19/04/2026
I dag er det Aukranytt sin tur å bli presentert i lokalavis-stafetten til Landslaget for lokalaviser - LLA .
Samanslutninga markerer komande veke 50. årsjubileum på den årvisse samlinga for lokalavisfolk frå heile Noreg.
Det blir stadig etablert nye lokalaviser i Norge; éi av dei er Aukranytt, som Tvisyn Media drog i gang for eit par år sidan. Aukranytt har nettavisa som hovudprodukt. I tillegg gir avisa ut eit månadsmagasin på papir.
– Det beste med å jobbe i Aukranytt er mottakinga avisa har fått, og alle dei interessante menneska og sakene ein møter. Folk er flinke til å tipse oss, seier redaktør Tor Arne Aasen. Han er einaste faste tilsette, men har med seg tre frilansarar.
Bli med oss vidare på kryss og tvers av lokalavislandet, som altså blir større og større, år for år:
