយាល័យប្រឆាំងការជួញដូរមនុស្ស កងរាជអាវុធហត្ថរាជធានីភ្នំពេញ បានបើកការបង្ក្រាបទីតាំងលក់ សម្ភារៈអាសអាភាស ចំនួន០៣កន្លែង ជាបន្តបន្ទាប់ នៅក្នុងខណ្ឌបឹងកេងកង ខណ្ឌសែនសុខ និងខណ្ឌទួលគោក ព្រមទាំងឃាត់ខ្លួនជនសង្ស័យប្រុសស្រីសរុបចំនួន ០៩នាក់ (ជនជាតិចិន ០១នាក់ ខ្មែរ ៨នាក់) និងដកហូតសម្ភារៈអាសអាភាស ជាច្រើន មានដូចជា អាវៈយុវៈភេទស្ត្រីសិប្បនិម្មិត, លឹង្គសិប្បនិម្មិតអេឡិចត្រូនិច, លិង្គសិប្បនិម្មិតជ័រ, ស្ករគ្រាប់ជំនួយអារម្មណ៍ផ្លូវភេទ និង ថ្នាំ,ប្រេង ចម្រុះ សង្ស័យជាសារធាតុជំនួយនិងធ្វើឲ្យរំជួលដល់ចំណង់ផ្លូវភេទផងដែរ។

ជនសង្ស័យទាំង ០៩នាក់ ត្រូវបានកម្លាំងជំនាញការិយាល័យប្រឆាំងការជួញដូរមនុស្ស នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

អភិបាលខេត្តកំពង់ចាម ណែនាំឱ្យអាជ្ញាធរមូលដ្ឋាន និងមន្ទីរជំនាញ រៀបចំចងក្រង និងអភិរក្សទីទួលបាសាន ទៅជាតំបន់រមនីយដ្ឋានទេសចរសហគ...
31/05/2026

អភិបាលខេត្តកំពង់ចាម ណែនាំឱ្យអាជ្ញាធរមូលដ្ឋាន និងមន្ទីរជំនាញ រៀបចំចងក្រង និងអភិរក្សទីទួលបាសាន ទៅជាតំបន់រមនីយដ្ឋានទេសចរសហគមន៍

(កំពង់ចាម) ដើម្បីពង្រីកវិស័យទេសចរណ៍នៅក្នុងខេត្តកំពង់ចាម ប្រកបដោយសក្ដានុពល អភិបាលខេត្តកំពង់ចាម ឯកឧត្តម អ៊ុន ចាន់ដា បានណែនាំឱ្យអាជ្ញាធរមូលដ្ឋានឃុំ ស្រុក ស្រីសន្ធរ ធ្វើការសហការជាមួយមន្ទីរ វប្បធម៌ និងវិចិត្រសិល្បៈ និងមន្ទីរទេសចរណ៍ ដើម្បីរៀបចំចងក្រង និងអភិរក្សទីទួលបាសាន ទៅជាតំបន់រមនីយដ្ឋានទេសចរសហគមន៍។ ឯកឧត្តម ថ្លែងបែបនេះ ក្នុងដំណើរ អញ្ជើញដឹកនាំក្រុមការងារ ចុះត្រួតពិនិត្យស្ថានភាព តំបន់ទីទួលបាសាន នាព្រឹកថ្ងៃទី៣០ ខែឧសភា ឆ្នាំ២០២៦។

គួររំលឹកថា ក្រោមការយកចិត្តទុកដាក់ខ្ពស់ពីឯកឧត្តម អ៊ុន ចាន់ដា អភិបាលខេត្តកំពង់ចាម នៅអំឡុងឆ្នាំ ២០១៩ គណៈដែលឯកឧត្តម ទើបតែអញ្ជើញមកកាន់តួនាទី ជាអភិបាលខេត្តថ្មីថ្មោង ឯកឧត្តម ធ្លាប់បានដឹកនាំក្រុមការងារ អញ្ជើញចុះពិនិត្យទីតាំងនេះដោយផ្ទាល់ និងបានចាត់ឲ្យមន្ទីរវប្បធម៌និងវិចិត្រសិល្បៈ មន្ទីរទេសចរណ៍ សហការជាមួយអាជ្ញាធរមូលដ្ឋាន ធ្វើការអភិរក្សតំបន់ប្រវត្តិសាស្ត្រនេះឡើងវិញ ប៉ុន្តែមិនទាន់មានគម្រោងពង្រីកឲ្យក្លាយទីជាតំបន់ រមនីយដ្ឋានទេសចរណ៍បែបសហគមន៍នៅឡើយ។

ទីទួលបាសាន (ប្រាសាទទួលព្រះធាតុ) គឺជាទីតាំងប្រវត្តិសាស្ត្រសំខាន់មួយ ស្ថិតនៅឃុំបារាយណ៍ ស្រុកស្រីសន្ធរ ខេត្តកំពង់ចាម។ តាមឯកសារប្រវត្តិសាស្ត្រ និងប្រភពស្រាវជ្រាវមួយចំនួន បានបញ្ជាក់ថា ទួលបាសានធ្លាប់ជារាជធានីរបស់ខ្មែរក្នុងសម័យក្រោយអង្គរ (ចុងសតវត្សទី១៤ ដើមសតវត្សទី១៥) មុនពេលរាជធានីផ្លាស់ទៅចតុម្មុខ (រាជធានីភ្នំពេញសព្វថ្ងៃ)។

នៅតំបន់នេះ មានសំណល់ប្រាសាទបុរាណមួយដែលប្រជាពលរដ្ឋហៅថា ប្រាសាទទួលព្រះធាតុ ឬ ទួលបាសាន។ បច្ចុប្បន្ន នៅទីនោះមានវត្ត និងសំណង់ពុទ្ធសាសនាស្ថិតនៅលើទីទួលបុរាណ ដែលជាសញ្ញាបង្ហាញថាទីតាំងនេះធ្លាប់ជាមជ្ឈមណ្ឌលសាសនា និងនយោបាយដ៏សំខាន់មួយ។

ចំណុចគួរឱ្យចាប់អារម្មណ៍៖ ជាទីតាំងរាជធានីបុរាណក្រោយការចាកចេញពីអង្គរ បច្ចុប្បន្នមានសំណល់ប្រាសាទ និងទួលបុរាណជាច្រើន។ ទីទួលបាសាន ជាអតីតរាជធានីនៃអាណាចក្រខ្មែរ ដែលបានកសាងឡេីងដោយព្រះបាទពញាយ៉ាត នៅអំឡុងសតវត្សទី១៥ បន្ទាបពីព្រះអង្គបានបណ្តេញទ័ពសៀមឈ្លានពានចេញពីរាជធានីអង្គរ បន្ទាប់មកព្រះបាទពញាយ៉ាត បានលេីករាជធានីពីអង្គរវត្ត មកតាំងទីនៅទូលបាសាន ដេីម្បីងាយស្រួលក្នុងការគ្រប់គ្រប់ដែនដីនៃអាណាចក្រខ្មែរនាសម័យនោះ៕

23/05/2026

វីដេអូកាមេរ៉ាសុវត្ថិភាព 📷 ក្នុងហេតុការណ៍ករណីគ្រោះថ្នាក់ចរាចរណ៍ដ៏រន្ធត់រវាងរថយន្តកុងតឺន័រនិងរថយន្តដឹកកម្មកររោងចក្រ ស្ថិតនៅតាមបណ្ដោយផ្លូវជាតិលេខ៥ មុខសាលាបឋមសិក្សាសាលាលេខ ៥ ស្រុកកំពង់ត្រឡាច ខេត្តកំពង់ឆ្នាំង។

23/05/2026

#មានករណីគ្រោះថ្នាក់ចរាចរណ៍ដ៏រន្ធត់ទាំងព្រលឹម.....

ហេតុការមួយនេះបានកេីតឡេីងរវាងរថយន្តដឹកកម្មករកម្មការិនី ជាមួយនឹងរថយន្តការ៉េ៥តោន បណ្តាលឱ្យមានអ្នកស្លា/ប់នឹងអ្នករបួ/សជាច្រេីននាក់ផងដែរ ។

នាវេលាព្រឹកថ្ងៃសៅរ៍ទី២៣ ខែឧសភា ឆ្នាំ២០២៦ ដែលស្ថិតនៅភូមិសាលាលេខ៥ ស្រុកកំពង់ត្រឡាច ខេត្តកំពង់ឆ្នាំង ។

ឃាត់ខ្លួន ប្រពន្ធជនដៃដល់ ក្នុងករណីចាប់ជំរិតក្មេងស្រី នៅខេត្តកណ្តាល រកឃើញភស្ដុតាងមានជាប់ពាក់ព័ន្ធពីបទ «សមគំនិត»ខេត្តកណ្តា...
15/05/2026

ឃាត់ខ្លួន ប្រពន្ធជនដៃដល់ ក្នុងករណីចាប់ជំរិតក្មេងស្រី នៅខេត្តកណ្តាល រកឃើញភស្ដុតាងមានជាប់ពាក់ព័ន្ធពីបទ «សមគំនិត»

ខេត្តកណ្តាល៖ នៅថ្ងៃទី ១៥ ខែឧសភា ឆ្នាំ ២០២៦ នេះ តាមរយៈលោក សូ សារិន អ្នកនាំពាក្យសាលាដំបូងខេត្តកណ្ដាល បានប្រាប់សារព័ត៌មានក្នុងស្រុកឱ្យបានដឹងថា ចៅក្រមស៊ើបសួរសាលាដំបូងខេត្តកណ្ដាល លោកស្រី ហុង ទិត្យមល្លិកា សម្រេចឃុំខ្លួនជនដៃដល់ដែលចា..ប់ជំ..រិត និង សម្លាប់ប់ក្មេងស្រីអាយុ ៥ ឆ្នាំ និង ប្រពន្ធដែលសមគំនិតដាក់ពន្ធនាគារ ក្រោមបទចោទ «សមគំនិតក្នុងអំពើឃុំឃាំង និង បង្ខាំងដោយខុសច្បាប់មានស្ថានទម្ងន់ទោស, ឃាតកម្ម
មានស្ថានទម្ងន់ទោសទាក់ទងនឹងអាយុជនរងគ្រោះ» តាមបញ្ញត្តិមាត្រា២៩ មាត្រា២៥៤ និង មាត្រា២០២ នៃក្រមព្រហ្មទណ្ឌ។

តាមប្រភពបានឱ្យដឹងថា ជនជាប់ចោទមានឈ្មោះ គឹម វណ្ណា និង ភរិយាជាអ្នកសមគំនិតមានឈ្មោះ ធី ណារ៉ុង ដែលពួកគេបានធ្វើសកម្មភាពកាលនៅថ្ងៃទី ១០ ខែឧសភា ឆ្នាំ ២០២៦ ដោយចាប់ជំ..រិតស..ម្លា..ប់ក្មេងស្រីអាយុ ៥ ឆ្នាំ ដែលជាក្មួយ នៅភូមិកូនជ្រែ ឃុំព្រែកអំបិល ស្រុកស្អាង ខេត្តកណ្ដាល ក៏ព្រោះតែខឹងម្ដាយក្មេងស្រីរងគ្រោះមិនឱ្យខ្ចីលុយបន្ថែម ខណៈដែលធ្លាប់ខ្ចីលុយពីមុនៗមកបានរហូត។

ដោយឡែក ជនដៃដល់ឈ្មោះ គីម វណ្ណា អាយុ ៣៥ ឆ្នាំ មុខរបរមិនពិតប្រាកដ មានទីលំនៅភូមិកូនជ្រែ ឃុំព្រែកអំបិល ស្រុកស្អាង ខេត្តកណ្តាល (ត្រូវជាពូសាច់ថ្លៃ)។
ចៅក្រមស៊ើបសួរសាលាដំបូងខេត្តកណ្ដាលលោកស្រី ហុង ទិត្យមល្លិកា សម្រេចឃុំខ្លួនជនដៃដល់ដែលចាប់ជំរិត និងស..ម្លា..ប់ក្មេងស្រីអាយុ៥ឆ្នាំ ចំណែក ស្ត្រីជា ប្រពន្ធ ក៏ត្រូវបានឃាត់និងឃុំ ខ្លួនផងដែរ ពាក់ពន្ធ័ និងបទ សមគំនិតដាក់ពន្ធនាគារ។

នៅចំពោះមុខសមត្ថកិច្ចជនសង្យ័យឆ្លើយសារភាពថា ខ្លួនពិតជាបានធ្វើសកម្មភាពតែម្នាក់ឯង ចាប់ ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស (ចាប់ជំរិតបណ្តាលឲ្យជនរងគ្រោះស្លាប់) ពិតប្រាកដមែន។ មូលហេតុ ជនសង្ស័យឆ្លើយថា ដោយសារម្តាយជនរងគ្រោះមើលងាយក្រុមគ្រួសារខ្លួន និងខ្ចីលុយពីម្តាយជនរងគ្រោះមិនបាន។

Adresse

Ask

Nettsted

Varslinger

Vær den første som vet og la oss sende deg en e-post når Ask-Post tv legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Ask-Post tv:

Snarveier

Del

Type